رواية زوجه ثانيه الفصل الحادي عشر بقلم جمانه السعيدي
رجعت امل مثل قبل واحسن نسولف ونضحك وناكل سويه حتى رحنا للصالون مرتين سوا
والنسوان الي بلصالون تعجبن يكولن شلون شرايج وهيج
متفقات سويه
هذا ابنها الزغير دائما عندي وهي عدها البنيه
حتى بليل انومه بحضني لان خطيه اثنيينهم يتعبونه
شهرين ونص والأمور تمام
كلشي جان مثل ما اريد واحسن
حتى رحيم يكول البيت صار حلووووو
كملنا الشهر الثالث واني مامصدكه
كل يوم اكله الحمد لله رجعت امل اختي حبيبتي
وهي تكووول احنا خوات عليمن هلمشاكل بينا
إلى أن يوم نزل رحيم مجاز
هي بدلت وعدلت نفسه
اني هم لبست تراك وردي ربع ردن ضيك وسرحت شعري
وتمكيجت وطلعنا اثنينه بلباب استقبلنا
هو حضنا اثنيينه وحده منا وحده منا
يضحك ويكووول اني اليوم شهريار
دخل رحيم الغرفتي يبدل
واني بديت اجهز الاكل وجهزلته الحمام
وهي شايله البنيه واكفه يمي تسولف وياي
حسيت رحيم سد باب الغرفه مالتي علي
فاطمه يله حبيبي تسبح لو تاكل بس هو مارد عليه
كملت الاكل ورحت لكيته قافل الباب علي
دكيته مارد عليه
فاطمه هاااا رحيم شكووووو شني نمت الاكل جاهز
هم مارد عليه ابد
قلقلت الاموضوع قلقني حيل
رجعت دكيت الباب هي ما اهتمت ابد اخذت بتها ودخلت غرفته
القلق كتلني شنو ليش رحيم ساد الباب ومايحاجيني
بقيت ادك بلباب وهو مايرد
هي ماطلعت من غرفته واني ادك بلباب واصيح رحيم حاجيني
ربع ساعه وفتح الباب بس عيونه اطير شرار
وبعدا بلبدله العسكريه ما غيرها
لزمني من شعري وسحبني وجان اكو موبايل ابيض بايده
خلاه بوجهي وكال هذا شنوووو
اني انصدمت رحيم لازمني من شعري ويهز بيه
ويصيح هذا شنوووو احجي
فاطمه شنووو تليفون شبيك ليش هيج لازمني من شعري شبيك توجعني عوفني
رحيم اذا ما اعرف هذا شنووو اليوم اذبحج
فاطمه رحيم شبيك تخبلت شعري يوجعني كطعته
رحيم شعرج كطعته اليوم اذبحج
فاطمه فهمني شكوووو
رحيم هذا منو الي عندج علاقه بي احجي حقيره
حاجيتله كل تفاصيل حياتنه
وصورج ياعار دازتهن اله
فاطمه هذا منو الي تحجي عنه ما اعرف عن شنو تحجي عوف شعري وفهمني شنو صار
رحيم ماتنلام بيج امل من تكول حيه وسحاره
جنتي تخدريني بكلامج تضحكين عليه
اني ملازم أول رحيم الشوارب توكفلي استعداد وحده مثلج تقشمرني اليوم هنا ادفنج
كل هذا الصياح والعياط وامل ابد ما اجت يمنا ولا حاولت تفهم شنو صار ابد
فاطمه اني كل هذا وما فاهمه اي شي
فتح رحيم التليفون وهو مايقبل يعوف شعري
وطلع صوري
اكو صور بملابس قصيره وتراكات كنت اصورها وادزهن الرحيم
نفسهن موجودات هنا بهذا الجهاز
وفتحلي محادثه وكال اقريها
من الوجع ماكدرت ادقق من الصدمه ما كدرت اشوف
من الوجع متت واني رحيم لازم شعري ويهز بيه من العصبيه
المحادثه كانت غزل وكلام فاضح
ومواعده
وتحديد ايام يجي بيهن رحيم ومواعده يمته يرجع
قريتهن واني دموعي نزلن مثل المطر عرفت نفسي وكعت بمصيبه جبيره
بس منو ورا هاي المصيبه وليش هيج سوا
ما اعرف
فاطمه ولله موتليفوني ولله اني ماخاينه وهذا التليفون اول مره اشوفه
انته اهي ا هي تصدك اخونك اني هاي السوالف مو ثوبي
عاف شعري وضربني راشدي راسا خشمي خر دم
ساعتها حسيت هذا النزيف بروحي
رحيم يضربني ويشوفني خاينه ومو اهل للثقه
زحفت حتى ابعد عنه لان كل شياطين الارض صارت كدامه
خفت يسحب المسدس ويكتلني
تقدم عليه وكال كومي ما اكتلج هسه اكتلج كدام اخوج
اخوج اخلي شاهد على خيانتج اليه
سحبني واخذني للباب الي بينا وبينهم وضل يدك بي قوي
اجا علي يركض
على هااا شصاير شكو ياستار
رحيم هاك هاي اختك طلعت تضحك عليه وتخوني
ودفعني على علي
علي مستحيل اختي ماتسوي هيج
رحيم هاك الزمها واني راح ادزلك صورها والمحادثات
هذا تليفون سري تخابر بي صاحبها
علي سحبني بحضنه واني ابجي وخشمي يخر دم
وكال الرحيم روح البيتك واهدء
آريد افتهم شصاير
وخل نتحقق من هاي السالفه واذا اختي غلطانه
اني افصلك
بس انت ليش تضربه
منو يكول هذا تليفونه
رحيم يكول موتليفونه هاك هسه راح ادزلك الكلام والتفاصيل الي محد يعرفه غيرها
علي روح رحيم وباجر نكعد من تهدء ويصير خير
دخلنا للبيت واني مامصدكه ابد الي صار وياي معقوله هذا رحيم
كعدنا وزهره جابتلي ماي غسلت وجهي والتيشيرت الي لابسته كله دم
شويه وكامت تجي الرسايل العلي
حلفته اريد اشوفهن
من الدموع ما اكدر اركز
رحيم دخلت للبيت واني اشوفهن اثنيينهن
منتضراتني بلباب ومامصدك نفسي
اخيرا حل السلام بينهن
دخلت غرفة فاطمه حتى ابدل فتحت المجر اخلي بي المفاتيح والفلوس والهويه جان اشوف موبايل ابيض
موبايل فاطمه وردي
كلت شنو اشترت واحد جديد
فتحته جان تجي رساله هلووو حبيبتي هااا اجه رجللج التحفه
لاتقفلين التليفون لان اشتاقلج
احبج ياحلوووه
بشرفج دزيلي صوره شنو لابسه
اخرب على الجسم الي يمووووت
فاطمه فتحت الرسايل واني تخبلت مفصل
حياتي بلتفصيل مذكوره حتى ملابسي والوقت الي يجي بي رحيم ويمته يلتحق
يمته ينام يمي ويمته ينام يم امل
صوري على اساس اني دازتهن اله
على اساس اني كايله قشمرت رحيم
و كال كلشي اسجل باسمج
واني على اساس راده علي وكايله
اصبرلي اخلي يسجل كلشي باسمي واعوفه وازوجك
تفاصيل نومتي وكعدتي
صور الغرفتي
وأشياء عجيبه ماتنذكر
اني تخبلت من شفت المحادثات
يعني وصول رحيم بلدقيقه وطلعته بلثانيه
ومحادثه ثانيه على اساس اني رايحه ونايمه ويا ابيته
وهو يشرح شلون تونس وياي ويطلب نعيد ها
اني عندي شامه بركبتي
يوصفه بدقه وين صايره
واني مواعدته بس تخلص اجازة رحيم اجي ونتونس اني وياااا
حتى روحتي الكربلا الاخيره حاجي عنها
هاي السفره محد يعرف بيه غير اني ورحيم
ضليت اللطم واحلف العلي هاي مو اني
وهاي مصيبه وحلت على راسي
رحيم طار عقلي معقوله هاي فاطمه
اني الهل درجه طلعت غشيم
يعني هي هيج ممثله بارعه وكدرت تمثل عليه البرائه
كلبي الي حبه وتعلق بيه
عقلي يكلي يجوز صحيح هذا الشي
وكلبي يكلي لا فاطمه ماتسويه
بس الأشياء المذكوره محد يعرفها غيرها ابد
متت صراع بين كلبي وعقلي
تمددت ولا اكلت ولاشربت
دموعي نزلن اول مره ابجي
ابجي من الصدمه لان احبها موبس احبه اموت عليها
هي الانسانه الوحيده الي عرفت الحب على ايدها
ثاني يوم رحت اتاكد السيم كارت باسم منو
الصدمه طلع باسم فاطمه
والولد الي مراسله رقمه كلك ومآ مسجل باسمه
فاطمه وهنا حلت على راسي اكبر مصيبه
اتاكد ررحيم الرقم الي مراسله بي باسمي
ودز اوراق الرقم بعد ماسحبهن العلي
وهنا اني ضعت
النهار ولليل كله ابجي
ابجي لان رحيم صدك كلشي عني
ابجي لان رحيم يحس نفسه انخدع بيه
ابجي لان ماصدكني ولا انطاني مجال افهمه
اكيد الي دبر هاي المصيبه متاكد من نفسه
وحايكه بدقه ويريد يفرق بينا اني ورحيم
علي راح الرحيم وطلب منه مهله شهر حتى بلكت يلكه الولد الي يدز رسايل
ويعترف منو دزه ومنو متفق ويااااا
حالتي اصعب حاله اني الي عشت طول عمري محافضه على نفسي
اطلع بهيج فضيحه
اخر عمري اجيب العار الاهلي
رحيم تخبلت معقوله هاي فاطمه الي اعرفها
معقوله هيج انخدع بيها
والنوب المصيبه امل ماجاي تسكت ابد كلما تشوفني اذب حجايه
وترجع تخليني افكر بزياده وانقهر حيل
ساعه تكول
الناس متكبعه بلدين
ساعه تكول الله كشفه على حقيقته
ساعه تكول شكد جانت تضحك علينا
ترجع تكووول الله يحبنا وخلانا نعرفه ام المصايب
علي تعب وماكو نتيجه ابد
ما عرف منو صاحب الرقم والمصيبه راكبتني
لو ميته ولاهاي المصيبه
الناس اذا سمعت راح تصدك
ياربي ليش اني ماليه حوبه ياربي خليني اموت ولا اجيب العار الاهلي
معقوله هي هاي نهايتي اني اعرف نفسي ماليه حظ من الاول بس عبالي الدنيه فكت مني وعافتني اعيش
اتاريها ادبرلي مصيبه اكبر
التحق رحيم وعاف كلشي معلك
بعد ما اتاكد السيم كارت باسمي والفضيحه لابستني لبس
الليل والنهار ادعي
ياربي الخاطر امي المريضه
ياربي الخاطر علاوي وجهاله معقوله اجيبلهم العار طول العمر
رجع نزل رحيم بس كلشي ماسوا منتضر الشهر يخلص
حتى يطللك ويسوي كعده يحجي بيها بلتفصيل كلشي صار ويااااا وأسباب الطلاك
امل رحيم بعد هاي المصيبه تغير وصار عصبي كلش
ومايطيق اي احد
كلساع اكول هسه يخلص كلشي بس يطلك اكيد راح ينساها
ويرجع مثل ماكان قبل واحسن
فاطمه مازعلت على رحيم لان احبه صح هو ماصدكني
بس التفاصيل المذكوره توكف العقل بلراس
اكعد يم الحايط بس حتى اسمع صوته شلون يحجي
احبه موبيدي
يمكن اذا يطلكني هذا راح يكون آخر يوم بحياتي
حياتي مابيها شي حلوووو
هو جان احلى شي بحياتي
سمعته يسولف بلطرمه لكيت رجليه ما خذاتني للسطح اريد بس اشوفه
اشتاقيتله
باوعت اكو زرف بلحايط
شفته صاير شحاله ومطول لحيته لابس اسود قميصه معفس مامكوي متغير حيل بقيت اباوع منا لمن طلع السياره من بيتهم
احبه ياربي لاتحرمني منه
لليل علي كال مابقه شي وتنتهي المهله الشهر راح يخلص
وماكدرت الكه الولد صاحب الرقم
راح احاول احله بشكل سري ويااا رحيم
احسن من كعدت العشاير والفضايح
نتنازل عن كلشي واذا يريد تعويض هم انطي
ويطلك بستر
وراح اكتب على بيتنا للبيع بعد احنا مالنه عيشه هنا
نشيل المكان بعيد احسن
مكان محد يعرفنا بي
فاطمه رفعت راسي للسما ودعيت ربي يطلع حقي
ويخلصني من هاي الفضيحه الي ماليه ايد بيها ابد
امل باقي اسبوع وتخلص المهله يعني هلمره بس ينزل رحيم راح يطلك
اجا حسوني يصيح يمه يمه
امل شكو شبيك تصيح
حسوني ماما بيت فاطمه كاتبين على بيتهم الدار للبيع
امل اي بشرك الله بلخير خل يشيلون خل نخلص منهم
جنت شايله هم الهاي الشغله
همزين همه لكوله حل
وللك حسين هذا احلى خبر سمعته بحياتي
رحيم عقلي مشغول افكر بس بافاطمه
هي هاي نهاية حبنا
احبه ومآ حبيت احد بكدها
ولا راح اكدر احب وحده بعدها ابد
فاطمه غير تركت علامه بكلبي
بس انزل هلمره راح انهي كلشي
اني رجال كرامتي اهم من حبي
