رواية قصة زهراء الفصل العاشر بقلم زينب نور
زهراء:طلع وانه طحت بجيت لمن ماتعبت
تمددت بالگاع ولميت رجليه لصدري وكمت ابجي بس دموعي تنزل بلا صوت
ياسر:طلعنه وانه كاره روحي شلون سويت هيج الله ينعل الشيطان وساعته وصلنه لبيت خالتي
بسرعه اخذناها وطلعنه
للبيت كالتلهم ماريد اصور وصلنه دخلتها وطلعت
وعيون زهراء ماراحن من بالي
شلون حمر والبجي مبين بيهن
طلعت ماكو احد غريب بس عمامنه
زهراء:فزيت على صوت الهوسه والجهال كلت اجو كمت غسلت وجهي وطلعتلي فستلن اسود
اردانه شيفون مخصر على جسمي وبيه جاكه بالصدر لبسته
مااريد ابين الهم ضعفي
كعدت كدام المرايه عيوني سود من جوه خليت خافي وخليت كحل طوخت الحمره عل العناد
وكمت لفيت الشال ونزلت
البيت هوسه باوعتلي فاطمه اجت عليه
فاطمه:بيج شي
زهراء:لا ليش
فاطمه:تصرفاتج ماعاجبتني
زهراء:ارتاحي ماكو شي
خليته ومشيت صلو وصبو العشه
شفت العروس موو حلوه عيونها صغار وطويله
جسمها انه اصير ثنين منها
خليت وصعدت مانزلت بعد امثل القوه كدامهم وعود مامهتمه
بس اطحن من جوه
مر الوكت للساعه١٠ اسمع صوت طلق عرفته خذاها
حتى ادموعي نشفن كمت بس ادك على روحي ربع ساعه تقريبن
الباب قافلته انفتح
ورجع دگه
كمت فتحته صار بوجهي هوه
ياسر:باوعت بوجها تعبانه تنهدت فتحت الكنتور اخذت ملابس ودخلت للحمام
زهراء:رجعت تمددت على الجربايه
شويه وطلع لبس وطلع من الغرفه كمت قفلت الباب
وركضت للكنتور طلعت جنطه وجمعت شكو ملابس اله خليتهن بيها وساعاته واي شي يخصه
ماخليت شي اله بالغرفه صارن جنطيت بس بعد اله غراض
سديتهن ووكفتهن بصفحت الباب
طفيت الضوه ورجعت تمددت وغفيت
للصبح كعدت على صوت الباب وهوه يندگ حيل
كمت فتحته هوه
ياسر:شسالفه هذا كله نوم صالي ساعه ادگ
زهراء:راح للكنتور فتحه احسه انصدم دارلي
ياسر:وين ملابسي
زهراء:اشرتله بيدي على الجنط
ياسر:شبيج بابا بعدج نايمه
الملابببس ويين
وشكو هاي الجنط
زهراء:هاي ملابسك بالجنط اخذهن لمرتك ذيج هاي الغرفه مالك بعد بيها شي
ياسر:اللهم صبرج ياروح
٥دقايق الج اترجعين الملابس لمكانهن
زهراء:،تخصرتله وايدي على ايد الباب كتله ماارجعهن
ياسر:شكلها حلوو وهيه تعاند تقربت عليها
رجعت ليوره لزگت جسمي بيها
زهراء:روح للمدام لا تتئخر عليها خطيه اخاف تزعل عليك ومادخلك للغرفه
احجي وهوه قريب عليه حييل
ياسر:اتغارييين
زهراء:هههههههههه
اغار ههههه والله ضحكتني
اجحي جذب بس بداخلي كلبي يغلي
ياسر:ماكلت نكته حتى اضحكين
زهراء:وخر عني
ياسر:واذا مااوخر شسوين سحبتها من خصرهاا عليه
زهراء:ووو اااخررر
ياسر:ليش كمتي اتعلسين وين راح لسانج
زهراء:سكتت بس كلبي راح يطلع من مكانه
قرب راسه يريد يبوسني دفعته لعبت نفسي اتخيلته جان يبوس بذيج
ياسر:لا ادفعييين
زهراء:لا تتقربلي
ياسر:يووول حلالي ومرتي
زهراء:ذيج مرتك روحلها
شوو جاي عليه ذيج توالمك بطولك وبعرضك
ياسر:هههههه ضحكت على سوالفها سحبتها وهمست
بس مووو احلى منج تره انه مااحب الطويله احب الناعمه
زهراء:دفعته جا روح اخذلك وحده ناعمه خليته ودخلت للحمام
غسلت وطلعت لبست دشداشه طويله لفيت الشال ونزلت بعدني على الدرج واشوفه كعد وهيه كاعده بالصاله خلت طيبه الصينيه كدامهم كمت افوووور
دخلت للمطبخ زينب وفاطمه بيه
صباح الخير
فاطمه:ياله تعاي تريگي
زهراء:خلت فاطمه الريوك وكعدنه على الميز بالمطبخ ويانه ابن زينب عمره ١١سنه اسمه امجد
خلصت ماكمت ضليت كاعده
طلعت فاطمه وامجد
شويه ودخلت العروس عشتوو
خلت الصينيه كبالي على الميز ودارت تطلع
تعاي تعاي موو تاكلين واذبين اماعينج امشي غسليهن
موو خدامه عندج انه واغسل وراج
منال:اووو حبيبتي عصبتي اغسلي اغسلي وانتي ساكته
زهراء:لاوالله اشتغل عندج
ضلينه نداهر ومااسمع بس صوت اجانه
ياسر:بالصاله واسمعهن غلست اول مره بعدين على صوتهن
كمت صحت بيهن
هاااااي صوجن
منال:تعال لهاي بعدني مادخلت ضلت اصيح
زهراء:انه عندي اسم لا ادكولين هاااي
وبعدين انه مااشتغل عد حضرتج واغسل اماعينج
ياسر:بببسسسس لاومحمد رااس براس وانتي الماعيين التسممين بيهن اتغسلينهن سامعه
منال:بس
ياسر:لا بسس ولاشي محد يشتغل عندج وكلامي مااعيده
زهراء:دار يطلع والتفت عليه
وراي
طلعت صعد صعدت وراه بس فرحت لئن رزلها
دخلت سديت الباب
ياسر:سالفه الشرايج والغيره هاااي ماصرف عندي لا ومحمد
كل وحده لهلها وورقجن وراجن
وانعل ابوو ليگول ليش
ومنال لاتوصلين يمها ولاتحاجيها
زهراء:يحجي ومعصب هههه ضحكت بداخلي تقربت عليه على العناد سويت هج خليت ايدي وره ركبتها بالكوه اجرئت بس اريد اشلع كلبه ضل صافن بوجهي كتله
بدلع
على شنووو هاي العصاب موو زين عليك بعدك عريس جديد
ياسر:وخري عن وجهي لا ابتلي بيج
زهراء:شسوي رفعتله حاجبي
ياسر:بستها بوسه بشفتها شلعتها الها
ووخرت هااا هيج اسوي
زهراء:وخرت عنه خله وطلع جسمي يرجف
غسلت وجهي فتحت الباب اطلع لگاني
ياسر:شويه واجي اذا ماالگه الملابس بالكنتور تعرفين شسوي
زهراء:رجعت للغرفه خليتهن يمكلنهن ورجعت الجنطه مالي خلگ لصياحه كملت وطلعت
هوه يريد يطلع واسمع عمتي ادگله مرتك عروس مخليها وطالع
ماهتم لكلامها اخذ السيارة وطلع
بس اشوف عمتي اتغيرت ١٨٠ درجه ويااي شبيها هااي المره
طلعت شفت جدي بالحديقه وحده رحت شلونك جدي
الجد:هلا يبعد جدي ابخير اذا انتي بخير
زهراء:بست راسه وكعدت على الكرويته تريكت
الجد:ههههه بويه من ٧ اتريكت
زهراء:كلت اذا مامتريك اسويله ريوگ بيدي
الجد:لا بس جيبيلي جاي
زهراء:من عيوني كمت صبيتله جاي ورجعت
زينب راحت هيه وطيبه لبيوتهن محد ضل عدنه بس العروس بغرفتها اشوو امس بيضه اليوم زرگه هههه تستاهل يياسر والله
لكيت عمتي اسوي غده سوت وكملت انه غزلت منه ومنه للظهر فرشنه السفره بالصاله رجع ياسر شلنه الاكل وكملنه وكعدنه
كلنه جدي وعمي والولد اذا جدي كاعد محد يفك حلكه بكلمه على الاكل انه بصف فاطمه كدامي ياسر ومنال رفعت الكلاص اشرب ماي انتبهت مدتله الخاشوگه
منال:اتفضل حبيبي
ياسر:خزرتهاااا
زهراء:همزين ماشركت بالماي فشلها وخزرها كدامهم خلصت وكمت للجاي حضرته على ماشالو الماعين
مر اليوم عادي مررر اسبوع هوه راح لدوامه بعد يومين لربعين بيبي
اليوم اجه من بغداد بالباب وتلكته الواگه اخذت الجنطه منه وراحت لغرفتها هوه سلم وصعد ماصعدت وراه
سابح ونزل تغده وخلصو ضلوو يسولفون على. باجر الثواب ونروح للنجف
لليل كاعده ونفتح الباب انه متمدده والرموت بيدي دخل هوه كلت شعجب ينام هنا سويت روحي منتبها على التلفزيون اجه طفه الضوه وتمدد يباوع وياي خلص البرنامج خليت الرمونت بصفحته ودرت وجهي وتغطيت
للصبح گعدنه من ٦ هوه ضل ناين نزلت لگيت يذبحون تريكو وخلصو كامت تجي الناس لئن الثواب غده
طبخو الولد بره بالكراج واحنه هوسه البيت صار الجهال صايه والمهات ادگ سوالف سهى خوش لكتلها صاحبه منال
كلت الطيور على اشكالها تقع
صلوو وصبو الغده اتغدينه وبده ضيم الماعين امي اجت هيه ونسوان خواني
غسلنه للساعه٤ ياله خلصنه كالو تحضرو نصلي المغرب ونطلع للنجف اذان المغرب بالخمسه هيج تقريبآ لئن شته الدنيا المهم مر الوكت صلو صعدت انه بدلت وكملت دخل ياسر لليوم هوه مااله اي ملابس بغرفت منال ملابسه كلها هنا خلصت اخذت العبايه والجنطه ونزلت
على ماكملن هوستهن وجهالهن شحلاته واحد فارغ ماوياه احد
كالها بصفه ودعاء بصفه تركض وره هاذا وهاذا وحامل عدها ٥ والسادس ابطنها صاحوو ياله نزل ياسر متعطؤ وكاشخ طلعنه شفتها تحجي وياه صعدت ماهتمين ابينلهم بس من توكف يمه واسولف ويااه احس نار تطلع من جسمي وصلت للسياة سعد واكف يصعد بالجهال لئن منشئه صعدت گعدت الكرسي الي يم الباب بس على الجامه كملو كلهم بدو الولد يصعدون كالها صعدت بس ياسر ماشفته انه محد يمي وحدي كاعده باوع للكرسي وگعد حركنه وكلها كامت اصلي على محمد وال محمد
السايق صاحب ياسر يعرفه
كاعد بصفي انه خليت راسي على الجامه واباوع شويه وشغل قران السايق سورة يس راس على الجامه ودموعي تنزل وحدهاا
شويه وغفيت كعدت على صوت ياسر يكعد بيه ينزلون يم مطعم
ياسر:ياله كومي راح ننزل
زهراء:كعدت على مانزلو كلهم نزلت
همه دخلو لصفحت الزلم واحنه دخلنه اخذت فاطمه ورحنه للحمامات
غسلت وجهي وتوضيت رحنه يمهن لمن كملن رجعنه للسيارة
كعدت ابمكاني اجه هوه كعد حركنه حاجته زينب كاعده ورانه
زينب:خويه بروح موتاك ماتاخذلك واحد من ذول يمك
ياسر:تعال امجد
زهراء:كام كعد امجد بمكانه هوه كف دشداشته وكعد بالممر الولد بيهم واكفين وبيهم كاعدين
بعد مانمت لمن وصلنه ساعه٣ باليل
نزلنه بالمام طشن كالمن صارت بصفحه امي وزينب وطيبه وسميه وفاطمه يمشن سويه اريد الحگ بيهن ماكو صادف ازدحام
هنه كدامي صارت هوسه صارن بعيدات عني التفتت منه منه ولاواحد من اهلنا تخبلت
كلت ضعت بعد ماالگاهم ضليت امشي مثل المخبله واباوع بوجوه الناس گلبي نعصر
فاطمه:غسلنه وتوضينه وطلعنه
اكلج سميه زهراء موو جانت ويانه
سميه: والله خيه ماشفتها يجوز راحت ويه امي وعماتي
زينب:ذنيج هنه امشنه الهن
فاطمه:وصلنالهن زهراء مو وياهن
اسماء زهراء موووياجن
اسماء:لا موو من نزلنه راحت وراجن
امي:صخام الصخمج نوريه راحت البت
سميرة مرت حاتم..
على كيفج خيه جاهل حتى اضيع هسه نلكاها لا تخافين
فاطمه:مررت نص ساعه مابينت زهراء واحنه نخبصنه وجوهنا كامت تنطي الوان اندور منه ومنه
شفت الساعه ٤ اذن
امي:انه رايحه ادور يمممه بنت راحت
فاطمه:طفرنه كلنه وره امي سحبت الجنطه من ايدها طلعت تلفوني دكيت على سعد ماكو مغلق
اذكرت مايدخلونه جوه يخليه بالامانات الخوف تغلب علينه بس نسوان ومانعرف شنسوي صلت العالم واحنه نفتر
خلصو صلاه واكفين و زينب خزرت ياسر وسعد جايين باتجاهنه
زينب:اصخام الصخمنه اجه ياسر شنگله
ياسر:وصلنه يمهن اشوفهن مخبوصات
شكوو شصاير
زينب:خويه مرتك نزلنه للحمامات عبالنه ويه امي وعماتي وهنه عبالهن ويانه وهسه ماهيه
ياسر:شنوو ماهيه
ومشيت ادور شافوني الولد اجو وياي كلهم والحرگه بگلبي وين راحت هاي الثوله وكلشي ماتندل
زهراء:مررن ساعتين صارت ٤:٣٠ ايسد كلت بعد ماالكاهم كعدت على حيلي بالكاع وادك على راسي وابجي سمعت صوت رفعت راسي رجال من هذوله الي يخلون طواگي حمر على روسهم ولابس صايه سوده
الرجال:شبيج بوويه وين اهلج
زهراء:ابجي واحجي فدووه وديني والله ضعت وكمت ابجي حيل
كال كومي بنيتي وياي كمت اخذنه للندائات دخل غرفه ويبها اجهزه مال صوت وولد شباب ثنين كاعدين انطاني الحجي بطل ماي
الرجال:اشربي بويه ورتاحي
ماكو احد يدخل لرض علي ويضيع
زهراء:احس گلبي برد شويه كال شسمج انطيته اسمي واسم ابوي كال ويامن جايه كتله جايين اربعينيه كلنه رجلي واهلي انطيته اسم ياسر الثلاثي
صاحوو ٣مرات ماكوو شي محد بين بعدين رجع صاح
ياسر:مر الوكت وهيه ماكو تخبلت
بس خل اطيح بيدي اعلمها شويه وصاحو اسمها واسمي رحت اركض للمكان دخلت هوسه
زهراء:كاعده على الكرسي واكل بضافري شويه وسمعت صوت ياسر رفعت راسي ايي والله هوه
ياسر:هوه وصاك على اسنونه
گوووومي
زهراء:طفرت من مكاني ويخزر بيه
حاجه الرجال الساعدني
واشكر منه سحل ايدي وطلعنه يسحل بيه سحل على كيفك ياسر والله ايدي راح تنشلع
ياسر:لوو ضايعه وين انطي وجهي هااا المن خليتي امج والدنيا كلها تمشين وين بس كليلي
زهراء:سحبت ايدي منه حييل يصيح ومعصب عبالك انه الضيعت روحي كتله شنو انه متعمده
شفت امي والنسوان وعمي وجدي عفته ومشيت يصيح وراي مادرتله وصلتلهم كالها اذب الوم بيه اخر شي دخلنه جوه بالصحن كالت الفاطمه امشي اطلعي وياي اتوضه وصلي صاحت على سعد اجه ويانه كملت ورجعنه صليت وزرنه للساعه٧:٣٠ طلعنه للمگبره وصلنه البيبي ركضت على الكبر بجيت بجي شلون الواحد الفاكد امه عمري ماباجيه هج ابجي واعاتبها
اجه حسين كومني شربني ماي وغسل وجهي خلصو وطلعنه للبصرة وصلنه صعدت بوجهي للغرفه شمرت العبايه وذبيت روحي
مراسبوع ياسر راح لدوامه ومنال كالساع طلعتلها جذبه عليه
مخليتها هيه والله
منال:يمه صالنه اكثر من ثلاث اسابيع وهوه من ليلتها مامتقربلي
ابتهال:ابدل واتمكيج وعدل نفسي شلون مايتقربلج
منال:يوميه اسوي هيج يدخل للغرفه ماتطلع منه كلمه حلوه يدور وجها وينام
ومن نكعد عينه على زهراء المعصعصه شاف منها ماادري
ابتهال:والله ماتدري شگلج
منال:هسه انه داكه عليج اريدج اسويلي حل خل تبتعد منه زهراء كوون
ابتهال:شوفي هااي جيرانه تعرف وحده اسوي كفخه ومحبه
بس اريدج اجيبيلي من اثرها شي بس اياني واياج احد يدري
والله لو درو يجيبون اجلنه
منال:لا هاهيه محد يدري وتعاييلي باجر انطيج شي منها
زهراء:فتحت باب الغرفه وطلعت
شفت هاي بوجهي
منال:طلعت من غرفتها نزلت شفت محد موجود ركض دخلت لغرفتها فتحت الكنتور اخذت قميص نوم وطلعت باوعت محد شافني دخلت للغرفه خليته بعلاكه وضميته بسابع مضمام
بسيطه يازهراء
ثاني يوم اجت امي واخذته مر ٣ايام اجت مره ثاني صعدتها بالغرفه مالتي
ابتهال:هااج هذا الدوه بس ديري بالج احد يشوفج اترشينه على ملابسها وهذا ماي كون تشربه وهاذا هم سويه خليه جوه جربايتها
اخذته من امي نزلت طلعت وصلت يم غرفتها خليت اذني على الباب ماكو صوت دخلت سويت مثل ماكالت امي وطلعت رجعت الباقيه ضميته بغرفتي ونزلت
زهراء:اشوفها تتهامس هيه وامها كمت عنهن رحت للمطبخ فاطمه بيه للمغرب راحت امها توضيت وصعدت فتحت الباب ريحه غريبه بالغرفه بس فتحت الشباك كلت يجوز لئن مافتحته اليوم مديت المصلايه وصليت
خليت الشباك والباب مفتوحات ونزلت
ياسر:اليوم ارجع للبصرة احس كلبي يرف عليها مشتاقلها كعدت من الصبح بدلت قفلت البيت وطلعت
زهراء:مر ٣ايام اليوم يرجع من بغداد بس انه الكتلني راسي اريد بس انام ومعتي كالساع واذب من راسي لحو عليه اروح للطبيب مارضيت كعدت الصبح الدوخه مافارگتني
بدلت ونزلت للظهر اجه ياسر دخل للمطبخ بعده مامسلم طلعت ركض مااريد اشووفه
ياسر:توني دخلت باوعت بوجهي وطلعت بعدني مامسلم اتفاجئت
سلمت عليهم وصعدت فتت للغرفه لكيتها كاعده
زهراء:دخل كمت على حييلي وكفت وارجع ليوره مااريد اشوفه احس شكله يخووف
خليت اديه على راسي لاتتقرب عفيه لااااتتقرب
ياسر:ذبيت الجنطه ورحتله انه مشتاقلها وهيه مدري شبيها
زهراء:لاتتقرب فدوووه وابجي واصرخ وضامه وجهي بيدي
ياسر:وج بابا شبيج بعدني مااجيت هيج تتلكيني شبيج وخري ايدج ماتردين اشوفيني احجي
زهراء:روووح عفيه رووح عني
عليك الله
ياسر:الصبر يامحمد الصبر خليتها ودخلت للحمام انه كلبي طاير عليها وعلى طولها وهيه اصيح لاتتقرب
زهراء:دخل شلت الشال من الكاع لفيته ونزلت كبل لايطلع
لكتني فاطمه كالت شبيج كالتها مابيه شي رحت للمغسله اغسل وجهي بماي بارد ثلج شويه وخزرته بالمرايه مال المغسله نزل بسرعه رجعت لباب الحمام وسديته
لليل ماشفته بعد صعدت وتلفلفت بالغطه وضميت راسي حسيت على الباب نفتح
ياسر:دخلت ضامه وجها بالغطه
بدلت وطفيت الضوه وتمددت بصفها مشتاق لعطرها حضنتها من وره
زهراء:حضني وراسه على راسي ضليت احرك بجسمي بعصبيه
عوفني عوووفني لاتلمسني
وخرررر
ياسر:وخرت وسحبت الغطه من وجها لج شبيج فهميييني
زهراء:لاتتقرب فدوه والله مااريدك اكرهك تلعب نفسي منك
ياسر:فورت دمي بحجيها ضربتها راشدي
غصبن عليج وهاي كلمه اكرهك لاتعوديها
زهراء:تقرب عليه حييل ودفن راسه بركبتي وانه ابجي وادفع بيه احسه مقزز لعبت نفسي منه احسه وحش ادفع بيه وماكوو
مدري منين اجتني القوه دفعته حيييل وكمت ركضت للحمام
دخلت وقفلت الباب وطحت ابجي.........
شكرا لزيارتكم عالم روايات سكيرهوم
