رواية كريات الدم السوداء الجزء الثاني الفصل العاشر بقلم زحل شريف
_ التفتت عله ثابت وانه اسال شجابها؟
ماجاوبني . صحت ماتحجي .
ثابت::دخلي نحجي جوى .
_درت وجهي لمديحه الي تبجي
رفعت راسها تباوعلي برجاء مدت ايدها
تستنجد بيه الصدمه شلت عقلي اباوع الها
وارجع نضراتي بينهم . دنك اياد جرها موكفها
وهو يحجي بعصبيه .
اياد::مو اذا اخذتج للمركز
يجرمون بيج .
_ردت بخوف وبسبب شهكاتها
كلامها ماينفهم .
مديحه::ماادري وروح امي اخر مرة حجيت
وياها قبل شهر . بعدها ماردت عليه .
_اريد احساسي يخوني هل مرة اريده
يخدعني كلبي دك بقوة وكأنو ينبأني لسماع مصيبه باغتنا اياد وهو يوجه ضربه لمديحه . صرخت برعب التفت عليه ثابت راد يلزمني بعدت عنه وعيني لاياد
الي يجر بمديحه وهيه تتوسله.
مديحه::ماشفتها بيش احلفلك ماادري .
اياد::ولجج احجيييي؟
مديحه::سيدي كتلك اخر مرةكالت انه بكربلاء.
حته كالت بس استقر اخابرج تجين يمي.
_تقدمت بخطوات ترجف
وانه اسال منو .؟
مديحة::عبالهم انه اندل مكان سونه.
_خزرها مانعها من الكلام اشرله ثابت بمعنى
جيبها وجرني متوجه بيه لداخل البيت .
وانه احاول اتملص منه .
ثابت::بس اطيني مجال يمعوده
ددخلي جوى نسولف منا الجيران.
_امشي واتلفت اياد يسحل بمديحه
وكل ماتصرخ يصفكها لحد ماسكتت
صرنا بالصاله هزيت راسي بمعنى احجي.
ثابت::قبل كم يوم اتصل بيه ابو بشاير كال انو سلاسل راجعه للعراق .ومن خلال الحديث عرفت متحاجيه ويه زوجها عتبت عليه لان ماكالي الرجال تعذر بأن هاي رغبتها محلفته مايبلغني .
_باوعتله بقلة صبر
ورديت سالفة بيت المسيحي حاول تختصرها
رغم قسوة الموقف ابتسم وهل شي استفزني
حيل صحت ماتحجيييي .شبيك تجرجر .
ثابت::اي مختصر كلامي انو اختج ماكو.
_جداحه هيه وضاعت ؟
شنو يعني ماكو.ومديحه شنو جيتها وشدخلها.
ثابت::شكيت انو تكون رجعت
للصعده وانعلست .
_التفتت عله مديحه وقبل مااسألها
حجت بخوف .
مديحه::عشتي ويانه وشفتي علاقتي بيها
مايوم اذيتجن .
_تقربت عليها . وحجيت بتواسيل
اترجاج تحجين شوفي انه ادري انتي
قبل تغارين منها لان محابس يريدها بس صدكي
هيه ماتحبه وبعد تزوجت يعني .هو الج .
مديحة::لو شما اكول مراح تصدكوني
ترى مااعرف بيها متزوجه . ولا اجت ولا شفتها
من موتت امي . وهاي انه كدامكم اذبحوني .
_فركت وجهي بعصبيه اباوع بضياع اياد عيونه لمديحه يريد يفترسها ردت بس اركز افهم وعبالك
الزمن توقف . الف فكرة اجت براسي صياح
اياد وتواسيل مديحه باوعت لثابت وجحيت قاصدته بسؤالي . وين وديييت اختي. رفع راسه باوعلي بصدمه . بلعت ريكي ورجعت كررت سؤالي
حاول يصحح الموقف لان اياد هز ايده بأاستهزاء
ثابت::تحجين صدك
شبيج يابه.لو ادري وين جان ماجبت
مديحه اسحول بيها.
_لو ماجايبها يمي ولو حاجيلي من اول يوم
خابرك ابو بشاير ..يمكن جان صدكتك .
ثابت::ماحجيت لان مادرنا نأجج السالفه و حته بالباشا شكيت ومامتأكد اذا الهم ايد فما ردت اضلمها واسلمها للمركز
_ومنو يكول مو فلم حته تقنعني
بان انته مالك ايد .
ثابت::مالي مصلحه .
_خفيتها حته لا الباشا يعرف برجوعها
قطع حديثي صوت اياد الي ارتفع بعصبيه .
اياد::حقج لان المستنقع الجنتي بي
مابي شريف فاأكيد تفقدين الثقه بالكل.
_نبرته اكدت انو هو يعيرني وبسبب نضراته
المستفزة .احس فقدت اخر ذره للعقل صحت وانته احقر من كل شخص بالصعده.حجيتها ولزمت خدي عله اثر الراشدي الي توجهلي من ثابت وماانطاني مجال
جرني متوجه بيه للغرفه .
ثابت::لان عاملتج بااحترام
استزغرتيني وكلتي ادوسه . تجاوزين عليه
وهو صار كم يوم يدور وياي .
_دفعني حيل باوعتله بصدمه
انقلب كتله نار نبرته كانت كافيه تعلمني بمدى عصبيته شهكت من جرني بقوة صاك عله اسنانه ويحجي بحيث انفاس مثل الجمر .
ثابت::عذرت قلقج وخوفج عليها
بس مو معناها تجاوزيني.
_يحجي ويهز بيه
وشكد جاهدت حالة الخوف وكل هاي الفترة
انه احاول اتغلب عله الامر بس ضاع التعب
باللحظه الي ماتمنيتها وبالاخص كدامه شهكت من حسيت ملابسي تبللت التفت عليه .باعلي ونضراته اكدتلي معرفته بالامر تقدم وهو يحاول يخفف من عصبيته ويحجي بهدوء.
ثابت::مقدر حالتج وثقي انه قلق
اكثر منج.
_صحت ياحاله منهن
الي سواها محمود . لو الي سببها سليمه
ولمساتها واجرامها الي . لو حالتي الي اكتسبتها
بسبب خوفي من جلسات الزار الي انجبرت احضرها
وانه ارافس بيدهم وهمه مجرديني من ملابسي
ويكتبون طلاسمهم عله كل شبر بجسمي لو الي سببها
اياد بضياع اختي لو موت امي بحضني وعينها الي
البقت مفتوحه ياحاله احجيييييي.
ثابت ::مو لان هيه اختج انه احبها
احسها صديقتي .
_كعدت بخجل اتمنيت اختفتي
من نضراته جريت كلبيتي خليتها بين رجليه .
ثابت:استغفر الله العظيم
لج يابه بس اهدي .
_سالفة سونه بكوم وموقفي
الي خلاني افكر بالانتحار .بين العقل والجنون شعرة وانه فقدتهاصرخت بصوت عالي اطلعععععععع .
دار وجه مجنبني الحرج . وصل للباب وحجه.
ثابت::غيري ملابس وتبعيني
حته نفتهم شنسوي .
_كمت وانه خجلانه من نفسي
احجي بيني وبين روحي مالي بقاء بعد
حته لو مالكيت سونه لازم اطلع منا .لبست وطلعت
التفتو عليه صحت بمديحه اذا تعرفين مكانها احجي.
رد اياد بأستهزاء .
اياد::ترى مالي خلك تنعثل.
_رديت بغصه .وانه مادازه عليك
وخلي ابالك اول شخص راح اقدم
دعوة واتهمه باختفائها هو انته .
اياد:هو مو صوجج . والله مستاهلين
وحيل بينا .
_حجاها ودنك عله مديحه جرها
فلتت روحها منه واجت صارت بظهري .
مديحه::بروح امج لاتخلينه ياخذني للمركز.
_تقدم راد ياخذها . صحت بي
الي ضايعه اختي . وبالنسبه الي ماريد مساعدتك.
تكدر تروح حضرت الضابط . رفع حاجبه باوعلي ضليت واكفه كباله . حجه ثابت ناهي نضرات
التحدي البينا .وهو يأشرلي ابعد.
ثابت::دخلي لغرفتج .
_تجاهلت كلامه . وصحت بمديحه
اوكفي هنا بين مالبس صايتي واجيج.
ثابت::قدر لغرفتج كلتج.
وانته روح انتضرني بالبيت .
اياد::يابه دطينيها وابقه انته
فهم المدام .
_رد ثابت بعصبيه .
ثابت ::روحح كتلك.
اياد::سوالف العصابات مو شغلي
انه رجل قانون تريدني اساعدك جيبها
للمركز . يله اترخص .
_دار وجه . حجيت مسمعته
واحنه مو بحاجة مساعدتك.
هاي اذا ماطلعت انته الخافيها التفت عليه .
اياد::واصله مرحله انتي.
_ويكمن صدك وصلت مرحله الي فقدت بيها
وماعرف شلون اجا ابالي احجي هيج
صحت موكفته بس مو بمستوى المرحله الراح
يوصلها الباشا . صاح بيه ثابت.
ثابت::يابه كافي شبيج ماتكليلي.
_ماجني اسمعه كملت كلامي قاصده اسمع اياد
نصيحه لاتعب نفسك بابعادها لان ماراح ينساها
ولا يعيش مرتاح . ولا يستقر .واذا هسه خايفين
عله منصبه . نوب خوفكم يصير مضاعف لايفقد
عقله سونه مرض مايطيب منه بسهوله زار ازرك
نابلي صاح بيه ثابت .
ثابت::قدررررر .
_ركض عليه قيدني وخله ايده عله حلكي
مناعني من الكلام وهو يصيح باياد.
ثابت::روح يمعود مو كتلك روح.
_فلتت ايده من حلكي
وصحت اسال الباشا بيوم زواجه من سونه شنو نوع الجلسه السوتها اله سليمه. التفت باوعلي بصدمه
فاك عيونه بقوه.
ثابت::ولججج اسكتي .
اياد::لا عله شنو مسكتها
عوفها خل نفتهم.
_دفعني ثابت وهو موجهه كلامه لاياد.
ثابت::اطلع وحسابي وياك بعدين.
_عفته يحجي ويا
وركضت للغرفه جريت صايتي مدنكه
ادورلي شال دخل ثابت تجنبت النضر اله
انفش بالملابس شهكت من جرني موكفني كباله.
ثابت::مع الاسف عليج
خيبتي ضني .
_رديت وانه الف الشال عله راسي
مثل ماخاب ضني بيك وهيج متعادلين
حجيتها وتوجهت للباب اريد اطلع
وكف مانعني . اشرتله يبعد .
ثابت::وين رايحه ؟
_وين ماروح شعليك.
ثابت::عليه لان انتي عله ذمتي
وكدام الناس انه رجلج .
_طلكني وهيج محد يعيرك.
ثابت::خو بعد الصار اكيد اطلكج
خاف متوقعه اخليج عله ذمتي لا غلطانه
بس اطيني مجال الكه اختج وروحن الله وياجن.
_لهنا وانتهى اتفاقنه
اختي انه ادورها .انته معليك.
ثابت::لحد الان عاذرج وحاسب حساب
للكلمه الوعدتج بيها. ف ياريت ماتخليني
افقد اعصابي واتصرف وياج بقسوة.
_شوف مال تمنعني اطلع يعني
تكلي انتحري فخليني اروح .
ثابت::وين ترحين ؟
_لجهنم بلكي الكه اختي هناك.
ثابت::وانه انطيتج كلمه الكاها احطج
باأيدها وعسا ماترحن لجهنم الحمراء
مالي شغل بعد .فلا تعبيني وتعبين نفسج
اكعدي وخليني اشوف دربي.
_حاولت بكل وسيله مااقتنع
تالي تعبت كتله خوش متفقين بس لحد
ماتلكاها مديحه تبقه يمي وانته ماريد اشوفك.
ثابت::اكيد خو مااباوع بوجهج
بعد الحجيتي وتجاوزج عله اخوي بيتي
مستحيل يجمعني بيج مكان .
_حجاها وطلع . طلعت ورا
لكيت مديحه لازمتلها زاويه وتبجي.
راح ثابت كعدت كبالها اباوعلها مدري انقهر
عليها لو عله روحي .رغم ماارتاحلها بس ماكدرت
اشوفها تنضلم واسكت ويمكن حسبت بانتمائي الها
خلص اليوم ودموعنه تصب غفينا بنفس مكانه
فزيت عله صوتها تكعد بيه .
مديحه::شبيج يمعوده خوفتيني.
_باوعتلها اريد اركز . كعدت كبالي بتعب
وحجت بعبرة.
مديحه::تونين عبالي حلمانه اهز بيج
ماتحسين .
_مديت ايدي لنقالي .باوعت الساعه
٩ طفرت وانه احجي ليش خليتيني نايمه
توجهت للمغسله وهيه وراي.
مديحه::دخابري رجلج بلكي
الله لكاها اندل مكانها.
_دروحي سويلج ريوك .
حجيتها ودنكت اخذت نقالي اتصلت رفضه
احس كلبي انعصر. رديت دكيت ماجاوب
ضليت افتر بالصاله والنقال بيدي اجت مديحه
جايبه الريوك اشرتلي كعدي .
مديحه::عاد اشربيلج جاي فكي ريجج
_كون اموت واخلص . ولج راح اتخبل
يعني وين راحت . اكيد همه خفوها .
مديحه::شوفي رغم نذالتهم وياي
بس خل اكلج شي ترى همه
صار جم يوم يدورون.بالاخص رجلج.
_قاطع حديثنا صوت النقال يعلن عن وصول
رساله من ثابت بسرعه فتحتها .
ثابت::ماكدر ارد عليج جاي اسوق
خو ماكو شي؟
_اباوع للرساله . احس نار بكلبي
تخيلته كاعد كبالي ويحجي برود
بسرعه كتبت وانه ماخابرت افتح صباح
بصوتك بس كلي شصار لكيتها لو لا.ضهر عندي
خطين زرك يعني قراها . ضليت اباع جاري الكتابه
شويه واختفه ضهورة انتضرت يوصلني شي ماكو
دكيت وجنت ناويه العب بي لعب .والضاهر حس بيه
واتكفه الشر رد برساله مختصرة.
ثابت::من احصل خبر ابلغج.
لاتتصلين بالباشا خاف يلكاها ونوب تحلمين
تشوفيها بعد فاهمتني؟
_تجاهلت كلامه شمرت النقال
وعيوني لمديحه بشك . نزلت كوب الجاي
من ايدها وهيه تتحسر.واكيد فهمت نضرتي
بعدت الصينيه وسندت ضهرها عله حافة التخم
وحجت بعبرة.
مديحه::اعرف بيج تكرهيني .
بس ثقي مالي ايد . ترى هيه صاحبتي
وربينا سوى صح جانت امها تمنعها تختلط بينا
ودوم ساده عليهم الباب بس نبقه من نفس الشارع
ومن عافتهم وسونه طلعت وياي للجداوى قوة علاقتنا.
_والدليل خليتي عينح عله محابس.
شوفي ماااحب اجامل ومااكرهج بس ماابريج
لان جنتي تنقلين اخبارها لسلوم .
مديحه::لا جنت احجي لمحابس اي
بس ماعلستها لسليمه ولا اذيتها وبالنسبه
لمحابس ترى ماخذته منها هيه اصلا مارادته.
_بس هو جان رايدها.
مديحه::ياقدر ماتعرفين الي انه اعرفه
فلا تحكمين .
_خو احجيلي وفهميني ؟
مديحه::محابس انقلب حبه حقد
بعد مااتاكد من الباشا عشكها
وخلينه نحجي الصدك ترى هيه هم حبته.
_يجوز .
مديحه::لا اكيد والدليل غيرتها من ام طيبه.
المهم هيه هسه تزوجت والله وفقها بس انه
ردت احد يحميني . ومحابس اله كلمه عله النصافات.
_عندج ام وجان تكدرين تاخذيها
وطلعين لغير مكان . يابه تبقين بس
ماتتسترين عله سوالفهم وتراقبين الشارع.
مديحه::وهو انه بقيت محتميه باامي
الي من فكيت عيني لكيتها تركص جنت ازغيرة
تاخذني وياها اكعد يم الفرقه اشاهد ضعفها بين الزلم الي يمد ايده بحجه يخلي الفلوس ب!!! والي يعتدي بنضراته لحد ماتخلص الحفله نرجع نلكه النصافات بالركن تسلمهن امي الوارد ياخذن حصتهن وينطنه الباقي مرات تعترض وتكلهن يابه عاد اطني نص .
_وليش تطيهن من الاساس؟
مديحه::دسمعي .
_هزيت راسي بمعنى كملي.
مديحه::مجرد ماتعترض يسحلنها للخرابه
وجانن يمنعني اروح وياهن ترجع امي تون
وتخلص ليليها بجي . ال ان بيوم رجعنا
ونفس وكفتهن بس الي فاجئني امي رفضت تنطيهن سحلنها .غافلتهن وبدون مايدرن مشيت وراهن
دخلنها وانه مثل البزون اتختل ضلمه وكوى اشوف
لان مسلطات ضوى النقال عليها . وياريت مالحكتهن
ولا شفت الشفته .
_اباوع الها تحجي بوجع
كملت وهيه تشهك.
مديحه::اسمع بالاعتداء وشفت انواع الجرائم
والفسوق بس ماتوقعت بيوم اشاهد هل مصيبه
شبكنها وهيه ترافس بين باأديهن جردنها ملابسها
اغمض عيوني بقوة وافتحها بقوة اكبر اريد اركز الي
الي جاي اشوفه حقيقي لو متوهمه بشاعة الموقف
شلون ينتهكن حرمة جسدها ولمسات اديهن الي تتجول بشاعه وقسوة حاله مقززة بدون شعور
ولا انتباه عضيت ايدي بقوة قاصده كتمان صرختي
وبنفس الوقت من هول الصدمه ردت اخفف من
ارتعاش جسمي . من يومها امي تحولت لشخصية
ثانيه صارت ترفض انو اضمني لحظنها .ومنا عرف انه خسرت امي .
_من الصدمه كمت عله حيلي
اباوعلها بخوف اوصل لباب الغرفه وارجع عليها
هزيت راسي لااا اريد استوعب الحجته مااعرف شنو الي صابني وهيه مدنكه تنحب . صح تعرضت لموقف من سليمه بس وقتها فكرت رادت تخوفني . بين ذاكرتي وبين نضراتي الها ومدري شلون ربطت
الاحداث صرخت بصوت عالي هز اركان البيت .
هسه عرفت انو امي واجهت نفس الي تعرضتله امج. احجي وادك عله وجهي ومديحه فاكه حلكها بصدمه والضاهر ماجانت متخيله انو امي متعرضه لهذا شي. كامت جرتني كعدتني كباله وهيه تحاول تهديني.
مديحه::هو انه صوجي حجيتلج.
هسه تواسيني لو ابتلي بيج.
_شواسيج ولج انتي مستوعبه الصار بيهن؟
مديحه:: بيومها مااستوعبت
وهم مثلج انرعبت . ومن الخوف
شردت بس ماراحت للبيت ركضت لبيت محابس.
دكيت الباب بثنين اديه طلعت عواطف مخترعه
دفعتها ودخلت وانه اتلفت لحكتني تسال وقبل مااحجيلها طلع محابس من الغرفه ركضت عليه
وانه اتوسله يخلص امي من ايد النصافات وبدون مايفهم شنو وعليمن ركض وانه ورا توجه للخرابه
وقبل مايدخلها التفت عليه اشرلي ارجعي .
_عله اساس شريف
مادام كلج رجعي يعني يعرف هنه شيسون.
مديحه::ضليت واكفه بالركن شويه واجت
امي بدون ماتلتفت عليه دخلت للبيت بقت ايام
هيه ماتطلع بس جانت تحوم حته توصل لفيلق .
_فيلق الي ؟
مديحه::اي هو.
مديحه::وهيج لحد ماكبرت .مو كبرت كبرت بس يعني صرت افهم بهذا الوقت محابس جان مستحل الشارع سليمه ساندته وشحده الي يحاجي.وهو ماله شغل بواحد ملتهي باامه .
_قصدج عمته وهم مو عمته؟
مديحه؛؛المهم. عله هل حال .
_وعليمن هل فرة خو راجعه لاهلها
شو همه نفس الطينه ركاصه .
مديحه::وهم انه كتلها هيج
بس بعدين عرفت الغجر عدهم قانون
بناتهم يركصن يطلعن حفلات عادي يعتبرونها مهنه
ولهذا السبب همه زواجاتهم منهم وبيهم حته لايمنعها
من ركص ولا يأذي اهلها .
_واكيد هيه تمردت عله قانونهم
وليش الومها . خو امي الي عاندت اهلها
كملي كملي.
مديحه::النذل الي شافها تركص
قشمرها وعقدها بدون محد يعرف يجي ياحذها
من اهلها بحجت تركص الى ان حبلت فكايللها نزلي
وهيه عود صايره شاطرة ورايده تخلي كدام الامر الواقع شارده من اهلها .
_تالي ماطاحت بي .
مديحه::اي وهيج خسرت كلشي
_هم جان رجعت لان مامعقوله يقتلوها
لان همه اساسا بدون شرف.
مديحه::صح بس جان اخذوني ربح
وهيج يعتبروني عوض عنها .
_كملي.
مديحه::بعد ماطلعها محابس اختفن
النصافات ايام . وراها ضهرن بس المصيبه
من شفت وجه حربا الي محتارين بخياطه.
_يعني هذا الاثر الي بوجها؟
مديحه::اي وهاي المصيبه الي
ماحسبت حسابها . ثاري محابس طاك حربا بالسجينه بوقتها فرحت والدنيا ناسايعتني ومنا بديت بتأملي لمحابس .
_خوش بالعافيه دكملي.
مديحه::بس امي عكسي تملكها الخوف
وحاولت تلكي مكان حته نطلع من الصعده.
_واكيد حربا مافوتتها لامج.؟
مديحه::سامعه الي يكول القشه الكسرت
ضهر البعير هاي الي كسرت امي وكعدتها
بعربانه .
_عكدت حواجبي بتساؤل .
ردت وهيه تتحسر .
مديحه::جانت حلوة وفيلق متخبل عليها
منعها من الطلعه وضل يصرف علينا .
_هم افضل من مايوميه رايحه لمكان.
مديحه::واعتبرو هل شي تمرد
وبليله ضلمه بارده مرعبه فزيت عله صوت ونين
شلت راسي شفت حربا واختها يسحلن بيها
دخلنها للغرفه الثانيه مشيت عله اطراف اصابعي
ردت اركض لمحابس ولان الغرفه مابيها باب
جانت امي داكه بطانيه قديمه مسويتها مثل البرده
توني اريد اعبر وكفت بسبب طكه عله اثرها صرخت
امي صرخه وحده وبعدها انكتم صوتها .
_طكنها؟
مديحه::عبالي موتنها رجعت لفراشي
وانه ارجف لحد ماسمعت الباب انطبك عرفت راحن
كمت بخطوات متردده رفعت طرف البرده لكيتها
عاضه المخده وتباوع للسكف ركضت عليها اريد
احركها اشرتلي لا وهيه كاتمه صرخاتها عفتها
وطلعت ومالي غيره المهم حجيتله مختصر اجه وياي من شافها انصدم . كبل خابر سلوم وشالوها للمستشفى
وكالو للدكتور طاحت من الدرج .
_وسكتي ؟.
مديحه::بيج طفكه غير تسمعين للاخير.
بقينا بالمسشفى كم يوم وهيه تصيح من
الالم اشعات وضيم وبس محابس يروح ويرد
عليه تالي طلعونه .
_سوالفها شغلتني عن مصيبتي ولان مالي
حل ولا اكدر اطلع .بقيت استمع الها.
مديحه::وبعقل مراهقه رحت لفيلق
وكل ضني راح يوكفلها . هز ايده
فيلق::يله هيه اول وتالي جانت راح تتقاعد
وانتي تستلمين مكانها .
_حط بيدي ٢٥ وكلي روحي
رديت اجر بروحي امي وضعها زاد سوء
و العلاج غالي مرة مرتين جابه محابس.
الاجار ومصرف كلت مو مال ابقه محملته ضيمي.
_هزيت ايدي. وليش خايفه
عله فلوسه ؟خلي يدفعلج.
مديحه::وهو منيله يشتغل من الصبح لليل
حته يوفر عيشته .
_شيشتغل؟
مديحه:: يوميه شغله
ومن ضمنهن المحابس .
_مافهمت.
مديحه::يبيع سبح ومحابس.
_يعني اسمه بسبب عمله؟
مديحه::اي لان جان تارس اديه
بكل اصبع محبس وتلقب بهذا القب
_هو شسمه الحقيقي؟
مديحه::محابس.
_باوعتلها . كامت وهيه تضحك
صحت وراها . شنو تخافين احسده؟
مديحه::لا بس هو محلفنه ما نكول.
_درت وجهي بعدم رضا
اجت بيدها بطل ماي وهيه تسولف.
مديحه::من ايست من امي تكوم
طلعت للجداوى . بس ماجانت تكفي علاج
فمالي غير طريق انضميت للفرقه اول ايام
ماواجهت مشاكل جبيرة عادي بس بيوم
اجتني سلوم كالت طالبينج . تجهزت وطلعت
وكل ضني ويه الفرقه وصلت الركن واشوفها واكفه
يم فيلق انتبهو عليه باوعلي وهو يبرم بشواربه من نضرته عرفت دفعلها وباعتني طمنتهم بخطواتي وانه اخطط شلون اركض وبيا اتجاه اروح انشلغو يسولفون
درت وجهي وركضت ماوكفت اله باب محابس.
_امر طبيعي تحتمين بي
بس اذا هيج انتي ويا من زمان شعجب
ماصار بينكم حب وهو يكدر يتزوجج.
مديحه::ضليت اتحامه بي كل ماصارتلي
سالفه لحد مابيوم راجعه من الجداوى
ولكفني النصافات .
_حجتها وشهكت .
مديحه::من خوفي انسحنت روحي
فكيت عيني لكيت روحي بيتنا
كمت وانه اتفحص نفسي مامصدكه عافني
بدون مايسولي شي . بس يافرحه الماتمت
بيومها سلوم دخلت عليه كسرتني تكسر
كالت اذا لمحتج واصله لبابه ادفنج بالخرابه.
_الساقطه.
مديحه::ماخذت الكلام واحترمت روحي
عاندت وتمردت . ايام وانه افوت عله خشم
النصافات . ثاري سلوم جانت تخططلي.
_شسوت ؟
مديحه::كولي شنو الماسوته. نايمه
وحسيت ايد تكتم نفسي ضليت ارفس
فكيت عيوني بصدمه من شفت الموس
فوكي .
_شهكت لا تكولين اعتده عليج؟
مديحه::لو معتدي احسن .
_كامت وهيه ترفع ملابسها
لحد بطنها .
_غمضت . واتخيلت الالم ساعتها
حسيت بيها انهارت بجت بصوت جريتها
لحظني سكتتها .
مديحه::هذا شي بسيط من الواجهته.
_كتلها كومي نامي
وان شاالله نلكه سونه ونكعد ونسولف.
وهيج يوم يجر يوم وانه التفكير نهش عقلي
مرة اكول ماتت مرة اكول انخطفت.
مديحه:: نلكاها والله.
_احس راسي افتر منا قلقي عله سونه
ومنا مديحه الي زادت ضيمي .عيني للنقال
وكل اشويه اتصل بثابت وريرفضني واحسه
يتعمد اذيتي شمرت النقال وكمت افتر بالبيت واحجي اي مايرد اكيد يعرف بمكانها يعني منو غيرهم اخذها بس والله اله اشتكي عليهم .
مديحه::انه كلبي يكلي
مابيها شي وراح ترجع.
_عندج كلب؟
مديحه::لا ماطور ثلاجه بت الصخل
لاتشوفيني ساكته ترى اطلع ضيمي بيج
الولد يدور وضال حاير وانتي تتهمينه
_يخلص النهار ويجي اليل وانه
الوب خلص صبري . كعدت بحيرة. افكر شلون
اطلع منا مديحه تباوعلي بشك تهربت من نضراتها.
مديحه::اسمعيني قدر اي تصرف ارعن
من حضرتج راح يضيعها . عوفي رجلج
اكيد هو ماساكت .
_دك نقالي طفرت وانه ادعي كون
خبر يطمني عليها . باوعت للرقم والتفتت
عله مديحه كتلها هذا الباشا . ارد لو لا.
مديحه::ورجلج كالج لاتوصليله خبر.
_تجاهلت كلامها . ورديت ها باشا.
الباشا::هلا بقدرنا شلونج ؟
_رديت بحذر . زينه الحمدالله.
الباشا::شبيج يابه انتي وثابت
متعاركين ؟
_لا لا مابينا شي. رد ونبرته جانت
ادل بعدم قناعه وشك.
الباشا::اها جا ليش صار كم يوم
هو بيت الحجي وانتي ماتجين ؟
_اي يكول عندي شغل .
الباشا::تمام يله انه حبيت اطمن
عليج محتاجه شي؟
_تشكرت منه سلم ونهى المكالمه
كعدت كبال مديحه . اكلج شتكولين
معقوله هو ماخذها ؟
مديحه::لا بس حسب كلامج
انو زوجها وشريجتها جانو رايدين منها طفل.
_زغرت عيوني اباوعلها اريد اعرف
بشنو تفكر. هزيت راسي اي.
مديحه::يجوز همه اخذو منها الجواز
والنقال واتصل باابو حيه وكلوله هيج
حته يبعدون عنهم الشك.
_ماكو غيرها . اكيد بشاير
عفت مديحه تحجي وخابرت ثابت
ويمكن ١٠ مكالمات يرفضني وارجع ادك
لحد مافتح خط وهو يحجي بعصبيه.
ثابت::شكو شكو؟ يعني انطيتج رفض
خو افهمي مشغول يمي ناس .
_تمنيت لو اكدر ادخل من شاشه النقال
واوصله . حاولت بكل جهد اتمالك نفسي
زفرت بضيق وحجيت وانه صاكه عله اسنوني
مامخابرتك اتغزل بيك .
ثابت::اختصري بدون نعثله.
_تمام. اسمع .
ثابت::فضيها؟
_منو يكول . كلام ابو بشاير صدك
يجوز همه ضموها ؟.
ثابت::مثل انه منتضرج تفكرين
خو اكيد شكيت بيهم بس اياد كلف ناس
ودكو اسمها واثبت انو هيه فعلا دخله العراق .
قبل ٢٠ يوم .
_احس نار واشتعلت بكلبي
صرخت يعني صار عشرين يوم انته
تدري وساكت . ليشش ماكتلي ليش ؟
ثابت::وهسه من كتلج شنو اختلف
لكيتيها ؟ قدر اترجاج ترى تعبت عوفيني
خل اشوف وين انطي وجهي بلكي اعثر عله خبر..
_تعال افتحلي الباب . لا اطلع للحديقه واصرخ
وافضحك بالمنطقه واخلي الجيران تتفرج عليك.
ثابت::جربي وسويها . وساعتها راح اشوفج
وجهي الثاني والله لايراويج هل وجهه ياقدر.
_سده بوجهي . شمرته ودخلت لبست صايتي
كامت مديحه وهيه تحجي .
مديحه::اصبري . بس خل اشوف
بلكي اكدر افتح الباب .
_توجهت للمطبخ اخذتلها سجين
حاولت تفتح القفل مانفتح كتلها عوفي باليل
نطفر السياج .وهيج مرن كم يوم احس انتهيت
ابجي و الطم واتعب واسكت ومديحه حالها من
حالي تبجين عله روحج لو عليه.
مديحه؛:عله الكل . هسه عرفتي
ليش جنت متحمله ضيم الصعده وساكته
ياما بنات حاولن يطلعن وتاليهن الشارع الي انقتلت
والي اعتدو عليها ورجعت ومصيرها بيت نوشه.
_صبري عليه بس كون الكاها
اذا مابجيتهم دم شلج بيه . كاعده ونقال كبالي ومشغله لطميه يقارورة .والطم صارت سلوتي بيها وكدر ثابت يوصلني لحد الجنون بحيث اخلص نهاري انه افتر بالبيت والطم وماحس لمن احط راسي واريد انام تهيج المواجع .
مديحه::كافي ارحمي حالج .
_مالي نصيب بالرحمه
الضاهر مكتوب اعيش العاشته امي.
مديحه::باجر اذا مالكوها
نطلع لو اعرف افلش الحايط.
_انه فكر . لو مافكر جان بقه ايوب عايش
لا ونوب موتت امي . وماكفاني كرطت فاروق
والسلم من لعنتي طارق الي انسجن الهيييييييي
ارحمني اترجاك الهييي . تعبت تعبت .
مديحه::اسكتي يمكن الباب انفتح .
_ركزت اي هذا صوته كمت وانه حالفه
اخلص عليه طلعت للحديقه واتفاجئ بالباشا
وابو واياد وثابت واكفين يتناقشون .
الباشا::راح يصير شهر وانته
متكتم عله الموضوع ليشششش
شنو هل حقد هيج تكرهني ؟
اياد::شعليه ترى ثابت ماقبل احجي.
ثابت::كلت رجعت تعبانه وبماانو
صاير بينها وبين زوجها خلاف اكيد تريد تنفرد
بنفسها اول وتالي تخابرني . يعني ماحسبت تختفي.
_تقدمت عليهم التفتو عليه. وبدون
ماباوع لوجه
حجيت عمي كول لثابت خل يطلكني .
ثابت::ثانيه ماخليج
بس الكه اختج دخلي جوى .
ابو اسعد::تعاي بابا .
_خزر ثابت وتقدم عليه لزمني من ايدي
دخلنه كامت مديحه بخوف سلم عليها
اكتفت بهز راسها . كعد وكعدني بصفه.
ابو اسعد::مانكول غير الله يعينج
وحقج واي واحد مكانج يتعصب ويثور
بس ياقدر احنه ماساكتين واختج تهمنا
وتعتبر عرضنا .
_يحجي وعبالك انه بيدي جهاز تحكم
واكدر اسيطر بي عله حالي . اشر لمديحه تجيبلي شال دنكت بخجل مامنتبه لنفسي انو طلعت وشعري مكشف اخذته منها وشمرته عله راسي بااهمال . صاح عله الولد دخلو باوعت للباشا دنك ومبين خايض معركه وياهم.
ابو اسعد::يابه احنه ماخلينه مكان
بقت شغله وحده منا لباجر اذا مابينت
مضطرين نعمم صورها بالسيطرت .
_اي ميخالف .
ثابت::بس كون عندج الها صورة؟
_تجاهلته وكمت جبت نقالي
دخلت الاستويو وانه احجي اي عندي
صور اخذناها بيوم حفلتي .
ثابت::صورة اطبعها واعلكها بالشوارع
مو صورة مال عرس .تفهمين شنو نحجي
مانريد نسوي اعلان لمركز التجميل .
_باوعتله وماجان متوقع ردي
وكل ضنه وجود ابو اسعد يحرجني
صحت غيرتك وفرها وفرها وبعدين انه
بياحال وانته كاعد تحجي وياي برود.
ابو اسعد::يابه صلو على محمد وآل محمد
_علة اصواتهم بالصلاوات.
ابو اسعد::بابا قدر خو انتي ماتقبليها
نحط هيج صورة . وبعدين المكياج يخفي معاني
الانسان اكيد الي مايعرف اختج ويشوف بالحقيقه
ماراح يقارن بالصورة .
_عمي مثل انه اشم ايدي ادري
راح تنخطف لو ادرييييي جان كتلها البسي عبايه
وصوري ترى تعبتتتتتتت عمي اذا تريد تسوي وياي
زين خليني اطلع .
ابو اسعد::شلون حجي هذا يابه؟
_جا طلع ثابت من يمي .
ابو اسعد::اي هل شي معقول .
_التفت عله ثابت وبدون مايحجي
كام ثابت طلع . دنك مولي . والباشا بس ينفخ
ابو اسعد::حاولي تتحكمين بااعصابج.
_دنكت . امسح بدموعي . ضل يحجي
تالي الباشا وجه كلامه لمديحه.
الباشا::تتوقعين ضمت نفسها
بمكان قريب عله الصعده؟
مديحه::مستحيل لو واصله الشارع جان
دريت بيها ترى صدك مااجت .
_هز راسه بتفهم. ضل ابو اسعد يحجي
ويحاول يطمني . وبعدها ترخصو وطلعو
مديحه::سدو الباب.علينا.
_نطفر السياج .
مديحه::تمام .
_تمددت وعيني للسكف وكل شويه
تجي ابالي سالفه . لحد ماغفيت كعدت عله صوت نقالي . كمت بخطوات ثكيله افرك بعيوني لحد ماوصلت الطبله انكطع شلته اباوع رقم غريب انخمش كلبي . منو هذا بيش الساعه ب٣ الفجر معقول التفتت لمديحه فاكه حلكها تشخر ضليت محتارة ارجع اتصل لو لا . بين تفكيري ونضراتي الي موجه لمديحه .ارتفع صوت نقالي فتحت الخط بتردد هيه كلمه الو واجاني صوت يدل عله انو المتصل مرة وكبيرة بالعمر .
!!السلام عليكم اسفه اذا الوقت متاخر
بس اكيد ضال بالكم .
_ماعرف شحجيت بس الي اذكرة
توسلتها تختصر المقدمه .
!!ممكن تنطيني زوجج .هو اسمه ثابت مو.
اني اتصلت بي بس الضاهر نايم
_بسبب التعب والقلق .
صرت مااجمع ولا انتبه رديت بضيق .اكيد نايم
خو ماكاعد يتغده الساعه ٣ الفجر .سكتت ثواني
وردت ومبين من بنرتها انو هيه ضحكت
!!اي عيني المهم اني عندي امانه
من شخص يعرفكم . وذمم عليه اوصلها الكم.
اذا زوجج موجود بلغي يجيني لل......
_لحظه لحظه فهميني اختي يمج ؟
اترددت بالجواب وضلت تماطل
صحت يمعوده احجي شنو هيه حزورة
عله اثر صوتي كعدت مديحه وهيه تسال.
مديحه::شنو شكو ؟
_سديته التلفون بوجه المرة
وحجيت لمديحه الدار بينا .
مديحه::شمنتضرة دخابري لرجلج
اكيد هاي عدها علم بمكان سونه.
_خاف. اكله ونوب هو واهله
يخفونها ويبعدونها عني شتكولين
لو اخابر الباشا ؟
مديحه::وخاف هو ياخذها
حته اهله لا يبعدونها عنه يخيفها .
_جا شسوي ؟صفنت اي ماكو غير حل
اكله تعال واروح ويا .وماانتضرتها ترد عليه كبل خابرته وعبالك جان لازم النقال ومنتضر اتصالي رد بخوف.
الباشا::هايابه خو مابيج شي.؟
_سألته بتردد
انته منو يمك؟ .رد وكأنو عرف شريد.
الباشا::احجي يابه .
_تعالي باشا بس لاتكول لثابت .
سكت ثواني وعبالك عرف لكيتها .
الباشا::جايج يابه لا تخافين .
_بس لاتكول لاحد احجي بخوف
وعجيب هل الرجل . شلون يلكف السالفه
بحيث ماجادلني. ..سده وانه ركضت لبست
ومديحه وياي . ضرفي والمريت بي ابد مو مال لوم ولاعتب . صح تصرفت بااستعجال بس ماجانت اعرف عل شي راح يخسرني هواي . اقل ال٥ دقائق والباب
انفتح ودخل وماجنت اتمنى هل مواجهه التفتت اباوعله واكيد لفت انتباها لبسنا انه ومديحه الي
يدل انو احنه متهيئين للطلعه قاطع صفوت نضراتنا
الباشا وهو بكامل اناقته التفت ثابت باوعله .
الباشا::صباح الخير ها بشرو؟
_ابتسم ثابت بأاسف وهو يباوعلي بنضرات
كانت كفيله توصلي احساسه بدون مايحجي.
نزلن دموعي _عضيت شفتي بندم . حجه الباشا
الي حس بعمق خيبة ثابت راد يبرر تصرفي .
الباشا::مو وقت صفنات يله
بالطريق نسولف .
_من فشلتي مدري خوف مدري
لان اعرف الي راح يصير بينا . لزمت
ايد مديحه ومشيت وانه مدنكه .طلع الباشا
قبلنا وصلنا الباب الفتت الباشا عله ثابت الي بقه
واكف بمكانه . صاح بي .
الباشا::يله يمعود شمنتضر؟
_رد ثابت . بنبرة بارده. مال واحد
متفشل وخسران . ومخذول وعبالك متعرض
لخيانه لو طعنه غدر .
ثابت::توكلو انتو. بعد انه شسوي
رايح ماضن تحتاجوني. ونبقه عله اتصال.
_ بلعت عبرتي احس غصيت
حست بيه مديحه ضغطت عله ايدي
تخفف من وجع كلبي . عفناهم يداهرون وطلعنه
للباب الدنيا بعدها ضلمه الشارع مابي بشر ضلينه واكفين يم سيارة الباشا .دموعي تنزل بغزارة .
مديحه::معلم عله الصدمات كلبي.
_التفتت ناحيه بيت ابو اسعد
طلعت سيارة من كراجهم . متوجهه علينا دك كلبي
بخوف من وصلت يمنا وشفت اياد ومولي ويا .
شهكت مديحه وهيه تحجي بصوت ناصي.
مديحه::وهذا شجابه؟
_وقبل مااجاوبها طلع الباشا
وتفاجى بوجودهم اشرلهم بمعنى شكو؟
جنهم مايشوفونه . ضلو داخل سيارتهم
تقدم عليهم وهو يسحب اسلاحه من احزامه.
الباشا::يابه بشرفي اذا خطيتو وراي
خطوى اكسر رجليكم واكعدكم مثل ماراح
اكعد تايرات السيارة .
_حجها وهو يوجه سلاحه
عله التاير الامامي لسيارة اياد وضرب طلقه
صرخنا انه ومديحه التفت علينا وهو يضغط عله بصمة سيارته فتحها واشر بمعنى اصعدو توجهنا لسيارته طلع ثابت يركض .
ثابت::شبيكم شكو ؟
_نزل اياد وهو يحجي بعصبيه.
اياد::عود صدك ترمي سيارتي؟
_اشرله ثابت اسكت والتفت
موجه كلامه للباشا .
ثابت::توكل انته .
_وعله اثر صوت الطلقه وصوتهم
انفتح كم باب من الجيران .عافهم واجه
صعد شغل ومشه تحت نضراتهم . درت وجهي
اباوع لثابت الي ماجنه يشوفني .
الباشا::اتصلي بالمرة خلي انشوف
وين المكان .
_وهاي الي شلعت كلبي
تحجي بتردد مدري شنو الي غير رايها
اشرلي الباشا بمعنى طولي وياها بالكلام ضليت اتوسل وهيه تتهرب وجانت مصرة انو ماادلينا اذا مو ثابت هو الي يخابرها .سديته بوجها احس بيها تلفت اعصابي .
الباشا::خلص عوفيها .
_سكت بسبب نقاله الي من طلعنا لحد
هل لحظه هو يدك تالي رد ولان يسوق فتح
الصوت وخلاه عله رجله.
الباشا::هلا بالخال.
الخال::ولك انته حيل استهترت
وهيج انه مجبور اردعك ف ياباشا
تهيئ للعقوبه .ياحقير ترمي ولك ترميي ؟
_رد بضحك .
الباشا::الكاها واجيك وعاقبني .
الخال::وين وصلت ؟
_وصفله المكان الي احنه بي
وسولفله عله المرة شلون متردده .
الخال::دزلي رقمها بين ماتوصل نحدد مكانها.
_الطريق طويل عرفت احنه خارج البصرة
لحد ماوصلنه . كال
الباشا::لاتنزلون خل الخال يتصل بينا.
انه راح اعبر لهذاك الكشك اجيب جكاير.
_وبس نزل دك نقالي . رديت ها عيني
انتي وين بالضبط . ردت بملل .
!!انتي وين وصلتي .
_سكتت محتارة شجاوب
همزين اجه الباشا انطيته النقال حجه وياها
بعصبيه سده وهو ينافخ . بثواني تغير مزاجه
بس اتصل الخال وكاله.
الخال::الطابق الثالث غرفه ....
الباشا::ابوس راسك ابو محبس.
_نزلنا متوجهين للمكان
امشي وكل اشويه التفت عله مديحه
الي حالها اخس من حالي . دكات كلبي صارت
مثل دك الدفوف بمكيد طشه وكفت والرجفه
احتلت جسمي مدري ليش سرت بعضامي بروده
دفع الباب ودخل واحنه ورا وحده لازمه ايد الثانيه
تستمد منها قوة . نضراتي تشخصت بصدمه
وانه اشوف الي عله السرير وهيه مكرفصه روحها
مثل الجنين بطن امه . اريد رجليه تعيني حته اوصلها
وعبالك انشليت تقدم هو وانه ومديحه عيونه تمشط
الغرفه الي كل شيء بيها يدل عله حالت اختي الصعبه
حجيت بصوت يادوب ينسمع سوونه اكعدي هاي اااانه اجيت التفت عليه الباشا.
الباشا::تكعد اكيد هيه هسه حست بوجودي
لان تعرف وتميز عطري .
