رواية سراج السادة الفصل العاشر بقلم عسق ادريس
خلونا ويا الساده.
.....................................
"قس"
وكف الكل مستغرب من صوت الرمي وقوته ركضت ام غضنفر تريد تطلع للخارج صارت بوجهه العلويه زهراء مانعتها تطلع وهيه تصرخ ب اسم ابنها
_العلويه زهراء:: خايبه ثبتي وين رايحه
_رنا:: جاي يصيحوننن ب اسم غضنفررررر
التمن النسوان يجرنها حتى تكعد وهيه مهبوطه طلعت العلويه جهاد تلفونها واتصلت من اول رنه اجاها صوت مفرقد
_مفرقد:: ها عمه
_جهاد:: شصاير شنو هل رمي
_مفرقد:: ماصاير شي بس الولد رمو
_جهاد؛؛ يا ولد مو السيد منع الرمي؟؟
_مفرقد:: اصدقاء غضنفر رمو وهذا السيد لازمهم يرزل بيهم
كامت ام غضنفر من مكانها اخذت تلفون العلويه جهاد صوتها يرجف
_رنا:: يمه مفرقد غضنفر مابي شي
_مفرقد:: اي يمه مابي شي
_رنا:: لعد ليش صاحو ب اسمه
_مفرقد:: الولد من طلع غضنفر صاحو يرمون مابي شي لاتخافين
_رنا:: هاي هيه يمه بردت كلبي الله يبرد كلبك
اخذت العلويه جهاد التلفون ودعت مفرقد وسدت الاتصال
_جهاد:: ها ام جادح
_رنا:: علويه حيلي باد عبالي ابن عمها الرايدها رمه
_العلويه شريفه:: شنهي خيه اكشن
_العلويه زهراء:: خايبه سكتي المره روحها رايحه
الكل انسحب ساكت درت على قدس شفتها واكفه خايفه وتباوع لام غضنفر رحت سحبتها وكعدتها على الكرسي وهيه لازمه جهه صدرها تريد تبجي
_قس:: هاي شبيج ترجفين
_قدس:: مادري شبيه خفت
_قس:: اهدي ماكو شي هاج شربي ماي
نطيتها كلاص الماي تشرب شفت البنات اجن ب اتجاهه ملتمات
_شاهيناز:: شبيج قدوسه
_قس:: مادري شجاها
_عاتكه:: خاف علمود الرمي خافت؟
_قدس:: ايي من سمعت صريخ ام غضنفر عبالي صار بي شي
_مهجان:؛ باع باع من هسه تخاف علي
_حميده:: ياعيني كولي هيج من البدايه عبالنا بيج شي ترجفين رجف
_شاهيناز:: صدك قدوسه غضنفر شكلج وضحكتي؟
_قدس:: ها؟
صارن عليها دائره يضحكن واني وياهن
_قس:: مو كتلجن اني اكلجن
_مهجان:: لاعيني انتِ تردين تقطينه
_ملاك:: صدك سالفه وبلاش
_اديان:: يلا قدس حبيبتي احجي
ضلت قدس تباوعلنه مستغربه
_قدس؛؛ ولجن شحجي
_قس:: اكلج قدس لاتسوين روحج فقيره ومتتعرفين عليمن نحجي غضنفر شاورج اربع مرات واربعتهن ضحكتي بيهن شكلج
_ملاك:: بس لاظلمينه وعبالج جنه نباوعلكم وبالنا كله وياكم
_شاهيناز:: اي لا صدك احنا ب الصدفه شفناكم
_قدس:: بس صدفتجن اربع مرات
_عاتكه:: لاتظلمينه نكلج ب الصدفه
ضحكت قدس رفعت راسها تباوع للنسوان ورجعت تباوعلنه
_قدس:: كلي اللهم صلِّ على محمد وال محمد يحفظوج ويحرسوج الي
صرخنه اني والبنات صرخه مكتومه نضحك وهيه تضحك خجلانه
_شاهيناز:: سيد حتى غزله محمدي
_ملاك:: يحرسج الي اليشوفه حب عشر سنوات وبعد معانه يلا صارت
_عاتكه:: سكتن سكتن بعد ثاني مره شكلج
رجعت تضحك بقوه واحنا نضحك وياها بدون سبب
_قدس:؛ كلي خوش تلعبين سجاجين
_قس:: ضال بكلبه موقف السجينه
_شاهيناز:: اندري هسه واذا ركضت وراك بسجينه
_ملاك::واذا رادتك تموت شكوو بيها
_حميده::وبعد وبعد
صفنت قدس وباوعتلنه
_قدس:: ماتذكر الباقي
صحنا اني والبنات نجذبها
_شاهيناز:: لاهذن مبينات قويات
_قس:: هذن يستاهلن اسوي بيهن مفاوضات
تجمعنا على قدس وهيه تحلف ماتحجي واحنا نحلف عليها الى تحجي شفت قدس تضحك ومزاجها تغير وحتى البنات جانت نيتهن يغيرن جوها ويضحكنها وفعلا ضلت تضحك اشرت النا العلويه نكوم
دخلو كوراتين الكيك والعصاير
كعدنا اني والبنات نوزع للنسوان ونضحك دخلنه للمطبخ ناكل ب الكيك الزاد شفت قبس بيدها كيكه وتاكل بكيكه
_قس:: عود اخت العروس ولازم تستحي وحياء
_قبس:: ماستحيتي انت ضميتي كيكتين بالطباخ
_قس:: لاتجذبين هذن مالات شاهيناز
_شاهيناز:: جذابه والله
_قس:: يلا نجبن خليتهن لبعدين خاف اجوع
بدينه نسولف بمواضيع عشوائيه ونضحك سمعنا صوت سماعه الديجي ثواني واشتعلت الاغاني والطربكه ضلينه اني والبنات صافنات على العلويات الي غلسن ياكلن ساكتات بقيت كاعده بمكاني ساكته اشوف النسوان التمن يم باب المطبخ مستغربات ويتهامسن عفت القوطيه وكمت اني والبنات مستغربات وكفتهن
وكفت يم باب المطبخ اشوف قدس واكفه بنص الصاله وتهز براسها بشكل دائري وتدور ب الصاله
والنساء كلهن عازلات نفسهن على صفحه
نزلت قدس للارض نايمه وتهز بشعرها بعشوائيه
شفت نسوان العلويات كلهن مصدومات وصافنات على حركات قدس وام غضنفر تباوعلها مستغربه ماعاجبها
وكفت العلويه جهاد كدام قدس اشرت النا نطفي الاغاني
مشت قادسيه للسماعه تطفيها وقدس بمكانها تهز بدون اغاني طلعنا اني والبنات متوجهات لقدس والعلويه جهاد بصفها تهمس وياها وهيه مغمضه عيونها اشرت النا العلويه نكومها
كومناها من مكانها للغرفه ونضال تطمطم الها ذ
_نضال:: تحمست خطيه هم حقها فرحانه
دخلنه للغرفه بيدنا قدس اخذناها على جهه الجربايه نامت على الجربايه تفتح بعيونها وتسدها
_قدس:: علويه جسمي يحركني
_جهاد:: ارتاحي قس جيبي ماي
_قس:: قادسيه جيبي ماي
_قادسيه:: قسار جيبي ماي
_قسار:: قبس جيبي ماي
_قبس:: شاهيناز جيبي ماي
_شاهيناز:: قدس كومي جيبي ماي
دارت علينه العلويه خازرتنا صاحت بينه صيحه خلتنا نتراكض للمطبخ حتى نجيب ماي اخذت العلويه كلاص الماي من ايدي تشرب قدس وتمسح على صدرها وقدس ساكته اشرت للعلويه
_قدس:: كافي علويه
بعدت عنها العلويه تخليها ترتاح ضلينه ساكتات نباوع لقدس الي بدت تتحسن شوي بس بقت نايمه بمكانها صافنه على السقف
فتحت العلويه تلفونها وباوعت ب اتجاهنا
_جهاد:: صلاه بنات
_قس:: ها تصلون؟ مو خالات مكياج خاف ينمسح
_جهاد:: والمكياج مو سبب يمنعنا من الصلاه
هزيت راسي ب اي ساكته شبيج قس قابل كلها نفسج تطلع حجج حتى ماتصلي طلعنه من الغرفه توجهن العلويات يتوضن نسوانا كلهن ضلن يباوعن للعلويات كلها توضت وفرشت تصلي بس احنا ضالات نصفصف ب الوجوه بحجه مكياج ونخاف لايسيح
حيل ستحيت من منظرنا ومنظرهن اخذت الصابونه ووكفت كدام المغسله اغسل بوجهي جلفت خلقتي جلف توضيت ودخلت للغرفه العلويات يسبحن مديت مصلايتي وبديت اصلي شافتني العلويه جهاد ابتسمت تاشرلي ب ايدها علامه احسنتي
دخلن خواتي للغرفه وكل وحده خلت ترتبها وبدت تصلي واني ب الصلاه كل شوي اسمع صوت فتحه باب ووحده من نسوانا تسال عن التربه والسجاده ابتسمت برضا ممكن صلاتنا خجل من العلويات او غيره منهن بس اهم شي ماخلينه حجتنا ب المكياج ومانكدر ولا اجلنا الصلاه صليناها بوقتها وهذه افضل شي كملت صلاه واخذت السبحه
_جهاد:: مقبوله
_قس:: منا ومنكم صالح الاعمال
_جهاد:: عفيه خليها ابالج الصلاه مالها عذر صلاتج صليها بوقتها من تسمعين المؤذن صاح الله اكبر لاتمنعين نفسج وربج من القاء الصلاه خير موضوع فمن شاء اقل ومن شاء اكثر
_قس:: من اليوم بعد ماطلع حجج لصلاه
ابتسمت تهز راسها دك تلفونها رفعت الخط
_جهاد:: ها فقار... تمام بيش الساعه!... تمام الله وياك
_العلويه زهراء:: ها شيكول
_جهاد:: جهزو نفسكم نرجع هم يلا ورانا طريق
بدن العلويات يجهزن رواحتهن حتى يرجعون مرت ساعه الى ربع واتصلو بيهن حتى يطلعن توجهنا للعلويات نودعهن
_قس:: سوف نشتاق اليكم كثيرااا
_شاهيناز:: يافتاه ارقام هواتفنا لديكي عندما تشتاقين اضغطي اتصال
_قس:: اه لقد نسيتو
_شاهيناز':هيه تعالي الى حضني لاودعكي
_قس:: قادمه
باوعتلنا العلويه تاشر على كف ايدها
_جهاد:: سوف اقوم بضرب كل واحده منكما كفاً خماسياً بهذه يدي التي تحمل خمس اصابع حتى تتأدبا وتسكتا
_قس:: علويه انت قاسيه القلب
_شاهيناز:: اجل انا اتفق
تحركت العلويه ب اتجاهنا طفرنا اني وشاهيناز ضابات رواحتنا ودعت البنات ورجعت للعلويه اودعها وقدس واكفه يمنا تودع
_قدس:: علويه غضنفر يروح مو
_جهاد:: اي يروح يجي بعد جم يوم
هزت قدس راسها ب اي ساكته مدري منين نزلت هل حنيه المفاجئه لقدس وخلتها تفكر بغضنفر
"عاتكه"
ودعنه البنات وطلعنه خارجات من البيت وكفنا يم باب البيت وعمتي واكفه ب الباب
_جهاد:: يلا كل وحده ترجع تصعد ب السياره الي اجت بيها
طلعنه من البيت نصعد لسيارات جنت واكفه انتظر البنات يصعدن حتى اصعد مرت من يمنه سياره سوده مضلله درت اباوع على السياره كفضول صافنه عليها شفت جامه السايق تنزل توها الجامه نزلت وعرفت الي ب السياره من صلعته مد دلهب راسه من الجامه يباوعلنا دك هورن ياشر للفقار رفعله فقار ايده
_دلهب::ها سيد محتاجين شي
_فقار::حبيبي دلهب سلامتك
رجع دك هورن يريد يمشي شفت شخص كاعد بصفه مد راسه يباوع لعمتي نسدت الجامه وطلعو ماشين اشرتلي عمتي اصعد صعدت وسديت الباب صعدت عمتي كدام ومشينه طالعين
_جهاد:: اكلك هوا دلهب شنو يشتغل
_فقار:: دفان
_جهاد:: دفان شنو
_فقار:: دفان موتى
_جهاد:: ولا مره شفته يدفن
_فقار:: شنو عمه تردي من يدفن يخابرج يكلج راح ادفن
_جهاد:: لا هوا حتى شكله مو شكل دفان
_فقار:: اي دفان خمس نجوم
دارت عمتي علي
_جهاد:: تستهزء حضرتك
_فقار:: لا ليش بس فعلا هوا مايدفن الكل يدفن بس الجيبهم ثكيل
_جهاد:: كمل فقار كمل طريقك
سكتت فقار يضحك نمت على كتف شاهيناز تعبانه ماخذتني النومه .. فتحت عيوني من سمعت هورن السياره رفعت راسي شفت السياره واكفه بصف البيت
نزلنه من السياره نجر براوحتنه جر نزلت عمتي من السياره ندك هورن سياره كدامنا باوعت عمتي للسياره مستغربه نفتح باب السياره نزل جادح شايل بيده ابنه لابس دشداشه جوزيه مثل دشداشه ابوه نفتح باب السايق ونزل شخص من السياره طويل ومعضل عيونه ملونه لابس دشداشه رصاصيه تقدم لعمتي يضحك سدت عمتي باب السياره وضحكت
_جهاد:: هلا ب الشارد هلا ب الماشفناه من الخوف
_:: هلا ب عمه الساده هلا ب الخالسه الساده
ضحكت عمتي تقدم ب اتجاها مبتسم
_جهاد:: هلا غل
_غل:: هلا بجبيرتنا
_جهاد:: ماشفناك بعد
_غل:: مو كلتيها شارد من السيد عبد الرؤف كالو بنت صديقه مطلقه وعدها ست جهال ويدرو الها على زلمه
_جهاد:: وانت كلت خاف يخليني ب المدفع
_غل:: اي مو السيد مسوينه فداء
ضحكت عمتي وتمشت مشه وياها داخلين للبيت جان الكل واكف يم الباب منتظرين ايليا يفتح الباب
_مفرقد::لك بابا هذه مو مفتاح الباب
_ايليا::بكيفك انت
رفع المفاتح كدام الكل اجته غمه من جادح على كصته
_جادح:: اثول سويج السياره هذه مو مفاتح الباب
_ايليا:: لعد المفتاح وين
كلها صاحت عد ايليا صفن ايليا وفتح سيارته يدور عن المفاتيح واحنا واكفين ومسوين تجمع على الباب رجع ايليا المفاتح بيده
_غل:: مطفي انت حبيبي
_ايليا:: كلش حبيبي
فتحو الباب دخلنه للبيت الرجال للمصلا والنساء للداخل صعدنا اني والبنات لغرفتي نبدل خلصنه تبديل ونزلنه بوجهنا للمطبخ طلعت الاكل والنواشف والبنات ويانا الي على السنك والي تكشر كعدت شاهيناز تسرفن بردنها
شاهيناز:: حسوي كباب عروك
_ملاك:: هلا ب النداره
_شاهيناز:: شعبالج طباخه غير
خلت الطحين على الحشو وبدت تعجن درنا اني والبنات نكمل شغلنه طلعت الركي من الثلاجه والبطيخ وكصصته على ثلاث صواني كبار جان يوم جميل وعائلي البنات كلنا ملتمات ب المطبخ وكل وحده بيدها شغله تسويها والنساء الاكبار برا يسولفن والرجال ب المصلا والاطفال يلعبون ب الحديقه خلصنه العشه طلعت من المطبخ
_عاتكه:: عمه نفرش للنساء ب الصاله والرجال ب المطبخ
_جهاد:: لا السيد يريد كلنا ب المصلا
_عاتكه:: تمام
رجعت دخلت للمطبخ نلم الصحونه ب الصواني الكبار اخذت السفره وطلعت من المطبخ متوجهه للمصلا دكيت باب المصلا نفتح الباب وطلع ايليا
_ايليا:: ها عتوك
_عاتكه:: فرشو السفره حتى تنقلون الصحونه
اخذ السفره مني واني رجعت للمطبخ بدو الولد ينقلون الصحونه للمصلا دخل فقار بيده الصينيه شايلها شيل دارت ملاك مانتبهه على دخله فقار هيه طالعه وفقار داخل صارو وجه بوجه الصينيه صارت على جهه حلك ملاك نضرب بحلكها بقوه صرخت راجعه متوجعه باوعلها فقار مصدوم شمر الصينيه من ايده وجر ملاك لازم حلكها الي بده يصب دم
_فقار:: عاتكه كنيسه
طلعت ركض للصاله اجيب الكنينس دخلن النساء للمطبخ مستغربات صريخ ملاك رجعت للمطبخ بيدي الكنينس شفت فقار واكف يغسل بحلك ملاك رحت يمه اباوع لملاك تبجي وحلكها كله دم اخذ مني الكنينس وخله على لثتها كل حركاته جانت بدون قصد لان فقار اخذ شخص مايحب الاحتاك انتبهت عمتي على فقار جرتها من ايد فقار تاشرله يبتعد
_جهاد:: وخر فقار
_فقار:: شوفيها عمه تاذت
_جهاد:: ادري شجاك دخلت الصينيه بحلك البنيه
_فقار: مانتبهت
ابتعد فقار يمسح على وجهه باله ويا ملاك اشرتله عمتي يطلع هز راسه ب اي و طلع من المطبخ وعمتي وام ملاك جرن ملاك خارج المطبخ اشرتلنا العلويه نكمل نقل العشه اخذت الصينيه انقل بيها الصحونه
_عاتكه:: خطيه تاذت
_شاهيناز:: اي هواي صب حلكها دم
_مهجان:: بنات خواشيك للمحلبي
_شاهيناز:: هوا المحلبي ياهو ياكله حشه نعمه الله بس شكل
_عاتكه:: الساده الكبار ياكلو
خلصنه نقل المواعين وصحنه ل ايليا ياخذ الصينيه طلعنه نشوف ملاك جانت كاعده وعمتي كدامها
_شاهيناز:: هاي لان تنمرتي على عروكي
وخرت الكنيسه من حلكها
_ملاك:: ليش تجذبين اني الوحيده المدحت عروكج
_شاهيناز:: جذابه تكليلي كبابتج اقزام
_ملاك:: مجذبه قابل
_جهاد:: ملاك بعدج متوجعه
_ملاك:: لاعمه احسن
_جهاد:: يلا لعد كومي خل ناكل السيد يصيحنا
كامت عمتي وملاك والنساء داخلات للمصلا رفع فقار راسه يباوع لملاك دار السيد على ملاك
_عبد الرؤف:: ها بابا ملوكه سلامتج
_ملاك:: الله يسلمك سيد
كعدنا ملتمات على السفره الرجال على جهه والنساء على جهه حجت شاهيناز تاشر على الصحونه
_شاهيناز:: سيد شوف هذا الكباب اني سويته
_عبد الرؤف:: عفيه بعلويتنا لعد كلنا نبلش اليوم ب كباب شاهيناز
_ايليا:: شنو تمره رمضان ونبلش بيها
_غل:: سيد واجب لو مستحب اكل الكباب هسه
_غضنفر:: سيد انا عندي تحسس من الكباب يصير مابلش بي
باوعلهم السيد ساكت نزلو روسهم ساكتين كلها اخذت كبابه من الكباب الي ب الصحن سمينه وبدينه ناكل ويا اول لكمه من كباب شاهيناز
كل الي اكلو الكباب صفنو الكمه بحلكهم دار الكل على شاهيناز عقجت وجهي ورجعت الكبابه لصحن من قوه الملوحه الي بيها ماتنمضغ
_غل:: حشه نعمه الله هاي شنو؟
_غضنفر:: كباب ملح لو كباب عروك
_ايليا:: كباب العشه شبعنا عن العشه
كلها جانت تباوع لشاهيناز الي جانت صافنه رفعت راسها
_شاهيناز:: سيد مو تحسه مالح؟
_عبد الرؤف:: اي بابا شوي
رغم ملوحه الكباب الي ابد ماجان طعم كباب لاطعم ملح السيد ماكسر خاطرها وكمل اكل الكبابه
_فقار:: سيد ضغطك
_عبد الرؤف:: لا مو كلش مالح
_شاهيناز:: لا سيد مالح مانتبهتت خليت الملح كله
_مهجان:: اشوف جيس الملح خلص
عفنا الكباب لان ابد ماينكول بدينه ناكل والكل ساكت كطع هذه السكوت من مفرقد حجه
_مفرقد:: صدك سيد شيخ قصي زكريا البارحه نومو مستشفى
_عبد الرؤف:: سلامته ليش؟
_مفرقد:: كلياته سيد تعبانات
_عبد الرؤف:: الله يشافي باجر لمو الولد نروحله
_عبد المقتدر::الله يشافي الكليات مو هينه اللهم اني اسألك العافيه والشكر العافيه وتمام العافيه في الدنيا والاخرة
احمدو الله منطيكم الصحه والعافيه
كلنا حمدنا الله حجه السيد وهوا مدنك
_عبد الرؤف:: الحمدلله العافيه نعمه جبيره انتبهو لصحتكم لاتصيرون مثل الي يضر نفسه ويعرف هذه الشي راح يضر صحته ومستمر بي
سكتت السيد بدون ذكر اسماء رفع غل راسه يسأل مستغرب
_غل::سيد قصدك الجكاير؟
_ايليا:: سيد قصدك هذاك الشفته يدخن!
_غضنفر:: سيد انت اكيد ماتقصد جادح؟
دار الكل يباوع الجادح الي جان مدنك ياكل رفع راسه يباوع للسيد ورجع دنك رجع رفع راسه مره ثانيه
_جادح:: سيد ب الصدفه
_عبد الرؤف:: قصدك ب الصدفه شربتها
_جادح:: لا اقصد ب الصدفه شربت كدامك
الساده الكبار كلها جانت خازره جادح دار السيد عن جادح ضايج منه دنك جادح يضحك ياكل والضحكه بوجهه باوعلنا غضنفر يريد يحجي ومتردد من الجو باوعتله عمتي واشرتله
جهاد:: احجي غضنفر لاتخليها بحلكك
_غضنفر:: اليوم واحد شاف جادح يكله انت سيد جادح كله اي جان كله ليش وجهك ماينور
ضحكنا نباوع لجادح مايدين كلام الشخص جادح وجهه ماينور ابد حتى السيد ابتسم دار غضنفر يدك على ضهر ايليا الي غص يضحك متذكر الموقف
مفرقد:: جادح يكله ماشغل الضوه
ضحكت عمتي ودرات على الساده الكبار
_جهاد:: صدك سيد معتز ليش ولدك مابيهم نورانيه بوجهم
_سيد معز:: والله ياعلويه مادري وجهتم مابيهم رحمه
_غل:: سيد كلامك يجرح
_جهاد:: انوب اسمه غل لا من وجهه ولا من اسمه
_غل:: جهاد شقاج يجرح
_غضنفر:: مشكله هيه تحجي صدك ماتشاقه
كملنه عشه فرحانين باجواء المه كمنا من السفرن نشيل الصحونه طلعنه من المصلا نغسل المواعين التمن ثنين على الحلف ووحده تغسل وحده ترتب الصحونه ووحدن تمسح الميز ووحده تنظف الارضيه ماخذ من عدنا وقت طويل كملنه تنظيف المطبخ سوينا جاي ووزعنا للكل
التمينه البنات كلنا ب المطبخ نسولف طلعت ملاك من المطبخ واحنا على كعدتنا
سمعنه صوت قوي جاي من المصلا عفنا كلاصات الجاي و طلعنا من المطبخ اشوف باب المصلا مفتوح والعلويات ملتمات يضحكن وملاك مبتسمه تصور
_شاهيناز:: ملاك تصور يعني الاجواء قويه
توجهنا للمصلا واكفات يم الباب اشوف الساده مشغلين _الصوج من امه الماولا_
وملتمين كلههم و جادح شايل ابنه على كتفه يهوسون والساده الكبار واكفين ب النص يضحكون كلهم لابسين دشاديش ملتمين على اجدادنا ويدورون حواليهم مثل الدائره
صاح غل من مكانه
_غل:: اليبغضك ياعلي ماعنده شخصيه ومايحتاج اكلك امه ياهي
والولد يصيحون ويا صاح جادح يهز ب ابنه
_جادح:: علي علي علي ياحيدره
ضحكنا كلنا فرحانات ويا اجواءهم عمتي مبتسمه تباوعلهم التمو الولد حول العلويات الكبار يصفكون وياهن وهنا يضحكن
لزم ساجد تلفونه ياشر الهم يلتمون
_ساجد:: شباب صوره صوره
التمو الساده كلهم السيد عبدالرؤف والسيد معز والسيد عبد المقتدر واكفين كدام والولد وراهم وعلى جوانبهم تربع جادح كدامهم السبحه بيده جوزيه بلون الدشداشه وابنه بصفه والباقين واكفين ثبتو ياخذون الصور
مر الوقت والكل تطشر صعدنا اني والبنات للغرفه حتى انام كلنا شمرنا رواحتنا تعبانات من درب الطريق وصادف احنا كاعدات من الصبح ورجعنا ب السيارت متكسرات من طول الطريق ماكعدنا غير على صلاه اليل صلينه بغرفتي لان المصلا متروس ساده وماكو مجال النا كملنه صلاه و رجعنا نمنه
كعدت افتح بعيوني على اثر بوسه بخدي فتحت عيوني شفت ملاك تبوسني
_ملاك::راح نروح
_عاتكه::وين
_ملاك::للبيت يلا مع السلامه
باست شاهيناز وهيه نايمه وطلعت من الغرفه اخذت ربطتي ونزلت وراهم حتى اودعهم البنات كلهن نايمات بس اني كعدت ودعتهم ورجعت صعدت نايمه
كعدنا ثاني يوم شاهيناز والبنات راجعات لبيتهم بس اني وعمتي جهاد كاعدات ب الصاله طلعنه للحديقه
شفنا السيد كاعد يكطع ورق السدر من شجره النبك
_جهاد:: ها سيد اليوم يوم السدر
_عبد الرؤف:: موسى ابن جعفر (ع) يقول غسل الراس ب السدر يجلب الرزق جلبا والصادق (ع) يقول اغسلو رؤوسكم بورق السدر فانه قدسه كل ملك مقرب ونبي صرف الله عنه وسوسته سبعين يوما لم يعص الله ومن لم يعص الله دخل الجنه
تقدم السيد ب اتجاهنا مبتسم بيده سله جبيره متروسه سدر ضحكنا ودخلنه للداخل
"مهره"
مشيت شايله القرأن بيدي متوجهه للحوزه مر اسبوع على دخولي وتسجيلي ب الحوزه وبهذه الاسبوع تعلمت هواي مواضيع وعتني وصحتني على زماني
دخلت للحوزه وتوجهت كاعده ب الصف الامامي العلويات الحد هسه ماجايات والنساء وحده دايره على الثانيه يحجن بقيت ساكته اسمع لكلامهن بمناسبه ماعندي شي اسوي ولا احد احجي ويا ف وجودي هنا بس استمع
بعد مرور ربع ساعه او اكثر الكل سكت من سمعنه العلويات يدخلن للحوزه باوعت العلويه ب اتجاهنا سلمت والكل رد السلام عليها
دخلن العلويات البقيه
_جهاد:: نساء السيد عبد الرؤف راح يدخل
كل النساء هلن ب السيد طلعت العلويه عاتكه تصيح السيد شوي ودخلت ودخل خلفها السيد مدنك ابتسمت من شفتته وجهه مريح سلم وهوا مدنك ردينه السلام
اشرتله العلويه على الكرسي كدام طاوله جبيره
كعد السيد
والعلويه جهاد بصفه والعلويات توزعن كاعدات
رفع السيد راسه مبتسم
_
عبد الرؤف:: بكل مره شخص يحجي وياي يكلي سيد انا بالي وتفكيري كله ب المستقبل سيد انا خايف ب المستقبل ماحقق حلمي
النبي محمد (ص) قال: اياك والتسويف بعملك فانك بيومك ولست بما بعده فان يكن غد يكن غد لك فكن في الغد كما كنت اليوم وان لم يكن غدا لم تندم على مافرطت اليوم
_عبد الرؤف::ب اختصار لاتخلون تفكيركم كله ب المستقبل لان المستقبل مو بيدنا بيد الله انا خايف وشاغل بالي كله بشنو راح يصير بعدين ليش؟ خلي تفكيركم وانشغالكم ب اليوم بس عوفو باجر ولاتفكرون بي قال رسول الله (ص) لو نظرت الى الاجل ومسيره لابغضت الامل وغروره
_عبد الرؤف:: اذا نريد نفكر ب المستقبل ف نفكر بشي يفيدنا مو يتعبنا لان التفكير يتعب مثلا اليوم سيد عبد الرؤف اخذته النومه وماكدر يصلي صلاه اليل افكر باجر انام من وكت حتى كعدتي تصير لليل براحه اليوم حجيت على فلان وكسرت خاطره افكر باجر اروح اعتذر منه حتى لاشيل ذنبه وكسره خاطره افكر اذا اليوم سمعت اغاني باجر اقوي نفسي حتى ماسمع واشجعها على ترك الاغاني نخلي تفكرينه لباجر بس لمحطينه ويا الله ومحطينه ب الدنيا نعوفه لان بيد الله مو بيدنا بس علاقتنا ويا الله بيدنا احنا
_عبد الرؤف:: اعبد الله كأنك تراه فان كنت لاتراه فانه يراك واعلم ان اول عباده الله المعرفة به فهو الاول قبل كل شيء فلا شيء قبله والفرد فلا ثاني له والباقي الا غايه فاطر السماوات والارض ثم الايمان بالله وحب دام احنا مانعرف اذا راح نخلص هذه الاسبوع احنا عايشين او ميتين
انك في ممر اليل والنهار في اجال منقوصه واعمال محفوظه والموت يأتي بغته ومن يزرع خيرا يوشك ان يحصد خيرا ومن يزرع شرا يوشك ان يحصد ندامه ولكل زارع مازرع
_عبد الرؤف:: ورادتي واخواتي وامهاتي خلو تفكيركم فقط ب الله وخوفكم من مقابله الله بيوم من الايام بذنب ممكن يخجلكم كدام ربكم خلو تفكيركم باجر من نكون بيد الرحمان ويسالك فلان ليش هيج سويت؟ لاتشغلون نفسكم غير بطاعه الله ولقائكم مع الله فقط
رفعت وحده من البنات ايدها
_:: سيد مرات اتذكر فد ذنب جنت اسوي قبل واستحي من هل ذنب حتى من اصلي احس نفسي مستحيه واني اقابل الله واني مسويه هيج شي
_عبد الرؤف:: ان المؤمن ليرى ذنبه كأنه صخره يخاف ان تقع عليه وان الكافر يرى ذنبه كأنه ذباب مر على انفه خجلنه من الذنب رحمه النا لان البعض يفتخر بذنبه بكل مره تذكرون ذنبكم استغفرو عنه لان الله اذا اراد بعبد خيرا جعل ذنوبه بين عينيه واذا اراد ب بعبد شرا انساه ذنبه
رجعت وحده من البنات سألته سؤال ثاني
_:: سيد مثلا اكو ذنوب صعبه نعوفها يعني موصعبه بس التعود عليها يصعبها علينا مثل سماع الاغاني البعض يسمعها بشكل مستمر من يجي يعوفها تصير صعبه علي انسان يسمع الاغاني من يفرح ومن يحزن وبكل وقت الاغاني تردد ب استمرار وياه
_عبد الرؤف:: لاتنظر الى صغر الخطيئه ولكن انظر الى من عصيته
بكل مره كعدو ويا نفسكم لاتخلون العذاب والنار والاخرى وجهنم بس بعيونكم لااا خلو رحمه الله كدام عيونكم شوفو هذه الرحمه والحب تستاهل نعصي تستاهل نفضل الاغاني على رحمته؟ يستاهل نزعله من عدنا علمود خمس دقائق من اغنيه معينه لاتخلون بس الجانب السيء بعيونكم لاا خلو الجانب الحلو من الله والله كله جميل وحبيب ورحيم وغفور ماكو شي اسمه انا متعود اسمع اغاني اكو شي اسمه مستعد اعوفها الخاطر الله
_:: سيد اني من اجي اصلي مرات اتعاجز يصير عندي كسل واحس ماريد اصليها واطلع الف عذر ويا نفسي حتى مرات من اكعد متأخره عن الصلاه اكول بعد خلص موعد الصلاه ليش اصليها رغم اكو شي بداخلي يريدني اصلي بس الجانب الثاني مايريد
_عبد الرؤف:: قال النبي محمد (ص) انك ما دمت في الصلاة فانك تقرع باب الملك الجبار ومن يكثر قرع باب الملك يفتح له و ما من مؤمن يقوم مصليا الا تناثر البر مابينه وبين العرش ووكل به ملك ينادي يا ابن ادم لو تعلم مالك في الصلاة ومن تناجي ما انفتلت وسوسه الشيطان تريد تمنعكم من رحمه الله وقت تسيطر عليكم وسوسه الشيطان حاولو تتحدو مثل ماتحدى الله تحدو شكد ماجنتم كساله وتعبانين تحدو نفسكم لصلاة كسرو عين الشيطان خلو نضرات الله الكم بفخر وضوئكم للصلاه اجر كبير رسول الله (ص) يقول افتحو عيونكم عند الوضوء لعلها لاترى النار سألو الرسول فما جزاء من توضا؟ قال اول ما يمس الماء يتباعد الشيطان واذا تمضمض نور الله لسانه وقلبه ب الحكمه واذا استنشق امنه الله من فتنه القبر وفتنه النار فاذا غسل وجهه بيض الله وجهه يوم تسود الوجوه واذا غسل ساعديه حرم الله عليه غلول النار واذا مسح رأسه مسح الله سيئاته واذا مسح قدميه جاوزه الله على الصراط يوم تزل فيه الاقدام
_:: سيد انطينه ادعيه وسور نتقرب بيها الى الله
_عبد الرؤف:: كلشي يقربج الى الله كلمه الحمدلله الي نكولها مره وحده ب اليوم ممكن باجر تجينه بيوم الحساب على هيئه حشد من الحسنات قراءة صفحتين من القرأن الكريم ب اليوم ممكن تشفعلنا باجر صلاه ركعتين في جوف اليل هاي بحد ذاتها جبل من الحسنات ان الله يباهي الملائكه بشخص يصلي في جوف اليل فيقول الله الى الملائكه انظرو الى عبدي يصلي ولايراه احد غيري فينزل سبعون الف ملك يصلون وراءه ويستغفرون له الى الغد من ذالك اليوم و شخص يقوم من نومه حتى يصلي صلاه اليل وهوا تعبان والنومه بعينه جبيره عند الله يقول الله تعالى انظرو الى عبدي روحه عندي وجسده ساجد فاذا توضأ ثم صلى امر الله عز وجل الملائكه فصفو خلفه صفا لايرى طوفاه يركعون بركوعه ويسجدون بسجدوه ويؤمنون على دعائه وانا اول شي انصح بي صلاه اليل دائما انصح واثني عليكم تكونون مميزن وقراءة زيارة عاشوراء وقراءة حديث الكساء قراءة صفحه من القرأن الاستغفار التحمدين والتهليل لله وذكره هذه افضل شي ممكن يرفع من مقامكم
_:: زين سيد اني سامعه الصبر اجره كبير
_عبد الرؤف:: قال تعالى (انما يوفي الصابرون اجرهم بغير حساب) وقال (اولئك يجزون الغرفه بما صبرو) وقال (اني جزيتهم اليوم بما صبرو انهم هم الفائزون) و(اولئك يؤتون اجرهم مرتين بما صبرو) صدق الله العلي العظيم الرسول (ص) سألو يارسول الله من الصابرون؟ قال الذين يصبرون على طاعه الله واجتنبو معصيته الذين كسبو طيبا ونفقو قصدا وقدمو فضلا فافلحو واصلحو الصبر اجره كبير وكل الانبياء والرسل والائممه والمؤمنين اختبرهم الله بصبرهم
_:: زين سيد شنو صفات الجيده والحسنه الممكن تشوفها المؤمنين
_عبد الرؤف:: اذا ابتلو صبرو واذا اعطو شكرو واذا حكمو عدلو واذا قالو صدقو واذا عاهدو اوفو واذا سألو استغفرو واذا احسنو استبشرو وقال تعالى (واذا خاطبهم الجاهلون قالو سلاما) و(واذا مروا بالغو مروا كراما) و (ويقولون للناس حسنا)
والنبي محمد (ص) يقول والذي بعثني بالحق ان هؤلاء هم الفائزون
_:: سيد طبيعي الشخص اليتقرب من الله يتغير؟
_عبد الرؤف:: النبي محمد (ص) يقول فمن شرح الله صدره للاسلام فهو على نور من ربه فان النور اذا وقع في القلب انشرح وانفسح فقيل يارسول الله فعل لذالك علامه؟ قال نعم التجافي عن دار الغرور والانابه الى دارالخلود والاستعداد للموت قبل نزوله فمن زهد في الدنيا قصر اماله وتركها لاهله
_عبد الرؤف:: اذا ردتو تتقربون لله تقربو لمحمد واهل بيته لاصحاب الكساء الخمسه بكل مره اقرو حديث الكساء كل يوم ذكروهم بهذه الحديث حتى اذا اجا يوم لاسامح الله وطحتو بفد مشكله معينه و محد وياكم راح تشوفون اهل البيت واصحاب الكساء واكفين وياكم لان مانسيتو بيوم تذكروهم ف ماراح ينسونكم
_عبد الرؤف:: خلو علاقتكم ويا اهل البيت قويه لان بيوم المحشر والقيامه راح يزوروكم الامام الحسين (ع) قال للامام علي (ع) يا ابتاه ما لمن زارنا؟
قال يابني من زارني حيا وميتا ومن زار اباك حيا وميتا ومن زار اخاك حيا وميتا ومن زارك حيا وميتا كان حقيقي علي ان ازوره يوم القيامه واخلصه من ذنبه وادخله الجنه
_عبد الرؤف:: خافو لقاء الله اليوم اعذارنا تقبل باجر العذر غير مقبول بناتي وخواتي انتبهو لنفسكم ولحسنكم هذه الجمال الي الله كونه بوجهكم حافظو عليه من الخارج الامام الحسين (ع) يقول يؤتي بالمراءة الحسناء يوم القيامه التي قد افتنت في حسنها فتقول يارب احسنت خلقي حتى لقيت مالقيت فيجاء بمريم (ع) فيقول الله انتِ احسن او هذه؟ قد حسناها فلم تفتن وحتى الرجل يجاء ب الرجل يوم القيامه فيقول يارب حسنت خلقي حتى لقيت مالقيت من النساء فيجاء
بيوسف (ع) فيقول الله انت احسن او هذا؟ قد حسناه فلم يفتن
كمل السيد شرحه واني صافنه على طريقه ترتيبه للكلمات...
"ماضي"
مرت الايام والاشهر وعمتي تطلقت بس صارت دوم بغرفتها ونادراً نشوفها رغم ماشفنه الحزن بعيونها بس دوم تذكر غدره مزن الها
بيوم جنا اني والبنات مجهزات نفسنه على نطلع للحوزه دخل السيد للمصلا شافنا متجمعات ابتسم واشر النا نطلع
مشه السيد واحنا ورا طلعنه من البيت ماشين للحوزه
السيد ينطينه محاظرات ب الطريق واحنا ساكتات نستمع سمعنه صوت من الخلف
_:: سيد عبد الرؤف
دار السيد ودرنا ويا تقدم ب اتجاهنا رجال جبير ب العمر لابس دشداشه بيضه تقدم مبتسم يسلم على السيد باوعلنه ابتسم
_:: السلام عليكم علويات
ردينه السلام اني والبنات بدو يسولفون ب مواضيع عشوائيه واحد هذه المواضيع
_:: اشوف موضوع طلب الشفاعه من اهل البيت غلط
_:: عبد الرؤف:: غلط؟
_:: اي غلط نطلب الشفاعه من غير الله
_عبد الرؤف:: ليش غلط؟ اهل البيت اقرب النا لله
_:: لا سيد غلط الشفاعه تنطلب من الله فقط
بقى سيدنا ساكت واحنا ساكتات ويا ومستغربات ليش السيد ضل ساكت وهوا يكدر يحاوره بهل موضوع وممكن يأكدله الشفاعه تنطلب من اهل البيت والانبياء
باوع للسيد وابتسم
_:: السكوت علامات الرضا يعني متفق وياي سيد؟
_عبد الرؤف:: ماعندي جواب
_:: يعني تتفق ماكو شفاعه من اهل البيت
_عبد الرؤف:: ماتفق بس ماعندي جواب
باوعلنا السيد يشوف نضرات الصدمه والاستغراب وعدم الرضى على وجوهنا باوع الزلمه ب اتجاهنا ورجع باوع للسيد
_:: تطلب المساعده من حفيداتك الصغيرات؟
_عبد الرؤف:: ممكن يكون عدهن جواب
_:: راح انطي العلويات الصغيرات فرصه يقنعني انو الشفاعه تنطلب من اهل البيت وممكن اقتنع ب ايه او حديث صغير؟
باوعلنه السيد منتضرنا نحجي بدينا نحجي حسب الي علمنه ياه السيد
_عاتكه:: الشفاعه موجوده لاولياء الله ممكن اكو بعض الاشخاص ينكرون وينفون الشفاعه حتى من النبي محمد ليس من اهل البيت فقط والانبياء والبعض يشوفه دفاع عن توحيد الله تعالى مثل انو الشفاعه تناقص التوحيد او او تدعو الى الشرك ب الله تعالى
_شاهيناز:: سوره البقره ايه 255 قال الله تعالى
(من ذا الذي يشفع عنده ألا باذنه) و ب سوره الانبياء ايه 28 قال الله تعالى (ولا يشفعون الى لمن ارتضى)
وسوره يونس ايه 3 (ما من شفيع الا من بعد اذنه)
_حميده:: وايضا سوره مريم ايه 87 (لايملكون الشفاعه الا من اتخد عند الرحمن عهدا) وسوره طه ايه 109 (يومئذ لاتنفع الشفاعه الا من اذن الرحمن)
_مهجان:: سوره النجم ايه 26 (ولاتغني شفاعتهم شيئا الا من بعد ان يأذن الله لمن يشاء) هذه الايات تبين الشفاعه عند الله وثبتت الشفاعه للشافعين فتكون شفاعتهم ف الدنيا والاخرى
_عاتكه:: قال الله تعالى (ولو انهم اذ ظلمو انفسهم جاءوك فاستغفرو الله واستغفر لهم الرسول لوجدو الله توابا رحيماً) هذه الايه تبين الانسان العاصي والمذنب اذا جاء الى الرسول تأب وجعل يتوسل به في طلب المغفره من الله ويستغفر له الرسول لوجدو الله توابا رحيما ف لو فعلا الاستشفاع شرك ب الله لما وجدو الله توبا رحيما
_حوراء:: حكايه اولاد يعقوب قال تعالى (يا أبانا استغفر لنا ذنوبنا انا كنا خاطئين) وقول يعقوب (سوف استغفر بكم ربي) ف اولاد يعقوب طلبو الاستغفار من ابيهم وطلب العفو والشفاعه من الله عن طريق النبي يعقوب
_شاهيناز:: وقول تعالى (واستغفر لذنبك وللمؤمين) و (صل عليهم ان صلاتك سكن لهم) و (من يشفع شفاعه حسنة يكون له نصيب منها)
_عاتكه:: اذا ردنا نطلب الشفاعه نطلبها من الاقربون الى الله والاقرب هم الانبياء واهل البيت ف شفاعه ليس شرك لان الله ذكرها
ابتسمو السيد والرجال باوع السيد للرجال يضحك
_اللهم صلِّ على محمد وآل محمد
_عبد الرؤف:: ابو علي كتلك علوياتي محد يناقشهن
_ابو علي؛؛ الله يخليهن نسيت علويات السيد عبد الرؤف مو اقل منه ب المناظرات
باوعلنا السيد مبتسم توادعو هوا وابو علي وكملنا طريقنه للحوزه
_شاهيناز:: سيد منو ابو علي
_عبد الرؤف:: شيخ من شيوخ الحوزه
_عاتكه:: لعد ليش هيج حجه وشك بشفاعه اهل البيت
_عبد الرؤف:: ماشك بس حب يعرف جوابجن
_مهجان:: سيد رفعنا راسك مو
ضحك السيد يهز براسه اي وصلنه للحوزه دخلنا السيد ملتمات ويا النساء الباقيات اخذنا دروس ب الحوزه وطلعنه بعد مانتهينه من دروس الحوزه مشينه راجعين للبيت
وهيج مرت الايام وقتنا كله للحوزه والمدرسه ودوم متواجدات ويا السيد
بيوم جنا مجتمعين كلنا على سفره العشاء باوعت العلويه زهراء لعمتي جهاد
_العلويه زهراء:: جهاد شلون ويا السونار
_جهاد:: خلي بدونه
_العلويه رقيه:: شلون بدونه لعد وملابس الطفل
_جهاد:: جهزو الملابس كلها بيض
سكت الكل وفعلا بدن النساء يجهزن ب ملابس الطفل الي محد يعرف جنسه شنو واكتفت عمتي ب
_جهاد::الي يجي من الله خير وبركه
الملابس جانت عباره عن لون ابيض ومرات يجي مزخرف ب الوان مثل اصفر وردي ازرق والوان مختلفه
بكل مره اشوف عمتي لازمه بطنها ومبتسمه
على طول اشهر حمل عمتي بكل شهر جان تخلصه من الحمل تكون خاتمه القران ويبدي شهر جديد وتبدي تقره القران مره ثانيه
مرت الاشهر والايام بسرعه وبيوم بدت عمتي تقره للختمه التاسعه لان دخلت ب شهرها التاسع
السيد بده يجهز للطفل الجديد الي لحد هسه محد مختار اسمه لان بكل مره يسألون عمتي تجاوب ب
_جهاد:: بيوم اليجي للدنيا اني اسمي
الكل جان ساكت ومحد يجادل عمتي وبيوم دخلت عمتي للمصلا لازمه بطنها تعبانه من شافها السيد كام الها بخوف
_عبد الرؤف:: ها بابا شبيج
_جهاد:: مادري سيد تعبانه
_العلويه زهراء:: جهاد دخلتي بنص التاسع هسه
_جهاد:: ادري صالي يومين تجيني اوجاع ببطني
تاريخ 2008/10/2
بهذه التاريخ نولد ونور حياتنا فرد جديد من احفاد سيد عبد الرؤف
بهذه اليوم دخلت عمتي والعلويات مسانداتها والسيد عبد الرؤف يمشي وراهن بيده طفل صغير ملفلف التمينه على عمتي نتحمدلها على السلامه وهيه بس تهز براسها
كعدت ب الغرفه رافعه راسها تعبانه خله السيد الطفل بحضنها اخذته مبتسمه تبوس بي عيونها مدمعه
_عاتكه:: عمه شنو سميتو
باوعتلنا وابتسمت تباوع لطفل
_جهاد:: عون حتى يصيرلي عون ويسندني ويعيني بكبرتي
وفعلا بدت الايام تمشي ويا عون الطفل الصغير والمفضل للجميع وقت جانت عمتي تنام تعبانه من السهر على عون وقت جان انفاس يكعد السيد عبد الرؤف اله اليل كله وتحتى العلويه زهراء تضل سهرانه
تجي ايام نلتم كلنا ب المصلا والسيد بيده عون
ويتلو القرأن
_حميده:: سيد عون نام
يباوعله السيد مبتسم عون عمره ثلاث اشهر وبكل مره يبجي السيد يلمنه ب المصلا يقراء القرأن وهوا يسكت نايم ومرات يضحك ويضل مبتسم
اتذكر مره كلنا جنا نصلي ب المصلا وعون ب الكاروك كدامنا واحنا ب صلاه الفجر
بده عون يبجي بقوه واحنا كلنا متوجهين للصلاه ماكدرنا نكسر صلاتنا وكفنه للركعه الثانيه
على السيد صوته وهوا يقراء سوره الفاتحه ويتلوها
بده عون يسكت شوي شوي ويتحول البجي لضحك وتناغي ويا نفسه بحيث واحنا نصلي ابتسمنه على ضحكه خلصنه صلاتنا كامت شاهيناز تركض لعون شالته من الكاروك تضحك وهوا يضحك وياها
تمشت نطته لعمتي من شافها ضل يهمش عليها بيده باسته من حلكه وهوا يرجع يسحبها من حلكها حتى تبوسه مره ثانيه وترجع عمتي تبوسه وهوا يرجع يسحبها خلته عمتي على السجاده وندكت تبوس بي وهوا يضحك بفرح
كانت من اجمل الايام الي مرت علينه هوا عون اضاف فرحه للعائله طفل هادء وجميل يشبه عمتي اذا بجه ممكن يسكت ب بمجرد قراءة ايه قرأنيه او سوره
بيوم جانت عمتي كاعده وعون بيدها سألتها مستغربه
_عاتكه:: عمه ليش عون يسكت من يسمع قرأن
_جهاد:: تعلم وهوا ببطني كل يوم اقره قرأن يحس ب الدفو الي جان بي وقت جانن ببطني
فرحه وجود عون بحياتنا وبحياه عمتي بشكل كبير وتأثيره على حياه عمتي الي نستها غدره همام ومزن محد جان متوقع ممكن هاي الفرحه مادوم بيوم من الايام وممكن تنقلب الاحداث وقدر الله يكون مختلف عن الاقدار الي احنا جنا راسميها ومتوقعيها وبيوم ممكن هاي الفرحه تتحول فاجعه قويه صعب الانسان يتحملها....
"شاهيناز"
طلعت من بيتنا لبيت السيد عبد الرؤف بيدي صحن الفطائر تمشيت للبيت دفعت الباب داخله للداخل
شفت جادح واكف يعدل قميص ابنه من دخلت ثنينهن صارت عيونهم ب اتجاهي شاف جادح الصحن بيدي عقج وجهه
_جادح:: حالفه تكتلينه ب اكلاتج
_شاهيناز:: ابو ميرزا ترا صارت ب الغلط المره الفاتت
حجيتها وتقدمت ب اتجاها ماده صحن الفطائر اله
_جادح:: شيلي صحنج عندي ابن اذا متت يديح وراي
_شاهيناز:: ادري قابل حاطه سم ب الاكل
_جادح:: لا يابه مانريد ب العافيه روحي لسيد عبد الرؤف
_شاهيناز:: شقصدك شنو السيد عبد الرؤف فداء؟
_جادح:: لا بس انتن ورداته ياكلن من ايديجن كلشي حتى السم
ابتسمت فعلا السيد مايوم كسر خاطرنا باوعت لجادح وكف يعدل بشعر ابنه رجعت مديت الصحن ب اتجاهه
_شاهيناز:: سيد والله اكل مابيهن شي
_جادح:: رجال وراي مستقبل تردين تكتليني من وكت ليش
_شاهيناز:: هسه اكل واذا متت اني اربي ابنك
باوعلي ورجع باوع الابنه
_جادح:: يعني واثقه راح اموت ب اكلج؟
_شاهيناز:: سيد شسالفه
باوع لصحن ورجع باوعلي هز راسه ماد ايده للصحن اخذ وحده من الفطاير اكلها يهز براسه مصغر عيونه
_شاهيناز:: ها؟
_جادح:: ممم جيد اقيم الطعم 8 من 10
_شاهيناز:: وشكل شكد تقيمه
_جادح:: 3 من 10
_شاهيناز:: هاي ليش
_جادح:: شكلهن غير مرضي هاي ليش هيج شكلها
حجاها يأشر على وحده من الفطائر جان بيها زوائد العجينه من فوك مثل الخيط طويل
_شاهيناز:: هاي ابنيه وهذه شعرها
_جادح:: لاه الجنس الرقيق حتى هنا
ضحك يوكل ب ابنه واني واكفه فوك روسهم اباوع لشكل الفطائر فعلا غير مرضي ندفع باب البيت درنا اني وجادح شفت غل داخل للبيت بيده سبحه يفر بيها ويصيح
_غل:: قال جحا في ذات نهار اني ليس لدي حمار
_جادح:: استحي على نفسك
_غل:: انت شعليك هلو علويه شاهيناز
_شاهيناز:: هلا سيد
باوع للفطائر الي ب الصحن وباوعلي
_غل:: شهداء الفطائر
حجاها واخذ فطيره من الصحن اكلها وباوعلي
_غل:: حلوه عاشت ايدج بس لاطبخين بعد
_شاهيناز:: ظلم للمواهب
دخلنه للبيت جان هدوء بس عمتي كاعده ب الصاله سلمنه وردت السلام
_غل:: جهاد ردج بارد ليش ماترحبين بينه
_جهاد:: شتريد استاذ غل ادكلك تحيه
_غل:: يعجبني تواضعج
كعدو على القنفات كدام عمتي
_جادح:: وين السيد
_جهاد:: ام زيد ماتت وراحو للفاتحه
_غل:: ياهي ام زيد
_جهاد:: اخت شيخ عجاج
_غل:: ياهو شيخ عجاج
_جهاد:: ابن شيخ علي الصغير
_غل:: ومنو هذا
_جهاد:: صديق السيد عبد الرؤف
_غل:: شلون تعرفو
_جهاد:: ب الحوزه
_غل:: زين هوا..
_جادح:: كافي مصختها
_غل:: خلي شكر
_جهاد:: دخيلك انت وغضنفر كلي شنو
_غل:: شنو؟
_جهاد:: شنو؟
_جادح:: شنو؟
_غل:: تكليلي كلي شنو كتلج شنو؟
_جهاد:: حشاش الله يخليك
_غل:: لا شجار
_جهاد:: جادح من يمك دفره
كام جادح يريد يدفره وهذا كمز مبتعد عنهم
_جادح:: تعال حبيبي شبيك
_غل:: انا دخت يمكن مفعول فطائر شاهيناز بدت تظهر
باوعت عمتي لصحن البيدي
_جهاد:: مو كتلج لاتدخلين للمطبخ بعد
_شاهيناز:: عمه ليش تجرحيني بكلامج واني حساسه
_جهاد:: حساسه كلش بعد عمتج كومي جيبيلي ماي من المطبخ وبراسيتول راسي راح ينفجر
كمت للمطبخ خليت الصحن على الميز وفتحت باب الثلاجه شفت شريط الحبوب ب الباب اخذته واخذت كلاص اترسه ماي
كمزت من مكاني من اندفع باب المطبخ بقوه درت اشوف غضنفر واكف ب الباب يصيح
_غضنفر:: جهادد وويين؟؟؟؟؟؟
_شاهيناز:: ب الصاله
دخل ركض لصاله عفت كلاص الماي ورحت اركض ورا شفت عمتي تباوعله مستغربه
_جهاد:: شكو شبيك؟
_غضنفر:: قدس
_جهاد:: شكو شبيهااا
_غضنفر:: قدس انتحرت!!!!
شكرا لزيارتكم عالم روايات سكيرهوم
