رواية الشيخ سلطان كامله جميع الفصول بقلم زينب نور
اني اسمي شمس
مواليد 1997
من اب عراقي وام بريطانيه
ولدت وعشت وكبرت بلندن
بابا بالتسعينات اجه اللندن دراسه دكتور بتخصص طب جراحه عامه
وتعرف على ماما اثناء الدراسه وتزوجها واهلها رفضو تزوج واحد من غير بلدها وغير ديانه وتبرو منها بس شرطت عليه تبقه هي على ديانتها وهويبقه يمها ميرجع لبلده وفعلاً بقه يمها واصلاً دراسته. ومستقبله هنا بعد زواجهم بسنتين صرت اني عدهم ورا ولادتي بثلاث سنوات ماما توفت بسبب حادث سير وبقيت اني عند بابا رباني وتعب عليه وكبرني مايوم حسسني بغياب امي ولااتذكرها الماما ولااعرف شي عليها عدا كم صوره الها بابا محتفظ بيهن والقبرها ياخذني كل فتره
من اني وصغيره بابا علمني على اطباعه وعلمني اللغه العربيه واللهجه العراقيه بالتحديد
بالبيت بقه يحجي وياي كوله عراقي لحد مااني وصغيره تعلمت اللغه ومن اني وصغيره علمني هذا صح وهذا خطا علمني على اطباعه صح هو عايش بلندن بس طبعه عراقي اصيل وخصوصاًبابا ابن شيخ كان
دللني مرفضلي طلب ابد ولا قبل يتزوج علمودي فده حياته بين الطب وتربيتي
كل فتره جان يروح للعراق زياره ياخذني وياه نبقه اسبوعين او 10 ايام ونرجع بس بكل مره. بابا يعوفني عند بيت صديقه بمحافضه بغداد وهو يروح لاهله بمحافضه البصره ابد مياخذني وياه وبكل مره اساله ليش يكولي مااريدهم يشوفونج اطباعهم تختلف عنج كبرت وشبيت اشترالي ارقه سياره من تخرجت من الثانويه بس الفرحه مكملت فجئتاً بابا راح مني بسنه. 2015 سكته قلبيه وبسرعه راح عافني وحيده. تاثرت حيل بوفاته مبقه اليه احد فقط اصدقائه المقربين والانسان الي احبه
اسمه انس اصله عراقي مواليد 1991 تعرفت عليه عن طريق النت وحبينه بعضنه وتشاوفنه وبقينه على تواصل وطلعات مستمره ولاول مره بحياتي احب حيل حبيته
من توفه بابا انس ابد معافني حته جان يبقه يبات يمي بالبيت وبكل مره يحاول يتقربلي واتذكر كلام بابا العيب والحرام وامنعه
اما مواصفاتي شكلي بريطاني اشبه ماما حيل
شقراء وعيوني ازرق فاتح. وبيضه طولي 160 ووزني 55
شعري طوله وسط لنص ضهري ولونه اشقر طبيعي
شكلي كولي بريطانيه اما الدم والاطباع عراقيه
ورا وفاة بابا باشهر اجه. صديقه ونطاني ورقه وتسجيل فديو لبابا وصيه ضامها يمه ومن شفتهن بابا
بنتي شمس
اذا يصير بيه شي واروح من هاي الدنيه انتي لازم ترجعين للعراق لمحافضه البصره تحديداً في قضاء القرنه والعنوان وارقام الموبايل موجودات
تروحين لبيت آخـۅيه الكبير الشيخ حمزه ابو سلطان ورثي من ابويه بالمعمل والاراضي كوله عنده مامنه وهو من حقج انتي
شمس/قريت الوصيه وشفت الفديو بقيت ابجي حيل وشفت صعوبه عليه بس لازم انفذ وصيه بابا حجزت للعراق
حجيت وي انس
شمس/حبيبي اني لازم اروح للعراق بابا موصيني اكو ورث اليه يم اخوه ولازم اروح اخذه
انس/اي روحي اخذي ورثج كوله وتعالي ارجعي
شمس/يـعـنـي متعارض ولاضجت على روحتي
انس/لابالعكس اهم شي تاخذين حقج صح راح اشتاقلج بس لازم تاخذين حقج وترجعين حته نتزوج اني وياج
شمس/ماشي
سنه2016 شهر الخامس سافرت للعراق وصلت مطار بغداد وكبل حجزت للبصره لمطار البصره
وصلت مااندل شي بالبصره لان جنت اجي وي بابا فقط لبغداد جنه كل سنتين تقريباً نجي اني وبابا بس اول مره اجي بيها للبصره
حته من جنه نجني بابا سجلني بنفوسه وطلعلي جنسيه عراقيه هم ومن اٍُِجٌِيت جبتها وياي هي ومستمسكات بابا هم
نزلت سالت على محل شرائح خطوط دلوني اخذت شريحه وخلولي بيها رصيد خابرت على الرقم الي تركه بابا اليه مكتوب الشيخ حمزه
خابرت
شمس/مرحبا
الشيخ حمزه/اهلاً تفضلي
رجال كبير مبين من صوته
شمس/عمو انت الشيخ حمزه
الشيخ/اي بويه منو انتي
شمس/اني شمس بنت اخوك حازم
الشيخ/شنوووو شتكولين حازم الله يرحمه ماعنده خلفه كال عندي ابنيه وتوفت وي امها بالحادث
شمس/ممكن تجي تاخذني او تنطيني عنوان مضبوط آٍجُـي عليه لازم نتشاوف ونحجي
الشيخ/انطيني عنوانج وهسه ادزلج احد يجيبج
شمس/اني بمكان قريب على مطار البصره بكوفي هيج اسمها هنا كاعده
الشيخ/هسه شويه ويجي ابني يجيبج
شمس/سديت الخط ومصدومه معقوله بابا ضامني عليهم وكايللهم ميته زين ليش ولهذا السبب بابا مجان يقبل ياخذني الهم وحته مافد يوم كلي احجي وياهم او تواصلي وياهم بالفون
بقيت بدوامه وراسي ياذيني من التفكير ورا 20 دقيقه تقريباً طب ولد شاب لابس دشداشه ولاف راسه ومناضر من طب بس اني بنت كنت كاعده بالكوفي تقرب عليه
غسان/مرحبا انتي شمس حازم
شمس/نعم انت منو
غسان/اني دزني ابوي الشيخ يله تفضلي وياي
شمس/يحجي وياي وصافن عليه ويباوع اللبسي من فوك ليجوه
جنت لابسه بدي ربع ردن اسود وبنطرون جينز سمائي وحذاء رياضي اسود وشاده شعري ليفوك
كمت مشيت وياه سحبت الجنط مالتي رجع اخذهم من ايدي جنطتين كبار ووحده لابستها بضهري
صعد لجنط بالسياره وصعدت ليوره. مشه بالسياره باوع عليه بس ابد ماحجه وياي شي
وصلنه يم بيت كولش كبير اشبه بالقصر طراز خليجي نزل فتح الباب وطوب السياره كراج كبير ومنا ومنا حدائق كبيره. كولش حلوات اشكال الورد بيهن
هو يمشي واني وراه طبينه صاله كبيره اكو رجال كاعد ومريه كبار بالعمر الرجال لابس دشداشه وعكال والمريه لابسه دشداشه لون نيلي ولافه راسه بالحجاب ومخليه بي دنبوس ذهب
وصلت يمهم كولتلهم مرحبا
الشيخ/اهلا وسهلا بويه
المريه/هلا يمه هلا بيج الحمدالله على السلامه
شمس/شكلهم رحماني حيل وبيهم حنيه حسيت خصوصاً المريه راساً دخلت الكلبي
كولتهم شكرا ربي يسلمكم
كعدت
فتحت الجنطه مالتي طلعت الجنسيه مالتي وجنسيه بابا وجواز سفره العراقي والبريطاني وكولشي يخصه قدمتهن للرجال
اخذهن لبس مناضره الطبيه وبقه يكلب بيهن ويقراهن باوع عليه كال يعني انتي بنت اخوي حازم
شمس/اي اني
الشيخ /ليش ابوج كال عليج متي وي امج لعَـدْ
شمس/مااعرف ليش ومن كان بابا يجيكم اني وياه بس يعوفني عند بيت صديقه الي ابغداد وكل مااكوله ليش متاخذني وياك يكولي آلُـ✿ـجُ احسن مااعرف شنو السبب بس بعد وفاته صديقه اجاني ونطاني هاي الورقه
قدمتها اله هاي وصيه بابا
الشيخ/قره الورقه وكانت بخط ايد بابا
كال اي بويه ميضيع شي يمي انشالله حلال ابوج وحقه بالحفظ والصون بس ينراد وقت ياله اكدر اطلعه وانتي باقيه يمنه لو الج نيه تردين لديرتج
شمس/ارجع لبلدي بس اخلص كولشي وهسه حابه تنطيني عنوان فندق حته استقر بي
الحجيه/شنو يمه فندق شنو وهذا بيت عمج شكبره
هسه اخلي البنات يجهزلج احسن غرفه يمه انتي بنت حازم احنه اهلج انتي بنيتنه وهذا عمج دمج ولحمج وانه مرته مرت عمج يـعـنـي عمتج
شمس/شكرا الج بس مااريد اثقل عليكم
الشيخ/بويه هذا بيتج وانتي بنت اخوي حسبت بنتي يعني انتي وحده من هالبيت معززه مكرمه
الحجيه/امشي يمه وياي اخذج ترتاحين
طلعت تمشي واني امشي وراها طبت بمطبخ كبير تقريباً بيتهم كوله نضام خليجي مثل بيوت الخليج الي اشوفهم بالمسلسلات
لكينه 2 بنات
كالت هاي زينب ام حمزه مرت ابني سلطان الشيخ ابني الجبير مسافر لدبي كم يوم ويرد
هاي مريته وعنده ولد اسمه حمزه وابنيه اسمها هيا
وهاي ايه مرت ابني غسان الي جابج هــًـًســًه وعدها 2 ولد علي وكرار وتصير بت اختي هم
الحجيه/يبنيات هاي بنت المرحوم حازم
يمنه راح تبقه وحالها من حالجن حضرلها الغرفه الفوك ورتبنها وخلنها ترتاح جايه من مسافه بعيده
شمس/اهلا وسهلاً
زينب/هلا حبيبه هلابيج
ايه/هلا بيج
زينب /ارتاحي هنا شويه بين مااصعد احضرلج الغرفه
كعدت على كرسي مال ميز طعام واباوع على البيت والاثاث
هاي ايه تباوع عليه وعلى لبسي وتخزرني هنا اثنينهم لابسات دشاديش وزينب لابسه حته حجاب
ايه/بس انتي دامج باقيه يمنه خطار ميصير تلبسين هيج لازم تلبسين مثلنه وخصوصاً عدنه شباب اثنين بالبيت ميصير تمشين كدامهم هيج
شمس/تفاجئت بكلامها وليش شبي لبسي اني هذا طبيعه لبسي
ايه/احنه مو اجانب حبيبتي
شمس/واني هم عراقيه ترى
نزلت زينب/يله حبيبه تعالي وياي اصعدي لغرفتج
شمس/تمام حبي بس خلي اجيب الجنط بقن بالسياره يمكن
زينب/عوفيهن هسه غسان يجي ويصعدهن آلُـ✿ـجُ
شمس/تمام باوعت على ايه
عوجت حلكها معجبها الكلام
صعدت فوك وراها امشي اباوع. هواي غرف مسدده البيبان بقت تمشي وتشرحلي هاي غرفتنه اني وسلطان وهاي غرفه حمزه ابني وهاي غرفه غسان وايه وصلنه لاخر غرفتين كالت وهاي غرفتج بقت وحده بلاخير كولتلها وهاي شنو لعد هم غرفه
زينب/هاي غرفه سلطان
شمس/ليش مو بالبدايه كولتي غرفتكم
زينب دنكت وكالت بعدين تعرفين كلشي خيه وجوه غرفه عمي الشيخ وعمتي وغرفتين للضيوف من يجني البنات وعوائلهم ينامن بيها
طبيت للغرفه
كالت هاي الغرفه جانت قبل غرفه غسان قبل ليتزوج . ومن تزوج بقت مثل ماهي
انـ شـاء الـلّه ترتاحين بيها
الغرفه عباره عن غرفه ام النفر تركيه لونها ابيض وجويتي
بيها سرير واحد وكنتور وميز مرايه وتلفزيون بلازمه. مرتبه صغيره
زينب/مسحت لاثاث وغيرت الفرشه والكنتور فارغ عود رتبي بي ملابسج والتلفزيون يشتغل اذا تضوجين شغلي
هــًـًســًه اشوف غسان وينه يصعدلج الجنط
نزلت بقيت افتر بالغرفه شِفـــٰٰتْ باب فتحته طلع حمام
وباب ثاني فتحته مقفول بس المفتاح معلك بي فتحته طلعت بالكون والاطلاله على حديقه البيت المنضر حلوو بقيت واكفه اباوع وافكر شلون راح اتاقلم هنا وشكد راح ابقه ماادري تذكرت انس اشتاقيتله حيل ماعندي نت حته اخابره
شويه واندك لباب فتحته طلع غسان طب مدنك
كال هاي الجنط طوبهن وطلع. صحت عليه
شمس/بلازحمه عدكم نت
غسان/اي عدنه انطيني جهازج اكنكلج
شمس/هاك تفضل
كنكلي ونطانياه وراساً نزل
سديت لباب خابرت على انس
شمس/هلووو حبيبي
انس/هلوو حبيبتي وصلتي طمنيني عنج
شمس/اي حبيبي وصلت وحالياً بيت عمي اتفهمو موقفي وعلى شنو جايه كال فتره بين مااكدر اطلع الحصه وانطيها آلُـ✿ـجُ حقج هذا
انس/اي زين اهم شي تاخذين حقج كامل وراساً ترجعين اشتاقيتلج
شمس/واني هم حبيبي
سديته بقيت ارتب بالملابس
ساعه 1 صعدت زينب كالت تعالي تغدي
كولتلها ابدل وانزل
اني طبيعه لبسي تراكات بناطير بديات وكولهن هـًُّـيًُْـچ الي جايبتهن. وياي
طلعت تراك اديداس اسود ربع ردن. وبيجامه ولفيت شعري على شكل كعكه
ونزلت
