رواية اخذوني دفع للدار فصليه الفصل العاشر بقلم زينب الموسوي
انا جروحي محطه وناس تدفع ناس
ركب بيه الحزن والنوح والدمعه
وجرى بروحي الحزن مجرى النهر لو فاض
وغرق ناعور حزني وما نشف نبعه
انقفل باب الفرح واسئلت عالمفتاح
اضنه ببير يوسف وياهو الي يطلعه
صبح خشبه الكَلب يتونس عالنار
حرك هندام روحي وياهو الي يصلحه
*************************************
نهر : تقرب يمي وكلي
عباس : نهر اريد اكلج شي بس لاتزعلين من كلامي وماعندي غير بس هالفرصه هايه
نهر : كول
عباس : انه احبج نهر وموبس احبج مستعد انتضرج طول عمري انتي ماتدرين شنو بالنسبه الي من يوم الي شفتج لليوم كل اذيه تصيبج احسها بكلبي تصير ومابقى شي وتخلص مده الفصليه وترجعين وراها اجي واخطبج ولاسويلج احلا عرس بالدنيا فكري ورديلي خبر
نهر : يحجي وانه صافنه عليه شويه ورديت عليه كتله انت صدك ماتستحي جان راعيت مشاعر ابن عمك وان كنت فصليه وماخذني مجرد خدامه ابقى باسمه ومرته حتى وان جان رافض ف عيب تحجي هلحجي خليت ومشيت عنه وصار بوجهي ليث شكله معصب دم مالي خلك اكله شبيك شيخ خليت ومشيت وحدي للسياره صعدت ورا وكلبي كبل عيوني يبجي ع حالي حيل متاذيه وينج ياماما وجان ارفع عيني واشوف ليث نضرته الي الي مااكدر افسرها شنو او شنو نوعها هل هيه شفقه لو نضره اسف بس ليش يتاسف انه مجرد خدامه وفصليه وحتى طلعني من بيتنه دفع بدون احترام ولا تقدير ولاكال هاي انسانه حالها حالنه وصلنه للبيت ونزل عباس فتح السياره خليت ونزلت بدون ماباوع لوجهه حيل صلف خليت ودخلت تلكتني خالتي والبنات
قسمه : بشري يمه شلونج
نهر: احسن خاله بس يحركني شويه
قسمه :مابيج غير العافيه
نهر : الله يعافيج خاله
نور : حبيبتي متاذيه اسفه مادري بالموضوع تدرين جنت بالمدرسه والسنه سادس
نهر : كالت سادس وانه حيل نعصر كلبي راحت احلامي بسبب موقف طايش من اخوي بس يلا فدوه رديت عليها لا حبيبتي عادي
لجين : عمري ماشوفين شرً
نهر : الشر مايجيج دخلت جوه وصار بوجهي عمي فهد وجدي عكاب حيل نهضمت وبجيت بوجهم ودخلت الغرفتي وجان اسمعهم يحجون بينهم ويكولون .......
..........////
سامر : دخلت للقاعه وصبحت ع الكاعدين الي همه طلابي وجان تجي عيني بعينها اخ هاي نفسها البنيه الي شلت حالي امس كاعده ومبتسمه بوجهي او بالاحرى صافنه عليه عرفتهم عن نفسي وعن حياتي وشنو اختصاصي وبيا ماده تجيهم بديت اشرح الموضوع لان حيل متاخرين واخير المحاضره جاي اصيح بالاسماء وصلت لاسمها اي اسمها لجين فهد عكاب هاي بنت الي اخذو اختي فصليه نصدمت صدمه عمري وضليت ساكت من كالت نعم وكملت تردد الاسماء وانه لحد هسه صافن بالاسم معقوله تشابه اسماء اخ يا الله يعني من عجبتني بنيه تطلع اخت الاخذ اختي فصليه خليت ونزلت لمكتبي وجان تجي لجين دكت الباب
لجين : اكدر ادخل استاذ
سامر : اي تكدرين تفضلي
لجين : شكرا استاذ بس اجيت اعتذر منك ع الموقف مال امس وهم اخذ منك محاضره اليوم اريد استنسخه
سامر : ماصار شي بنتي وهاي الملزمه ضحكت وكالت
لجين : بنتك استاذ بس بعدك شاب
سامر : كوني أستاذج واستاذ الماده الاخذج بيها ف انتي بنتي
لجين : تمام استاذ اعتذر
لجين : كعدت الصبح بدلت وجاني ابو الخط صعدت ويا ما تريك انه الصبح بوجهي للجامعه وصلت وصعدت للقاعه وانه ملتهيه اسولف وجان يدخل استاذ الماده الجديد حيل نصدمت وخجلت من موقف امس وهمين حيل فرحت من شفته كلت اي نعادت الصدفه ضل يباوع عليه بدهشه بس شويه ورجع كمل تعريف عن نفسه وكال اسمي سامر ال عبدالله واجيت بصفتي معيد جديد هنا اخذ مادتكم ع مايجيبون دكتور مختص بهاي الماده لان انه اختصاصي اخذ مرحله ثالثه مو ثانيه بده يشرح وخلص وبده ينادي ع الاسماء وصل الاسمي وحسيته ندهش من قراه كتله نعم خله وطلع نزلت ورا لمكتبه ودكيت الباب وكلي
سامر : فوتي
لجين : دخلت واعتذرت عن موقف امس وكتله ينطيني محاضره الصبح استنسخها ماكال شي نطيتها اله وكلي عادي بنيتي ماصار شي صراحه ضحكت وكتله بنيتك
سامر : ماطول استاذج واستاذ الماده الاخذكم بيها فتبقين بنيتي
لجين : خليت وطلعت وكلت عزا بعينج لجين شبيج تخبلتي وانتي بنت شيخ شلون تباوعين اله شلون تفكرين بيه وشلون يجي ع بالج وترحين تاخذين محاضره خوش حجه بقيت الوم بروحي ورحت للاستنساخ وجنت مدنكه وانه طالعه وجان انضرب بواحد ويطيحن كتبي ويطيح تلفوني ويتكسر كله باوعت وجان اشوف ......
............../////
ليث : فزيت من مكاني وكتله لا عبالك ماسمعت كلامك وياها بالمستشفى ولاعبالك ماسمعت ردها بس صدك انت صلف شلون تخلي عينك عليها لك حتى لوفصليه هاي مرتي
عباس : شيل ايدك شيخ وانت الي كتلي بنفسك ماريدها خل اطلكها عود اخذها كلتمك لو موكلامك
ليث : احترم نفسك والزم حدودك وان كان كلامي ع الاقل احترمني كول مايصير خلي تخلص الفترا واحاجيه كوم كوم اطلع برا كوم راح عباس بدون كلام وانه دمي يفور بمكاني وتذكرت من جنه يالمستشفى ورحت اجيت العلاج وبرجعتي سمعت كلامه حيل عصبت بس من سمعت ردها حيل تاذيت وبنفس الوقت حسيت بندم ع السويته بيها البنيه بنت اصول وهاي ثاني مرا تثبتلي هيه بنت اصول لا والله الثالثه لان ماكالت للدكتوره هوه الي وكعه عليه وحلفت من اللحضه الجنت بيها هناك بعد ماامد ايدي عليها ورجعت لواقعي ع صوت جدي عكاب بويه لسبوع الجاي اربعينيه اخوك علوان وكلشي مامسوين لحد هسهً
طبعا جنه كل خميس نسوي ثواب ع روحه وربي يغفرله بس ماذكرت هالشي بس هلمرا اخير خميس وراح اذكره الكم لان ماينسي ابد تعدت الايام وجهزت كلشي ع مود روحه النجف والغريب ذكرت نهر وخليتلها مكان ويانه اجه يوم الاربعين وحال امي حاله وتذكرت الي صار ورجع حقدي هوه هوه بس مو على نهر لا ع اخوها الساقط اخ بس جدي ماخلاني اكتله واشمره برا اخ بدو الناس يجون والجو صار خبصه وانه كلساع اكوم ادخل جوه وصراحه ادخل اشوفها اي اشوفها اشوف عيوها واشوف طولها وحركتها الي تتحركها بهدوء اي هيه نهر اعترف ضليت انجذب الها بشكل مومعقول بس هيه تكرهني وادري بيها لان من يوم رجعنه للمستشفى لليوم ماتحجي وياي ولا حتى ترد عليه ولا توصل يمي ومن اطلب شي تنفذه بسكات حتى ماتباوع بوجهي جنت كاعد يم الزلم
واجو بيت عمي شهم والبنات فاتن جوه صدف الي جانت من تجي اطير هسه ولا افكر بيها ولا التفت الها عجيب امري ومادري شلون افسر كلشي شويه وحجه جدي عكاب
شيخ عكاب : بويه عباس ادخل جوه يم مرت عمك ساعدها بشيله الجدوره
عباس : صار جدي تامر
ليث : ليش جدي لاتعبه انه اكوم وياي غضب
عكاب : براحتك يجدي بس لان زلم كلت يمكن ماتكدر تهيد الديوان وحده
ليث : احجي واباوع ع عباس لان ابتسامته ختفت لاجدي هسه شويه واجي خليت ودخلت جوه وشفتها واكفه ع الطباخ سوي وجاي واشوف صدف تتعمد تدفعه من تعبر كلت لاتحترك وصحت لجين
لجين : نعم خويه
ليث : سوي انتي الجاي مكان نهر وانتي نهر تعالي أريدج بموضوع ماحجت ولا بينت اي رده فعل وخرت عن الطباخ وراحت يم السنك تغسل ماعين كتلها خمس دقايق اذا ماجيتي وراي اكسر رجليج خليت وصعدت وسديت الباب لان ملابسي توصخت شويه وندك الباب وكلت تفضل وجان اشوف .......
.......//////
نهر : اجيت ودخلت لغرفتي وجان اسمعهم يحجون
شيخ عكاب : ابني ليث جهز نفسك ورا اربعينيه اخوك نعقدلك ع بنت عمك
قسمه : واخيرا وليدي اشوف عرسك قبل لاموت
فهد : بس موبعد وكت يابوي علوان ستوه اربعين يوم
عكاب: لا بنت عمه ماتنتضر هالكد
نهر : اسمعهم يحجون ومادري ليش صجت يمكن لان ماريد هاي الحيه تجي لان راح تاذيني لو ضجت عليه لا لا شنو عليه منو هوه اصلا واضوجً عليه تلمست خدي وشفت دمعه طايحه كلت لا مصختيها نهر عليمن تبجين اصلا راح تفتكين حتى يلتهي بمرته ويعوفج بحالج مرت الايام وصرت زينه وانه مبتعده عنه بس اشوف نضراته دايما صوبي احسهن يخترقني بتعدت كل البعد عنه لان جاي احس بروحي ارتبك من يوصل يمي واردد بداخلي نهر موحب نهر موحب هذا خوف كره لا تضعفين عفيه ماانكر شخصيته الرزنه وصوته ورزانته ورجعت تذكرت شلون اذاني وضل ابجي وارجع ادفن هالشعور صار يوم الاربعينيه وناس كلش هواي ونسوان هواي بقيت بالمطبخ ماطلعت لان اخاف وخصوصا هاي اخته مياده حيل تكرهني كلما تجي اسمعني كلام بس كول حقها اخوها الميت بدو الناس يجون واجت الاسمها صدف واشوفها تتعمد تضربني من تعبر بحجه ما تدري كلت خلي شويه اخي مسافه لا احترك شويه واسمع صوت المزعج يصيح
ليث : لجين
لجين : نعم يخوي
ليث : اوكفي سوي بمكان نهر وانتي نهر تعاي اريدج بموضوع
نهر : كلي اريدج بموضوع سويت روحي ما اسمع واغسل بالماعين مالي خلك هاي تضل تسمعني كلام شويه ورجع كال خمس دقايق اذا ماجيتي وراي اكسر رجليج سمعت هيج وانه خفت كلت خل اشوفه شيريد خليت وصعدت وصلت لاخير بايه وجان .......
