رواية المنتقبة و العاجز ( جميع فصول الرواية كاملة ) بقلم داليا منصور

في بيت باين عليه انه قديم كانت واقفة بنت جميلة جداً قدام بباها وهي بتقول بحزن: 

-أنت بتقول ايه يابابا عاوزني اتجوز بالسرعة دي.. 

حامد بص لبنته بشفقة وقال: 

- غصب عني يابنتي والله معروف عن سامر بيه مبيرحمش حد رغم عجزة بس ده مش بيرحم حد. 

ورد بحزن: 

- عاوزني اتجوز واحد معندهوش قلب زي ده وكل ده بسبب خوفك منه مفكرتش فيا يا بابا هعمل ايه معاه وكمان أنا منتقبة شافي إزاي اصلا او قرر يتجوزني أمتا. 

حامد: 

- مش عارفه والله يابنتي كل اللي اعرفه انه جالي مكتبي في شركته وهددني لو مجوزتكيش ليه مش هيسكت وانا يابنتي مش حمل اخسرك من بعد مخسرت امك فوافقت علشان سلامتك. 

الدمعة نزلت من عيونها كأنها جمر وقلبها كان محروق وردت على ابوها بحزن وهي بتقول: 

- خلاص يابابا انا موافقة.. 

حامد بحزن: 

- سامحيني يابنتي بس قررت اجوزهولك بدل ميأذيكي. 

ورد بحزن هي كمان بس كانت بتهون على ابوها: 

- مش زعلانة يابابا ده مش ذنبك وكمان أنا ليا رب أسمه كريم هيقف جنبي وأكيد طلاما اللي اسمه سامر ده هيتجوزني فده حكمة من ربنا ليا والحمد لله.. 

حامد بص على بنته وهو مهموم وبيقول: 

- ربنا يثبتك على حب وطاعة ربك ويكملك بعقلك يابنتي يارب.. 

ورد بحزن: 

- يا رب يابابا اسيبك ادخل اصلي العشا.. 

ورد دخلت اوضتها وحامد كلم سامر علشان يقوله قرار بنته.. 

في اوضت ورد كانت قاعدة على سجادة الصلاة وهي بتبكي بحرقة وتقول.. 

-« ربي إني قد مسني الضر وانت ارحم الراحمين.. لا إله إلا أنت سبحانك إني كنت من الظالمين»..

وبعدها قامت من على سجادة الصلاة وهي دموعها نازلة في تواصل مش بتقف ومشت اتجاه السرير علشان تنام وتنسى اللي بيحصل معاها. 

~~~~~~~~

تاني يوم كان المأذون قاعد جنب حامد وجنبهم راجل كبير و ورد كانت قاعدة جنب ابوها ولابسة فستان فرح وعلى وشها النقاب وكانت مصدومة ومحروق قلبها في نفس الوقت وبتقول في سرها. 

- ايه ده هو أنا يارب قبلت كل حاجة منك بس مش للدرجة دي ده باين عليه كبير قوي عني اعمل ايه بس يا رب... 

ونزلت دمعة من عيونها ونزلت وشها الأرض على جملة المأذون الشهيرة. 

- بارك لكما وبارك عليكما وجمع بينكما في خير، بالرفاء والبنين انشاء الله.. 

وقامت حضنت ابوها وهي بتبكي ومش قادرة تتكلم والأسالة عماله تدور في دماغها:

- إزاي ده يحصل أنا إزاي اكون في سن ٢٠ واتجوز راجل عنده ٥٠ سنة يا رب عفوك ورضاك.. 

حامد بحزن: 

- سمحيني يابنتي.. 

ونزل وشه في الأرض مكنش قادر يرفعا بس ورد رفعت راسه وقالت: 

- راسك دايما تفضل مرفوعة وانا بنتك وراضية بقضاء ربنا والحمد لله.. 

حامد حضنها جامد وهو بيبكي ويقول: 

- يشهد ربنا فعلاً اني فخور بيكي ربنا يراضي قلبك يابنت قلبي.. 

- تعالي ياورد بقى اتأخرنا خلينا نمشي. 

بصت ورد وراها بعد مخرجت من حضن ابوها شافت جوزها الكبير في العمر وهزت راسها بهدوء وسابت ايد ابوها وخرجت.. 

حامد وقع على الأرض من الحزن على بنته وقال: 

- يا رب أنا سيبتها بين اديك احفظها يارب وخليك جنبها.... 

~~~~~~

في العربية ورد كانت قاعدة وجنبها الراجل اللي خدها.. 

- ها ياورد مش عايزة تكلميني.. 

ورد بحزن هزت راسها بلاء. 

الراجل بهدوء: 

- وأنا مكنتش حابب اتكلم وبالذات بعد اللي هيحصل أنا مش عارف أقولك أيه بس ربنا يتولاكي برحمتة.. 

ورد اتصدمة من الكلمة وبصت للراجل بصدمة وقالت؟ 

-قصدك ايه بالكلمة دي هو مش حضرتك اللي اتجوزتني.. 

الراجل ضحك ضحكة بسيطة وقال: 

- اتجوزك إزاي بس يابنتي أنتي اصغر من أبني سامر. 

اتصدمت اكتر وقالت: 

- يعني أنت مش جوزي أمال مين جوزي وإزاي أنت جيت مكانه وهو محضرش كتب الكتاب وليه حطيت ايدك في ايد بابا على أساس أن حضرتك العريس.. 

ممدوح بتبرير: 

- اهدي بس كدا وانا افهمك كل حاجة بصي يابنتي أنا ابو سامر ممدوح الدسوقي بس الظروف خلتني أجي بدال سامر واكون وكيلة والظروف دي انتي هتعرفيها بنفسك مش هقدر اقولهالك.. 

حست بوغزة في قلبها بس مفهمتش من ايه يمكن علشان داخله على مجهول متعرفش عنه حاجة غير كلام باباها عنه ومن كلامها فكرت فعلاً انه كبير في العمر مش شاب صغير أبداً، وهي غير منتبهة.. 

ممدوح: 

-ورد وصلنا من بدري وبكلمك بس مش بتردي عليا ليه . 

ورد حست على نفسها: 

- اسفه يا عمو مختش بالي أنك بتكلمني أنا معاك. 

ممدوح ابتسم وحط ايده على راسها وقال: 

- ربنا يحفظك يابنتي بس أهم حاجة مهما يحصل متزعليش. 

حست بخوف من كلام ممدوح وانها داخلة على مرحلة صاعبة.. 

-ح.. حاضر مش هزعل.. 

وبعدها نزلت من العربية لقت نفسها واقفة قدام ڤيلا ضخمة وجميلة جداً. 

ورد بصت لممدوح وقالت: 

- هو أنا هعيش هنا. 

ممدوح ابتسم ليها وقال: 

- طبعاً هتعيشي هنا انتي وجوزك وانا كمان معاكم مرغوب بيا والا لاء. 

ورد ابتسمت من تحت النقام وقالت: 

- دي لو مشلتكش الأرض اشيلك فوق راسي ده بيتك قبل ميكون بيتي يا عمي ممدوح. 

ممدوح: 

- ممكن متقوليش عمي دي قولي يا بابا لأني ابو جوزك يعني زي ابوكي والا أنا مش قد المقام علشان يتقالي بابا. 

-واحلى بابا كمان مني ليك.. 

ممدوح في باله.. مسكينة يا ورد رغم قوتك اللي شايفها في عيونك بس اللي هتشوفيه هيكون اصعب يابنتي.. 

ورد: 

-بابا مالك بكلمك سرحان في ايه. 

ممدوح بهدوء: 

- مفيش يابنتي تعالي اوديكي لـ سامر ابني لانه منتظرنا بقاله فترة.. 

ورد حست بوغزة في قلبها بس مقدرتش تتكلم مع كل خطوة كانت بتخطيها تجاه اوضت المدعو جوزها  بتمر عليها كأنه دهر.. 

ممدوح: 

- وصلنا.. 

نور دقات قلبها بقت سريعة جداً نور في بالها..... أنا مالي وقلبي ببدق كده ليه بسرعة ياترى القدر مخبي عليا ايه.. 

خبط ممدح ودخلوا اوضه ضلمه جداً.. 

ورد بدهشة: 

- هي الأوضة ضلمة كدا ليه هو أنت متأكد يا بابا أن في حد قاعد هنا.. 

ممدوح بحزن: 

- ايوه يابنتي ابني قاعد فيها علشان مش ببحب النور ابدا.. 

وهما بيتكلموا النور قاد وظهر سامر بس كانت الصدمة حليفة ورد.؟. 

-مش معقول إزاي ده هو.. هو يعني قاعد على كرسي متحرك.. 

سامر بتريقة: 

- ايه ست الشيخة زعلانة علشان اتجوزتي عاجز والا ايه. 

ورد استغربت لهجته وقالت بتلبك: 

- لاء مش قصدي اتكلم عليك او اقول عنك حاجة وحشة بس مش مصدقة سامر ممدوح الدسوقي اللي الكل بيتهز من أسمه واللي هدد بابا علشان يتجوزني يطلع ع.. 

وسكتت مقدرتش تكملها سامر اتكلم بتريقة.. 

-عاجز كمليها بس العاجز ده هيعرفك أزاي تتريقي عليه كويس. 

ممدوح بخوف على ورد: 

- سامر يابني ورد متقصدش تقول عليك كدا وكمان هي.. 

قاطعة سامر بعصبية: 

- ايه هي لحقت كلت عقلك امال لو مكنتش لابسة نقاب وشيخة كانت عملت ايه. 

ممدوح بعصبية: 

- ايه الكلام اللي بتقوله ده يا سامر انا ابوك. 

سامر باقصى درجة من العصبية: 

- متقولش ابويا أنا مش أبنك اخرج من هنا وروح اوضتك وملكش دعوة بحياتي أبداً أنا مطلبتش منك تدخل فيها..

حس ممدوح بحزن وسابه وخرج من اوضته وهو هموم الدنيا قدام عنيه.. 

ورد حست بصدمة من كلامه مع ابوه قالت وهي متنرفزة 

- أنت إزاي تقول كدا لأبوك. 

سامر سكت خالص وقرب من ورد جدا بالكرسي المتحرك وورد مستغربة اللي بيحصل وسكوته المفاجأ ده.....