رواية ملاكي المجهول الفصل الاول
كانت بتجري وهي بتبكي بشكل هستيري بفستانها الأبيض وخايفه من الي بيلاحقوها في عتمة الليل بتدخل وسط الأشجار عشان تستخبى من الي عايزين يمسكوها ويرجعوها للحبس مره تانيه
___________________
كان نايم وبيتقلب بشكل غريب على السرير وكأنه بيحلم بكابوس!! شاف حبيبته المجهوله بيشوفها بقاله سنين لكن في حلمُه بس!. بتجيله كل يوم في حلمُه تهون عليه اليوم الصعب الي مر عليه لكن انهارده شافها بتبكي وخايفه وبتطلب منه المساعده وهو كان عاجز مش عارف يساعدها..
___________________________________
طلعت تجري على الطريق وهي بتاخد نفسها بصعوبه بصت لقت على بُعد امتار عربيه بتحمل صناديق فاكهة جريت ناحيتها و من غير ما السواق ياخد باله دخلت جوا العربيه واستخبت ورا الصناديق الكتير الي كانت موجوده واتقفلت العربيه وطلع السواق عشان يتحرك..
ملاك:اول ما العربيه تقف ف اي استراحة هنزل منها على طول
اول ما العربيه ابتدت تتحرك اتنهدت ملاك بارتياح وحست بالحُرية لأول مره..كان نفسها تاخد الخطوه دي من سنين بس كانت خايفه لكن جيه الوقت المناسب
قالت ل نفسها بأمل بسيط:خلاص يا ملاك خرجتي نفسك من السجن الي كنتي فيه…خلاص اتحررتي اخيراً…
سندت ملاك وغمضت عيونها وراحت في نوم عميق.
بعد ساعات فتحت ملاك عيونها لقت النهار طلع بصت من شباك صغير موجود في العربيه لقت يافطه مكتوب عليها القاهره على بُعد امتار
اتصدمت ملاك:غبييه غبييه ياملاك ازاي محستيش بالوقت ونزلتي غبيييييه……
________________
عند بطلنا صحي من نومه مدايق بسبب الحلم الي شافه خلاص زهق من المطارده دي بقاله سنين بيحلم بيها و ولا مره شافها بقالو سنين بيشوفها في أحلامه ل درجة انه أتعلق بيها وحبها!!
مراد:فوق يامراد انت بتحب وهم..بتحب حاجه مش موجوده..بس طلاما مش موجوده ليه بقالي سنين بحلم بيها ليه كل يوم تجيلي بستمرار في احلامي ليه كل مره تستنجد بيا والمشكله اني مش عارف اعملها حاجه..اوووووف يارب ساعدني افهم بقا
قام مراد غسل وشه ودخل على غرفة الرياضه المخصصه ليه وشغل نفسه في الرياضه والتمرينات عشان يوقف تفكير شويه.
وبعد ما انتهى مراد من الرياضه دخل خد شاور ولبس بدلته الفخمه وسرح شعره البني بطريقه جذابه ورش برفانه المميز وخرج من اوضته نزل على الجنينه وراح ل اوضة في آخر الجنينه فتحها ودخل وقفل وراه الباب وبص للصور المتعلقه في كل جزء في الاوضه بحيرة ويأس هو كان بيشوفها في أحلامه بصور مشوشه ملامحها كانت مميزه لكن مجهوله! تفاصيلها مش باينه لكن هو رسم ملامحها في خياله وطبقها على الورق رسم ملامحها الي تخيلها واتمناها رسم شعرها البني الغامق الطويل وعيونها الخضرا الغامقه ووشها المريح وملامحها الهاديه حتى تخيل طولها الي كان متوسط وجسمها المرسوم ضحك في سره وهو بيقول:لو لقيتها ووقفت جنبها حاسس اني هضحك من طولها هههههههه
بعدها الضحكه الي على وشه اختفت وهو بيتنهد بهدوء وخرج ركب عربيته واتحرك ل شركته
(مراد شخص هادي،عاقل،لذيذ وكل الناس بتحبه مع انه بيتعامل بحذر شديد مع كل الي حواليه )
عند ملاك كانت مستنيه العربيه تقف وتنزل منها بسرعه قبل ما السواق يشوفها وبعد وقت العربيه فعلا وقفت رفعت ملاك فستانها الأبيض الجميل رغم انه اتبهدل من الي حصل لكن كان بسيط وكان مخلي ملامحها جذابه اكتر جريت ملاك قبل ما السواق يشوفها وفضلت ماشيه على الطريق مش عارفه تروح فين وتعمل ايه..بس المهم عندها انها هربت من المكان الي كانت فيه مش مهم هتعمل اي او هتقعد فين فضلت ماشيه لحد ما تعبت وقعدت على رصيف في الطريق بترتاح.
عند مراد خلص اجتماعه وكان وراه مشوار مهم مع صاحبه وموبايله مبطلش رن رد بإنزعاج:والله لسه مخلص اجتماع خارج من الشركه اهو وجاي على طول
زين:خلص يامراد حرام عليك والله
قفل مراد معاه وركب عربيته وساق بسرعه وأول ما طلع على الطريق جاله مسج مسك موبايله وبيبص للمسج الي جت وأول ما رفع عينه من الموبايل لقا أميره ب فستانها الابيض بتجري من قدام العربيه ومن صدمته مفرملش العربيه……
ملاك بعد شويه قامت ورجعت تكمل مشي وهي بتعدي الطريق شافت عربيه سودا جايه تجري عليها والي سايقها مش مركز هي من الصدمه والخوف وقفت اتسمرت مكانها والعربيه خبطتها..وقعت ملاك على الأرض ودماغها بتن.ذف بصت حواليها وكانت الرؤية مشوشة لحد ما غابت عن الوعي..
……………………….
