رواية الخباز والاميره الفصل الحادي عشر بقلم جمانه السعيدي
إياد بديت ادور عمل ثاني لازم احسن دخلي
الزواج يريد مصاريف واميره تستاهل وزنه ذهب
الصراحه تعبت كل الشغل الي جاي الكي مابي وارد قوي
وكلش متعب
واني جماعتي بلفرن مايقبلون اعوف المخبز
قررت اجمع عمامي واروح اخطب اميره
بس شي واحد مصعب الموضوع عليه
ماعندي فلوس تكفي الزواج
عمي الجبير يعرف وضعي المادي
عرض عليه نبيع البيت وكلمن ياخذ حصته واني بهاي الحصه اكدر ازوج
وافتح مشروع زغير خاص بيه
جمانه السعيدي
وهذا البيت لازم بلاخير ينباع وكلمن ياخذ حصته
لان عمامي هم أمورهم الماديه مو تمام
وخلفله عليهم متحملينا كل هذا الوقت
وصابرين واحنا بيتنا كمل
وفعلا عرضنا البيت للبيع
إياد هلووو هلو اميره
...هلو حبيبي
...انشاء الله لكينا الحل بيت جدي عرضنا للبيع بس استلم حصتي اجي اتقدملج واقدملج المهر الي يليق بيج
اميره لا تشغل بالك بلفلوس ابد اني ماتهمني الماديات
اهم شي نكون سوا
إياد لا اني مااريد تكونين اقل من باقي البنات
انت تستحقين احلى جهاز واغلى مهر
اميره الله يحفظك اليه الفلوس تجي شويه شويه قابل
وين رايحه
اني كمت احس نفسي مخنوكه بهذا البيت
امي أقرب الناس اليه ماتريدني
المن باقيه هنا بعد
إياد حبيبتي تعاي اضمج بكلبي ياروحي بأقرب وقت راح نجتمع انشاء الله
بس هم مااريد اقصر وياج ابد
جمانه السعيدي
اميره البارحه سمعت خالد يتفق وياا وحده ياخذون كلشي وينهزمون
إياد خلي امج تعرف لازم تتحذر مو علمود الفلوس
خاف ياذيه هذا انسان عديم المسوليه
وطماع ويريد فلوس وبس
شفتي شلون دبرلي مصيبه حتى يخلص مني
عقل شيطان اعوذبلله منه
اميره حجيت وتعبت وابد ماتصدكني غاسل دماغه غسل
لو احلف بكل الاديان السماويه مراح تصدكني
إياد ميخالف حاولي
اميره تعبت وامي ماتقبل اتصدكني
إياد لا تضوجين حبيبتي بس استلم حصتي من الورث اجي اتقدملج وارفع راسج كدام اهلج
اميره انشاء الله
جمانه السعيدي
بعنا البيت على الدلال وطلعت حصتنا خير من الله
خواتي صممن يتنازلن عن حصصهن اليه
حتى اكدر ازوج وافتح مشروع واعيش حالي حال العالم
اني رفضت
خطيه ليش اخذ حصصهن
بس هنا صممن اخذ كلشي وابدي من جديد
وافقت بس بشرط تكون حصصهن امانه عندي ارجعه بس اشتغل ويصير عندي فلوس
جمعت عمامي وااصدقائي ورحت أتقدم الاميره
بيومه خالد جان عنده خبر بس تحجج مشغول حتى لا يستقبلنا
بس ام اميره استقبلتنا وكان مبين عليه مامتحملتنا
بس صارت كدام الأمر الواقع
جمانه السعيدي
قدمت كل المبلغ الي حصتله مهر اله حتى يعرفون اني ماتهمني فلوسه لان همه كانو تاهميني داخل على طمع
عقدنا الشيخ
امه حتى ماباركتلنا على العقد كملنا
وطلعنا رجعت عليه بليل كتله تعاي اعزمج على عشى
تعويض لان انتي ماسويت حفله ابد
طلعنا تعشينا وتونسنا ورجعته للبيت
قررت اشتري غرفه بلقسط ومااسوي عرس
بس جماعتي صممو يسولي حفله على حسابهم
وعمامي اشترو غرفة العرس على حسابهم
وخواتي ماقصرت كملن كل تجهيزات العرس
كنت اتمنى عندي وقت اكثر واشتغل واجمع فلوس
واسوي الاميره احلى عرس بلدنيااا
اخذنا مهله ست اشهر حتى ننتقل البيتنا الجديد
جمانه السعيدي
اميره ولله كل يوم إياد بكبر بعيني اكثر واكثر
قررت ذني الفلوس مااصرف منهن ولا فلس
اني عندي ملابس وعندي ذهب
إياد أولى بهاي الفلوس يفتح بيهن مشروع ويبدي حياته
مااريد أحمله فوك طاقته
بليلة الحنه اتصل بيه اياد
...راح تسوين حنه
...لا مااسوي
..ليش حبيبتي
...ويه منو اسوي اصلا ماعندي احد من اهلي يحتفل وياي
...خلاص حضري نفسج اني راح اسويلج احلى حنه بلدنيا
اميره مااريد اكلفك ابد
...وين التكلفه بلموضوع يله حضري نفسج ومن تكملين اتصلي عليه
اميره عندي فستان ابد مالابسته لونه ماروني مخصر وطويل
وصدره دلع كلش حلووو
شسورت شعري وعفته مفتوح وخليت ميكب كلش حلووو
امي شافتني ودارت وجه ولا عبالك بته الوحيده راح تزوج
كملت واتصلت على اياد اجه ياخذني لابس قميص يخبل
وبنطلون جينز وحالق شعره
طالع فد شي
دخلت وتفاجئت خواته وامه وبنات اقاربهم ومحضرين كيكه وشموع وحنه وورد
معلكين نفاخ وزينه
بس دخلت اشتغلت الهلال والاغاني كلش فرحت
يارب ديم هاي النعمه عليه
همزين راح يصيرون عندي أهل ويعوضوني عن اهلي
إياد لزمني من اديه وكام يركص ويركصني وياااا
كطعنا الكيكه وكام يوكلني
بعدين بدينا ناخذ صور
ساعه يحضني ساعه شايلني من خصري ساعه يكعدني بحضنه ساعه يبوسني
بعدين اخذنا صور جماعيه
احنا وأم إياد وخواته
اخذ ايدي وفتحه وباسه وخله بيه حنه
بعدين كال اريد انتي تحنينن ايدي
خليتله حنه وربطت ايده
رغم بساطة الحفله بس كانت احلى حفله بلنسبه اليه
خلصنا ورجعني للبيت حسيت نفسي ارتاحيت
بس ناقصني امي وبس
شكرا لزيارتكم عالم روايات سكيرهوم
