رواية الخباز والاميره الفصل العاشر بقلم جمانه السعيدي
اميره قررت استشير المحامي وبعدين اقرر
المحامي رد عليه
حتلو تدفعين تعويض او كفاله هم ينسجن لان ماجاي يعترف على جماعته
يعني يشيل حكمه وحكمهم وياااا
فكرت بلطريقتين اني خسرانه الفلوس
اخسرهن اذا دفعتهن كفاله وتعويض وينسجن وهم خالد مراح
يفك من اياد ويضل ورا ومستقبل اياد يضيع
وراح يضل ورانا
اتنازل الخالد عن كلشي واطلع اياد
اياد عندي بكنوز الدنيااا
ونبدي اني واياد من جديد ولله يعوضنا خير
واخلص من خالد للابد
جمانه السعيدي
ثاني بوم رحت الخالد
اميره اني فكرت شنو الضمانات الي اني راح احصل عليه
ايجوز اتنازل عن كلشي ويبقى اياد بلسجن
خالد كدام المحامي نتفق مجرد ماادز الولد يسحب افادته المحامي يكتب التنازل
اميره شلون مافتهمت
خالد راح ادز ولد يغير افادته ويكول مو هذا الي شفته
وواحد يكول اني اكره اياد ودبرتله هاي المصيبه
المحامي يتكفل باقي الاشياء
واليوم يطلع اياد
المحامي كال لازم نستعجل باجرائات قبل لا تصعد القضيه للمحكمه
وتصير صعبه
لازم نكمل كلشي اليوم
اميره تمام اني موافقه
محامي خالد حضر ورقه بلتنازل عن كلشي
اتنازل الامي عن كلشي املكه
فلوس وأرض واملاك وبقه بس التوقيع
رحنا للمركز وفعلا اجا الشاهد وااكد مو اياد الي شافه
وواحد غيره
وبعدين جابو واحد ثاني شكله استغفر الله
الجسم كله مدكدك والوجه مجروح
امبين مو راحه ابد
اعترف كال اني اكره اياد اكو عداوه سابقه ويااا
واني اتصلت علي وخليته يجي للفرن
وهذا التليفون ياكد كلامي
وبعدين خدرته اني وجماعه وياي
ونقلنا المكان الحادث
سرقنا المحل وعفنا اياد فاقد الوعي هناك
واياد ماله علاقه بلسرقه ابد
جمانه السعيدي
دزو على اياد جابو من السجن وطابقو اقواله ويه اقوال
هذا الولد والتليفون اكد كلام الاثنيين
اياد بس شافني ضاج وخاصه جايه اني وخالد للمركز
كام يصيح بيش ساومج هذا الحقير
لا تتنازلين عن حقج ابد
اني رجال واستحمل السجن
رب العالمين راح يكشف الضالم
لا تتنازلين عن حقج ابد
اميره لا تتنازلين انتي أولى بهاي الفلوس من هذا الجبان
الي مايقبل يواجهني وجه الوجه
يخطط من جوه ليجوه
ومستقوي على مره
اذا انت رجال تعال واني اخذ حقي منك
خالد مارد علي ابد وأمر المحامي يكمل كل الاجرائات
بس بدو يكملون اجرائات الخروج الاياد
وقعت على الأوراق وتنازلت عن كلشي الامي
حتى السياره الي اشتراها بابا اليه هدية نجاحي اخذوها مني
جمانه السعيدي
طلع خالد وبعيونه علامات النصر والفرح
اخيرا كدر يلوي ذراعي ويأخذ كلشي مني
بس بلباطل مو بلحق
ميخالف كلشي يهون ولا اياد يضيع شبابه بلسجن
بقيت منتضره اياد برا السجن لمن كملو كل الاجرائات
قصص وروايات عراقية كرار صلاح وطلع
بس شافني ضاج حيل
اجا عليه وكال ليش ليش هيج سويتي
اني رجال وكلشي اتحمل
ليش سلمتي خالد كلشي
اميره مااريد اي شي اريدك بس انت وبس
اذا انت بلسجن اني شسوي بحياتي
حياتي ماله طعم من دونك
اني مابقالي احد بهاي الدنيا بس انت
انت اهلي وكل ناسي دير بالك تتخلى عني بيوم من الايام
أتقدم عليه وحضني حيل واني كمت ابجي
ابجي من الفرحه اياد طلع
بس حاز بنفسي امي تخلت عني بسهوله
طبعا زوج اخته كان موجود وحضر كلشي
أجرنا تكسي ورجعنا للبيت كلنا
بيت اياد امه بس شافته كامت تهلهل وتبجي بنفس الوقت
مامصدكه ابنها طلع
بعد ماايست يطلع وتشوفه مره ثانيه
ام إياد لو باقي بلسجن بعد يوم واحد اموت مااتحمل فراكك ابد
جمانه السعيدي
اياد اسم الله عليج حبيبتي
اني مااستغني عنج ابد
امي يابعد روحي انت
اياد تقبلين هاي المخبله ضحت بكل ثروته علمود اطلعني
اميره عافت كلشي علمودي
علمود تعرفين اني اختاريت صح
اميره انسب وحده تشاركني حياتي
اريدج تصيرين امه واهله وتعوضينه عن اهله
امي اخليه بعيوني
بيومه صارت احتفاليه بيت اياد خواته وازواجهن
واصدقائه من الفرن والجيران
الكل فرحان اياد طلع من السجن
اميره كلما اشوف الفرحه بعيون امه اتأكد أن الفلوس
مومهم أمام راحة الانسان
الفلوس الله يرزق البشر بيهن
بس السعاده احنا نخلقه
اخواته بقن بليلته بلبيت باتن بيتهم
واني وصلني اياد البيتنا
بس شافتني امي راسا كتفت اديه هااا رجع الشفيه
اميره اي طلع اياد الحمد لله
ام اميره طبعا انتي ثوله انتي غبيه وماتعرفين تختارين
اميره الزمن راح يبين منو بينا الغبيه الي اختارت غلط
اني متأكده من اياد
بس انتي مغشوشه بخالد
خالد طماع وماتهمه بلدنيا غير الفلوس والزمن راح يثبتلج
شلون هو خبيث واناني
ام اميره خل اشوف منو الي راح ترجع خسرانه
اياد يريدج علمود فلوسج واكيد راح يعوفج
اميره اياد راح يجي يخطبني ونعقد وانتقل اعيش بيتهم لان اني مالي مكان هنااا
لان امي أقرب الناس اليه تخلت عني بعد المن باقيه هنا
صعدت الغرفتي شكد كلبي مقبوض وحزينه
رغم اياد طلع بس ضايجه راح أودع البيت الي عشت بي سنيين ضايجه لان ماعندي اهل
بليل حجيت ويااا اياد واتفقنا يجي يطلب ايدي من امي
ونسوي حفله زغيره ونعقد
حتى انتقل اعيش بيتهم
خلاص اني بعد مالي مكان هنا
سديت التليفون الساعه ثنتين بليل
نزلت اريد اشرب مي
جان اسمع خالد يحجي بلتليفون
خالد هانت حبيبتي مابقه شي ويصير كلشي النا اني وياج
راح نحصد ثمرة تعبنا كل هذا الخير راح يصير النا اني وياج وبس
اميره عرفت خالد جاي يخطط حتى يستولي على كلشي
بس بعد الكلام مايفيد
لو اقسم الامي بكل الاديان السماويه مراح اصدكني ابد
خليه تتحمل غلطه
واي شي يصير بيه تستاهل
لان بدلتني بخالد وركضت ورا ركض عميان
مراح احذره ولا اضوج عليه
خليه تستاهل كلشي راح يصير وياها
اني راح اوكف واتفرج
لاتكولون حاقده او قليلة الاصل
حذرته الف مره وماتصدكني
مو هو هذا الي عافتني علمود
اذا اني مقهوره مقهوره على شي واحد وبس
تعب ابوي راح يروح الشخص مايستاهل ابد
شكرا لزيارتكم عالم روايات سكيرهوم
