رواية غيث الحنيين كامله جميع الفصول بقلم جمانه السعيدي
اني غيث مواليد ٩٠ طولي ١٧٥ حنطاوي جسمي مرتب
شكلي حلووو
اني عايش بيت خالتي
خالتي حنان مزوجه عمي علي
عدهم ولد ثنيين رائد ومهيمن ثنيينهم ازغر مني
راح تكولون ليش عايش بيت خالتك
اني امي وابوي منفصلين واني عمري ٤سنوات
من البدايه ابوي وامي ما متفاهمين
صح اربع سنوات زغير بس اذكر شلون امي جانت تاخذني بحضنه وتنام وهي تبجي
اول ما نفصل ابوي هاجر الكندا
هو جان حاب فكرة الهجره
وهم حتى يخلص من الموخر والنفقه
رحنا اني وامي كعدنا بيت جدي
بيت جدي بي خوالي ثنيينهم مزوجين وبيبيتي موجوده وجدي متوفي
امي ورا انفصالها بثمن اشهر اجا واحد خطبها
منفصل وماعندا اطفال
وافقت وزوجت بس كان عندا شرط ما يريدني
جمانه السعيدي
كال بصريح العباره اني ما اكدر اتحمل مسولية غيث
عمي وخالتي اتفقو ياخذوني ويه جهالهم
حتى امي تزوج وتشوف حياتها
لان من انفصلت عن ابوي جانت زغيره عمرها ٢١ سنه
للامانه خالتي ابد ما فرقتني عن جهاله
اي شي تشتريلهم تشتريلي وياهم
بلعيد تشتريلي ملابس قبلهم
اول ما تخلي الاكل اول واحد تصيحه يكعد اني
اذا تمرضت تكابلني وتكعد
امي بلبدابه تجي كل شهر مره تشوفني وتنطيني مصرف بس شي قليل
بعدين كامت تجي كل شهرين
وبعدين كل ثلاث اشهر تجي مره
الصدك عندي عادي وجودها وعدمه لان ماحسيتها
خايفه عليه ابد
احس خالتي تحبني أكثر منها
من وصلت للمتوسط قررت اشتغل اي شغله واساعد بلمصرف
لان عمي راتبه قليل والعيشة كوه دابره
جمانه السعيدي
كلشي اشتغلت وجنت اي واحد اشتغل ويااا يحمد باخلاقي
وتربيتي عمري ما مديت ايدي على شي
وحريص كلش على الشغل
واي شي احصله
اخذ منه مصرف والباقي انطي العمي
ولله لو شنو اسوي ما اجازي
لو ما هو هسه اني بلشارع يقسم اللكمه بيني وبين جهاله
اكثر شي اشتغلت عامل بلمحلات
اول شي اشتغلت بمحل حلويات
افتح المحل وانضفه وارتب الغراض وابيع واسجل
ابو المحل كلش يحبني
وفرحان بيه حيل
حتلو اتمرض هم اطلع للشغل
احب الشغل كلش
بلثالث متوسط عمي ما قبل اشتغل يكول انتبه الدراستك
اريدك تنجح
وفعلا طلعت من الثالث ناجح
وصلت للاعداديه
من ارجع من الدوام اروح اشتغل
شنو احصل انطي العمي
عمي كال بعد اشتري حصاله وجمع بيها لان انت كبرت
وتحتاج مصروف اكثر
كمت يوم انطي شغلي العمي ويوم اخلي بلحصاله واجمع
خلصت سادس وطلعت معدل زين
انقبلت علوم سياسيه
بس ماكدرت اداوم
الحاله الصحيه العمي حيل ادهورت
وبعد عدت مراجعات
عرفنا الكلى حيل تعبانه
ومحتاج عمليه ضروري يرفعون الكلى التعبانة ويبقى عايش على كلى وحده
الدكتور اكد على العمليه بأسرع وقت ممكن
ماكان عدنا فلوس تكفي العمليه
فتحت حصالتي وخالتي عدها محبس ذهب وكلاده
باعتهن
وهم ما كملنا الفلوس
اضطرينا نتقرض من واحد صديق عمي
حجزنا بلمستشفى
عمي قبل لا يدخل للعمليه كالي
عمي غيث بويه اني ادري بيك سبع ديربالك على خالتك وعلى رائد ومهيمن انت رجال من انت زغير وسبع وينشد بيك الضهر
ومحد اكدر اامنه عليهم غيرك
غيث لاتكول هيج عمي انشاء الله تطلع من العمليه سالم
ودير بالك عليهم وعليه
وتمت العمليه والحمد لله
جمانه السعيدي
بعد ما طلع عمي من المستشفى اضطريت اشتغل ليل نهار
لان الراتب ما يكفي
واكو علاج غالي لازم يبقى علي اقل شي ست اشهر
حتى رائد هم راح يدور شغل
قررت ااجل التقديم للسنه الجايه عسى ولعل اكدر اجمع فلوس تكفي
تعرفون الكليه ينرادلها مصاريف وملابس
واني هسه بيت عمي محتاجين كلش وضروفهم صعبه
بيوم رجعت من الشغل
جان الجو بارد وماطره الدنيا والشارع فايض كلش
ابو الخط نزلني بلشارع الي ورا شارعنا
كال ما اكدر ادخل اكثر
الشارع متروس مي نزلت وكمت امشي
صدفت الضهر وكت رجعت الطلاب من المدرسه
الشارع كله طين
امشي وافكر لازم اتغدا وارجع بسرعه ماعندي غير ساعه وحده
تمشي كدامي بنيه
بلبدايه اني مامنتبه الها ابد
اكو طابوكات بصف الحايط هي تمشي واني امشي وراها
هي تمشي على كيف تخاف توكع
لابسه صدريه رصاصي طويله وقميص ابيض
وشال ابيض
اني ضجت منها اريد اوصل بسرعه وهاي تمشي على كيف
راسا زلكت رجلها واجت توكع
عاطت بصوت وحاولت تعدل نفسها
اني راسا لزمت ايدها
احاول اساعدها لاتوكع
هنا هي التفت عليه
بس عسها لاتلتفتت وعساني لاشفت هاي العيون
العيون مدري شني لونهن رصاصي مدري اخضر مدري طركاعه
والخدود ورديات والسنون سبحانه الي صفهن
والشفه عبالك كرز
التفتت عليه بس عدلت نفسها سحبت ايدها مني
غيث على كيفج لاتوكعين
سحبت ايدها وحذاءها ادمرت طين
مشت وهي اتئفئف ومنزعجه
ولله لو ماخاف من ردت فعلها اله اشيلها واطلعها
حتلو امشي بالطين
ضلت تمشي ومنزعجه حيل انحرجت مني
بقيت امشي وراها لمن شفتها وين دخلت وعر فت بيتهم
بيومها صورتها ما فاركت بالي ابد
اشتغل ومآ مركز ابد
حتى ابو المحل كل شويه يكول
غيث شبيك اليوم وضعك مو تمام ما عاجبني ابد
بليل من رجعت لكيت نفسي امشي بشارعهم مو شارعنا
ثاني يوم اتعمدت ارجع نفس الوقت
نزلت من الخط وبقيت انتضر ها برأس الشارع
جمانه السعيدي
شويه وشفتها اجت
بس اليوم الشارع ناشف حرامات
وين الله وتمطر وتصير فيضانات
شافتني ودنكت بقت تمشي واني امشي وراها منا لمن دخلت البيتهم
بقيت على هذا الوضع اسبوع يوميه انتضرها
واكره يوم الجمعه والسبت لان ماكو دوام
قررت احجي وياها اريد اعرف اسمها
من يوم شفتها لليوم احس نفسي مريض وابقى انتضر
شوفتها على أحر من الجمر
شفتها اجت مشيت وراها
غيث اني غيث ممكن اعرف اسمج
ما حجت اي شي كامت تمشي سريع
غيث ما اريد منج شي اريد اعرف اسمج وبس
كامت تمشي اسرع منا لمن دخلت بيتهم
ثاني يوم هم انتضرتها اجت تمشي ويه صديقتها
بس دخلت بفرعهم
صديقتها صاحت عليها
حنيين نسيتي كتابج
هنا عرفت اسمها يافرحتي من عرفت اسمها
طبعا كمت ما اروح للشغل اله من شارعهم
ومن اجي من الشغل انزل بشارعهم
ياربي شكد ثكيله وماتنطي مجال ابد تعبتني حيل
ما تقبل ترد عليه
اني متأكد هي تعرف بيه احبها
وتعرف اني جاي اراقبها
بس ليش خايفه مني وماتحجي وياي ابد
بس ولا اعوفها راح ابقى وراها منا لمن تحن عليه
وتقبل تحجي وياي
بدت حالة عمي شويه تتحسن ورجع الوضيفته
بس صحته من مثل قبل ابد
ما يكدر ياكل اي شي وتعبان وماله خلك ابد
رائد السنه هاي سادس
اني ما قبلت يشتغل كتله ادرس واني انشاء الله راح اشتغل شفتين منا لمن تتحسن الحاله والله كريم
لازم ارد المعروف
عمي ياما وياما اتحملني وكال اقرا واني اتكفل مصاريفك
اجا عليه الدور لازم اشتغل ورائد يدرس
جمانه السعيدي
صار المصرف كله براسي لان عمي اصلا راتبه قليل
واكو علاج كاعد يشتري على حسابه
واني مستعد اشتغل العمر كله
ومآ اجازي فضلهم ابد
خبلتني حنيين ماتقبل تحجي وياي ولاتقبل تنطيني فرصه
ثكيله ومودبه بشكل مو طبيعي
بديت اسئل عنهم ابوها يشتغل بمعمل معلبات
هي أكبر وحده عدها اخوان ثنيين ازغر منها
امها ربت بيت
حالتهم متوسطه
يعني عائله على كد الحال
