رواية يوميات هجران كامله جميع الفصول بقلم شروق الشمس
زهرة.... طبعا اشتاقيتلكم كلش اهواي احس من خلصت لقصة فقدت جزى مني لان بعد مااشوف تعليقاتكم لحلوة
من بعد كل هاي لسنوات ولتعب الحمدلله استقرت حياتنة وبدينة نعيش براحة خاصة من لولد طلع كلمن بيت بقينة بس احنة وعد طبعا وعد يومية مأجل سالفة زواجة اني وعد مااحسة حماية مثل ياسين احسة حتى بالتزام لحجاب مالتي يم وعد مو ملتزمة وعادي البس قصير او تراك اليوم عطلة عندي كعدت من لصبح محمد بالدوام سويت ريوك خالة وعمو كعدو للريوك ديمة وروح وجعفر حبيب امة نايمين وعد هم نايم جنت لابسة دشداشة برمودة ابيض وبيهة من جوة كركش احمر ومنقط بالابيض وبيهة ميكي شايلة شعري كباية وطبعا مااتخلة عن ارنوبي لشبشب هههه اليوم لازم اسوي حملة تنظيف على لبيت احسة مو نظيف
وعد.... خيااااانة تتريكون ومتصيحولي لج لبرغي شنو هاي
زهرة.... بللة رجاءً لا دوخني تريد تاكل اكعد وانت ساكت
لا تذلينة علمود ريوك لبرغي
ابو محمد... انت احسن منهة وجاي تقلد عليهة اقلهة هاي لبرغي لمتعجبك دكتورة وام لثلاثة اطفال وشايلة لبيت على راسهة وممقصرة من ناحية زوجهة
ام محمد.... وكل هذا تنكط كياتة
زهرة..... طبعا اني كلش انغريت ورفعت خشمي على وعد
هيييي انتي لا ترفعين خشمج بعد اكثر لا ينهدم لسكف علينة
شوف اذا كملت ريوك وانت ممكمل انت تغسل لمواعين
خاب ولي حتى ريوكج مااريدة اروح يم اختي اتريك
لا والله اتشاقة تعاي اتريك واني اغسلهن بس تغسل وياية لبيت
اهوووووو انتي ماتبطلين
ابو محمد..... مامنك فايدة ساعد اخيتك وحدهة مو زين تنظف خيستك بيك خير جيب مرتك وخليهة تساعدهة
بسم الله الرحمن الرحيم بعدنة ماحجينة وية لبرغي اقوة محامي دافعلهة امري للة شسوي اغسل وياج لبيت ميخالف
تريكنة وخلصنة بدينة غسل لبيت من لطابق لثاني للشارع وعد التهة يغسل لطرمة ولشارع واني غسلت لجراجف ولبردات للساعة 1 خلصنة كلشي بس بعد ما بية حيل اسوي غدة وصيت من برة لحد ماسبحت جهالي هههههه صرت اسميهم جهالي لان 3 الله يحفظهم الية طبعا جانو كاعدين وديمة حبيبة امهة ملهيتهم بالغرفة خلصنة غدة صعدت سبحت وجهال بقو يم خالتي كالت روحي نامي ارتاحي اني يمهم اخذت جعفوري وصعدت نايمة بعمق حسيت شي يمشي على وجهي كلش زعجني بس داشم عطر حمودي بنعاس حجيتهة
امممم حمادة انت هنا
محمد.... تغير دوامنة جان اسبوعين ب 10 ايام هسة صرنة 10ب 10 اليوم نزولي بس اهلي ميعرفون ماكدرت انزل لصبح نزلت لعصر وية لمغرب وصلت للبيت بس امي وابوية كاعدين وحدهم وديمة يمهم سلمت عليهم وعيوني ادور بت روحي عاد امي كالت اليوم خطية تعبت من لتعزيل وصعدت نامت سألت على جهالي ديمة كالت نايمين وية مامة استأذنت منهم وصعدت للغرفة ظلمة وباردة ثلج اباوعلهم شلون نايمين ابتسمت عليهة كلش مبعثرة بنومتهة نايمة بعرض لجرباية وتك من بجامتهة مرفوع واحد نازل روح مدحوسة بظهرهة ونايمة وجعفر نايم بسريرة شعرهة مغطي لمخدة اخذت من طرفة وامشي على وجهة شكد مشتاقلهم هل بنية ولا تكبر عبالك بعدهة بت لعشرين فدوه اروحلهة
اممممم حماده انت اهنا
اي يروحي اني اجيت لبيت مو حلو بدونج
فزيت من نومتي ممصدكة جاي من لدوام طفرت بحضنة واني بعدة لنوم بعيني اشتاقيتلك حبيبي ليش مكتلي اجي اليوم
حبيت اسويهة مفاجأة الج
احلى مفاجأة ياروحي بعد ماشبع مني من لحضن ولعض وغيرهة راح على روح الي مااعرف شوكت جاية يمي ونايمة يكعدهة يبووو اني غرت من عدهة وهي بنتي يهمسلهة بكلمات يخليني اموت من لغيرة
روحي حبيبة بابة هاي اني اجيت وين حضني وبوستي روح ابوية انتي كومي خليني اشبع منج يروحي ابوهة اشوف اوووف اوووف صدقة لله على هاي لخلقة لج شنو انتي
باااابة
حضنتة بيدهة لصغيرة وتبوس بي ضامة وجهة بركبتة اووووي كزكزت عليهة هي وكفشتهة ههههه جنهة جنية
احلى منج تغارين منهة
على شنو عيني اغار ليكون تحبهة اكثر مني
اكيد غير بناتي
والله اموتك انت وياهن
رووووحي هذا حبيبي انت حبيبج ياسين
لج بت لزفرة هذاك اخوية وهذا حبيبي انتي شكو
اهووووو بابة صيح بيهة خليهة تروح يم امهة
لج عليمن قردة اني اعلمج
مامة عيب هيج اتكولين انتي دكتورة
محمد.... هههههههاي هاي لردتيهة
لج بت لزمالة تعاي اني اعلمج طفرت عليهة وهي خاتلة بحضن ابوهة
محمد..... خليت روح بحضني وسحبت بت روحي بالحضن لثاني لا تغارين انتي مكانج محد يكدر يوصلة
اي من الاول هيج احجي
طبعا حبيبي تدللين
يمشي ايدة على ظهري من جوة لكيمونة ويلعب بشعري هههه راح لغير عالم رية نظراتة لجريئة همس لروح
ماتنزلين يم اختج بوية
لا بابة اريد يمك
هسة اجي وراج بس اسبح روحي كولي لوعد ياخذجن بالسيارة ويجيب عشة النه وخلي ويكلجن موطة
اممممم واندومي هم
زهرة..... لاااااا اندومي ممن... سد حلكي بيدة كالهة روحي بوية شنو يعجبج سوي طلع فلوس من لمحفظة ونطاهة وياهة 25 كالهة وهاي انطيهة لعمج كليلة بابة يكول حك ساعة مو اكثر وكل ماتزود لساعات اكثرلك لحمر
عضيتة من ايدة وخرهة
عززززة وين تريد تخلينة بحلك وعد
اسكتي بنيتي مشتاقلج بكد رحمة الله
اي تلحك حبيبي مو هسة
ابد هسة صدكي بختج بروح نايمة بظهرج وانما شكلج من طبيت مال كرط وانتي نايمة
ههههه
يلة روح يلة بوية روحي
اي بابة
تعاي خلي اعدل شعرج
ما
لج بت لزفرة شعرج جنج جنية طالعة
عوفيهة شجلبتي بيهة طلعت روح وهوة كام قفل لغرفة وراح للحمام شفت جعفر يحوس اخذتة وجاي ارضع بي ودك تليفون محمد اباوع جان وعد طلع هوه من لحمام وشعره مي
منو
وعد
خي ولي اعرفة شيريد وهاي ابن لجحش اله هسة يريد يرضع
هههه اشششش خلي يبقة نايم
اي والله بعد ابوك ابقة نايم فد ساعة ثانية مو اهواي
خليتة بسريرة جان محمد يسحبني بحضنة حتى مخلاني اكوم اتعطر
هيج ريحتج اطيب مااحب لعطور رحنة لعالمنة لخاص لخالي من اي شي ماوخر مني اله اذن مغرب يالله
كمنة سبحنة وعدلت لغرفة لحلو بمحمد لان يعرفني مالبس حجاب كدام وعد ابد ميسوي اثار بركبتي بس من جانو كلهم موجودين والبس حجاب لا 24 ساعة صايرة خريطة هههه
كعدت جعفر بدلتلة ونزلنة كلنة جان وعد بعدة مجاي صلينة وكعدنة عمو ومحمد على الاخبار يباوعون وخالة مخلية جعفر بحضنهة تلعب بي واني بالمطبخ احضر بالمقبلات واسوي جاي وهاي لسوالف اجة وعد ولبنات طبن يركضن بس للاسف مو علية على ابوهن بديهن اندومي
ديمة.... مامة سويلنة الاندومي بابة كال لروح اخذن اندومي ميخالف
بس ليوم
اي عادي
اخذتة منهن سويتة بدون ابهارات طب وعد يبوووو شيخلصني بعد منة
وعد.... شبيكم ماشايفين متوازين
يبوووو لو اموت ماارد علية بهاي لسوالف بقيت ساكتة اجاه لرد من محمد
محمد... من تزوج وينسمط جدك لعاشر بالدوام 10 ايام بهذاك اذكرك لمتوازي ولمشايف
وعد... احم شبيك خوية اني اقصد على اكل لبرة لان مرتك بالغدة دزت وهسة هم دزت لا يروح بالك بعيد
اجة محمد سحلة من ياختة واخذة للهول وهمة يضحكون بديت احضر لسفرة وديمة وياية تعشينة عزلت لمطبخ بعد ماصارت ساعة 12 كلمن راح لغرفتة حماده حيل مشتاقة الامي مدام عدك اجازة اخذنة نشوفهم كم يوم
محمد..... خلي باجر ارتاح عكبهة اوديكم
نبقة سوة ونرجع سوه
لا اخذو راحتكم انتم ارجع عليكم
لعد مااروح
سحبني لحضنة وهوه متمدد
ليش مترحين
مااحب اروح وحدي وياك لطلعة احلى
تمام جهزو نفسكم باجر لعصر نروح
والله
اي بس لا تكولين خليهة مفاجأة
تمام حبيبي
تعرفين شكد مشتاقلج
ههههه اني لاعرف طبعاً لمسات لعصر بعدهن نطبوعات بية
تعاي اشوفهن
ههههه ميحتاج
تعال نلعب وليخسر ينفذ شرط لثاني
يلة شنو نلعب
دووووومنة
لااااا انتي اتزاغلين بيهة
برطمت شفتي ليش وين مزاغلة عليك اني
ابد.. تعاي نلعب دامة
بس انت قوي بهاي لعبة
وانتي تزاغلين بيهة كومي جيبي خلي نلعب (دامة هي لعبة اعتقدكردية اتصير من 32 مربع لكل شخص 16 مربع تقريب مثل لعبة لشطرنج بس تنلعب بدكم او خرز موجودة بسوق بلي للي يريد يعرفة )
لعبنة وجان لحظ وية محمد وهوه لربح بهاي لعبة
بطلت بعد مالعب
ههههه بكيفج حبيبتي ولشرط لازم تنفذينة يكلبي
حمودي حبيبي لا تنسة اني منو
هههههه لا هذا حجي يفيدج اختاري لو تجين يمي اتونس بيج بس بشرط شنو اسوي متمانعين وشكد ماابقة عسى 4 ساعات لو تغسلين سيارتي شتكولين
ههههههه بس هاي سهلة
اكيد تختارين تجين يمي
لا طبعا اغسل سيارتك باجر ماعندي دوام لصبح اغسلهة
لا ياجلبة هيج بعتيني بسيطة.
هههههه لا لا بشرفك هههههه راح يكعدون لجهال جان يكركرني من بطني وجوه رجلية بالاخير استسلمت اله طبعاً لثاني يوم ياللة حسيت شكد استغفلتي لان نفذت لشرطين مالاتة ثاني يوم كعدت وحمودي نايم نزلت سويت ريوك جان وعد كاعد من وكت عندة دوام راد سيارة محمد يطلع بيهة بعد كتلة من ترجع وديهة للغسل نطيتة لفلوس ماقبل ياخذهن بس بعدن قشمرتة واخذهن ساعة 12 ياللة محمد كعد هوه وجهالة وعد من ساعة 11 رجع للبيت وجانت لسيارة تخبل من لنظافة نزل محمد كوة مفتح عينة من لنوم شايل جعفر بيدة ولثانية لازم بيهة روح لتكمز على لدرج هي وكفشتهة وبجامتهة تك صاعد وتك نازل اله ديمة فدوة الهة كلشي بيهة نازك وتخبل طبعا غير اني امهة واكفة اتغزل بيهم ماحسيت اله كفخة من ورة وعد
خررررررة بيك كمزتني
شعاجبج من هاي خلقتهم وبس تتغزلين بيهم
بشرفك دشوفهم يردون لروح والله
اكلج انتي متاكدة دارسة طب
ليش؟ طبعاً بااحسن كلية درست
متاكدة انتي عايشة بغداد
طبعاً عندك شك
اي والله لان تصرفاتج مال وحدة دارسة بالعلاوي وساكنة باب لشرجي لج وين لكياتة ولثقافة لاخوية كتل نفسة عليهن اشو اشوفج تتغزلين بي اكثر منه اثكلي بوية لثكل حلو
تقصد ابع ثكل علية
اي عفية خلي يركض وراج
اووووي مابيه حيل اركض
خرة بحضي لج وين تركضين حنون فتحي دماغج شوية
ههههه عبو كام يفتهم ويريد يعلمني هاي شبيك ابني
خاب ولي لكلام ضايع وياج اندري شاف بيج وطاح جفي بالطين
محمد..... عرد من تاخذ وحدة احسن منهة لا تعجب مرتي وجهالي
وكفت كدامة ارمش بعيوني وابتسم باسني محمد من خدي كال صباح الخير
بس ابتسمت مارديت وعد مناك يهز ايدة لان مارديت
محمد صافن علينة صرخت برجهة
موووو انت كلت بيعي ثكل عليه شبيك كل ساعة بسالفة دروح
انداريت لمحمد حضنت ركبتة وبستة صباح النور حبيبي تتريك لو تنتظر لغدة
وعد يهز ايدة وراح ما عاجبة لوضع
محمد كال لا اتغدة بس اريد جاي
طلع ورجع مصدوم بسيارة
شنوووو هاي يمتة غسلتيهة
حجيتهة بدل علية من لصبح دزيتة للغسل علمود تعرف اني من اخسر انفذ لشرط فزيت مخترعة عزززززززة تذكرت اني لبارحة نفذت لشرط الاول
محمد..... ههههههههه تعيشين وتاكلين غيرهة حبيبتي
برطمت بس بسرعة غيرت لموضوع.. لا حبيبي اعرف بس كلت نطلع لبغداد قابل نتاخر علمود لغسل ف غسلتهة الك
اي اي. صح عاشت ايدج
يحجي وكوة كاتم ضحكتة احميد والله اموتك لا تضحك علية
هسة اني ضاحك عليج يلة كملي لبيدج خلينة نطلع
بس حارة هسة حبيبي
ميخالف لان ظهر لشوارع فارغة لعصر ايصير ازدحام
تمام
سويت غدة وتغدينة خلصنة امل اجتي يم اهلهة بدلت لجهالي ودعت عيالي طلعنة لبيت اهلي وصلنة امي مموجودة بالبيت
شوف حبيبي لو منطيهة خبر جان مطلعت
دكي عليهة شوفيهة وين
الووو هلو مامة شلونكم شخباركم
هلا حبيبتي الغالية الحمدلله بخير انتم شلونكم
كلنة بخير الحمدلله وين انتي اشو هوسة يمج
اليوم علي اجة اخذني يمهم للعشة
اها لعد اخذي راحتج حبيبتي سلميلي
..
ها كلبي
بيت علي رايحة خلينة ننزل نسلم على عمامي ونروح لبيت علي
يلة بس منتأخر
تمام
دخلنة لبيت عمي لصغير سلمنة عليهم نص ساعة وطلعنة لبيت عمي ابو لؤي رحبو بينة واستقبلونة لؤي صارلي يمكن اكثر من سنتين مشايفتة جنت خايفة اتصير مشكلة بس اتفاجئت بتغيير لصاير بلؤي كلهم اجوي يمنة ردنة نطلع بس عمي ماقبل اله نتعشة يمهم بقينة كاعدين جان يطب لؤي
بالاول رفع راسة بصدمة من شافني بعدين نزل عينة مني واجة سلم على محمد وبوس جهال وصل يمي من بعيد اتسالمنة اني بطبعي ابوس اولاد عمامي وخوالي بس لؤي لا بسبب محمد ميقبل
لؤي... هلا خيتي ام ديمة شلونج يابة
صدمة بس ارتاحيت كلش
الحمدلله بخير خوية انتم شلونكم
كلنة بخير الحمدلله
بس هذني لكلمتين لصارت بيناتنة بعدهة صار وقت لعشة تعشينة كلنة ملتمين بسفرة وحدة طبعا زوجة لؤي كاعدة يمي كتلهة
الله يسعدك انشاللة يبين لؤي عرف وين مصلحتة وراحتة
ضحكت بستهزاء كالت وين يحضي صارلة سنتين يم دكتور مخابيل يراجع ومن صار زين من بعدج هسة خطب وحدة ثانية علاقت حب سنة كاملة بيناتهم علوية بس عاشت ايدهة بعدهم مخطوبين خلتة يختم لقرأن 3 مرات يمشي وعينة بالكاع
ههههه تحجين صدك
والله شبيج مو تشوفينة
وانتي مضايجة
لا عليمن اضوج اعرفة من الاول هوه ميحبني باقية لخاطر جهالي اصلا صارلة سنة هاجرني بالشهر مرة يجي يتقرب علية علمود لا اتحرم علية
وليش باقية وانتي بعدج صغيرة
وين اروح زهرة واني ماعندي والي من يوم راح ابوية واخوية احنة ضعنة امي الي باقية يم خوالي بسبب عمامي تجي للبيت بس من احنة نريد نجي خليني اقلهة بيتي معززة مكرمة شكد جنت احب لؤي هسة بكد حبي اله كره مقابيلة بس اقلهة خالتي وعمي زينين وياية وشايلين جهالي وكلشي نحتاجة
ترديني احجي وياهم
لا يمعودة ماكو داعي خليني هيج مرتاحة هاي لماعدهة احد ينوكل حقهة
زين مصرفج شلون
غصب ماعليه ينطيني كل شهر وعمي هم ينطيني مسوية سلفة واريد اجمع افلوسي واشتريلي بيت حتى لو 50 متر بس استقر اني وجهالي بي واجيب امي يمي واخلص بعد
آلله كريم حبيبتي اي شي تردينة اني وياج
متقصرين حبيبتي
كلش انقهرت عليهة خلصنة عشة بعدهة طلعنة لبيت علي جانو ميعرفون احنة جايين دكينة لباب طلع علي النه
سيد علي..... بتفاجأ يابة هلا ومية هلا بيكم شنو هل مفاجأة لحلوة تفضلو تفضلو
محمد..... بالمهلي خوية زاد فضلك
سيد علي.... ام علووووش بوية تعاي شوفي منو زارنة
هجران..... يااااااعمري هاي انتم مية هلا ماأاااااامة اجتي زهررررررة
تسالمنة وكعدنة ضيفونة جانت نرجس هم جاية هي واحمد
ام هجران.... ليش ماكلتو جايين
جنة بابكم ودكيت عليج من كلتي بيت علي رحنة لبيت عمي ابو لؤي ماقبل نطلع اله نتعشة يمهم يالله خلونة نطلع
امي.... والله فرحتوني بجيتكم يمة
فتحتلي حضنهة رحت يمهة لمتني بي احس اشم عطر لجنة بيهة بناتي اختفن وية جهال هجران ونرجس بس جعفر يمي وساعة يروح يم ابو
هجران
ها كلبي
علوش ماكو وينة
تنهدت بحزن وكالت بغرفتة ميقبل يطلع
ليش شبي
بعدين احجيلج خلينة متونسين هسة
بقيت الوب علية هذا قطعة من روحي
لا والله مااكدر انتظرج كليلي وينة اني اروحلة
فوك بغرفتة
من رخصتكم عيني
لكل مرخوصة اخذي راحتج حبيبتي
صعدت وكلبي متلهف علية دكيت لباب مرتين اجاني صوتة
مامة ارجوج اتركيني وحدي
بس اني مو مامة متريدني علوش انزل جوه
زززززززززهرررررة هااااااي انتي
اي حبيبي صارلي ساعة جوه وماشفتك كلت اجي اشوفة افتحلي لباب
روحي زهرة مااريد اشوف احد
شبيك حبيبي ليش اني مو صديقتك ليش متريدني
فتح لباب جان انصدم بشكلة لصاير خريطة
علوووووووش هاي شبيك حضني وضم راسة بحضني وضل يشهك
تعبان زهرة احس مكسور مت داخلي بس محد يحس بية
ياعمري انت ليش شنو صاير منو هيج ضاربك
ابوية
بصدمة باوعتلة علي ضربك هيج
