رواية رماد انثي الفصل الحادي عشر بقلم جمانه السعيدي
مرام....تغطيت ونمت لان الدكتور ضربني ابره مسكن
ماحسيت غير احلام تكعدني الساعه بلوحده الضهر
احلام..اكعدي اتغدي واخذي العلاج
مرام..بعدج هنا
احلام...اي طبخنا اني وخالتي وساعدته بالتنظيف
مرام...تعبناج ويانه
احلام...شتعبتوني اليوم خلصت من دوام للمستشفى
اكلج هيام ميته عدله
بابه مسدوده ماطلعت حتى انتي ماتعرف بيج
مرام...تكعد العصر مرات المغرب
نسيت اكلج خطوبته راس الشهر مدير الشركه الي تروج اله
خطبه وحتى البدله والذهب جابهن
احلام...تحجين صدك
مرام...لا واسمعي الاقوى تزوج وتروح الدبي لان العينتين عايش بدبي
احلام...لا ولله اصدميني اكثر ولله شلون قنعته شلون يزوجه
معليه اني هم اريد اروج بهاي الشركه حتلو عامل النظافه ياخذني موافقه
مرام...اني قبلج كتله شغليني وياج وماقبلت
احلام...اي هاي الي تفتهم كبل مدير شركه بدبي
مو انتي تركضين ورا عادل هو ومناضره
ياربي لو حلو مايحترك كلبي
جنه بباي..قصص وروايات عراقية كرار صلاح
مرام...يااا يخبل بعيني ماكو واحد احلى منه كافي حنيته عليه
احلام....عود نكعيه حنيته واشربي مايه يله خل اجيب الاكل اليوم انتي اميره تاكلين على السرير
مرام...تغدينا واحلام نضفت المطبخ وراحت البيتهم
لكيت تليفوني مخلص شحن خليته يشحن
خاف عادل يتصل عليه
هيام كعدت الساعه ٣ ونص
امي...تعاي شوفي اختج اليوم رجله انكسرت ورجعوها من المستشفى وانت نايمه
هيام...رحت الغرفة مرام
...هاا شلونج صدك انكسرتي
مرام...الحمد لله على كل حال
هيام...عندج العافيه اني اريد اروح استلم الحواله دزها صميم حتى اشتري الاشياء الي ناقصه
واحجز بلصالون مابقه شي
مرام...عافتني وطلعت اصلا مااهتمت تسئل عن التفاصيل
حتى احلام وعادل مهتمين اكثر منه
بس طلعت اتصل عادل
عادل...شلون صرتي
مرام...احسن الحمد لله
عادل...شويه واجي اطمن عليج
الساعه بلاربعه اندكت الباب
امي فتحت الباب وكالت اهلا وسهلا هله خاله
اجتني عادل بلباب
اني لابسه تراك ماروني راسا كتله جيبي المعطر خليت
وخليت الشال على راسي كتله خل يدخل
امي...تفضل خاله ولله فضلك ماننسا رحمله والديك
عادل....لا خاله ماسويت شي تفضلي هذا مسواك وفواكه
وهاي كراعين اطبخيهن زينات الرجل مرام
امي...ليش كلفت نفسك هذا هواي المسواك
مرام..اني كاعده واسمعهم راسا دخل عادل
عادل..هلو مرام شلون صرتي..قصص وروايات عراقية كرار صلاح
مرام..الحمد لله احسن
عادل... انتي شلون وكعتي مو جنتي فوك بلغرفه يمنا ونزلتي
مرام... كله بسببك
عادل...ابتسمت شلون بسببي بله فهميني
مرام...انت تحجي عليه وقهرتني نزلت بسرعه وعثرت ووكعت
عادل...حيل بيج حتى لا تفكرين اتعوفيني بعد
مرام..كال ذني الكلمتين ومد ايده كرصني من خدي
جان كاعد على الجربايه مقابيلي
عادل...خل اخذج دكتور اختصاص نطمن على رجلج
مرام...لا فطر بسيط بس لان الدنيا بارده يوجعني
عادل...دفي رجلج زين
مرام...انشاء الله خالتي شلونه
عادل....ولله نفس الشي ماعدها تقدم ابد
وصفولي دكتور باربيل اريد اخذه بس اريد الجو شويه يدفا
مرام..اكثر الناس تضربه الجلطه بلشتا لان الشرايين
تتقلص بسبب البرد
والدم يمشي بطئ وخاصه الاعمارهم جبيره
عادل....ولله بكيف رب العالمين بعد
مرام...الله يشافيه
عادل...هسه اروح لان امي بقت وحدها بلمستشفى واتصل عليج بليل
الدكتور يكول باجر تطلع من المستشفى
مرام..انشاء الله خير
عادل...عوفي التليفون مفتوح كل شوبه ادزلج رساله
مرام...تمام
عادل..شكد اجازتج
مرام..٣ ايام واروح للمستشفى يشوفني الدكتور اذا احتاج بعد اجازه يمدده اليه
عادل...ديري بالج على نفسج حبيبتي
مرام...استحيت ابتسمت ودنكت ردت اكله اني هم احبك
واستحيت
عادل...يله طلعيه
مرام..ضحكت شنوووو
عادل...كلمة احبك الله عليج خل اسمعه منج
مرام...بعدين
عادل...يمته بعدين مثلا
مرام...لمن يكون الوقت مناسب
عادل...باعي هذا اخر انذار اللج ولله لو فكرتي تعوفيني
لو ادخلين واحد الحياتج غيري
اقسم بكل الاديان السماويه يكون آخر يوم بعمرج وعمري
فهمتي لو لا
بابا افهمي الرزق بيد رب العالمين والانسان شما يركض
مراح يحصل غير رزقه الي كاتبه رب العالمين اله
ومتعرفين باجر شراح يصير وشنو الي يتغير
هذا اخر انذار اللج فهمتي لو لا..قصص وروايات عراقية كرار صلاح
مرام...رجع كرصني من خدي وباس ايده
عادل..يله مع السلامه اذا تحتاجين شي اتصلي عليه
حتلو نص اليل تمام
مرام...تمام
طلع واني حضنت المخده وكمت ابوس بيه
ياربي شكد احبه كمت اصيح احبه احبه
طلع يلبس بحذائه برا وسمعني
عادل...سمعتج ليش ماتحجين كدامي
مرام..ضميت وجهي بلمخده وكمت اضحك
شويه ورجعت هيام وياها كمية علاليك مومقعوله ابد
وضلت اطلع ملابس اشكال والوان
ملابس تخبل كله ماركه وأشياء اني بعمري ماشايفته
جان اطلع فستان حلو لونه خردلي وحذاء اسود عالي
وشال يخبل
هيام...ذني اللج مااريدج اطلعين بملابسج التعبانه كدام صميم
وهاي العلاكه ملابس امي
والاسبوع الجاي حفله الخطوبه والمهر
مرام...هي فرحانه بس اني كلبي مامطمن اختي الوحيده
وراح تعيش بعيد عني
ومااعرف ضروفه شنوووو
شلون راح نتفارك
كامت تقيس بلملابس كلهن حلوات عليه
هي بيضه وجسمه حلووو
طلعن يخبلن عليه
كملت قياس الملابس وراحت الغرفته اسمعه تحجي وياا
صميم وتكله اشتريت ملابس بعد كم شغله ناقصه على باجر
تعشينا وكملنا راسا اجاني اتصال من عادل
عادل...هلووو حبي
مرام..هلووو
عادل..سمعتج ليش ماتحجين كدامي
مرام...موكته هاي السالفه هسه
عادل...شببج ليش ضايجه رجلج توجعج
مرام...لا اني وهيام راح نتفارك
عادل..ليش الله يستر
مرام...انخطبت وراح تزوج بدبي
عادل...دبي مره وحده
مرام..اي مدير الشركه خطبه والاسبوع الجاي المهر وياخذه ويسافر
عادل...مبينه خوش قسمه انتي ليش ضايجه
مرام...راح نتفارك والله اعلم شكد بعد واشوفه
عادل...بعد ماكو شي بعيد هاي التليفونات تقرب البعيد
مرام...مهما يكون بعيده
واني اعرف هيام بس اسافر تنسانا
عادل...لا اضوجين حبيبتي هي اول وتالي راح تتزوج
ايجوز هاي خوش قسمه
مرام..ماادري
عادل.. تعاي لا تغيرين الموضوع من يمته تحبيني اعترفي
مرام...ضحكت
عادل..اي هيج اضحكي خلي الشمس تطلع بليل
مرام...انت وين هسه
عادل...بلمستشفى ووين
مرام..تعشيت
عادل...اني اكلت لفه وامي الجيران جابوله شوربه
وهارسين تفاح بلخلاط هم وكلته منه
مرام...بلعافيه تعال باجر اخذ شوربه الخالتي واكل الك
قابل تبقى على اللفات
عادل..ومنويطبخ انتي ماتكدرين
مرام...شمالني مااكدر اخلي كرسي يم الطباخ واطبخ
عادل...عفيه النادره
مرام...الصبح كعدت من النوم ادوس على رجلي قليل
وصلت الطباخ
حضرت شوربه وطبخت دجاج وتمن برياني
الساعه تسعه اتصلت بعادل
مرام...صباح الخير طلعت من المستشفى لو بعد
عادل...منتضر الدكتور يسجل علاج واطلع
مرام..اني كملت الاكل تعال اخذه
عادل...اوصل امي للبيت واجي اني هم اريد اشوفج
شلون صرتي اليوم
مرام...اليوم اوكف على رجلي عادي
عادل... انشاء الله خير بس على كيفج ياروحي انتي
مرام...احبك
عادل...شنووو ماسمعت
مرام...لا هيج
عادل...لا كولي مره ثانيه
مرام... ماكو شي
عادل....الله عليج كووولي اني سمعت بس اريد اسمعه مره ثانيه
مرام...احبك
عادل....واني اموت عليج
