رواية معشوقه الضابط علي ( كاملة جميع الفصول ) بقلم ارسلان جاف

احب اعرفكم عن انا اسمي هناس عمري ٢٢ سنه طويله وسط مو قزومه فد مره بيضه مو ضعيفه ولا سمينه وسط عيوني كبار وساع شعري مو طويل كلش جمالي بارز حلوه كلش احلى وحده باخواتي احنا كلنا حلوات بس اني ملامح جمالي بارزه من سكان اهل بغداد ابويه متوفي صار ١٠ سنوات عندي اخوات ثلاثه نور هبه وهدى وأخ واحد محمد صغير صف خامس ابتدائي روح امي من الدنيا وامي اسمها فاطمه هيه امنا هيه ابونا من اتوفى بابا ماما هيه عشيتنا بل البدايه من توفى سكنا بيت جدي بس صارت مشاكل بين نسوان بين مرت عمي ياسر عم واحد عدنا وجدي وجديتي ومرت عمي بس عدهم أطفال بس صغار عة امي طلبت من جدو نرجع نعيش وحدنا بل البيت مالتنا جدي ما عارض خطيه فقير كلش صار ١٠ سنوات عايشين وحدنا وماما هيه تشتغل عمي ياسر كل فتره يجي يشوفنا مصرف كل شهر ١٠٠ الف بس ما يكفي لان اختي هبه معهد تمريض على حسابنا الخاص ثوله تريد تحقق حلمها اختي هدى خريجه سادس ما كملت لان بابا اتوفى وظروف صعبه واختي نور سادس اعدادي اني مخلصه كليه العلوم كيمياء جاي اشتغل بمختبر تحليلات ويه دكتور العصر اشتغل زين أكدر اساعد ماما اختي هدى تسوي اكل للناس عدها بيج ترويج عن طريق الفيس اكل ويه جارتنا ام حسام تجي يمها تسوي َتنقاسم الفلوس وابنها حسام يوصل طلبيه صغير صف ثالث متوسط فقير كلش ربينا سوه صار سنين هاي عشيتنا وماما خياطه مشهوره كلشي خياط راقي لان خياطه قديمه زبائن اغنياء اكثر مرت احنا نسويلهم اكل ماما توديلهم بيتنا صغير متكون من غرفتين ومطبخ استقبال صاله ألحمدالله هذا الشي الوحيد ملك يلا نبدي القصه اسفه طولت عليكم بس حبيت تعرفون تفاصيل كامله.... إم أمير 

الام فاطمه... يمه هناس هدى هبه نور اكعدوو يلا ما ضل وكت دنيا ظهر كومي انتي عندج جامعه وانتن ما ضل وكت اني رايحه لبيت ابو علي اليوم عدهم خطار اتأخر هناس وهدى لا تسون غدا اجيب وياي اني 

هناس.. كعدت ماما وين تروحين ما كلتي باجر ما عندي خياطه وانتي شعليج بل الخطار مالتهم 

الام.... ولي ما عليج هذا شغلي بشنو تعيشون اي والله عبالي ما اروح بس ام علي خابرتني عدهم عزيمه تريدني اساعدهم اشويه بس مساعده ماشي ماما يلا اني رايحه لا تفتحن الباب هسه ام حسام تجي عليجن ماشي محمد راح للمدرسه ديرن بالجن عليه  

هناس.. روحي ماما لا يضل بالج علينا ماشي راحت ماما هيه خياطه ادخلها بل الطبخ اكون يطلع كلامها صحيح يلا هدى هبه يلا اكعدو اني رايحه اسوي ريوك عشر دقايق ما تكعدن اجيب مي وارش عليجن اشوف منو ما يكعد 

هدى.. اوف خليني نايمه والله شغل موتني اليوم ما عدنا طلبيه مرتاحه خليني نايمه فدوه 

هبه.. اووف عزاا ما ضل وكت نبع الحنان وين 

نور .. ضلت تتنظرج من راحت لبيت ابو علي لحد الان ما اعرف شكلهم امج بس تحجي بيهم خابصتنا 

هناس.. عيب نور ناس ما شايفين منهم إلا خير كافي ينطون حق ماما وتعبها زايد عيب يلا كومي ام لسان 

نور .. كمت على كيفج حبيبتي اني شكلت اكلتي راسي جريده صباح من الصبح 

هبه... ههههه يلا اروح ابدل ما اريد ريوك ما ضل وكت هسه تجي عبير 

هدى... يلا كومن اخلص منجن اكلتن راسي اريد اناااام اوووف اليوم استراحه الله ياخذج 

هناس.. صوتج الله ياخذج صوتج يا ااستراحه كولي شغل واكف ماكو شغل لما شغل ماما وخياطه نموت جوع يلا كومي اكو كم قطعه قماش نخيطهن تجي الظهر تضل تحجي علينا يلا 

نور ... هبه اريد تنوره مالتي هسه تنزعيها ما عليه كومه عندج ملابس الا تنورتي ما ما 

هبه... ووالله روحي اضربي راسج بل الحايط ما انزع ما ضل وكت خوما يوميه نفسهن اريد اغير مليت نفس ملابس يوميه بس اليوم حبابه 

هناس... شكو شكو من الصبح يوميه نفس اسطوانه من وره ملابس وانتي كم مره منبه عليج ما تلبسين من ملابس هدى 

هبه.. فدوه هنوسه حبابه بس هل مره والله صديقاتي يوميه شكل استحي فدوه خليني لابستها 

نور.. ما عليه اريد تنورتي هسه هسه ماما 

هناس... تااالي وياجن ما نخلص من الصبح يلا هبه انتي روحي للجامعه ما ضل وكت وانتي ثانيه بدلي كومي روحي للمدرسه يلااا 

هبه.. فديتج هناسه رايحه مع السلامة 

نور.. اووف مو عدل هذا شنو هل عيشه اوووف 

هناس.. نور لا تعلين صوتج امشي انكبري للمدرسه يوميه مشاكل يلاااا وانتي الثانيه هدى يلا كومي غضب والله صوتي راح من وراجن مصيبه كومن عاد يوميه صياح 

هدى.. كعدت ست هناس على كيفج وياي كمت هاا 

هناس.. وجعااا ما تشوفين البيت شلون صاير مكلوب يلا كومي هذن ما اكلن اني ما اشتهي رايحه اسوي الغدا انظف المطبخ وانتي رتبي الغرفه شغلاتي وكتب عوفيها ما عليج بيها 

هدى... حاضر تدلللين ندري اهم شي الكتب كالت محلله هناس هسه ندري محلله شجابج على الكتب 

هناس. َ احب أقرأ كتب انتي شكو كومي كملي شغلج بدون لغوه 

بيت ابو علي

هدى.. من وراجن شلون ادزنهم هسه امي تحرك دنيا علينا 

هناس.. عزاا يالله صار نص ساعه اووف هبه امشي جيبي عباتي اروح اشوفهم شسوي 

هبه.. ماشي عيني اوكفي اجي وياج اني هم 

هناس.. انتي ضلي يم هدى هسه تجي امي اووف شورطني كلته روح الله ياخذج هناس لبست عباتي طلعت ايدي على قلبي وصلت راس شارع شفت ناس ملتمه عزاا شكو احس رجليه ما عاد يحملوني وصلت نور سابحه بل الدم وتعيط محمد نايم مثل ملاك راسه مفتح ودم ينزل منه جيس مالت لفات بنص دم هو لازم لفه ماكل نص منها يمه يمه يمه كمت اعيط بعلو صوتي محمد رحت حضنته محمد اكعد حبيبي محمد محممممممد فدوه إسعاف محمد مات يمه حمودي رحت تجيب لفات ليش ما رجعت محمد انت سندنه بهاي الدنيا محمد اموت والله اني السبب 

.... شيلي أخوج بنتي اخذي للبيت أخوج مات من زمان لحظه الي ضربته سياره مات وانهزم الي ضربه الله لا يوفقه 

هناس... اجه عمي ابو حسام ناس وخرت نور مصدومه حضنتني وتصرخ شلت محمد احس متت وصلت البيت لكيت امي راجعه شايله الاكل وكعت بل الكاع اجتي حضنت محمد وتصرخ وتلطم اخواتي كلهم يصرخون يلطمون ناس يمنا كومه ما نعرف منو ضربه وانهزم احداث احس حلم مو حقيقه اتمنى اكعد منه 

فاطمه.. ولج يا معزايه ولج ياريت انتي ولا هو الله ياخذج شلون خليتي يطلع مو وصيتج عليه وعلى اخوتج ولي كدامي ولي كدامي 

هناس.. كامت تضرب بيه دفر بكل قوتها اني كرهت نفسي احداث حياتي تنعاد كدامي والي شفنه بهاي الدنيا بس قهر وعازه هوسه ناس داخله ناس طالعه عزلت نفسي عن الكل جان سندنا من بعد الله امي أحلامها كلها على حمودي اني السبب يا ترا شراح يصير بعد هاي احداث.. 

بعد مرور سنه 💔💔💔 

هناس... من بعد هذاك اليوم ولحد الان امي ما تحجي وياي بس على كد شغل اما تكولي كلمه حلوه ابد اشكد جنت اشتاقلها واروح عليها ابوس رجلها جان تطردني هبه كرهتني بس هدى ونور وكفو وياي داما يحجون ويه امي بس ما تقبل صرت خياطه شاطره مثل ماما من ارجع من المختبر اساعدها بس ما ترضى عليه هبه بعدلها سنه وتتخرج نور راحت السادس امي تشتغل وترجع عازله نفسها تحجي ويه اخواتي بس من اني اجي تكوم احس ما عندي احد جنت اشتاق لبابا داما ما اتوقعت امي هلكد قلبها قاسي عليه حمودي كسر ظهري ما جاي اصدك هو مات صوته بل البيت ضحكته كتبته قرطاسيه مالته مكتبه مالته كلشي لحد الان ماما محتفظه بيهم 😥😥 

فاطمه.. يلا بنات يلا اكعدو اني رايحه للشغل مالتي يلا هدى اكعدي يمه كعدي اخوتج ما أوصيج عليهم 

هدى.. حاضر ماما كعدنا هناس هناس 

هناس.. كاعده اسمع كل كلمه منها راحت هيه مو خياطه شعدها يوميه رايحه وليش من الصبح شنو من شغل هذا 

هبه.. اروح اسألها مو وضعيه هاي يمه ممكن سؤال 

فاطمه.. خير.شكو شعندج من الصبح 

هبه.. انتي مو تشتغلين خياطه شو من الصبح تطلعين ليش 

فاطمه... لآ ما اشتغل خياطه اشتغل خدامه عد الناس علمود تعيشون انتو عجبكم 

هبه.. شنو شنو خدامه صدك تحجين ماما ليش خدامه مو جنتي خياطه ليش ماما فضحتيننا 

ليش هناس مو جاي تشتغل بمختبر ألحمد الله 

هناس.. سمعت صوتهم وطلعت اني وهدى هبه تصيح نور هم انفعلت 

فاطمه... لعد بشنو تعشيون عبالجن شغل اخواتج يكفي وخياطه مو مثل قبل محد يخيط كله ملابس جاهز كمت انظف واطبخ الهم وهم ينطوني فلوس شسوي ما عندي غير حل كومه لحم ابوجن خلاجن عليه والعيشه صعبه 

هدى.. خلص ماما انسى لا تهتمين لكلامهم الشغل مو عيب وانتي ما مسويه شيء خطأ 

هبه.. اي نعرف شغل مو عيب بس مو خدامه ما خلصت من كلام صديقاتي امج خياطه انوبه تطلع عليه امج خدامه شيكولون علينا بنات خدامه عند العالم يمه اروحلج فدوه عوفي الشغل 

فاطمه.. خلص خلص كاافي بشنو تدرسين مو جاي تصرفين من شغل خدامه منين اجيب اكود وإخوتج شغلهم واكف شلون يعني بس يهمج كلام ناس نموت جوع امشي ولي من كدامي لا ابتلي بيج والله 

نور.. ما يفيد الحجي خلص اشتغلتي وصرتي خدامه ما عليه بعد 

هناس... كلهم انقهرو اني ما تكلمت ضليت بس اباوع وابجي على حالنا باوعت عليه امي مسحت دموعي وعفتها رحت للحمام 

فاطمه.. يمه هدى اختج هناس شبيها صارلها يومين ما عاجبتني 

هدى.. شلونها وانتي صار سنه ما تحجين وياها يمه هذا قدر الله وصار وهبه ام لسان يوميه تذكرها شنو ذنبها هيه يمه فدوه سامحيها 

فاطمه.. لآ تذكرني تراا قلبي خلصان وخري من كدامي ما ضل وكت اليوم ولدهم بل البيت غرفهم تريد تنظيف يلا ديري بالج هناس ما أوصيج عليها 

هدى.. يعني تحبيها خايفه عليها ماشي لا يضل بالج 

فاطمه. ما يخصج يلا مع السلامه 

هناس.. طلعت من حمام صارت بوجهي امي ضليت صافنه عليها اتمنى انام بحضنها راحت شغلها رحت سويتلهم ريوك كالعاده نور وهبه علمود ملابس خير شبيكم صوتكم طالع ما تخلص نفس اسطوانه يوميه اخذي من ملابسي 

هبه.. اووف مو عيشه هاي ملابسي كلهن قديمات اريد شي جديد طكت روحي 

هناس.. خلص بس استلم راتب مالتي روحي اشتري ملابس وعد مني الج  

هبه.. صدك فديتج يا أحلى اخت 

هدى.. فديتج يا أحلى اخت لوكيه بس وكت مصلحتج خطيه هيه ناويه تشتري بيهن تلفون تلفونها مكسور يلا امشن اتزقنبن سوت اكل هناس 

نور.. ماشي اجينا شوفي هبه اشكد حنينه هناس وانتي كل كلمه وثانيه تذكرينها باخويه الله يرحمه 

هبه.. الله يرحمه هسه اروح عليها خطيه هناس اني اسفه يروحي انتي والله مو بيدي من اتذكر محمد اسفه 

هناس. َلا حبيبتي لا تبجين خلص متعوده امي كافي عليه خلص كافي بجي يلا اكلي لكمه وروحي للجامعه مالتج ماشي 

هبه.. ماشي يروحي انتي يلا باي 

هناس.. الله وياج يلا هدى عدنا شغل ام حسام هسه تجي خل نخلص تنظيف البيت واساعدج اريد اكوي تنوره مالتي العصر البسها  

هدى. ماشي حياتي هياتها اجت ام حسام هلا خاله 

ام حسام. َهلا بيجن حبايب شلونجن شلونج هناسه 

هناس. َهلا خاله الحمدالله نورتي صدك خاله عدنا طلبيه كليجه بل مجمده خل حسام ياخذها دزتلي رساله تريدها 

ام حسام.. ماشي انطيها خل أخذها موجود بل البيت هو اي والله يلا هسه اوديها وارجع خلصن شغل البيت 

هدى.. ماشي خاله نتظرج يالله 

هبه... هلو عبير شلونج حبي اخبارج 

عبير َهبه... هلو عبير شلونج حبي اخبارج 

عبير ََ.. الحمد لله حياتي تعالي نكعد ولج اليوم اجه شاب جديد يخبل يجنن تعالي نروح اهناك. نشوفه 

هبه. َعيب عليج شنو يجنن ما عندي هيج سوالف اني عبير ازعل عليج ولج 

عبير.. شبيج خبله تضلين هيج اي واحد يتقربلج ما تقبلين اكسبي واحد وتخلصين من عشيتكم هاي عشيه الفكر والعازه 

هبه. َمع الأسف عليج عبير شبيها. عشيتنا على أقل عشيه بكرامه مو شرط اغنياء وشايفين نفسنه 

عبير.. ولي وين رايحه اتشاقه وياج عوبه تعالي نروح نشرب شي وندخل محاضره 

هبه..ماشي ولو كلامج من الصبح ما خله مزاج الي يلا رحنا كعدنا بل الكافتيريا طلبنا عصير جان اكو شاب كشخه كبالي بس يباوع نزلت عيني احسه يراقبني 

عبير.. شوفي باوعي يا ثوله شوف نظراته بس الج يجنن خرب بيومه 

هبه. َولي صحيح اني قصيره بس حلوه ملامح جمالي بارزه لابسي عادي بس حلو ومرتب عبير راحت للحمام هو اجه وخر كرسي وكعد كبالي 

فارس .. عمري ٣٠ سنه متزوج عندي طفل احد اسمه علي علاقتي بزوجتي زفت كاضي حياتي بس مشاكل اجيت على صاحبي وأخويه مسوين حفله بل الجامعه مالتهم عزموني الا اجي رحت صار مرتين اروح اشوف هاي القزمه أخذت عقلي بس هل مره ما اكدر بعد الا اصارحها كعدت يمها ما عارضت صباح الخير اسف كعدت بدون ما أخذ اذنج 

هبه.. صباح النور لا عادي اصلا اني كايمه تكدر تاخذ راحتك كمت وعفته ضل متصنم ضحكت على حركتي حسيته صار نار اجتي عبير تريد تاكلني 

فارس.. وين رايحه هاي راحت وخلتني اني. اعلمج اخويه كاظم يضحك عليه شكو ولك اني اعلمها والله الا اخليها تندم على يوم الي صارت بي اصبري 

كاظم.. ادري بيك تسويها بس هاي فقيره عوفك منها خطيه حبابه كلش شريفه بشكل طلاب جامعه كلهم حاولو وياها ما كدور هسه حسوبها مثل اختهم 

فارس .. صدك تحجي انت تمشي طولها سطرني سطر اويلي يابه متت بيج يا قزمه الا اخليج تعشقيني يلا اني رايح ان شاء الله باجر هم اجي اروح اجيب علاوي من روضه 

كاظم... ههههههه شعندك يوميه جاي روح يمعود لا نوبه مرتك رهف تفضحنا 

فارس .. امشي ولي مرتي شنو يلا راقبلي شوفها صدك شنو اسمها القزمه 

كاظم... هبه 

كنان.. ماشي حبيبي يلا باي 

بيت ابو علي 

رقيه... اني طالعه رايحه بيت جدكم فاطمه ديري بالج على بيت خاف احد يجي خابريني 

فاطمه.. حاضر راحت ولد كاعدين بل الحديقه البنات كاعدات يسولفون ويضحكون اتحسر على بناتي ما شافن سعاده بحياتهن صافنه وابجي 

علي... اني طالع من رخصتكم كملو لعب بليل نكمل سهره 

سيف.. ماشي اكولك ولد عمك هيثم فارس وكاظم بليل يجون علينا تعااال عود هذا فارس يكول مشتاقله ما يلفي على البيت نشوفه 

علي... ههههه ان شاء الله احاول رحت للمطبخ اشرب مي شفت خاله فاطمه سلامتج خاله 

فاطمه.. مسحت دموعي الله يسلمك لا خاله ماكو شي اشويه تعبانه 

علي.. خاله يمكن الي اعرفه ابنج الله يرحمه محمد هاي دموع عليه الحياه صعبه وكلشي نشوف بيها هاي قدر وصار الله كاتبله يموت بهيج يوم بعده ما صاير الله كاتبله هيج يموت كلنا نروح وراه بس حبيت أكولج هل كلام لان كل البجي ما يفيد بس ادعيله وربي يرحمه برحمته 

فاطمه.. َمشكَور خاله. على كلامك ربي يحفظك لشابك انت مثل وليدي 

علي.. مشكوره خاله والله انتي مثل امي واعز من رخصتج 

فاطمه.. مرخوص ابني اخذ راحتك 

بان.... وين تروحين هسه شنو هل لبس إذ علي او سيف شافوج شنو تكولين 

ليان.. رايحه لبيت صديقتي عندج مانع ما يكولون اي شي لا تخافين مو كلها مثلج بعدين علي صعد بدل راح يطلع عازمه صديقاتي بل المطعم اخذ صديقي واروح للمطعم 

بأن.. روحي شعليه اني كشخت وطلعت علي ما. يخليها تلبس هيج وتطلع بس ابويه مدلهاا اهوايه مصطفى يتصل الو حبيبي 

مصطفى.. الو حبي شلونج اخبارج اليوم ماكو 

بان.. اسفه حبيبي ما اتصلت بيك مشغوله والله عندي امتحان صعب دزيتلك رساله ما رديت 

مصطفى.. لآ عادي حبي معذوره اهم شي دراستج بس تخلصين اجي اخطبج تمام 

بان.. الله كريم يروحي ان شاء الله اهلي ما يعترضون 

مصطفى.. إن شاء الله والله جاي احاول اوفر كلشي علمود ما يكولون ما يكدر يعشيها نفس عيشتنا 

بأن.. ما يهمني كلشي يهمني انت وبس لا انت ما ناقصك شي ان شاء الله اهلي يوافقون لا تخاف 

هناس... أكولج خاله انت تعرفين امي تشتغل خدامه عند بيت ابو علي 

ام حسام.. اي ادري من زمان بس هيه طلبت مني ما اكولكم لان انتو ما تقبلون وتهمكم السمعه بس والله عشيه صعبه واختج تدرس على حسابكم وهمه الحمد لله ما مقصرين وياها 

هدى.. اذا هسه او بعدين مصيرنا نعرف هو بنات خياطه كاافي علينا هههه انوبه بنات خدامه يمعوده حياه لو جهنم 

هناس.. انجبي لا هيج تكولين شتسوي لعد شلون تعيشن وتلبسن هذا مو كله فلوس عبالج شغلي وشغلج يكفي بلا و مسواك البيت 

ام حسام.. صح لسانج عفيه عليج بنتي هاي بنات ربي يحفظكم لأمكم ويفرجها عليجن واشوفكم عورايس فدوه 

هدى.. منو يدك بابنا لخاطر الله صدك تحجين خاله بلكي نور وهبه يشوفهم من جامعه من مدرسه اما اني وهناس ميتين احتمال هناس يشوفها مكرود من تروح للمختبر هم يطلع كله أمراض أكسباير 

هناس.. ههههههه موت اي والله بس يهمج زواج ورجال كملي شغلج احسن شي لو اخليج بنص جدر دولمه 

أم حسام... هههههه عفيه عليج والله يلا نسوي هذا جدر ونوبه نعجين كليجه ماشي يلا استعجلن حبابات 

هناس.. خلصنا شغل خالتي ام حسام راحت لبيتها غسلنا البيت .. اجََوو البنات من الدوام امي يَمكن اليوم هم تتأخر كالعاده 

هدى...اكيد ضل وكت يلا اني كايمه اصب الغدا هلاوو شبيكم مبوزين شبيج هبه 

هبه.. ماكو شي يمعوده عبير العوبه ضوجتني هاي اكو واحد مضايقيني بل الجامعه عبير تكول معجب بيج بطرانه 

هناس... يااا صدك يولي اذا اكو معجبين بيج زين لعد 

. 

هبه.. يااا صدك ما ادري عابت عاد انتوو شلونكم صار سنتين تشتغلين مختبر ما شفت معجب بيج 

هناس. وعابت انتي اي والله كومه معجبين بس اني ما انطيهم مجال حبيبتي يلا كاافي لغوه روحي غسلي وتعالي اتغدوو يلا 

نور. اني بدلت وغسلت يااي ميته جوع وين ماما كالعاده لحد الان تشتغل ما تفكر ترجع ما شاء اللنور... . اني بدلت وغسلت يااي ميته جوع وين ماما كالعاده لحد الان تشتغل ما تفكر ترجع ما شاء الله.. 

هدى... ما تسكتين احسن خل نعرف نأكل تراا ماله من هاي وضعيه والله 

هناس.. اي خلصوو اتغدينا البنَات راحو يدرسون صارت ساعه ٤ العصر جو بارد اروح ابدل ما ضل وكت بدلت. لبست تنوره وقميص وقمصله حلوه نازكه رتبت نفسي اخبل فديتني وجعوو شكو شبعتي نووم   

هدى.. اممم شكو شبيج اتخبلتي تحجين ويه نفسج تخبلين ولج شعجب مخليه مكياج اليوم 

هناس.. اي والله عاجبني اخلي اشويه اممحح احبج لج يلا حب اني رايحه خابرتني امي جايه بل الطريق يلا باي رحت فتحت المختبر رتبت الغراض اجه دكتور ومساعد وياه كعدت اشتغل بل الغراض 

هدى... امي اتاخرت اليوم صارت دنيا ليل هناس راح ترجع من شغلها ولحد الان ضل بالي يمها ما ترد خل اخابر هناس الو وينج 

هناس... هسه خلصت جايه بل الطريق ليش شكو ماما سألت عليه 

هدى.. يا سألت عليج خل تسأل علينا بل البدايه بعدين عليج البنات يم صديقاتهم وامي لحد الان ما راجعه تعالي بسرعه هناس فدوه 

هناس... جايه بل الطريق وصلت البيت دخلت هلاوو انطيني مي والبنات ليش لحد ما رجعو خوش دياحه اووف 

هدى.. خابرتهم هسه يجون هسه ما علينا امي ما تجاوب كلبي مثل النار 

هناس... تلفوني يتصل منو هاي امي تتصل عليه اي يالله  

فاطمه... خلصت شغل بس دايخه. راسي راح ينفجر خل استاذن منهم واروح للبيت ارتاح تعبت اهوايه اليوم بنتي ريناد اروح للبيت خلصت شغلي 

ريناد.. روحي خاله ارتاحي ما عندنا شيء من نحتاجج نخابرج 

فاطمه.. مشكوره بعدني مو مشيت من يمهم وكعت بل الكاع 

ريناد .. ولج عزاا هاي وكعت خاله خاله فاطمه ريهام صيحي رجلج سيف بسرعه خاله 

ريهام .. ماشي رحت ركض الحديقه سيف سيف بسرعه تعال خاله فاطمه اتخربطتت 

سيف ... شكو جايه. الحديقه كومه ولد ماشي بسرعه جيبي سَويج سياره من فوك ركض ها ريناد شو وخري خاله خاله ولج هاي فاقده تعالي ساعديني ناخذها للمستشفى بسررررعه ريهام 

ريهام ... هاي سويج اوكف خل اجيب موبايلها وجنطتها خاف تاخذ علاج شي 

ريناد .. بسرعه رحت لبست ملابسي واجيت اخذناها للمستشفى ياربي ما بيها شي خطيه هيه كالت اروح ارتاح بل البيت خطيه بناتها 

سيف.. هذا من الشغل البيت كلها عليها امي هم ما تقدر تعب الشخص ما شاء الله كله عافيتها عليها كضيتها يم خالاتي طلعات هذا الفقير خابري بناتها يجون يشوفونها 

ريناد.. ماشي اووف كومه بنات اخابر اي وحده منهم هاي مكتوب هناس هبه خل نتصل ألوو سلام عليكم عيني 

هناس.. عليكم السلام ماما وين هذا تلفون ماما 

ريناد .. ما اعرف شلون أكولج امج اتخربطت هسه احنا بل الطريق ماخذيها للمستشفى 

هناس.. شنو ماما مستحيل ماشي انطيني أسم المستشفى هسه نجي طمنني عنها فدوه شلونها ماما 

ريناد .. لآ تخافين ان شاء الله ما بيها شيء مجرد تعب اسم المستشفى........ 

هناس.. ماشي حياتي مشكوره سديت الخط امي مخربطه يمكن من تعب وشغل ماخذيها للمستشفى بسرعه لازم وحده من عدنا تروح 

هدى.. يمه سوده عليه يا عيني يمه من شغل تعبت نفسها الله يساعدها اروح وياج فدوه خليني وياج 

هناس... ما أكدر البيت ماكو احد البناات هسه يجون ضلي انتي اروح اخذ خالتي ام حسام تروح وياي تمام 

هناس. خابرت خاله ام حسام اجت . يلا خاله ما ضل وكت هدى ما اوصيج لبست عبايه رحت اني وخالتي تكسي تكسي صعدنا على سريع كلبي مثل النار ياربي احفظ ماما دخلت المستشفى مثل متخبله اركض اريد امي مشكله ما اعرفهم خاله خل اتصل على رقمها 

ام حسام.. اي اتصلي بلكي يجاوبون ونعرف اي غرفه 

هناس.. ألوو عيني وين انتو ما اعرف شكلكم ماشي عيني دقايق يمج خاله تكول طابق الثاني يلا صعدت على سريع شفت بنيه واكفه يم الباب ياربي هيه عفوا انتي ويه ماما فاطمه 

ريناد ... اي اني حبيبتي انتي بنتها سبحان الله ايه من. الجمال لاتخافين ضغطها نازل هسه بل الغرفه اخويه سيف يمها لا تخافين 

هناس.. اي اني مشكوره أكدر ادخل اشوفها لو ما يقبلون 

ريناد .. اي عادي تكدرين تتدخلين اتفضلي 

هناس.. تعالي خاله دخلت شفت ولد طويل واسمر سلام عليكم ضل صافن حتى ما رد سلام رحت على ماما شكلها تعبانه ماما روحي شلونج يروحي انتي كمت ابوس بيدها وابجي بستها من راسها بجت حضنتها حضنتني كامت تجبي طلعو وخلونا ماما اسفه ماما لا تعوفوني والله اموت من دونج 

فاطمه.. يروح امج هناسه لاتخافين بخير اخواتج شلونهم هسه يضل بالهم خطيه شلونج ام حسام مشكوره تعبتج وياي 

ام حسام.. صحه وعافيه يارب لا تعبج راحه هذول بناتي 

فاطمه.. الله يعافيج ناس ما قصرو خطيه ابنهم وبتهم ريناد جابوني خطيه كافي هناس كافي بجي ماما 

هناس.. مو بيدي خفت عليج اجتي هاي بنيه حبابه شكلها سلمت ماما اروح للحمامات اغسل واجي 

فاطمه.. اخذي راحتج بنتي لا تتأخرين طلعت صار كبالي هذا الولد مشيت من يمه رحت للحمامات 

ريهام .. الحمد لله هسه صارت احسن ضغطها نازل 

رقيه. َخطيه هاي المسكينه ان شاء الله ماكو غير العافيه يلا ريهام بنات كومو صبو اكل علي بل الطريق هو عمج 

علي... ماكو شي ما اريد غدا اتغدو صاعد انام لحد يكعدني تمام 

رقيه.. خير شكو بس لا اتعاركتو انت وابوك شكو يمه احجي 

علي.. بجنهم شدارني شوفي شنو جاي يشتغل يريد يرشح نفسه على انتخابات كاافي رفعه خشم شتريدون بعد كل هل ماليه كاافي عيون ناس علينا هسه ما خلصانين ما يشبعون والله تخبلون الواحد انتو 

بأن... صعد علي والله كلامه صدك 

ليان.. ليش شكو بيها يصير بابا مسؤل جبير كلش بل الدوله الله 

ابراهيم... وين ابنج علي اريد احجي وياه هسه خل ينزل بسرعه صاير نزيه برأسي 

رقيه ََ... خيركم يا رجال شكو ابني فارس يمه شكو 

فارس ... َعمي محضر طلب علمود انتخابات علي عرف بل الموضوع اتعاركو شك طلب بوجه وراح 

بان.. عزااا عاد هيه شلونها علاقتهم نزل علي وجها نار بدا صياح وكلام ناس تسمع ناس اووف بس اني اشوف كلام علي صحيح 

ابراهيم.. شلون تجرا وهيج تصرف كدامي اني ابوك افتهمت ولد اخر زمن 

علي.. بس اني اريد مصلحتك هذا الشي خطأ بعدين ما فكرت يااخويه ضل انت

علي.. بس اني اريد مصلحتك هذا الشي خطأ بعدين ما فكرت يااخويه ضل انت طلع سيف منها اكول لجدي ويتفاهم وياك 

ابراهيم... وانت شكو شعليك انت عليك بشغلك وبس لا تتدخل بشغلي افتهمت وانت شعليكم هذا شغلي هذا جدك غيرك عليه ما جنت هيج اتخبلت  

علي... محد يغيرني اني اني بعدين جدي دوومه كلام هو الصح هيج صرت ما عليه ماشي بابا من بطن عيني انسى عندك ولد اسمه علي تمام اني رايح وعافيلك البيت كله اشبع فلوس ومناصب 

ابراهيم.. َروح مصيرك ترجع لهذا البيت وغصب عليك اذا جدك عرف الموضوع ما تلوم الا نفسك افتهمت 

رقيه. ََيمعودين على كيفك وياه علي ابني يمه اوكف لا تروح امي مشاكل ما تنحل هيج 

علي.. لآ تخاف مو اني اروح اتشكه يم جدي ماما خليني وحدي ارتاح فتره من رخصتكم طلعت من البيت اويلي منك يابه الا تصير دم يلا عندي شقه اني وجماعتي نسهر بيها ما حبيت اروح لبيت جدي لان بسرعه يعرفني من وجهي صاير شي 

هناس... رجعت لكيتهم يم ماما كعدت يمها 

سيف ... خرب مو بنت شنو من جمال اويلي تسطر سطر والله دخت بيها 

هناس.. يلا ماما نروح للبيت سندت ماما طلعنا جان محضر سياره صعدنا سياره اني وامي وخالتي ام حسام وراه هو واخته ليكدام وصلنا البيت طول الطريق أفكر بأمي صحتها تعبانه لازم بعد ما نخليها تشتغل بس شلون نعيش لازم افكر بحل اخاف اخسر امي 

فاطمه.. مشكور ابني سيف سلملي على امك أن شاء الله بس اصير زينه اجي عليكم 

سيف .. إن شاء الله خاله تضل يمكم العافيه من رخصتكم طول طريق اباوع عليها أريدها بس تباوع يالله اشكد ثكيله فديت شغلت السياره ورحنا للبيت 

هناس... وصلنا البيت وكل تفكيري بأمي كوه تمشي تعبانه سوده عليه اووف عفيه حياه هلكد صعبه 💔💔