رواية زواج إجباري عشق السيد كامله جميع الفصول بقلم جمانه السعيدي
اني تعرفت على صاحبت القصه قبل سنتين وأثناء حديثي وياها حبيته بعد فتره من هذا التعارف عرفت قصته وعرضت عليه اكتب قصته وانشرها ووافقت
وهي عضوه ويانه بهذا الكروب
القصه كلش حلوه نرجو لكم متابعه حلوه
اني اماني مواليد ٨٠
طولي ١٦٥
بيضه وجسمي مليان وشعري يخبل من كد ماا امي تخليلي حنه شعري كلش حلوه لونه احمر ويلمع وسرح
احلى شي بياضي وشعري جسمي كلش حلوه
كله انوثه
ملامحي جدا عاديه عيوني وسط وجهي دائري
خشمي حلو صاحبت شفافيف حلوه
ابتسامتي مميزه
بس الي يشوفني ؤحس اني حلوووه هلكد مابيضه
احنا عائله متكونه من ثنيين ولد وثنيين بنات
الولد هم الكبار وبعدين اختى لمى واخر العنقود اني
اول مافتحت عيني على الدنيا كنا عايشين بيت جدي
بمنطقه شعبيه
بيت جدي بي ابوي وامي واحنا اربعه
وبيت عمي حسن وزوجته وعندا ٣ ولد
وبيت عمي قاسم وزوجته وعندا اربع بنات
البيت طول النهار عباره عن هوسه وناس داخله وناس طالعه
وجهال ومشاكل
جدي مايقبل ولدا يطلعون كل واحد بيت
رغم هو يشوف المشاكل طول النهار
بس ماكو بقانون العائله واحد يطلع
جدي يكول كلكم تبقون يمي وتحت عيني انتم وجهالكم منا لمن اموت
قرارات جدي ممنوع واحد يناقشه ابد
حتى الاكل كلنا ناكل سووو
تخيلوا نخبز مرتين بليوم مره امي ومره زوجة عمي حسن
لان مايكفينا الخبز وماكو مخابز هواي قبل
والنسوان الي تشتري خبز مخبز يكولون عليه خارمه وعوبه
وحتلو قررو يشترون شكد يله يكفينا خبز
بعدين الجناين شنو شغلهن اكيد يطبخن ويخبزن
جمانه السعيدي
امي وزوجة عمي حسن وحده مااطيق الثانيه
عرك طول النهار ووحده تحجي على الثانيه
ووحده تدعي على الثانيه
واذا تعاركنا احنا وياهم اقصد الجهال بينهم
هاي الي رب العالمين كتبه
يخلص النهار كله عرك
مرات يتكافشن من الشعر ووحده تكتل الثانيه
واحنا الجهال نهجم عليهم
رغم كل هاي المعارك الي ماتخلص كل يوم تنعاد
وجدي مايقبل نطلع وحدنا بيت
يكول نسوان متعافيه كلشي موفريلهن ويتعاركن
ابوي عسكري وعمي حسن عسكري
اما عمي قاسم مادخل عسكريه بسبب عيب خلقي
رجله عوجه يعني يمشي يعرج
زوجة عمي قاسم
هاي كلمه اجيبه وكلمه ترجعه فطيره وبسرعه تتقشمر
وزوجة عمي حسن مستغله الموقف
دووم تشحنه على امي
موحياة مشاكل ماتخلص
قبل النسوان مو مثل هسه بس يحاجونه حجابه تزعل
اذكر امي بابا دووم يضربه
تبجي شويه وتشد راسه وتنام
وثاني يوم تحجي ويااا عبالك ماصاير شي
امي هم وكيحه والسانه ماينجرع
جمانه السعيدي
اخواني جاسم وحازم
اخوي الجبير جاسم عصبي بشكل ومايتفاهم ابد ايدا والضرب
ودومه فارض سيطرته علينا حتى بوجود ابوي
والصراحه بابا كان يشجعه
يكول هو رجال البيت من بعدي
اماحازم شويه اهدء منه
اني مشكلتي بدت من عمر ١٤ سنه من بدت ملامح جسمي تبرز وبديت احس نفسي صرت جبيره
عمو حسن عندا ٣ ولد احمد واسعد وامجد
اني راح احجي عن احمد
من هو زغير حلو وهادء اني ويااا نفس المواليد هو أكبر مني بخمس اشهر
بدا ينضرلي نضرات اعجاب
كنت بفترة المراهقه واحنا ساكنيين بنفس البيت
كان دائما كدامي
نضراته حلوه مااعرف شنو نوع المشاعر بوكته
لان جنت زغيره
مااعرف اعجاب لو اهتمام لان اشوفه عينه عليه
واذا احتاجه بشغله راسا يسويه
طريقه تعامله وياي حلوه ويعاملني معامله خاصه
رغم امي تمنعنا نحجي ويه بيت عمو حسن
واذا شافتنا نحجي سوا راسا تضربني
بيوم دخل اخوي جاسم وشافني احجي وياا احمد
ولله كلام بريئ
كلامنا كله كلام عادي لو على المدرسه لو تحضيرات الدروس لو شايف بايسكل وعاجبه ويحجيلي عنه
لو مشتري ملابس يخليني اشوفهن
هاي كانت المواضيع الي نحجي بيه
المهم جاسم دخل وشافنا نحجي سوووا لو تخبل عليه
موتني كتل وامي طبكت ويااا
جدي يله خلصني من ايدا
ماجنت اعرف ذنبي شنوووو
واحمد خوش ولد وما مئذيني ومودب وماعندا سوالف موزينه
بس هذا كله بسبب كره امي الام احمد
اني واحمد ندفع ذنب هاي المشاكل
