رواية خطيئة الماضي الفصل الحادي عشر بقلم جمانه السعيدي
بعدها سمعت احمد انحكم ناس يكولون ١٠ سنوات وناس يكولون ١٥ الصراحه مايهمني اسئل
هذا استحقاقه هذا عدل رب العالمين
الله يعلم بهاي الفتره ايجوز لعب لعب كم ضحيه وكعت
كدامه بس بلاخير مايصح اله الصحيح
بهاي الفتره شويه قوة العلاقه بيني وبين استاذ عدي
يعني بطل يحقق ويااي على الرايحه والجايه
ويسئلني عن احوالي وعن رحمه
حسيته مهتم بيه
بس اني كلش حذره بلتعامل ويااا
مااريد ادخل اي تجربه بلوقت الحالي اربد ارتب اموري
كدامي هواي شغل
اول شي ناويه اسوي بس تخلص أزمة كورونا
ارفع دعوه على طليقي بنتي ماتحمل الجنسيه العراقيه
وبعد كم سنه تستحق مدرسه
هو نكره ومشا ومافكر يسئل عنه ابد
ولا دزله مصرف
طبعا هو مابي اي صوج الصوج بااهلي الي شمروني علي بدون عقد محكمه بس يردون يخلصون مني
جمانه السعيدي
أزمة كورونا كانت كل يوم تشتد اكثر واكثر
ويوميه عدد الضحايا يزيد
والوضع حيل اتوتر بهاي الفتره الخوف من الوباء سيطر على الناس بشكل فضيع
والجثث الي تطلع من المستشفى ماتتسلمه العوائل
الدوله تدفنه بمكان معين حتى لا ينتشر المرض
طبعا اني يوميه من ارجع اخلي ملابسي كلهن بلغساله
واخليلهن معقم واعقم البيت يله اروح اجيب بنتي من ام سرى
بيوم واحد دخلت اكثر من خمسين حاله للمستشفى
كله مصابه
بدينا ناخذ العينات اني وكادر التحليل كله
طبعا كم واحد من عدنا انصاب بس عددنا كان جبير
كلش ونشتغل ٣ شفتات ناس تروح وناس تجي
دخلت على ردهة الرجال اكو ثنيبن جدد جابوهم
سجلت اسم الاول واخذت منه عينه اجيت للثاني واذا بي
ابوي مصاب وحالته بلويل
حتى مايكدر يتنفس وامي جايه ويااااا
جمانه السعيدي
تعرفون شنو احساسي بلحظته
كنت بلا احساس يعني ماحسيت انهم امي وابوي
لا كنما مااعرفهم ابد
كنت لابسه الكمامه وطالعه بس عيوني
اني عرفتهم وهمه ابد ماعرفوني
اصلا مامتوقعين اني موضفه بهذا المكان ابد
.....الاسم بلا زحمه
.امي ....حميد غانم سعد
...شكد صار مصاب
امي صار اسبوع بس كانت خفيفه بس اليوم حتى مايكدر يتنفس فدوه ممكن الاجرائات اسرع
فدوه ابوس ايدج راح يروح من عدنا
هنا اني باوعت بعيونه
ونزلت الكمامه
رونق محد يموت قبل يومه
امي انصدمت فتحت عيونه حيل رونق
رونق منو رونق رغم اني اسمي مكتوب علىالكارت الي شايلته بلصدريه
امي اي انتي رونق قابل اتوه عنج لو مااعرفج
رونق بس اني مااعرفج ولا عمري شايفتج يمكن انتي مشبه عليه
امي ولج أبوج راح يموت
رونق منو ابوي اني ماعندي اهل اهلي كلهم ماتووو من زمان
امي انتي شلون تعينتي يمته تخرجتي
رونق ليش تسئليين بصفتج شنو تسئليني
من رخصتج
طلعت من الغرفه وهي بقت عينه عليه
جمانه السعيدي
رحت اخذت العينه للمختبر وبقيت كاعده واني مامصدكه
الي جاي يصير وياي
المشكله ماعندي اي مشاعر اتجاهم ابد
مااحسهم اهلي
يمكن كلبي يحن على الناس الغريبه اكثر مايحن عليهم
كلبي تحول حجر بسببهم
شويه وامي نزلت جوه واني كنت احجي ويه رحمه بلتليفون
رونق هااا ماما حبيبتي عيوني
رحمه اكلت تفاحه وبابا جابلنا جبس اني وندو
رونق عوافي كلب ماما اني اجيبلج حلويات من اجي
سديت التليفون التفت عليه نعم
امي فدوه استعجلو الإجراءات ولله حالته صعبه
رونق اي الشباب راح ينزلون قناني الاوكسجين
ويوزعوهن على الغرف
رونق جايتني تريدني واسطه حتى الاجرائات تمشي اسرع
بس ردته تفتهم هي حاله حال باقي الناس
مستحيل أقدمه على الناس ابد
خلص اليوم ورجعت للبيت وابد مااهتميت اسئل عن حالة ابوي
لاتكولون كلبي قاسي
كل الحزن والضيم الي شفته بحياتي هم السبب بي
مستحيل اغفرلهم لو اسامحهم ابد
من طلعت استاذ عدي عرض عليه يوصلني بطربقه
بس اني ماقبلت لان اني عندي خط
وهم مااريد يطلع عليه كلام ابد
اني سمعتي مهمه بلنسبه اليه كلش
ولو اني عشت عمري كله متهمه بشرفي
ثاني يوم جابو وحده من الكادر مصابه بنيه شابه
توه تعينت ويانا بس هي كانت ضعيفه وماعدها مناعه
ابد اني كلش احبه
بقيت اركض وياها واروح منا وارجع منا
امي شافتني واني مخبوصه بيه
...لعد أبوح مانخبصتي بي
رونق ابوي منو ابوي مو كتلج اهلي كلهم ماتووو
امي الله يرحمهم
رونق ماجوز عليهم الرحمه ابد
امي ليش ولج
رونق ماتو كفار والكافر ماجوز عليه الرحمه ابد
سكتت ماردت عليه ابد
جمانه السعيدي
بس مع الاسف هاي البنيه ماطولت يومين وماتت
ماتحملت الفايروس ابد
الله لايراويكم امه شلون رجت المستشفى رج
واني انهاريت فد مره كمت ابجي بحركه
لان شابه واول بداية حياته
حالتهم الماديه صعبه واهله فرحانين تعينت حتى اتساعدهم
على ضروف الحياة
اني اكثر وحده حزنت ونهاربت عليه
كعدت وكمت ابجي عقلي مايقبل الفكره شلون ماتت
رغم كل يوم تطلع مئات الجثث من المستشفى
من كد البجي انشحطت وكمت اتقئ
عدي هاي شبيج يمعوده انتبهي النفسج
رونق ماتت ماتت تعرف شنو ماتت
عدي اي اعرف شنو ماتت هذا يومه وقدره ومحد يكدر
يغير القدر
رونق كانت فرحانه بلتعيين وتريد تساعد اهله
الله يلعن الضروف الي تخلينا بهيج مواقف صعبه
عدي اهدي مايجوز عليه بس الرحمه
رونق اريد اطلع بعد مااكدر ابقى اكثر صوت عياط امه
باذني مااكدر
عدي تعاي اني اوصلج لان بعد ساعه للخط بس اغسلي وجههج بلاول
رونق رحت غسلت بس المشكله ماجاي اكدر اسكت ابد
مامصدكه
طلعت لكيت عدي منتضرني برا
صعدنا بلسياره ووصلني واني الطريق كله بس ابجي
نزلت من السياره شكرا
عدي لا تجين باجر اني راح اخذلج اجازه
دخلت بلبيت وكمت ابجي بلزايد
كنت احس نفسي قويه وبعد مايكسرني اي شي
بس هذا الموقف كان صعب وماكدرت اتحمله ابد
بليل اتصل عليه عدي
عدي شلون صرتي
رونق احسن
عدي يمته ماحسيت نفسج صرتي احسن يله ترجعين
رونق الله يسلمك
عدي ترا كلنا انموت انتي ليش هيج حساسه
رونق كانت تحلم بالتعيين تريد تساعد اهله
اخر شي تنصاب وتموت
عدي هذا قدره ويومه وساعته راتبه راح يمشي
واهله ياخذونه
رونق هاي النهايه تدرس وتتعب وتالي تموت
انعل ابو الراتب
شنو الراتب قابل يعوض مكانه مستحيل
عدي ارتاحي ولا تفكرين زايد
رونق بس اني مااكدر اداوم باجر
عدي عادي يمته متحسين نفسج احسن ارجعي بس طمنينا عليج
رونق تصبح على خير
عدي انتي من اهل الخير
جمانه السعيدي
بعد يومين بله كدرت ارجع للدوام
لكيت امي مصابه ومدخليه الرده النسائيه
منتقلتله العدو بلمستشفى
او خواتي ثنينهن جايات للمستشفى علمود ماما وبابا
مااعرف ليش بس شفتهن كلبي رف عليهن
حاولت الزم نفسي وماكدرت
نزلن دموعي بس شفتهن
مسحت دموعي ونزلت الكمامه ورحت سلمت عليهن
سهاد اهلا وسهلا
نرجس اهلا ببج
رونق شلونجن وين وصلتن بلدراسه
سهاد اني السنه خلصت كليه وكنت على وجه زواج بس مشكلة احمد الاخيره خربت كلشي
رونق الله يعوضج
نرجس اني السنه سادس والدوام تحول الكتروني وبعد مااعرف شنو مصيري
سهاد وانتي
رونق اتخرجت وتعينت وصار عندي بنيه تخبل
هسه اشوفكم الصوره بلموبايل
سهاد الله تخبل تشبهج
نرجس خل اشوف الله تخبل
سهاد شلون كملتي دراسه
جمانه السعيدي
رونق رب العالمين دزلي ناس وكفت وياي من بعد ماانتم تخليتو عني وساعدوني
سهاد سمعت انفصلتي
رونق كان زواجي مبين من البدايه راح يفشل لان ابد اني
وبااا ما متوالمين
بس امج رادت تخلص مني بكل طريقه
شمرتني بلنار ودارت وجه
بس تعرفين رب العالمين شكد لطيف دزلي ناس احسن من اهلي الف مره
ساعدوني اكمل دراستي واربي بنتي والحد الان همه مسانديني
بنتي تبقى عدهم من اجي للدوام
وهلكد مايعاملونه حلو ماتقبل ترجع وياي للبيت
من ارجع الكاهم مغسليله وموكلينه ومبدليله
الناس تكطع بس رب العالمين مايكطع ابد
جمانه السعيدي
سهاد الله يسعدج ويهنيج
رونق وين كاعدين من بعد مابعتو البيت
سهاد شقه زغيره تعبانه وكلش بعيده لان على كد فلوسنا
رونق تمام جنت متوقعه هاي النهايه
نرجس كون اشوف بنتج
رونق اذا تردين ترحين وياي حتى تشوفيه
نرجس بيتج بعيد
رونق لا عشر دقايق بلسياره
نرجس احنا الشقه مالتنه حيل بعيده
رونق ترحين وياي غسلي وبدلي وشوفي رحمه وتعاي
نرجس اذا تقبل سهاد اروح
سهاد اي روحي اصلا اني اخاف عليج من المستشفى
خاف تنعدين ومااكدر اعوفج بلشقه وحدج
روحي وباجر تعاي الصبح
نرجس تمام
رونق اخذت نرجس وياي للبيت بس شافته رحمه كالت هاي منو
رونق هاي خاله
رحمه لا خاله ام سرى
رونق هاي هم خاله
رحمه راح تبقى عدنا
رونق بكيفج
رحمه اي حلوه خل تبقى عدنا شنو اسمه
رونق اسمه نرجس خاله نرجس
رحمه الله حلو اسمه
