رواية خطيئة الماضي الفصل العاشر بقلم جمانه السعيدي
مرتين اتاخرت على الدوام صحيح اكو نضام البصمه
بس لازم استاذ عدي يسمعني حجايه
انتم جيل مايحس بلمسوليه تردون كلشي على مزاجكم
ارواح الناس مو لعبه
اكو بنيه اسمه سمر كلش تحشش وتضحك
سمر هذا شبي منو حارك ذيله
رونق يمعوده اسكتي رحمه الاهلج هو يدور مشاكل بلا كلشي
سمر هسه مو اجينا بعد يحجي عليمن
فوك الأمراض وكورونا وحياتنا بخطر النوب هو يصعد ضغطنا
مااعرف ليش احسه يدقق وياي
وينتضرلي الزله
بس اني حيل حريصه على دوامي لان هو مصدر رزقي
بعد رب العالمين مالي غير هلراتب
جمانه السعيدي
بعد شهر من دوامنا جابو جثة طفل عمره ١٠ سنوات
مغتصبي وقاتلينه
المستشفى انخبص خبص ولكل يحجي بهاي الجربمه
المشكله يكولون واحد عمره ٣٠ سنه الي مغتصبه
الكاميرات جايبه نص وجه
وجاي يدورون علي
اني كلش ضجت خطيه امه وابو مفرفحين علي وحالهم يكسر الخاطر
امه كلبت المستشفى بلعياط
المهم هذا الموقف صار حديث المستشفى والكل يلعن الشخص الي سوا بي هيج
بلاسبوع الثاني للحادث كالو الشرطه لزمو القاتل واهل الطفل
يطالبون باعدامه
بلمستشفى يوميه قصه جديده تمر علينا اشكال واللوان
بس هذا الطفل اثر على نفسيتي حيل
سمر لج عيني لزمو قاتل الطفل
رونق الله يلعنه هذا وحش مو بشر
سمر تعاي شوفي صورته النوب جبير صدك ناس لا تستحي ولا تخاف
رونق ماتشوفين الامراض الي نازله علينا كله بسبب هاي الاشياء
شو خل اشوفه بله همزين كمشو
اخذت الموبايل وشفته هذا شكله مو غريب عليه
ركزت زين هذا احمد
رونق اكلج هم ذاكرين اسمه
سمر اي ذاكرين اسمه يمكن احمد هذا لو اني الزمه
اكطعه تكطع شني من نفس علي
رونق بقيت ساكته مااكدر احجي هذا احمد اخوي
مااكدر احجي اي شي
سمر شبيج سكتي ترا مبين من شكله مجرم والنوب معترف يتعاطى مخدرات
رونق كلت اي امي هسه ارتاحت هي الي وصلته الهاي المواصيل من الدلال الزايد
خربت اخلاقه وضلت ادافع عن اخطائه منا لمن ضاع فدمره حتى اني باعتني وشمرتني بلشارع
علموده سبحانك ياللهي شكد سترته وردته يتوب
بس هو يزيد هاي موبس حوبت الطفل الي كتله
هاي حوبتي هم
جمانه السعيدي
سمر هي وين رحتي شبيج صفنتي
رونق بهاي الدنيا العجيبه كل واحد يرجع المكانه الطبيعي
سمر شنو قصدج مافهمت
رونق لا ماكو شي اذكرت شغله كلش قديمه
بقيت طول النهار مو على طبيعتي بس افكر بااهلي واحمد
هذا الي صار عدل رب العالمين
لان هو اتمادى زياده عن اللزوم
رجعت للبيت واني فكري مشوش
وهاي رحمه ماقبلت ترجع وياي للبيت
متغديه وشبعانه وكامشه المخده وتكووول روحي
اريد انام
رونق تعاي نامي بحضني
رحمه لا تعاي انتي انام هنا مااريد اروح بيتنا
ساعه اقنع بيه يله راحت وياي
حضنته ونمت ولله اخاف عليه من تكبر شلون
اخاف عليه من أمثال احمد
ذوله وحوش ويمشون بلشارع
يدورون فريسه سهله
الله الحافظ كلما اذكر ام هذا الطفل شلون منهاره
واذكر احمد اخوي هو الي سوا بيه هيج
كلبي ينقبض
جمانه السعيدي
اليوم الي بعده اتاخرت بسبب رحمه كوه يله كعدته من النوم شويه منشوله لان تلعب بلمي النهار كله
وصلت متاخره يعني بلكوه لحكت على البصمه
وبالي بقه يم رحمه لان مريضه
رحت الاستاذ عدي
....استاذ ممكن اطلب اجازه
...خير انشاء الله ليش
...بنتي مريضه واريد ارجع علموده
...انتي اذا تحبين الحياة الاسريه ليش ماتكعدين بلبيت
ترا هذا دوام مو لعبه
...بس اليوم تعرف هذا المرض منتشر ومااربده توكع بي
...يله روحي
...رجعت للبيت وجبتله علاج وسويتله شوربه دافيه
ثاني يوم صارت احسن شويه همزين مجرد استبراد مو فلونزا قويه
ثاني يوم تفاجئت استاذ عدي يسئلني على رحمه شلون صارت
رونق الحمد لله احسن
عدي انتي تعوفيه بم ابوها بلبيت
رونق استغربت من سواله لا اعوفه يم الجوارين
عدي ابوها وين
رونق اني منفصله
عدي وماتخافين عليه
رونق يحبونها اكثر مني ومدللينه دلال اصلا ماتقبل تجي البيتنا تربد تبقى يمهم
عدي الله يحفظه
رونق الله يسلمك
بعده بكم يوم اكو أوراق مهمه عدنا نقص بمواد التحليل
جردناهن واخذت الاوراق الاستاذ عدي
بلباب وكفت
لكيته خال راسه على المكتب
...صباح الخيررر استاذ
ماحاجاني ابد دكيت الباب
...استاذ قربت علي رفعت راسه شفايفه بيض ومثل حالة الاغماء عنده
...استاذ استاذ فدوه حاجيني
طلعت كتلهم الحكو استاذ عدي مااعرف شبي
اجو الممرضين وثنيبن من التحليل
كالو هبط السكر دوم تصير وياا هاي الحاله
اني ركضت طلعت جكليت وحلاوه من جنطتي
ومردته وخليته بحلكه
شويه وفتح عينه
رونق استاذ هااا جاي تشوفني فدوه حاجيني
شويه فتح عينه
باوع عليه ورجع غمض عيونه
رونق اذا عندك سكر ليش ماتاخذ احتياطاتك
عدي لا مابيه شي
الكل طلع من الغرفه واني بقيت مكابلته وكاعده
هم متعودين على حالته واني عندي شي عجيب
شويه ورجع الوعيه
عدي مابيه شي ارجعي الشغلج
رونق انت متاكد هاي حلاوه وجكليت وراح اجيبلك عصير
عدي مااريد
رونق يمعود خوفتني عليك
عدي لا تخافين سبع ارواح عندي
رونق تمام اني راح ارجع الشغلي انتبه على نفسك بلا زحمه
عدي انشاء الله
ياربي ولله الشغل بلمستشفى كله رعب هو اني عايزه
ويوميه هبطه شكل
جمانه السعيدي
بدت حالات كورونا ازيد بلمستشفى
كله لابسه كمامات والتعقيم
بس ولله اني ماجنت خايفه ابد
مومنه ان كلشي من رب العالمين مقسوم
كل واحد ياخذ قسمته
ادخل للردهات واخذ عينات من المرضه صحيح اني لابسه كمامه بس كلبي مطمئن
حتى هذا المرض هم اختبار من رب العالمين
ينزله على عباده ويشوف منو يصبر ويتحمل
ومنو يجزع وماعنده تحمل
اكو عائله تلكه بيه مصاب واحد والبقيه مابيهم شي
واكو عوائل كله تنصاب وواحد يطلع سليم معافى
اكو وحده دخلت ويه عمته ام زوجه دارته مدارا مو طبيعيه
عمته كلش وصلت للموت وهي حضنته وتغسل اله وتبدلله
وابد ماانصابت ولا انعدت منه
مااريد اذكركم بكرونا انشاء الله عدت على خيررر
صحيح فقدنا هواي ناس بس الحمد لله على كل حال
بعدين اخبار هذا الولد الي انقتل بقة تداول بلمستشفى فتره
طويله
اكو ولد ويانه اخو الي لازم التحقيق بهاي القضيه
وكان يوصلنا الاخبار اول باول
سمعت اهلي بايعين البيت ودافعين فصل الاهل الولد
واحمد منتظر المحاكمه
بعد اكو مشاكل بين الطرفين يردون يحلونه
اي اهلي باعو البيت وراح يجهولون هذا اقل عقاب من رب العالمين الهم
لان همه شريكين بهاي الجربمه همه الي صنعو هذا المجرم
وعافو بنص المجتمع يسرح ويمرح بكيفه
