رواية جذبني فمك البني ( كاملة جميع الفصول ) بقلم عبير إدريس

فتاة تهب حياتها لأجل عمتها المريضة

ليأتي زوج العمه من بعد غياب طويل عن البيت

كانت صغيره عند سفره، يتفاجئ عند العودة

ليجدها فتاه مفعمه بالانوثه والجمال ..

يتغاضى عنها بسبب حبهُ لزوجته

واضافه الى التزامه الديني ..

الى ان يراها بمنظر غير معهود .

تكون ذاهبه لحفله لاحد الاقرباء ..

يقع في حبها لكن في الخفاء ..

تتورط في مشكله لتجد نفسها بدون مال

ولا اهل ، لم يبقى لديها سوى زوج العمه

لينقذها ، ارادت رد الجميل اليه ..

واصرت على ذلك ..

لتنصدم بالشرط الذي وضعه لها..

تتراهن عليه مستهزئة

يا ترى ما هذا الشرط

وماهو الرهن

وما نهايه هذا الامر ..

مشاهد

هاي شنو ولج عفتج صغيره شلون هيج كبرتي ..

_ عمو هو منو يضل على حاله كلنا نكبر .

_ مممم بس والله تعجبت ..

هسه اللي يشوفك صارلك سنين هو انت مصارلك اربع سنوات من سافرت .

_ اي بس جنتي صغيره

_ لتنسى البنيه بسرعه تكبر .

_ واني عجزت مو بالله ..

_ لا بعدك شاب عين الله عليك .شكد عمرك هسه .

_ نهايه الثلاثين .

_ بعدك عمو هههههه ..

_ ها زين هههههه..

_____

_ عمو وكعت بمصيبه وبس انت تكدر تحلها الي ..

______

كم مرة كتلج هذا اللون لتخليه جننتيني ..

_______

انت كل عقلك ؟؟؟؟

_______

تراهنت عليه لو اني لو هو ..

______

الطم

جذبني فمك البني

مشهد مستقبلي من القصة

في ساعات الصباح الاولى استيقضت مبكرة على صوت رنين الجرس ، نهضت من الفراش متململة يعني اليوم اجازتي وهم ما ارتاح ، كافي الرعب اللي اكلته ذيج الايام ، لبست الروب فوك ملابسي جنت لابسه لبس خفيف مال نوم ، طلعت للهول مشيت للمدخل الخاص بالشقة ، باوعت من العيون السحريه اللي بالباب هذا ابو عبد البواب شجابه من الصبح ، رجعت لفيت شال على راسي وفتحت الباب..

سيلين : ها عمو صباح الخير، تره مو وكت الايجار بعدنه بنص الشهر والمولد دفعته ..

ابو عبد : لا بنيتي يا ايجار يامولد ، نزلي شوفي سيارتج شمكتوب عليها..

جاوبته بخوف وتردد..

سيلين : سيارتي شبيها ؟؟

ابو عبد : مكتوب عليها علامات اكس بصبغ سبري لونه احمر ومكتوب ثار بلون اسود ...

سيلين : عمو شفتو الكامرات اكيد تبين منو...

ابو عبد : بلي اكيد شفناهن اني وابني ، شخص لابس اسود ومغطي راسه بكلو البلوز ومنزله على وجها يعني مامبين،، ورسم على السيارة بالسبري بعدين كعد على البنيد شرب جكارة وشمرها بالكاع داسها وراح..

سيلين : عمو هذا واحد مشتبه لتخلي ابالك.

ابو عبد : شلون مشتبه ياعمي وهاي شغله صعبه وانتي بنيه وحدج لا اب لا اخ يسندج وخاف ذوله ولد حرام و يأذوج..

سيلين : عمو لتخاف ماكو شي الله موجود..

ابو عبد : تنزلين تشوفيها لو ابني يغسلها..

سيلين : لا لتغسلوها اريد اصورها كلشي يصير..

راح عمو سديت الباب وركضت للغرفه اغير ملابسي ودكات كلبي تقره الف من الرعب والخوف ، كوه تمالكت نفسي كدامه وبينت ماكو شي لان اذا حس بخطر يطلعني من مكاني ، ولازم ادور من جديد على شقه واني هنا مرتاحه الجيران زينين وقريبه على مكان عملي..

كملت لبس وطلعت عفت الباب مردود كلت هسه اصعد ما اتأخر واني باب العمارة يعني اذا دخل واحد اكيد اشوفه..

نزلت ولكيت جارنه ابو قيس وكم ولد واكفين يم السيارة وعمو ابو عبد ، باوعت السياره كلها علامات اكس ، ومكتوب ثار ، ماكو غيره هو انت اللي ابالي ..

سيلين : عمو غسلوها وادفعلك ويه الايجار..

ابوعبد : زين عمي زين..

صعدت اركض دخلت للشقه ، سديت الباب برجلي ، التوتر العايشته والرعب مينوصف، وصلت لغرفه النوم حتى اغير ملابسي بملابس بيت ، ما احس اله انشاليت وانضربت بمكان على راسي فقدني الوعي..ومنا بدت الست ايام وسبع ليالي...

#جذبني_فمك_البني

بقلم عبير ادريس

#البارت_الاول

للحب أنياب واسهم وطعنات ، لاتشفى ولا تنسى...

الحب مغامرة جميلة وممتعة ومتعبة في اغلب الاحيان ..

الوقوع بالحب اشبه بمخدر

يهيأ لنا بأن الحياة جميلة

وكل شيء على ما يرام !!!

لم نعلم بأن الحياة تفرق بين المحبين ....

لكني قرأتُ يوما ما عباره كتبها احدهم نفت الكلام السابق تقول :

( في دين العشق لا يجوز الفراق )

صدقتُ وايقنت وجربت هذا العشق ولكن حدث ما لم يكن بالحسبان ...

____________

الساعة الثانية عشر مساءا

بتوقيت مدينه بغداد

المكان العمل ...

اسمع زميلتي بالعمل تصيح سيلين..التفتت الها حاجيتها وبيدي الغراض كاعد ارتب بيهن ..

سيلين : هاا نسرين ..

نسرين : باعي خابرني رامي راح يجي ياخذني واستأذنت من ابو الشغل ، بس كلي لازم تكملين جرد القوائم واني تأخرت حبابه تكمليهن انتي حتى انطيه خبر ..

سيلين: ماشي جيبي ..

نسرين: حبيبتي مردودة ..

دزتلي بوسه بالهوى ولوحت بيدها ..ابتسمت وخليت القوائم على صفحه ورجعت اكمل شغلي، خلصت ورة ساعه عمل متواصل كعدت على الكرسي وبلشت بالقوائم ، كمت اسجل كل شخص زار المكان واشترة منه وكم مرة خلال هذا الاسبوع ، شنو الغرض من هالشي ماعرف بس الاوامر مال مدير الشغل هيج يريد واحنه نشتغل بسكته ممنوع لا اسئله ولا استفسارات ..

بلشت الاسم اللي مكرر مرتين اشطبه ..

ضليت اشتغل بيهن مده نصف ساعه الى ان وصلت للأسم اللي خلاني ارجف خوف ورهبه وحب كلهن بنفس الوقت ..قريت اسمه والله هذا اسمة اسمة الثلاثي...

كصتي عركت اوضاعي تخربطت كلها واني اقره حروف اسمه...

ادهم يوسف عمران ..

خليت ايدي على حلكي مصدومه دموعي كامت تجري بللت الورق ، رجعت اريد اقره يايوم جاي لهنا وبأي وقت ارتبكت اريد اسيطر على رجفة ايدي ما اكدر ، انصدمت هذا الاسبوع ، معقوله يعني صدفه لو ؟؟؟؟؟

عززة اذا يعرف اني اداوم هنا معناها انتهيت خلص راحت عليه ..

كملت جرد الاسماء بسرعه ومشفت اسمه بعد بس مرة .رحت سلمتهن وطلعت امشي سريع وصلت للكراج صعدت بسيارتي وانطلقت للبيت ، وصلت طبكت السياره باب العمارة اللي اني ساكنه بيها ، ب احد مناطق بغداد ..

نزلت فتحت الباب الورة اخذت الصمون اللي جبته بطريقي، اني اشتري وجبه كبيرة كل ٣ ايام سوه حتى ما اضطر انزل كل يوم واشتري وحتى مسواكي اسبوعي ...

صعدت الدرج واني ادور بالجنطه على المفتاح مال شقتي ، لكيته كملت الدرج وصلت باب الشقه توني اريد ادخل المفتاح بالباب حسيت بشي مو طبيعي حركه غريبه ورايه التفتت بسرعه شخص خطف ونزل الدرج بس مشفته منو تقربت من المكان الي جان واكف بيه واشتم العطر بده العطر ينتشر بالمكان ، عطر شامته بكثره ، هو والله هو وكعت الجنطه من ايدي وعلاكة الصمون ،

وعيوني تفتر تدور عليه ،

غمضت عيوني بقوه ونصيت اخذت الغراض من الكاع فتحت الباب وايدي ترتعش دخلت وسديت الباب كمت اتنفس سريع حسيت بلحظه كلبي راح يوكف خليت الصمون بالمطبخ وركضت للحمام كمت انزع ملابسي واشمرها بشكل عشوائي منا ومنا بدون وعي ماعرف شنو دا اسوي من هول الصدمه دخلت جوه المي وعيوني كامت تجري من وحدها ،

اريد المي يطهرني من ذنبوي اللي سويتها ،

شلون اذا طلع هو وشلون اندل بيتي معقوله كل هاي صدف مستحيل ، زين خاف اني متوهمه ،

لا لا شلون هذا عطره هو الوحيد الي يستعمل هذا العطر وابد ميغيره جان يشتريه من الخارج ويجيب هواي منه ..

كملت سبح لفيت نفسي بالمنشفة وطلعت من الحمام رحت كبل لغرفتي شمرت نفسي على الجرباية وابجي بحركه ، اني شلون غدرته ،

اريد ارجعه الي بس بيا عين ارجعله بيش جازيته بيش اخ سيلين الغبية ، جان الج سند وظهر هيج سويتي بيه ....

ردت انام مكدرت اعصابي كلها تختض مثل السعفة ، ساعه ابرد اطفي البنكة وساعة احتر ، شبيه اني شبيه ، خربصه مشاعر مو طبيعيه ، مشى اليوم وخلص بين الخوف والارتباك ،

صار الليل كمت حضرت ملابسي مال ثاني يوم ورحت للمطبخ سويت لفه من اكل البارحه بارد حتى ما حميته ، اكلت بنفس مسدوده ،

كملت غسلت ايدي وفرشت اسناني ورحت مددت بفراشي من التفكير والتعب بسرعه غفيت كعدت الصبح بدلت ورحت للدوام هاي سنه اخيره بالجامعه ،

وصلت مرحله ثالثه وتركت بسبب الضروف وهسه رجعت ، دخلت للقاعه كعدت اخر سره دخل الاستاذ بلش يشرح واني بالي مو وياه كل شويه يسرح بمكان ، خلصت المحاضرات وطلعت مشيت بدون وعي الناس كلهم عباره عن خيال مغوش اصوات تروح وتجي مافرزن شنو يكولون هذا اللي يبيع وهذا اللي يصيح تكسي تكسي بس هاي سمعتها ،

وصلت لسيارتي بالكراج ، فتحت الباب صعدت توني شغلت السياره جذب نضري شي عكس لمعته على الجامه جوة عوده الماسحه نزلت ، باوعت اكو جيس صغير وبداخله ورقه ، فتحته مكتوب ...

( ليش مصبغه اضافرج تعرفيني شكد اكرهة بس للأمانه هذا اللون لايك ويه نعومه ايدج ، بالمناسبه طرف كحلتج سايل اضنج باجية ؟؟؟ )

اقره بالكلام وارجف باوعت يمنه يسره ماكو احد الكراج فارغ بس كم طالب ينعدون على الاصابع ، وينك متكلي ، يعني ليش هيج تسوي بيه لو بيه يواجهني ويخلصني لو يبطل يلعب ويايه ، تعبت اعصابي تعبت ...

صعدت للسيارة ضميت الورقه بالجنطة ومشيت ، كل شويه اريد اندعم مراقبني هسه تأكدت شكوكي كلها ، زين من شوكت اه ه ه ه راسي راح ينفجر...

وصلت لمكان عملي صفيت السياره ونزلت بلشت شغل اليوم عدنه جرد قوائم وبالي يسرح واغلط وارجع اعيد ، اخر شي ضربت كصتي حيل انتبهت عليه نسرين اجتي يمي كالت..

نسرين : شبيج سيلي ليش مو على بعضج..

سيلين : لتكولين سيلي اتخبل من هذا اللقب..

نسرين : ماكول يلا سكتت بس كليلي شبيج من اجيتي لسه التوتر يقره الف ..

سيلين : ماكو شي سالفه شاغله بالي ..

نسرين : محتاجه فلوس.

باوعتلها بطرف عيني ..

سيلين : لا عندي خير من الله تسلمين...

سكتت وراحت كملت شغلي صارت ساعه ثمانيه اليوم دوامي مسائي اني يوم اداوم بالجامعه وشغلي يصير على الشفت المسائي ويوم اغيب واداوم بالشغل الصبح حسب ابو العمل شنو يطلب مني اسوي ما اكدر اكول لا حتى لو عندي امتحان اعوفه لان يبطلني ...كملت ورجعت للبيت ، طلعت مفتاح شقتي اريد افتح الباب لكيت عباره مكتوبه على الباب بقلم سوفت ،

( شنو علاقه الحب بالتمني ؟

الساعه الثانية عشر اله دقيقة ؟؟؟؟))

رجفت التفتت اباوع ورايه وارجع اباوع على الباب صحت ...

سيلين : وينك ادهم وينك اعرف انت هنا ويننننننك اطلع واجهني كافي لعب كافي مليت...

على صوتي طلعت جارتي ام عبد الله صاحت ..

_ خير حبيبه شكو شبيج..

باوعتلها وبجيت كأنما استنجد بيها ، مادام ذكر الساعه والوقت معناها ادهم ميرحمني خلص ضعت اني ضعت ناوي ينتقم اتذكر كل كلمه كالها بذاك اليوم وبهاي الساعه بالضبط كلشي ميروح من بالي كل تفصيله كل همسة ....

سيلين : خاله فدوه اجي يمج لو ابو عبد موجود..

_ تعاي حبيبتي هله بيج..

نزعت حذائي برجلي بحركه سريعه تلفتت منا ومنا وفتت .

_ تفضلي خاله كعدي اجيبلج ماي..

راحت واني مددت على القنفه مكدرت بعد احس روحي راح تطلع نفسي ضاق وحراره تطلع من عيني..

_ هاج شربي اصبلج غده ..

اخذت الكلاص من ايدها واشرت براسي ..

سيلين : هئ ، يعني ماريد..

مددت خليت ايدي على عيني وغمضت ، حسيت بأمان بيت ام عبد ، لهذا غفيت ماعرف شكد مر وقت وكعدتني ..

_ كومي حبيبتي اجه ابو عبد والولد خاف تستحين منهم ..

نزيت وكمت اعدل بملابسي ..

سيلين : اسفه خاله صارلي هواي نايمه..

اشرت براسها اي وحجت..

_ صارت ال ١١

سيلين : حييييل هواي ..

كمت اخذت جنطتي وتشكرت منها وطلعت رجعت لشقتي فتحت الباب فتت للمطبخ جبت وصله بيها مي وزاهي ومسحت العباره المكتوبه على الباب ، قررت ثاني يوم اغير مكان سكني ، زين ودوامي وشغلي وين الكه شغل ، اوووف شلون بيه شسويت بروحي اني ..

كمت افتر بالشقه اروح واجي مثل المخبله ، نظفت وكملت شغلي اريد اتعب بلكت ادوخ و انام ،ما اكدر لان نمت صوجي نمت صوجي ، كعدت على القنفه فتحت الشباك وسديت التول طفيت الضوه حتى ما ابين ومددت اريد اشتم هوى اختنكت ، لهناك واجتي كلماته ابالي ...

عيوني صلفه هيه تباوع مو انه ، تصدكين تركض تحضنج قبلي ...

لو يرجع بيه الزمن ماعوفج لغيري شلون تحملت شلون صبرت جنت امووووت كل يوم واتخيلج بحضنه ...

انه شخصيتي هيج شكد ردت امثل عدم المبالاة بس ماكدرت ابين الج انه ما مهتم ...

لو اتذكر مره كعدنه واجه عيونه حمر حسيته باجي ترددت اسأله ، مدد على القنفه وطلع باكيت الجكاير هلكد شرب ، تجرأت وسألته شبيك ، من بعد سكوت يقارب ساعه اكثر تنهد وهمس...

ادهم : احب وحده عنيدة مأذيتني حيل بحيث كل ما اسرع خطواتي الها ترجع ليورة وتتركني ارجع اخطو خطوة ليكدام وترجعني الف خطوه ليورة ، ترواغ ويايه تعبتني ...

كتله..

سيلين : ليش متعترف الها وتنهي هذا العذاب منتبهة عليك صارلك فتره متعذب ...

باوعلي بنضره يتوسلني بيها بس مجنت افسرها هاي حب جان ممبين حبه الي ابد ، تنهد واخذ نفس عميق بحيث صدره ارتفع ورجع هبط بصوره عشوائية..

همس بتعب ..

ادهم : اخاف اخسرها ، اخاف منها وعليها ، تدرين انه وياها علاقتنه مثل شنو.

سيلين : مثل شنو .

ادهم : علاقتنه عباره عن خطين متوازيين من سابع المستحيلات نلتقي بيوم سوه، هههه بس الحلو بالموضوع ، عاجبني اكون بصفها افضل من ان تلتقي طرقنه بنقطة مشتركه ونهايتنه كلمن بمكان واحد بعيد عن الثاني...

همست ،

سيلين : شحبيت منها ..

رفع عينه متلهف ، حجه بصوت عزف مسامعي هلكد ماجان رقيق ...

ادهم : حبيت كلشي بيها ، حبيتها لدرجه كمت اشوف سترها عورة ، وحجابها فتنه صوتها يخدرني لدرجه الثمالة ..

انعصر كلبي اختنكت كمت سديت الشباك ودخلت سبحت اريد انسى حجيه انسى حبه اطلعه من بالي خلص ادهم مو الي مو الي وحتى اذا يحبني فمستحيل يسامحني....

ثاني يوم كعدت مكسره تكسر وراسي يأذيني هم نوم قليل وهم بجيت الليل كله ، كمت من لا جارة غسلت ولبست ملابسي شلون مجان وطلعت حتى كحله مخليت مالي واهس اسوق وبالي بغير عالم وصلت للدوام اخذت محاضرتين لساعه عشره ونص رجعت للشغل لان عدنه بضاعه جديده ورادنه من وقت نجي ، الشفتين ننجمع سوة ونشتغل ....

رجعت للبيت سويت اكل على السريع اكلت لكمه ورحت مددت عظامي تون من الألم تعبت كلش اليوم ، لزمت موبايلي ، عجبني اتصل ب ايفين بلكت هلمرة تجاوبني ، اتصلت يرن وينسد مثل كل مره ، عرفت اختي بعدها حاقده عليه....

رجعت راسي تجيته على ظهر الجربايه وعيني متشخصه بالفراغ الكدامي ، دك تليفوني شلته اباوع هيه مو هيه لا مستحيل جاوبت بلهفة .

سيلين : افونه حبيبتي واخيرا جاوبتيني..

جرت نفس وكالت..

ايفين : سمعيني خابرتج احذرج وبس مو محبه بيج لان السويتيه ما يغتفر ، خلي بالج ادهم رجع وناويلج غير نيه...

غمضت عيني بتعب وتنهدت...

سيلين : اعرف بيه رجع اعرف..

ايفين : شو مرتاحه للوضع معقوله مخايفه منه..

سيلين : خايفه اكيد بس متأكده ميأذيني يلعب على اعصابي وبس..

ايفين : قصدج مثل ما لعبتي بأعصابه وغدرتيه..

سيلين : عفيه عليج يعني وحده بوحده راح تصير..

ايفين : كرت عينج لعد فرحانه ، سمعيني اي شي يصير بيج اني معليه وما اريد حياتج تأثر عليه وياريت متتصلين بعد..

سيلين : ماشي يا اختي تدللي ...

ايفين : راح اروح صاحوني..

سيلين : الله وياج...

الفصل الثاني من هنا