رواية عدالة الله كامله جميع الفصول بقلم جمانه السعيدي
عدالة الله
اجتني من إحدى المتابعات قبل شهرين تقريبا او اقل
طبعا عندي قصص غيرها وأقدم منها
بس عجبني جبر الخاطر الي بلقصه
عجبني عدالة رب العالمين
صبر وايمان بطلة القصه برب العالمين وثقتها بعدالته
بطلة قصتنا سوسن بنيه من عائله دخلها متوسط
عدها اخوان ثنيين واخت وحده
جمالها متوسط بسيطه مودبه متدينه
حالها حال كل البنات يجونها خطابه بس منتضره الشخص المناسب
الحد ما جيرانهم اجت تخطبها الابنها
ولد محترم موضف عندا عمل ثاني ورا الدوام
صاحب محل عنده سياره وعنده قطعة ارض ناوي مستقبلا بعد الزواج يبني بيها بيت ويستقر بي
بحكم المعرفه بينهم والجوره القديمه
وكل الموصفات الي بهذا الشخص الي طبعا مستحيل اي عائله ترفض هيج شخص
ماعنده نقص من اي جهه
الكل وافق واول وحده وافقت كانت سوسن
رغم هذا الزواج كان زواج تقليدي
والبنيه ابد ما حاجيه وياا صادق العريس
بس كانت فرحانه بي
وتقريبا كل الأقارب حاسديها على هيج عريس مناسب
ويعتبروها محضوضه بي جمانه السعيدي
بلبدايه اجت ام صادق تطلب ايد سوسن
ام سوسن فرحت بس طلبت تسئل اخوانها وابوها
لان اكيد لازم يوافقون بلاول يله تم هاي الزواجه
الاب والإخوان من سمعو راسا وافقو لان مثل ما كتلكم
صادق ما يتعب ابد
اصلا يعتبرون سوسن محضوضه بهيج زواجه
بعد يومين رجعت ام صادق تاخذ الموافقه منهم
ام سوسن....اهلا وسهلا
ام صادق....هله بيج اني اجيت اخذ الموافقه منكم
طبعا ام صادق كانت متاكده اهل سوسن راح يوافقون
لان علامات الرضا والفرح جانت مبينه بعيون ام سوسن
وسوسن بلخطوبه ولأن هي اصلا متاكده ابنها ما ناقصه شي حتى يرفضو
ام سوسن....اي ابوها وإخوانها موافقين
ام صادق... الف رحمه على والديج ترا احنا مستعجلين محضرين كلشي
ام سوسن احنا هم ماعدنا شي شوفي يمتى تردون اجيبون المشيه هله بيكم
ام صادق...هذا الخميس المشيه والخميس الي بعده الزواج انشاء الله
ام سوسن...بكيفكم
صادق ماطلب يشوف سوسن لان هي جارته ويمكن شايفه كم مره بلشارع اكيد الرجال اله نضره خاصه للمره
بس يشوفها يعرف اذا هي خوش بنيه او لا
طبعا سوسن الكل تحمد بااخلاقها
من بعد ما خلصت اعداديه كعدت بلبيت
وماتطلع اله اذا شغله مهمه وتكون وياها امها
تحدد يوم المهر وسوسن كانت اكثر وحده فرحانه بزواجها
ام صادق رجعت وياها طقم ذهب وفلوس حفلة المهر
لان الاتفاق كان مسبق بينها وبين ام سوسن على المهر
بعد ماابو سوسن حدد المهر شكد
حسب بهذاك الوقت شكد جان المهر
المهم بدت سوسن تحضر اليوم المهر جابت فستان
وراحت للصالون حتى تكمل باقي التجهيزات
جمانه السعيدي
اجا يوم المهر بيومها سوسن راحت للصالون
طلعت وحده ثانيه لان هاي اول مره تحف وجها واول مره شعرها يكون بهيج ترتيب
طلعت وحده ثانيه تخبل
اجت المشيه وتم العقد بينهم
اول مادخل صادق وشافها انبهر بيها لان طالعه تخبل
وكانت هاي اول مره يشوفها هيج عن قرب
قرب عليه سلم وبدا يلبسها الذهب وهو سعيد بهذا الاختيار
بنيه حلوه ومؤدبه ومن عائله محترمه
كان سعيد لدرجه حضنه وهو كاعد بصفها ايده
على خصرها مايقبل يعوفها
سوسن...قرب وهمس باذني طالعه حلوه
ابتسمت ودنكت
صادق...المهر امي راح تنطي الامج واشتري اي شي يعجبج واذا تحتاجين بعد فلوس اني حاضر
سوسن.. تسلم
صادق...تدللين
سوسن .. بليلتها ماكدرت انام صورته انطبعت ابالي
اباوع على الحلقه واني ما مصدكه
هذا الاسبوع انخبصت خبص بتحضيرات العرس
اربع مرات رحت للسوك اجيب ملابس
مرتين للخياطه تعدل الملابس
جبت جنط ارتب ملابسي وهو هم كان مخبوص
لان الابن الجبير واول عرس بيتهم يصير
بليل كنا نحجي اني وياا شويه اكثر شي كان يسئلني اذا خلصت تجهيزات لو لا
سئلني شنو اخذت ملابس
وشنو هو يحب البس وشنو الأكلات الي يحبها
يعتبر هذا اسرع اسبوع تعارف صار بينا
اجا يوم عرسنا رحت للصالون الساعه ١١ الصبح
هلمره التسريحه احلى هواي من تسريحة المهر
والمكياج يخبل
اجا هو بسيارته اخذني للاستوديو أخذنا صور ورجعني البيت اهلي
ساعه بعدها واجت الزفه
تخبل تخبل زفتنا ماكو مثلها
وصلنا البيت عيالي تلكونا بلهلاهل والجكليت
ذبحو خروف بلباب
دخلت صعدت الغرفتي امي وياي واختي
وزوجت اخوي الجبير
جابو عشا ما قبلت اكل منتضرته نتعشى اني ويا سوا
بعدها بشويه زفو صادق
اني بس سمعت بلزفه كمت ارجف مااعرف ليش خفت
دخل عليه
صادق.. مبروك الف مبروك
سوسن.. ماكدرت ارد علي هلكد ما مرتبكه
صادق...شبيج شنو خايفه
سوسن...سكتت مارديت علي
نزع الستره وقرب عليه باسني بخدي كعد بصفي وبدا يفتح بلبركع
صادق....تعرفين اني شكد احبج عبالك اعرفج من زمان
اني هم اليه نضره بلنسوان
بس شفتج انعجبت بيج اكثر
اكثر شي عجبني خجلج وهدوءج اكيد انتي عاجبتني كلج
اتعشيتي
سوسن...لان يحجي وياي بهدوء شويه اطمنت
رديت علي لا
صادق....تعرفين لو متعشيه قبلي جان زعلت لان اني بقيت بدون اكل حتى ناكل اني وياج سوا
هسه راح اصيح عليهم يجيبون العشى
جمانه السعيدي
سوسن. فتح باب الغرفه ووكف باب الدرج وصاح
صادق....يمه وين العشى اني جوعان
ام صادق...اي هسه يجيك احلى عشى
سوسن...رجع دخل للغرفه
صادق...يله انزعي البدله حتى تاكلين براحتج خل اساعدج
سوسن...وكفت وهو فتح السحاب لزمت البدله من صدري
ورحت يم الكنتور نزلته ولبست ثوب ابيض تول طويل
وهو نزع القاط ولبس دشاشه ابيض
جابو العشى
كعدنا ناكل اني وياا هو يسوي لفات وينطيني
ومستمر يسولف عليه ويحجي نكت
حتى يخفف من التوتر
مرت هاي اليله بسلام بينا كان لطيف بلتعامل وياي
وكدر يسحب كل الخوف والتوتر مني
كل لحظه تمر بينا احس رب العالمين اختارلي الشخص الصح
اني اصلا قبل لا نزوج حبيته
اما بعد الزواج حبيته اكثر واكثر
فعلا الحب الحقيقي يجي بعد الزواج
لان حب حلال
من ثاني يوم نزلت ويا خالتي وحماتي للبيت
كنت مستعده اسوي اي شي بس حتى هذا الزواج يستمر ويعيش كل العمر
اذا يجي احد يبارك علمود زواجنا
اني الي اقدم العصير والماي وحتى اخدر الجاي
اكعد الصبح علمود الدوام
احضر الريوك واحضرله الحمام ملابسه حاضره مغسوله ومكويه
منا لمن يطلع اني واكفتله وكفه
من يطلع اخلص شغل البيت والطبخ وابقى انتضره
ما اتغدا اله يرجع من الدوام
نتغدا ونصعد بغرفتنا انام للمغرب يله ننزل
كل الي بلبيت يحبوني حتى خالتي وعمي
لان لا احجي ولا اغلط ولا اتعاجز من الشغل
اي شي خالتي وعمي يكولون علي اكول حاضر
اني بلنسبه اليه حياتي كانت احلى حياة ابد ما ناقصني شي
تردون الصدك حياتي ويا صادق احلى بهواي من حياتي بيت اهلي
صحيح اهلي زينيين وياي
بس هنا غير اني هسه احب زوجي وهو يحبني
احس نفسي عايشه علموده وهو عايش علمودي
صادق جان يعاملني احلى معامله
وابد مايكسر بخاطري
ولأن خالتي اكثر الوقت تمدح بيه كدامه جان راضي عني
وعن تصرفاتي بلبيت
فات سنه على زواجنا وماكو اطفال
وهنا قررنا نبدي نزور الطبيب ونسئل عن الاسباب
الي تمنع الحمل
