رواية دكتوره رفيف كامله جميع الفصول بقلم جمانه السعيدي
نشكر الدكتوره لان شاركتنا قصته
اني دكتوره رفيف( الاسم حقيقي )
تخرجت سنة ٢٠١٥ اني شكلي كلش حلو ومميز
بيضه وعيوني كبار ابتسامتي حلوه
شعري متموج لونه تمري
المميز بيه عدد الشامات الي بوجهي ميزه شكلي
ووحده على خدي الايمن
ووحده فوك الشفه ووحده بحنجي ووحده تحت عيني بلجه اليسرا أعلى الخذ
من كنت زغيره كنت اكرهن ودائما افكر شلون اتخلص منهن
بس من كبرت حسيت نفسي حيل مميزه
والشامات زايداتني جمال
اني ازغر وحده بعائلتنا
ابوي دكتور جامعي وامي استاذه باحدا كليات بغداد
ادرس علم نفس
واخوي الجبير صميم مهندس معماري
واختي شيلاء دكتوره نسائيه
واني دكتورة باطنيه
عائلتنا عائله مثقفه وكلمن يعرف حدوده
اني اهلي منطيني منتهى الحريه
بس مو يعني اجاوز او اتخطى حدودي
صميم مزوج بنيه مهندسه ويسكن بيت بصف ببتنا
وشيلاء مخطوبه خطيبه دكتور جامعي
منتضره بيته يخلص وتتزوج
اما اني هواي فرص للحب والتعارف انعرضت عليه
بلكليه بس ماقبلت
لان شعاري التخرج والشهادة وبعدين الحب والزواج
على فكره اني طلعت من إلاوائل على دفعتي
المهم سنة ٢٠١٧ اتعينت بإحدى اكبر المستشفيات بغداد
كنت فرحانه بشكل مو طبيعي
بعد ١٨ سنه دراسه وسنتين انتضر التعيين تحقق حلمي
وصرت دكتوره متعينه والي مكانتي بلمستشفى
جمانه السعيدي
اني الصراحه مااختلط بسرعه
يعني انطي النفسي مجال افهم المقابل وادرسه وبعدين يله اتعمق بلعلاقه
لهذا السبب ماكان الكادر الطبي حيل يقربون عليه
يعني مو منعزله اختلط بس مو راسا اختلط
انطي مجال افهم المقابل يله
هذا الشي علمتني علي امي الإنسان ماتكدر تحكم علي من اول مره تحتاج وقت حتى تتعرف على شخصيته الحقيقه
هذا السبب الي كان يخلني مااختلط بلناس راسا
من اول يوم داومت كان اكو دكتور عينه عليه
يعني حسيته مركز وياي بشكل مو طبيعي يحاول يخلق مواضيع حتى يحجي وياي
بس اني مااريد اختلط بسرعه
وهم الثكل حلو للبنيه لان الصراحه شفت شغلات ماعجبتني شغلات مااكدر اذكرها
ماعلينا بلناس اكيد بكل مكان اكو ناس زينه وناس مو زينه
المهم دكتور اسامه دكتور أطفال
كان يحاول ياخذ ويعطي وياي بلكلام
طبعا اني كنت مميزه با طلالتي وشكلي واناقتي
كنت فعلا مميزه ولا غلطه
حلوه وثكيله وانيقه ولبقه وهذا مو كلامي كلام كل الي
يتعرف عليه
اكو حتى دكاتره متزوجين يحاولون يتحرشون بيه
حتى الممرضات كان يسمني الصاروخ
اول مرحله كانت تبادل نضرات بيني وبين دكتور اسامه
وكلام بسيط مايتعدا السلام
بعدين كمت اوصل الكا منتضرني هو غرفته كبال غرفتي
اول مااصعد الدرج الكا واكف على نهاية الدرج ينتظرني
رغم الصاله تكون مزدحم بلمراجعات
والاطفال الي بس صوت البجي يطلع منهم
بس هو يعوفهم كلهم وينتضرني بداية الدرج
اول مايشوفني يبتسم
اسامه...صباح الخير
رفيف...صباح الخير
بلبداية كان بس سلام بحيث اني تعودت من اصعد الدرج اشوفه كدامي ومبتسم ابتسامه كله سعاده
يعني احس عيونه تبتسم وكل تفاصيل وجه فرحانه
من اوصل
دكتور اسامه طويل اسمر شكله حلو بس تحس ملامحه جنوبيه حاده
حتى تصرفاته ومشيته مشيت واحد فلاح وابن فلاح
كان يختلف عن باقي الدكاتره
الي كلهم نعومه وتحسهم مايختلفون هواي عن تصرفات البنات
يوميه ينتظرني حتى يصبح عليه
هذا كان اول تعود على وجوده بحياتي
بيوم عطلت سيارة بابا
بابا يوصلني للدوام اني بعدني مايشتريه سياره
اضطريت انزل وااجر تكسي وتأخرت بلازدحام
ووصلت شويه متأخره تقريبا نص ساعه
صعدت كانت الصاله الفوك حيل مزدحم بلمراجاعات والمراجعين وصوت عياط الاطفال واصل ليجوه
جمانه السعيدي
صعدت وكان واكف بنفس مكانه ابتسم
اسامه...صباح الخير
رفيف...صباح الخير
اسامه...اتاخرتي قلقت عليج
رفيف...لكيت نفسي اجاوبه بدون اي تردد مو سيارة بابا عطلت بعدين انتبهت النفسي اني ليش اجاوبه هو شنو علاقته بلموضوع
سكتت واستمريت باتجاه غرفتي
هو حس على نفسه
اسامه... قلقت عليج وحبيت اطمن مو عوايدج تتاخرين
التفتت علي وجاوبته
رفيف...شكرا ودخلت غرفتي
هذا الوضع استمر اكثر من شهر ينتظرني الصبح يسلم عليه وباقي النهار بس يصادفني باي مكان تبقى عينه عليه
مرات يحاول يلكه حجه يحجي وياي
باي موضوع بس اني اجاوب على كد السوال يعني مااخذ وانطي وياا بلكلام
اكو بنيه ممرضه هاي تشتغل وياي بغرفتي واذا احتاج شي
ماتقصر واذا خدرت جاي اجيبلي
اسمه سلوى
سلوى...دكتوره اني اريد احجي وياج بشي
رفيف....بلبدايه شوفي اكو مراجعين برا لو لا
سلوى...بقه بس هذا الي حولتي للسونار وبعدا ماراجع
رفيف...كولي اسمعج
سلوى....كل المستشفى يعرفون دكتور اسامه خال عينه عليج
رفيف....اي وبعدين
سلوى...وهو مايترك مكان مايكعد يتغزل بيج ويحجي بيج شعر حب وغزل
رفيف...وبعدين
سلوى...بس حبيت اكلج اسامه اهله بمنطقه ريفيه واهله من نوع المتشددين
أصحاب اراضي واملاك يعني افكاره كله ريفيه مو متحضر صح هو خوش انسان بس مو مطور مثل باقي الدكاتره
رفيف...اي وبعدين
سلوى....اتصوري هو ساكن بلمجمع الطبي مال المستشفى
ومايقبل يجيب خدامه
هو ينضف ويغسل ملابسه ويطبخ بايده
عكس كل الدكاتره اكو خدامه تجي تنضف وتطبخ
رفيف....اسمعي سلوى اني ماكتلج احجيلي قصة حياته
واني اسامه مايعنيلي شي
اذا كان يخدم نفسه فهذا شي مايعيبه ابد
عادي انسان يحب يخدم نفسه بنفسه
واني رايحه اوكفه عد حدا لان مااسمح الاي احد يحجي عليه
طلعت من غرفتي واني عصبيه دخلت غرفته كان اكو مراجعه واكفه يمه يفحص طفل شايلته
كتفت اديه وخنزرت علي وبقيت واكفه
راسا كتب العلاج للمراجعه
وقبل لا تطلع من الغرفه وكف على حيله وكال اهلا وسهلا
يامرحبا زارتنا البركه
تفضلي ليش واكفه
جمانه السعيدي
رفيف....ممكن افتهم حضرتك ليش تحجي عليه
اسامه...استغربت من ردت فعله واني متأكد ماحاجي عليه ابد
اتفضلي وخل اطلبلج شي تشربي واحجيلي اني شنو الي بدر مني ازعجج
رفيف.. هنا كلمتين ومراح ازود عليهن ممنوع تحجي عليه
ولا اجيبي طاري باي مكان فهمت لو لا ترا اشتكي عليك
بنقابة الأطباء
عفته وطلعت الغرفتي
شويه اجا وراي
اسامه....ممكن اعرف اني شحجيت عنج لان مااذكر اني
غلطان بحقج بلعكس اني معجب بيج وبااخلاقج
رفيف....انت جاي تحجي عني كلام مو لائق كدام الكادر الطبي وكل الكلام الي جاي تحجي يوصلني
أسامه... مثل شنووو
رفيف...شوف انت شجاي تحجي راجع ذاكرتك وانت تعرف
وبعد مااريد هذا الشي ينعاد مره ثانيه
اسامه...اذا تعتبرين كلام الغزل والإعجاب اسائه اللج
اني اسف وبعد مااعيد هذا الشي مره ثانيه
بس اني فعلا معجب بيج
اكو شي شدني الج من اول مره شفتج بيه
حسيتج مميزه وتختلفين عن باقي البنات
على فكره اني من الريف وافكاري كله عشائريه
يعني بعدني متمسك بالأفكار القديمه
حسيتج انسانه محترمه وكل تصرفاتج عاجبتني وهذا الشي هو الي شدني اللج
وخلاني اتعلق بيج
رفيف...لمن انت عشائري وافكارك قديمه اكيد عدكم عيب واحد يحجي على انسانه ويشهر بيه
اسامه....بهاي عندج حق اني اسف بس من كد مااحبج
ماكدرت اسيطر على حبي
لكيت نفسي امشي واحجي بيج كدام الكل
حتى يعرفون اني متعلق بيج خاف واحد يخلي عينه عليج
اسف واعتذر إذا كنت سببتلج اي احراج
رفيف...عافني وطلع وهو ضايج واني ضايجه اكثر منه
لان يمكن اني كبرت الموضوع
بس كان لازم اوكفه عد حدا
موضوع سمعتي مو لعبه ابد
