رواية رماد انثي الفصل العاشر بقلم جمانه السعيدي
مرام...انقهرت من كلام عادل ليش هيج يحاجيني
او ليش دز الممرضه تصحيني
مااجه هو مثل ذيج المره
معقوله يكرهني
ليش يكول تحبين الفلوس
اني ماأحب الفلوس بس من حقي ادور وضع يريحني
اني عايشه عيشه صعبه
وهو وضعه اتعس من وضعي
مانتوالم على كولة هيام الحب مايوكل خبز
ساعه ورجعت اطمن على امه
لكيت المغذي خلصان نزعته من ايدها
مرام...خاله شلون صرتي
عادل...مالج شغل بيه مهمتج خلصت اكو ١٠٠ ممرضه غيرج هنا بعد لا تجين ولا دخلين الغرفه
مرام....كلامه شكد قاسي عليه
بعدني مدنكه ودموعي نزلن
راسا درت وجهي مااريده يشوف دموعي وطلعت بدون مااحجي ولا كلمه
ليش هيج قاسي وياي بعد ماكان أطيب كلب بلدنيا
ليش تغير عليه
كمل الدوام وطلعت شفته واكف يحجي وياا الدكتور برا
مااهتميت
فتت من يمه ولااتلفتت علي
رغم روحي تريده اريده يرجع يسئلني شلونج
ليش ضايجه
اني الي خليت حاجز بيني وبينه
اني الي كتله ابعد حتى ادور فرصه احسن
بس ضايجه ومقهوره وجاي اكابر
وجوده بلمستشفى يوترني خايفه اضعف وارجع..
قصص وروايات عراقية
كرار صلاح.. ثاني يوم طبخت شوربه خفيفه كلش وبدون ملح
اخذته وياي لان اعرف هو مايعرف يطبخ شوربه
وشوربة المطاعم مالحه وكله بهارات
طلعت شويه قبل وكت وصلت للمستشفى بصمت
خليت جنطتي ورحت سئلت
على ام عادل البنات دلني على غرفته
صعدت لكيت عادل كاعد على كرسي بصف سرير امه ونايم
قربت على ام عادل وهو ماحس بوجودي
مرام...خاله خاله طبعا احجي بصوت ناصي
خاله
فتحت عيونه على كيف
مرام...شلون صرتي
من العلاج ماتكدر تحجي وحلكه يابس
جبتله كاسة مي وقصبه وشربته شويه بعدين خليت مي بايدي وغسلت وجه
مسحت وجه بكلنسه وعادل بسابع نومه مبين تعبان
والبارحة سهران
كعدته وخليت مخده ورا ضهرها
....الله يرضا عليج (كوه تحجي)
مرام...ماسويت شي طلعت الشوربه وكمت اوكله شويه شويه اوكله وامسح حلكه
دخلت العامله تنضف وتحجي بصوت عالي راسا كعد عادل
فتح عيونه وعدل نضارته
شافني كاعده اوكل امه
عادل...كعدت جان اشوف مرام توكل بامي
عادل..وكفت على حيلي وكتله.شجاي تسوين
مرام..ماحجيت لان مقهوره من كلامه حيل
عادل...جاي احجي وياج اني مو كتلج لا تجين هنا ابد
مامحتاجين خدمتج
مرام...اني مجايه علمودك اني جايه اطمن على خالتي
عادل... خالتج منيين خالتج
هاي امي ومااريدج تقربين عليه ابد
مرام....اعتبرني ماموجوده ارجع نام
عادل....انتي شتريدين بالضبط اريد افهم شنو هاي النرجسية العندج ساعه مااريدك
وساعه جاي تقربين مني
ترديني ابقه اركض وراج وانتي ادورين فرص براسي
يعني اذا اجت فرصه زينه
راسا تستغنين عني واذا ماكو موجود لا عب الاحتياط عادل وين رايح
مرام...خلصت اني مااريد منك شي هاي الشوربه واكل امك لان لازم تتغذى علمود العلاج
واطلع من حياتي للابد
عادل...وانتي تشوفيني اركض وراج
العلمج من باجر ارتبط ومامحتاج الهاي المنيه
مرام...بلعافيه عليك اني هم هيج انسان ماكو بكلبه
رحمه ولا يتفاهم مااريده
صدك المواقف تكشف الناس
عفته وطلعت من الغرفه
اسمعه يصيح وراي لا تجين مااريد اشوف وجهج ابد
فهمتي لو لا
عادل....هلكد ماانقهرت وتنرفزت منه حسيت راسي كام يوجعني من العصبيه شلت الشوربه وشمرته بزباله هي والكدر مالته
مااريد منه شي اريد انساها..قصص وروايات عراقية كرار صلاح
مرام...هلكد مانقهرت من كلامه امشي بسرعه وعصبيه
ودموعي نزلن غصبا عليه
كلبي احترك من كلامه
واني انزل عثرت بلدرج ووكعت بس مو الدرج الاول
الدرج الثاني ورجلي التوت من الكاحل
وضهري يوجعني من الوكعه
لكيته حجه بحجتين كمت ابجي بصوت عالي
التمن عليه البنات واخذني الغرفة الدكتور بس شافني
الدكتور...سلامات
مرام..دكتور رجلي توجعني وضهري
قرب وفحصني راسا حولني للاشعه
البنات جابن كرسي متحرك وخلني
طلع فطر بكاحل رجلي اليمنى وضهري مزلوغ من الوكعه
وايدي هم مجروحه من يم العكس
رجعني للدكتور شاف الاشعه
الدكتور هو بنفسه جبر رجلي وضمد ايدي وخله لزكه على ضهري
الدكتور...هسه نشوف سياره توصلج الاهلج
وراح اكتبلج اجازه ٣ ايام قابله للتجديد
بعد ٣ ايام ترجعين اشوف حالتج
مااعرف منو من الممرضات صعدت فوك للطابق الثاني
وكامت تحجي طبعا كلهن يعرفن عادل يحبني
ويعرفن اكو علاقه بينا
المهم هاي الممرضه تعمدت تحجي كدام عادل
خطيه ووكعت ورجله انكسرت
عادل كان كاعد ويسمع الكلام
عادل...منو هاي الي وكعت ونخبص المستشفى بيه
...الممرضه مرام جانت نازله من الدرج ووكعت
خطيه اتاذت رجله صبوها وظهرها وايدها انجرحن
مرام...كاعده اتلوا وانتضر السياره تجي توصلني للبيت
ماحسيت غير عادل واكف على راسي
عادل...هاا شبيج شلون وكعتي
مرام...حسيت الألم راح هو هذا عادل الحقيقي الي يخاف عليه ويحبني والي جان يحجي عليه قبل ساعه مو عادل واحد ثاني
مرام..انت شتريد جاي وراي مو كافي الي صار بسببك
عادل...ليش بسببي
مرام..انت تحجي عليه وضوجتني
عادل...هسه شلون صرتي
مرام..بس تعوفني بحالي اصير احسن
عادل..كعدت يم رجليه حتى اشوف شلون متعوره
ولله ماتهون عليه ابد
هلكد مااحبه كمت احجي عليه اريد اكرها واطلعه من كلبي مااكدر
جمانه السعيدي
شكد احبه ياربي اموت عليه
عادل...خل اخذج دكتور اختصاص
مرام..مابيه شي
اجت احلام السياره وصلت تعاي اساعدج
عادل...عوفيه اني اوصله كمت ادفع بلكرسي وصلته للسياره
عادل..ترحين وحدج
مرام...احلام تروح وياي
عادل..اني اوصلج دنكت شلته لحضني ودخلته للسياره
مرام...شالني ودخلني للسياره
راسا كمت ابجي
عادل..دخلته للسياره وكامت تبجي
كعدته وكعدت بصفه ليش تبجبن اذيتج
مرام...كلما يقرب عليه اكثر احبه اكثر واحس بحنيته
عليه يمكن اني لان ماحسيت بحنيه اهلي وشلت المسوليه من زمان بسرعه تأثرت بعادل حسيته جاي يعوضني النقص الي بداخلي
عادل...نطلع للدكتور حتى يشوف رجلج
مرام...لا لا اهي اهي
عادل...ليش تبجين ياروحي انتي مسحت دموعه وخليت راسه على كلبي
مرام...تعبانه ورجلي توجعني مااكدر
عادل...شتريدين بلضبط فهميني
راسا احلام جابت جنطته ودخلت بلسياره كعدت بلصدر
عادل...اطلع على البيت
بعدني كاعد وكامش راس مرام ومخلي على كلبي
مايهون عليه تبجي ابد
مرام...وصلنا للبيت وهو بعدا حاضني
نزل وشالني احلام دكت الباب امي فتحته ودخلنا
دخلني الغرفتي وهو شايلني
عادل نزلته على الجربايه
امي...يمه بنيتي شبيه شصار
احلام...مابيه شي وكعت من الدرج بلمستشفى
الحمد لله مابيه شي
امي...ليش رجله مجبسيه وايدها مربوطه
احلام..انجرحت عادل...
تحتاجين شي اريد ارجع امي وحدها بلمستشفى
مرام...لا مااريد شي روح الله وياك
عادل..
عوفي تليفونج مفتوح حتى اتصل اطمن عليج
مرام...اي
عادل..بس يصير عندي مجال اجي اطمن عليج
مرام...الله وياك
طلع عادل وكلبي راح ويااا
احبه هاي حقيقه ومااكدر اغيرها ابد
احب كلامه وطريقه تعامله وياي
حنيته عليه وكلبه الطيب
احلام...شلون صرتي
مرام...شفتي شلون يخاف عليه وشلون انخبص بيه
احلام..... هسه احنا بيا حال وانتي تحجين عن عادل
مرام...احبه
احلام...هو احنا ليش مانتقدم بسبب هذا الحب الاعمى
بابا شوفي شصار بيج
مرام..مابيه شي فطر بسيط وهسه اصير زينه
اهم شي اني وعادل تصالحنا
احلام....ههههه ههههه ولله فرحانه لان تصالحتي انتي وعادل وماضايجه على رجلج
مرام...اجيت اموت واني اشوفه داير وجه عني ومامعبرني
ويحجي عليه
احلام... ولله انتي فطيره وبسرعه تتقشمر ين
مرام...فطيره ميخالف بس عادل لا يعوفني
احلام...خل اكوم اساعد خالتي بلمطبخ وانتي انخمدي شويه بلكت تصيرين احسن
