رواية فاتورة قلب الفصل الاول بقلم چنا عطية
سلسبيل: يا فتاح يا كريم يا رزاق يا عليم بسم الله
كان في شابين واقفين بيبصلها بنظرات وا،،قحة وهي لاحظت دة بس عملت نفسها مش واخدة بالها لحد ما جم وقفوا قدامها
شاب من إحدي الشابين بوقا،،حة: مالك بس يا قمر مين اللي مزعلك واحنا نجيبهولك تحت رجلك
سلسبيل بلوية بوز وهي حاطة ايدها في وسطها : لا ياخويا مش عايزة حاجة من حد انا اللي بيزعلني ومحدش يقدر يزعلني بجيبه بإيدي تحت رجلي ويلا وسعوا كدة من غير مطرود
الشاب التاني وهو بيقرب : مش عيب بردوا نسيت الجمال ده كله ونمشي
سلسبيل بعصبية : ومش عيب بردوا لما عيلين بريالة زيكوا يفضلوا يعاسكوا بت ويلا وسعوا كدة عشان مزعلكوش
الشاب بسخرية : الله الله دي القطة بقت بتخربش وإن مبعدناش هتعمليلنا إيه بقى يا حلوة
سلسبيل وهي بتشمر : هعمل كدة يا حيلتها انت وهو
ومسكت الشاب من التيشيرت وضر،،بته براسها جامد لدرجة ان مناخيره نز،،فت وقع على الارض بوجع
الشاب التاني ولسة هيشدها من طرحتها كانت هي اسرع منه وضربته على راسه بالشو،،مة على راسه
الناس كلها اتجمعوا في الشارع والجيران طلعوا من البلكونات وبيتفرجوا وفي شاب من الشارع كان هيتدخل
سلسبيل وهي بتاخد نفسها : خليك انت يا احمد دول عيلين لا راحوا ولا جم علمتهم الادب
مامتها نزلت بسرعة وهي بتطمن عليها بتعب وخوف
والشابين طلعوا يجروا بتعب وعرفوا ان سلسبيل مش سهلة
نهاد بخوف: انتي كويسة يا بنتي عملولك حاجة العيال دي
سلسبيل بحنية وهي بتدخلها المحل: ايه اللي نزلك بس يما مش قولتلك خليكي فوق وانا اللي هفتح المحل انهاردة
نهاد وهي بتشرب مية: خوفت يابنتي عليكي الزمن دة محدش يأمنله وانتي لوحدك
سلسبيل بضحك وهي بتطمنها: متخافيش على بنتك يما انتي عرفاني محدش يقدر يدوسلي على طرف ... يلا اطلعي انتي فوق وانا مجهزة الاكل على المغربية كدة هطلع يلا اطلعي انتي
نهاد بحب: طيب يا بنتي خلي بالك من نفسك وانا هطلع فوق
وطلعت نهاد البيت وكملت سلسبيل شغلها بحزن وهي بتفكر في فلوس ايجار المحل وهتجيبها منين وفلوس دراسة اختها ودراستها وداخلة على امتحانات ومحتاجة فلوس ومصاريف البيت والخ.... تنهدت بحزن وكملت شغلها وهي لسة بتفكر.
♕♕♕♕♕♕♕♕♕♕♕♕♕♕
بقلمي جنى احمد🤍
بعد مرور 6 ساعات
قفلت سلسبيل المحل وطلعت البيت وهي طالعة جالها سؤال في دماغها وابتسمت بأمل
سلسبيل بصوت عالي : يماااا يماااا حطي الاكل عشان همووت من الجوع
ضحى (اختها) برقة: في ايه يا سلسبيل صوتك عالي ليه حاسة ان اخويا اللي داخل مش اختي
سلسبيل بسرسجة : بس يا بت انتي عيلة فافي كدة مش مشدودة زي اختك
نهاد بهدوء: في ايه يا سلسبيل استهدي بالله كدة يا وغيري هدومك وعقبال ما احط الاكل
دخلت سلسبيل تغير هدومها وطلعت برا حطت الاكل مع مامتها وبدأوا ياكلوا
سلسبيل: ابقي فكريني يما اسألك سؤال كدة بعد الغدا
نهاد: يا خوفي من اسألتك خير يارب
وكملوا اكل وبعد ما خلصوا ضحى شالت الاطباق وسلسبيل نضفت المكان ونهاد غسلت الاطباق وبعد ان انتهوا قعدوا ولسة سلسبيل هتتكلم الباب خبط لبست سلسبيل طرحتها وفتحت الباب
سلسبيل بإبتسامة : ازيك يا عم محمد اتفضل ادخل البيت بيتك
محمد بنفاذ صبر : انا مش جاي اتضايف انا عايز الايجار بتاع المحل بتاعي مدفعتوش الشهر اللي فات ولا الشهر دة قلتولي استنى علينا اسبوع كمان استنيت وادي الاسبوع خلص وفلوسي موصلتليش وانا مش همشي من هنا غير وفلوسي في جيبي
نهاد وهي بتحاول تلطف الجو : معلش يا عم محمد اديك شايف الظروف والحال استنى علينا كمان اسبوع واوعدك ان فلوسك هتكون عندك على داير مليم
محمد بصوت مرتفع: لا مش هستنى انا مستني بقالي شهرين واكتر وفلوسي لحد دلوقتي مجتش
كانت نهاد لسة هتتكلم بس سلسبيل ردت واتكلمت
سلسبيل بعصبية وسرسجة : ما خلاص بقى يا عمنا قلنالك الفلوس هتجيلك بعد اسبوع
محمد بخوف منها : انا مش ضامن كل شهر تقولوا كدة وبقالي شهرين على نفس الكلام ومافيش حاجة بتدفع
سلسبيل بنظرة تحدي :كمان اسبوع فلوسك هتجيلك تالت ومتلت ودي كلمة مني وانت عارف كلمتي مبتنزلش الارض
محمد بتحذير: ماشي وانا موافق بس فلوسي لو مجتش متلوموش غير نفسكوا
سلسبيل بقوة وسخرية : لا على فكرة انا مش باخد رايك عشان تقولي موافق او لا انا بعرفك بس
محمد بصلها بغضب ومشى وسلسبيل قفلت الباب وهي بتبرطم
ضحى كانت قفلت الباب عليها خايفة منه وانه ياخد المحل او كدة
نهاد بتنهيدة : طب والحل يابنتي هنجيبله فلوسه في خلال اسبوع ازاي؟
سلسبيل بحنية : هنزل من بكرة ان شاء الله ادور على اي شغل كدة واللي ربنا كاتبه هيكون
نهاد : لا يابنتي مش هتشتغلي انتي وراكي مذاكرة وامتحانات وانا مش هخلي ظروفنا تقصر عليكي انتي او اختك
سلسبيل بهدوء : متقلقيش عليا يما انا هدبر اموري وبالنسبة للمذاكرة هحاول اظبط دنيتي
نهاد بنفي : لااا قولتلك لا مافيش شغل هتقعدي في بيتك تركزي في مذاكرتك انتي واختك
سلسبيل بحنية : يما والله هدبر اموري هشتغل الصبح واجي اريح شوية واذاكر
وكملت بهدوء وهي بتفتكر السؤال
سلسبيل بهدوء : السؤال اللي كنت هسألهولك يما هو انتي معندكيش قرايب كدة نقدر نستلف منهم فلوس مثلاً ونبقى نرجعهم براحتنا عيلتك دي مفيهاش حد كدة مقرش
نهاد بتفكير : نص قرايبي يا ميتـ،،ـين يا مش في مصر من اساسه يا مش على تواصل معاهم هو عمي الوحيد اللي بسأل عليه من وقت للتاني وكمان ما شاء الله عليه عايش في فيلا ومرتاح مادياً
سلسبيل بأمل: طيب ما تقوليله هو اكيد مش هيكسفك يعني وبتقولي انه مرتاح مادياًّ يعني الفلوس اللي محتاجاها منه مش هتفرق معاه
نهاد بتفكير: هشوف الموضوع دة بس مش اكيد يعني
سلسبيل بعناد : ايوة بس نكون عملنا اللي علينا وانا بردوا زي ما قلتلك هشوف من بكرة شغل
نهاد بتنهيدة عشان عارفة عناد بنتها : ااه منك يا سلسبيل بردوا اللي في دماغك في دماغك
باست سلسبيل راسها بحب ودخلت تقعد مع ضحى شوية ، كانت ضحى بتذاكر ومركزة جامد
سلسبيل بحنية: ايه مالك قافلة الباب على نفسك كدة من ساعة ما عم محمد جه
ضحى بخوف: بصراحة خفت انه يزعقلك وتزعلي وكمان خفت انه ياخد المحل
سلسبيل بحنية: طول ما انا و وماما موجودين محدش يقدر يعملنا حاجة بإذن الله
حضنتها ضحى بحب: ربنا يحفظكوا ليا وميحرمونيش منكوا ابدا
بادلتها سلسبيل الحضن وبلست راسها وغمضيت عينها
كانت حاسة ضحى بنعمة الاخت الكبيرة والام اللي واقفة جمبها وسلسبيل رغم الضغوطات كانت مرتاحة ومبسوطة انها في حضن اختها باست راسها وطمنتها
سلسبيل بهدوء : كويس انك بتذاكري وانا كمان عندي مذاكرة قد راسي نقعد نذاكر مع بعض
ضحى ابتسمت برقة وسلسبيل جابت مذاكرتها وقعدت جمبها
الوقت عدى عليهم بسرعة قفلوا الكتب ودخلوا يناموا وكذلك نهاد اللي دخلت تنام وهي لسة بتفكر في فلوس الايجار
♕♕♕♕♕♕♕♕
بقلمي جنى احمد🤍
هلّ الصباح واشرقت الشمس لتعلن يوماً جديداً
صحيت سلسبيل واتوضت وصليت الصبح وقامت جهزت الفطار وضحى صحيت ونهاد كذلك وقعدوا يفطروا وبعد ان انتهوا سلسبيل لبست هدومها وطرحتها
سلسبيل بحب : انا نازلة يما عايزة حاجة؟
نهاد بحنية : عايزة سلامتك يا حبيبتي ربنا يكرمك ويكفيكي شر ولاد الحر،،ام
وابتسمت سلسبيل ونزلت من بيتها ركبت مواصلات وفضلت تدور في المحلات على شغل ومكانتش لاقية
سلسبيل بتعب : السلام عليكم انا كنت بسأل على شغل لو في شغل متاح او محتاجين حد انا بدور على شغل
المدير بنظرات لا تبشر بالخير : لا للاسف مافيش شغل ياريت كنا نقدر نوظف قمر زيك كدة
سلسبيل بشرشحة وقوة : لا ياباااا انت فهمتني غلط شكلك اتغريت في شكلي ميغركش الوش دة فاتظبط كدة ومتحلوش
المدير بصدمة : ايه دة في ايه انتي ازاي تكلميني بالطريقة دي انتي متعرفيش انا مين ولا ايه
سلسبيل بشرشحة: هتكون مين يعني انا غلطانة اصلا ان جيت اسأل هنا صحيح اللي اختشوا ما،،توا
وطلعت من المحل وهي متعصبة منه ومتدايقة عشان مش لاقية شغل بصيت لاقيت اعلان عن شغل في محل ملابس فرحت وحست بأمل اتجهت للمكان وهي حاسة ان في بصيص نور بيقولها لسة في امل ومتيأسيش
وصلت للمكان ودخلت فيه وهي بتاخد نفسها وابتسمت ودخلت
سلسبيل بإبتسامة واحترام : السلام عليكم لوسمحتي انا شوفت الاعلان بتاعكوا وعرفت انكوا محتاجين موظفين للعمل وكدة وانا جاية عشان اقدم
البنت بأسف : للاسف يا آنسة الاعلان دة كان من 3 شهور وفي ناس قدمت واتوظفوا والعدد خلاص اكتمل
سلسبيل حست ان في جردل مية ساقعة وقع عليها حسيت ان الحياة رجعت تسود قدامها تاني الامل اللي كان جواها راح ،
الابتسامة اللي كانت مرسومة على وشها اختفت ،
سلسبيل بهدوء : شكراً ليكي واسفة على الإزعاج
اومأت لها البنت بإبتسامة ومشيت سلسبيل بتوهان وحزن
ذرة الأمل الوحيدة اللي كانت موجودة اختفت ،
عينها دمعت غصب عنها وحسيت ان الدنيا وقفت قدامها
كانت بتعدي الطريق وهي مش واخدة بالها من الطريق
ومش مركزة كانت في شاب سايق عربية واتصدم بيها
سلسبيل بصريخ: اااااااااه
