رواية زوجه ثانيه الفصل العاشر بقلم جمانه السعيدي
استمرت المشاكل وامل ماتفوت فرصه اله تسوي مشكله
واني متحمله علمود رحيم وساكته
ما اريد اسببله مشكله ابد
لو اريد احجي تفاصيل المشاكل الف جزء مايكفي
بوقته اكدر اسوي مشاكل
واكدر اسود عيشته وخاصة رحيم ما يرفضلي طلب
بس اكول خطيه
كلشي جان بس اله
واجيت اني على الحاضر وشاركته بي
خصوصا رحيم حيل تعلق بيه
وهي جاي تحس بهذا الحب
تحس يحبني اكثر منها
تغار وتعارك بس ماتقبل تغير من شكله او طبعه
مره اجا اخوها يشوفه اني لبست حجابي وطلعت اسلم علي
الولد اكلني بعيونه اكل
رحيم انتبه واشرلي ادخلي جوه
دخلت واجه وراي كال ممنوع تطلعين بعد كدام اي احد يجينا وخصوصا هذا العوينجي
فاطمه بس خلي اسوي جاي
رحيم مالج شغله بلجاي لاتطلعين وخلص
بعدين عرفت من بنيين بت رحيم هو سائل امل عليه
كايلله حلوه واذا عندي اخت
حتى يخطبه
وبعدين كال ولله مجنص رحيم ماخذله صاروخ
بنيين هيج حجت كدام ابوها وهو تخبل
رحيم باعي فاطمه اذا اجا مره ثانيه حتى من غرفتج لاتطلعين فهمتي
وفعلا كمت بس اسمع اي احد يجي ادخل غرفتي واسد الباب
الحد مآ فد يوم تمرضت امل ورحيم ماموجود واخذناها اني وعلي اخوي للمستشفى والجهال دزيتهم يم اهلي
والمفاجئه طلعت حامل اعراض الحمل تسببله هبوط
رجعنا للبيت وسويتله لبن وشويتله صدر دجاج
خابرت رحيم حتى يعرف
فاطمه الو حبيبي شلونك
رحيم هلوووو الحمد لله قبل اشويه خابرني حسوني يكول امي مريضه واخذته فاطمه للمستشفى شكووو
فاطمه لاتخاف مابيها شي بس راح تجيبلنا طفل حلووو
رحيم شنو طفل اني متفق وياها بعد ما اريد جهال
فاطمه ليش هذا رزق رب العالمين
رحيم حقج انتي ماشايفه حملها شلون صعب تتاذه حيل
فاطمه ميخالف اني وياها وإن شاء الله تعدي
رحيم هاي غيرته خلته تحبل اني موصيها تاخذ مانع ما اريد اطفال
فاطمه لاتتبطر على نعمتك غيرك حسره علي
رحيم الحمد لله
مجرد طلعت امل حامل عافت كلشي عليه حتى جهاله اني اغسل ملابسهم واهتم بيهم
اجت المدارس واجتني مسؤليه جديده اقري واكتب
بس كل اهتمامي بيها وبلجهال ماغير شي من علاقته بيه
دائما ادور مشاكل
وخاصتا من يجي رحيم تخلق مشاكل من جوه الكاع
فديوم كال رحيم خل نطلع كلنا نتونس
انروح أنزور نفتر هي بلبدايه ماقبلت لان عدها هبوط بسبب الحمل بس من شافتني بدلت وتحضرت كالت اني اروح
بس مشت السياره بينا شويه
كامت تتقيى وصارت ريحة السياره تلعب النفس رحيم ضاج كال خل نرجع للبيت احسن
رجعنا للبيت وبعد رحيم ماجاب الطلعه على السانه ابد
كامت اذا الليله اله تجيب الجهال ينامون بغرفتي حتى خاف رحيم يجيني
واذا الليله اليه تسوي نفسه تخربطت حتى رحيم ينام يمها
اني جنت اعرف حيله بس اسكت
كلما يجي يمي
تكوووم تصرخ تخربط راح اموت لاتعوفني وحدي
جانت تعيرني بحملها لان هي حبلت واني ماحبلت
ماتعرف هو هذا رزق رب العالمين
وحتى الي عندا اطفال ماضامن يبقون اله
جابت امل والحمد لله
كامت اتلاعب ابناها كدامي وتغيضني
اني جنت اضحك على عقلها
صحيح اني اريد طفل واريد اموت على وجود طفل بحياتي
بس يبقى هذا رزق رب العالمين ولابيدنا نستعجل ولابيدنا اناخره
اتجيب الولد وتخلي بحضن رحيم وتكوول هاك هذا ابنك محد يفيدك غييره
مرت سنه ونص على زواجي بس المشاكل تكثر ماتنقص
بس اني ساكته الخاطر رحيم
لان صدك احبه وهو احلى شي بحياتي
من اشوف حبه ولهفتي عليه انسى كلشي
يعاملني مثل بنته الزغيره
ما يسوي اي شي اله يسئلني
مره اتاخرت عليه الدوره الشهريه وحيل فرحت وكمنا نحسب اني ورحيم وخططنا الكل شي
وحددنا الأسماء اذا ولد واذا بنيه
لكن ماطلع حمل تأخر بلدوره بسبب الحاله النفسيه
ضجت حيل وبيومها حبست نفسي بغرفتي ونهاريت بجي
ليش لمن لكيت الإنسان الصح كل هاي المعوقات تطلعلي
هو اجه ونام بحضني وكال لاتزعلين اني ابنج وانتي بنتي
وإن شاء الله الله يرزقني طفل منج
بس كون حلو وحنيين مثلج
فاطمه ان شاء الله بس ... خايفه
رحيم ليش خايفه ماتحسين بلامان وياي
فاطمه انت الأمان كله
رحيم لاتخافين واني موجود مايمر عليج بس الهوى
اذا تردين اسجل كلشي أملكه باسمج ماعندي مانع
حتى روحي اسجله باسمج
اذا هذا الشي يطمنج مستعد وهسه حالا اسوي
فاطمه سالمه روحك عسى ربي لايحرمني منك ابد
صار عمر الطفل ٨ اشهر ورجعت امل حبلت من جديد
ونفس الأشياء نعادت وياي وزادت المسوليه عليه
بلاضافه ان امي أصبحت مقعده وماتكدر تتحرك
وتكرمون ماتكدر تقضي حاجته
كمت اضطر البسها حفاضه لان اني ماموجوده يمها كل الوقت
وزهره عدها ٣ اطفال ومسولية والبيت عليه
ودوام علي اليومي لازم تغسل ملابسه وتحضرهن وتطبخ
اني عاذرته ماتلحك ابد الله يساعدها
وامل شالت ايدها من كلشي بلبيت
واني الصراحه نفسيتي تعبانه
آريد طفل كل الي حولي جاي يحبلن ويجيبن واني مثل ما اني ماكو جديد بحياتي ابد
الحسنه الوحيده الهذا الزواج حب رحيم واهتمامه بيه
بس اني مسوؤليتي كبرت
جابت هلمره امل بنيه حليوه تشبه ابوها
ورحيم كاللها بعد ماريد اطفال كافي
صار الزواجي ٣ سنوات وماكو اطفال الحد مايئست كلشي
رحيم يطلعني ويشترلي ويدور خاطري كلش
بس اني احس شي ناقصني
بعدين فاجئني رحيم بيوم
رحيم فطوم شنو رائيج لوتحبل امل وانتي تاخذين الطفل يعني اسجله باسمج
فاطمه رحيم انت ايست مني يعني اني برائيك مايصير عندي اطفال
رحيم لاحبيبتي ان شاء الله يصير عندج مو واحد عشره
بس اني اريدج ماتحسين بفراغ وتضوجين ابد
ولله انتي عندي تسوين الجهال كله
قبل جنت بس احبج وهسه اموت عليج
اني ماقتنعت كلش بلموضوع بس سكتت
الليله اللي وراها جانت ليلة امل
رحيم امل شنو رائيج تحبلين هلمره الخاطري
امل شكو شصار انت موكلت بعد لاتحبلين ابد
شنو الي غير رائيك
رحيم اي غيرت رائي اريدج اجيبين طفل وتنطي الفاطمه
فاطمه صاحبتج واكيد راح تهتم بي وهو وين يروح شو كدام عينج
امل لا ولله اني حملي صعب اذا صار عليه شي شني فاطمه تفيدني
رحيم لاتصيرين خبيثه مرتين حبلت ماكلتي يصير عليه شي بس هسه من صارت السالفه يم فاطمه كمت تخافين
امل اني هذني المرتين ماجنت متعمده احبل صار غصبا عني
رحيم امل لاتجذبين وخاصتا عليه لان اني اعرفج كلش زين حبلت حتى تقهرين فاطمه
هلمره اني اطلب منج اذا تحبيني وافقي
امل هااا خل افكر
فاطمه بليلته نمت مقهوره وضايجه بعد ماسولفت على رب العالمين وشكيتله حالتي والوحده الي احس بيه
والناس تعيرني بلجهال
وهمه رزق من رب العالمين
شفت بلحلم اني امشي بصحراء مشيت هواي وتعبت وعطشت كلش
متت تعب امشي ومآ اشوف اي شي كدامي
جان اشوف بير من بعيد تقدمت علي وحلكي يابس وكلبي طك من العطش
لكيت رجال واكف يمه
كتله فدوه اريد ماي كلبي يبس من العطش
انطاني كلاص شربته وكتله بعدني ما ارتويت اريد بعد
انطاني كلاص ثاني شربته والرجال اختفى من كدامي
فزيت من النوم لكيت الاذان يصيح كمت توضيت وصليت
هذا الحلم زرع بنفسي الامل اكيد رب العالمين مراح ينساني ابد
ثاني يوم الصبح بس تريكنا وطلع رحيم
وكفتلي امل وكفه
امل شتريدين عيوني تريدين امل تحبل وجيب وتنطيج على الجاهز
لو تموتين ما اخليج تفرحين بطفل وتخلينه بحضنج ابد
وإن شاء الله ماتشوفين الضنه طول عمرج
فاطمه امل ليش تكرهيني
امل اخذتي رجلي وخربت بيتي طلعتي حيه
فاطمه زين انتي مو سنه كامله تركضين وراي بس وافقي
هسه شنو تغير
حله رحيم بعينج موجنتي تكولين ماليه خلكه
مواني ميت مره كتلج هاي الزواجه راح تخربنا اني وياج
امل جنت ثوله جنت معمي على عيوني ما اشوف
فاطمه اطمني طفل منج ما اريد اذا ماينطي ربي ويملي كلبي وعيني ما اريد من البشر
لان البشر بسرعه تتغير اخلاقهم
امل اني هم ابني عزيز عدي ما انطي الوحده سحاره مكاره
فاطمه ابنج عندج الله يحفظه اللج
كام دمي يفور وشتكيت عد رب العالمين ضلم البشر
البشر الي مايغزر بيهم اي شي
لليل جانت ليلتي بس دخل رحيم يمي وسدينا الباب
اجت امل تسنط على الباب تتوقع اشتكيه الرحيم
اني شفت ضلها ورا الباب
اشرت الرحيم فتح الباب وهي نهزمت
فاطمه تموت وتعرف شنو نسولف
رحيم معليج بيها خلي اسولفلج شغله سمعته
فاطمه شنوووو
رحيم اسمعي هذا الخبرررر
فاطمه خير شكووووو
رحيم ابو طارق يكولون واكع على راسه ومتخثر الدم بدماغه والدكتور كايللهم لو يتخبل لو يفقد الذاكره
فاطمه تحجي صدك
رحيم اي هذا الحجي صار شهر ويكولون الرجال صاير مخبل وتكرمين يكولون يمشي ويبول بلبيت
حتى حاجته يقضيها على نفسه
وهسه اهله حابسينا ويكولون النهار كله يصرخ ايريد يطلع مايقبل بلحبس
فاطمه صفنت من حكمة رب العالمين شكد جان ضالم اللهم لاشماته
جان كلمه والثانيه يكلي بت المخبله
يارب انت شكد عادل
ابو طارق مخبل ومايسيطر على روحه
البشر شكد يحس نفسه قوي ويضل يعصي رب العالمين
بس مايدري الله قادر يمحي بلمح البصر
اللهم لاشماته
رحيم حبيبتي وين صفنتي شو ماحجيتي اي شي
فاطمه الله يشافي ويعافي
رحيم ان شاء الله
فاطمه على فكره انسا هاي فكرت امل تنطيني طفل
اني منتضره رب العالمين يجبر خاطري
رحيم هي هاي حبيبي القويه الي اعرفها شنو رائيج نشرد بعيد ونسوي ايام عسل مثل اول ايام عرسنا
فاطمه الله عليك ولله ذيج السفره كانت احلى سفره بحياتي
بس شلون وامل والجهال
رحيم امل والجهال أخذهم غير مره هذا الوليد زغير
بعده وهمه عدهم مدارس
فاطمه شلون خاف امل تزعل وتسويلنا مشكله
رحيم اني عندي حل انتي تكولين رايحه للزياره ويه عمتي واني اكول صديقي عنده فاتحه بغداد
ادزج العمتج بليل وأمر عليج الصبح ونروح سوا
فاطمه اوكي اتفقنا
وفعلا حضرت نفسي العصر ورا العشى دزني رحيم العمتي
واجاني ورا صلاة الصبح صعدنا ورحنا للزياره
وصلنا وحجزنا بنفس الفندق الي حجزنا بي قبل
ورحيم طلب نفس الغرفه
يكول عندي بيها ذكريات حلووووه
اول ماوصلنا غسلنا ورتاحينا ورحنا للزياره
زرنا وبعدين رحنا للمطعم
هلمره بقينا بس يومين ورجعنا بس احس نفسيتي
احسن بهواي
عافني يم عمتي ورجع للبيت وحدا
وبليل كال الامل راح اجيب فاطمه رجعت من الزياره
اجاني ورجعنا سويه
وصلت سلمت عليها ردت من ورا خشمها
جبت هدايه للجهال وهي جبتلها قطعه قماش وشال
انطيتها
جان تشتمرهن عليه وتكول كلشي ما اريد منج
ما حجيت اي شي اخذتهن وضميتهن
رحيم هاي شنو رجعتهن
فاطمه اي
رحيم ولله صوجج هاي مو مال احترام بابه البسيه
يكول المثل علاج الجاهل التجاهل
اتجاهليها وهي تجر عدل
ورا رجعتي من الزياره امل تغيرت وياي
اقصد غيرت اسلوبها
كامت ماتتعارك وياي وساكته
يوم طلبت تليفوني كالت الجهال لعبو بالتليفون والأرقام كلها انمسحت
اخذته ودخلت غرفتها نص ساعه يله رجعته اليه
اخذته ومآ دققت بلموضوع
الي كان شاغلني كلش هدوئها
كلت بكلبي يجوز الله هداها عليه
ويجوز ملت من العرك شافت مابي نتيجه ابد
ويجوز اهل البيت لان اني من رحت دعيتهم يهدونها عليه
عادي رجعت تحجي وياي وتسولف مثل قبل
من جنه صديقات
فرحت حيل رجعت امل القديمه مثل قبل
وماله شغل ابد بينا اني ورحيم
حتى رحيم متعجب من وضعه
ويكول لاتتعجبين هاي هداية رب العالمين
اني كتله يجوز مسولية الجهال خلتها تسكت
لان همه صارو واحد ورا اللاخ
ومتعبينها حيل
