رواية تاج مصر الفصل الاول بقلم ليل ادم
المكان وحدت التدخل السريع
مصر ٢٠١٤
القائد: خلي تاج يمسك قضيه ابو القاسم يا فاضل لو عايز نتيجة مضمونه اسمع كلامي
فاضل : يا ظاهر بيه أنا مش شاكك في تاج ومتأكد أنه أد المهمه بس تاج طول ما هو تحت السيطرة بيكون ظابط كما قال الكتاب إنما لو خرج عن السيطرة حضرتك عارف كم النتائج السلبيه اللي بتحصل من ورا ده للأسف معظم الأهداف جت جثامين رغم التشديد عليه أننا عايزين الناس دي احياء وهو اكتر من مره كان عنده القدره على رجوع الناس دي احياء بس لازم يطبق عليهم القصاص أولا
القائد: ابو القاسم مش بالسهولة دي خالص يا فاضل اتمنا تكون عندك سرعه اتخاذ قرار تاج بقا أمر حتمي مش اختيار ليك
فاضل: اللي تشوفه يا فندم بعد اذنك
القائد: اتفضل
في جانب آخر
ابو القاسم: ( في حانه الخاصه يدون بعض الكلمات)
كا طفل كان عبقري ومع الوقت أكتشف ده
يعرف شده و أتجاه الهواء أو يحتفظ باالسهم
كان كارهه ظروفه ومش شايف في حياته حاجه مهمه مولود في القاع اللي رافض ياخد نفسه غير ع القمه شاطر في كل اللي بيعمله لكن مش مؤمن بيه فاكر متعه الحياة الوصول ف عانة في الطريق وعشان متربي وسط ناس في عينهم كل شيء وسيلة مترددش لحظه أن يدوس على السلمه الأخيرة
بدأ يلعب على كبير بدأ يلعب على الدين بقا إمام مجاهدين أنا فاهم انتوا مش فاهمين أطعوني لو انتم مؤمنين الايه كذا معناها كذا وأنا أصطفيتكم للتفجير أدعا أنه صاحب فكر وادعا أن عنده خطه وأنه هيقطع رأس الأفعى م الآخر شفا الجته وعشان محاط بغرقنين في غل وخوف و نقص كل ما يعزف سمفونية الجنه يتسابقوا على الرقص
(وفجأة اتفتح باب الغرفه )
ابو القاسم: (قفل كتابه ) أن مش قولت مليون مره محدش يفتح باب غرفتي دون الأذن
المجاهد: ابو القاسم الأمر في غايه الاهميه لجل هذا فعلت ما ازعاجك
ابو القاسم: حصل اي
المجاهد: جماعتنا في كرداسة جميعهم تم تصفيتهم
ابو القاسم: الله يرحم شهداء الجهاد صلي عليهم أن صلاتك سكنن لهم الله يرحمهم جميعاً بينا نصلي عليهم
في جانب آخر
ربيع : محدش قدك ياعم سمعت انك داخل على نقل و منعطف تاريخي
تاج : اهو مفيش حاجه جايبه القطاع كله ورا آلا عينك دي يا ربيع تصدق
ربيع: ياعم هو انت في حاجه وكله معاك ما انت شغال زاي المقشاط اهو من كرداسه ل سيناء ل نويبع ل المنيب كل شويه تاج فين تاج في مأمورية ياعم خدنا معاك بنعرف نضرب نار والله
تاج: اخدك معايا أما انت في القطاع وعينك في الأش عندي انتا محتاج تطلع من القطاع وسع ياعم نشوف القائد عايزني في اي
سيف : وحش اوي الواد ربيع ده يا تاج
تاج: والله انت اوحش منه ( وبيضحك وخرج على مكتب القائد)
القائد: ادخل
تاج : تحت امرك يا فندم
القائد: اقعد يا تاج
تاج : تحت امرك يا فندم
القائد: (قام من مكانه يظهر عليه علامات الحيره و القلق )
تاج: خير يا فندم في اي
القائد: قولي يا تاج لو عندك ظابط كفاءة مفيش عليه غلطه واحده بس متهور لابعد الحدود تتعامل معاه اذاي
تاج : ( أنا عارف ان دخلتي المكتب يعني فيها ترويقه)
القائد: سمعني بتقول اي
تاج : يا فاضل بيه والله ما صدر مني اي حاجه في العملية الاخيره أنا دخلت لقيت الواد لبس الحزام وجاهز هيضغط على الزرار ولقيته طمعان في الجنه
القائد: تروح تدخل عليه وتطلب منه يدوس على الزرار وتشوف مين يدخل الجنه ومين لأ
تاج : منا عارف أنه كداب ومش هيعمل حاجه
القائد: لولا تدخل الظابط سيف كان إحتمال كبير الواد يفجر نفسه فعلاً يا تاج
تاج : والحمد لله عدت يا فاضل بيه
القائد: مشكلتك انك بجد مش عارف البلد علشان تطلع ظابط بالكفاءة بتاعتك محتاجه وقت ومجهود أد اي يا تاج احمي نفسك و أخوتك فتحه الصدر دي مش ع طول بتنفع ممكن تكون سبب موتك في مره
تاج : تحت امرك يا فندم
القائد: شوف أنا مكنتش حابب انت بالذات تتولي الأمر ده بس الخصم صعب صعب لدرجة اني قبلت أسيب حضرتك تتولي أمره
تاج: خير يا فندم
القائد: ابو القاسم ( وبدأ القائد يحكي تفاصيل المأمورية ل تاج )
في جانب آخر
المجاهد : ليه بنفتل بعض هنا ليه مش بنقاتل في اسرائيل و في الغرب
ابو الحسن: (بصوت مرتفع ولهجه شديدة) انت جاي تعرفنا نبدأ منين انت معانا بقالك أد اي
ابو القاسم: ابو الحسن اخفض صوتك في اي
ابو الحسن: البيه جاي يقولي بدال ما نجاهد هنا ليه منبدأش في الجهاد الخارجي
ابو القاسم: يا ابو الحسن لو كنت فاذا غليظ القلب ل أنفضوا من حولك رد عليه بدال ما تنهره
ابو الحسن: آسف يا أمير
ابو القاسم: ما عليك فين المجاهد اللي سأل السؤال
المجاهد: أنا يا أمير
ابو القاسم: اسمك اي
المجاهد: محمد
ابو القاسم: اجمل الاسماء الي الله اسمع يا محمد لو انت ساكن في شارع وليك عدو في اخر الشارع العدو ده كل شويه يضرب فيك تيجي انت تجهز نفسك علشان ترد عليه الضربه تتفاجأ أن جارك اللي ساكن جمبك قال كل حاجه ل عدوك و بسبب فعلته ضاعت خطتك وحقك يبقا مين أوله تبدأ بي يا محمد عدوك ولا جارك
محمد : لا طبعاً جاري
ابو القاسم: احنا هنا الآن نحارب الجار حتا نصل الي العدو ونحن على أرضا صلبه
ابو الحسن.: الله اكبر الله اكبر
ابو القاسم: كن ل أولادك أب يا ابو الحسن هما دول رباط الخيل الذي نعده فلا تنهرهم ( وغادر ابو القاسم الي غرفته )
ابو القاسم (فلاش باك )
الأب: انت عارف يا واد يا سامر أنا مبسوط منك اوي
سامر : ليه يا بابا
الأب: كل الناس بتشكر فيك بتقول أن دماغك حلوه أنا بس نفسي تقبل في النيابه ياه نفسي اشوفك وكيل نيابة كبير
سامر : يا بابا احنا في بلد لا تدعم الفقراء أنا لو روحت ولا جيت ابن عم عبد العزيز الراجل الغلبان اللي شغال في مصنع البلاط
الأب: شايفه ابنك يا اميره مش عاجبه شغل أبوه
سامر : هو أنا فتحت بوقي أنا بقول الحقيقة
الأم: انت مش هتقبل وكيل نيابة اه انا معاك بس مش علشان ابوك بتاع بلاط انت مش هتقبل علشان شويه الدقون اللي ماشي وراهم خف بقا كل يومين تختفي وترجع ومحدش عارف بتروح فين ياخوفي يا سامر تكون سبب كسره ضهر ابوك
سامر: أنا اكون سبب كسره ضهره كل ده علشان عايز اطلع بيكم من القاع ملعون ابو الفقر اللي عايشين في ملعون ابو العشوائيات اللي اكلت عمرنا و دماغنا ملعون ابو الكوسه و المحسوبية ملعون ابو اي حد يقبض مليون جنيه في السنه ويقعد مع شاب مش لاقي ياكل يكلمه على حب الوطن اقولك على حاجه ملعونه كلها سلام
الأب: عمري ما هشوف من وراك سلام يا سامر الواد عمره ما كان عنده رضا بأي شيء
الأم: يارب اهدي ويبعد عن الطريق اللي هو في ده انا خايفه عليه اوي يا عبد العزيز
الأب: ربنا يطلعنا منها على خير يا اميره انزل الحق العشاء
في جانب آخر
تاج: ازاي واحد بالخطوره دي ونسكت عليه يا فندم
القائد: مين قالك أننا ساكتين عليه احنا ورا كعب داير في كل محافظات مصر بس الواد ذكي جدا خلي بالك ابو القاسم مش شبه اي ارهابي ابن كلب نزلت تجيبه الواد ده مش ماشي على كلام الدين ودس السم في العسل لا خالص الواد ده أبوه و أمه الفلوس علشان كده مش سهل و متكلم لابعد الحدود الواد ده قدر يجند اكتر من عشره آلاف ارهابي في كل أنحاء مصر بلسانه تشوفه هادي وسهل إنما وقت ما يقلب تشوف نار بركان في عز توهجه
تاج:(أول ما شاف الصورة أتصدم حي أنه يعرف الشخص ده كويس جدا) بس غريبه واحد زاي ده يكون معانا صوره ليه ومش عارفين نجيب مكانه
القائد: علشان الواد ده مش بينزل في كل العمليات الانتحارية بتاعته هو ممكن ينزل لو الموضوع كبير وقلقان يفشل والصوره اللي معاك دي ليها قصه كبيره
تاج: خير يا فندم
القائد: الصورة دي كانت من نيابه شرق كان مقدم بعد ما خلص دراسة تخيل واحد زاي ده عايز يكون وكيل نيابة
تاج: دا اكيد مجنون
القائد: وراح فعلاً وهناك تم تسليمه لأمن الدولة اختفا اكتر من شهرين كان أبوه و أمه قالبين عليه الدنيا لحد ما ظهر لوحده ومن بعد اليوم ده تحول سامر عبد العزيز الي ابو القاسم وكانت اول عمليه يعملها قبل ما يطلع من مصر هيا تصفيه والده و والدته
تاج : (بصدمه )نعم
القائد: لا أنا مش عايزك تتصدم انت قصاد مافيا مش مجرد انتحاري
تاج: وقتل أبوه وأمه ليه هانوا عليه ازاي
القائد: شاهد العيان على الوقعه بيقول أنه سمع سامر بيقولهم بعد ما قتلهم. أنه خايف عليهم الحكومه كل شويه هتفضل تاخد فيهم يوم ورا يوم انتوا نقطه ضعفي علشان كده كان لازم أبعتكم مكان تاني انضف من هنا صبراً قال ياسر أن موعدكم الجنه
تاج : دا ابن كلب ملوش لا دين ولا دم ولا قلب
القائد: تاج أنا عايز الواد ده حي لو مات مش عايزه خالص انت فاهم
تاج: تحت امرك يا فندم
القائد: ربنا معاك يا بطل
في جانب آخر
ابو القاسم: الرجاله جاهزه يا ابو الحسن
ابو الحسن: كل شيء جاهز يا أمير
أبو القاسم: على بركه الله
ومع حلول العشاء وسط الهدوء العام تم تفجير كمين بالقرب من منطقة النهضه
تليفون تاج رن
تاج : الو
سيف : تاج انت فين
تاج: خير يا سيف في اي
سيف : البقاء لله
تاج: ( بلع ريقه بصعوبة) مين يا سيف
سيف : ربيع استشهد من نص ساعة وفي عيل تكفيري وقع منهم موجود في مستشفى السلام أنا مستني جثه الشهيد لو عايز تيجي
تاج : سيف عينك على الواد التكفيري لحد ما ارجع الواد ده هو اللي هيجيب حق ربيع
سيف : متقلقش يا تاج تعالي انت بس
تاج : سلام
في جانب آخر
ابو القاسم: القاهره نورت يا ابو الحسن
ابو الحسن: كله. بفضل الله ثما ترتيبات ابو القاسم
ابو القاسم: مالك يا ابو الحسن وجهك مش مريح
ابو الحسن: في واحد من الشباب وقع في الكمين
ابو القاسم: متعرفش راح فين
ابو الحسن: مش عارف
ابو القاسم: افتح الاخبار الوقتي نعرف مكانه
ابو الحسن: تحت امرك يا أمير
ابو القاسم: مره تانيه لو ده حصل وحد وقع منكم خلص عليه يا ابو الحسن قبل ما يخلص علينا هو
في اقل من عشر دقائق كانت جميع قنوات الاخبار تعلن عن وقوع شاب تكفيري من عناصر تفجير كمين النهضه في مستشفى السلام
أبو الحسن: وبعدين يا ابو القاسم
ابو القاسم: أخلفني في قومي يا ابو الحسن
ابو الحسن: انت رايح فين يا أمير
ابو القاسم: الأمير لا يسأل يا ابو الحسن أنا بس عايز عشر رجال مفخخين تفخيخ كامل وجهاز تحكم عن بعد
ابو الحسن: تحت امرك يا أمير
في جانب آخر كان وصل تاج الي مستشفي السلام وودع الشهيد ربيع عبد العاطي ظابط عمليات خاصة وزميل تاج
سيف: تاج خلاص كفايه اللي بتعمله مش هيرجع ربيع احنا كلنا جنازات ماشيه على الأرض
تاج : لسه كان بيهزر معايا من ساعات بس يا سيف
سيف : الله يرحمه يا تاج ويلحقنا بيهم على خير يارب
تاج: (قبل رأس ربيع) ارتاح يا اخويا حقك جاي جاي والله ما هسيب حقك انت وكل اخوتنا اللي ماتوا غدر
في اللحظه دي كان وصل ابو القاسم الي مقر المستشفى
جهاز اللاسلكي بتاع تاج اشتغل
تاج : الو
فرد المجموعة: في عنصر مشكوك في يا فندم شكله غريب جداً
تاج : فين مكانه
فرد الأمن: الغرفه اللي جمبك عند العنصر التكفيري 🔥
