رواية اصفاد الود الفصل العاشر بقلم زهرة الرمان
جواد من سمعت وما صدكت شكوك حول ولد عمه وجلاب ماحاطين ع عيال ياسه وخاصه سعدون يحمد بيهم وناس غربه بس مثل ما كال گاطع الطمع يكتل صحت قنددد قند
اجت وعيونها وارمه
سويلي درب اريد احجي وي ياسه
قند هدها هسه تسودنت
جواد لا مامش وكت أكلها دخلت وعدلن كعدتهن كابلتهن
انه مامتقصد اتسمع بس الطالب والمطلوب ماله نومه وانه ماطول بالبيت اخافن من احد يغدر بينه مثل ماغدرو سعدون باسه خويه الحجي الكلتي اذا صحيح يعني اخو حمادي اله يد معناتها مالج رده الهم لان حسب ماسمعت اهله يعرفون وانه ما اخليج تردين والباقي ع الله وعليه
قند: شلون عينج نامت شلون امنتي بيهم وهمه كتاله اهلج شوووون
جواد بقت تبجي بصوت ياسه وما تحجي سكتت قند اخنسي قند صكر عدج وانتي هنا مالج غرض بعد كومن هسه حضرن هدوم الجن اريد اخذجن مجان امان حتى اتصرف
بين ما ارد لامات هدومجن
وانتي خويه شكريه بكيغج تمشين وياهن لو تردين بعد بكيفج بس كم ليله اريد اصفي حساب بيت مزعل وردي لرماح ما اعترضت اصلا رادت تضل علمود حولتها
طلعت رحت لشنشل طلع خايف
شنشل خيرر جواد
جواد :سولفتله أريدك تاخذ البنات وتروح لأهلي بس ما تخليهم ببيت اهلي تكول لأبوي ياخذهم لبيت گاطع وبس
اجه وياي واخذهم بعده ظلمه وهنه طالعات لزمتني قند
قند أريدك تطيني وعد
جواد :احجي شتطلببن حاضر
قند تردلي سالم
جواد لزمت ايدها عصرتها حيل بستها بكصتها الكاتبه الله ينشاف خلي بالج ع روحج واعرفج سباعيه واهم شي ياسه لا تهدينها
ياسه خويه لاتخافين ماطول هذا الخشم يشم الهوا ابنج بحضنج وما تنطخين
راحوا وانه وحدي بس كلت مي خالف اخيرلي
طلعت تلثمت ورحت للكوفه وصلت لبيوتهم ضحئ
صح ماعرف احد بس شنشل علمني بكم واحد هناك يعرفه كال روحلهم
بقيت ادور واسأل نشدت ع بيت مطير اخو حمادي لما عرفت بيته وين ضليت لليل خليت الرجل تخف من الدرب دشيت وبيدي سجين كلت اخضه غفل
امشي بهداي وصلت لحجره الوحيده بالبيت ومنا حمام صغير باوعت من الرازونه نايم يمه مرته بس
ثنين بنات عده نايمات بسد امهن كلت اريدن ما افززهن. لفيت الشماغ ع بحلكه فتح عيونه انه ملثم خليت السجين ع ركبته واشرت ادششه ببلعومه سحبته واجه بيدي ربطت ايده وأخذته دفع والسجين بركبته يمهم طوله مالت غنم دش بيها ع الروث نومته ع وشه بس حطيت جدمي ع صدره حيل
احج مطير ليش حركت دار سعدون ضل يرافس
شوف بس اوخر الرباط من حلكك وتتضغب هاي السجين اشرحك بيها كبل لا يلحكونك
هز راسه سحبت طرف الشماغ من حلكه
مطير :مووش انه مااا حارك
جواد :تريد توجع افادي ماتحجي انه ماوراي شي بس رايح اخليج تحجي براحتك
دجيت ايده صرخ سديت حلكه والدم ينفط
هاا تحجي لو الثانيه بكلبك
وخرت أيدي وهو يتوجع انه بس دليت والله بس دليت على بيت سعدون
جواد :دليت منهو
مطير :جليل العشام
جواد منهوووو هذا وليش
مطير هذا من كرابه امي شاف مره حمادي يسولف ع بيت سعدون وعرف متزوج من تجار.....
ضل يفتر عليه انه ماادري يردون يبوكون كال عدنه شغل نشتري ونبيع وصدكت جنت ماعرفه بعدين عرفت ومن صارت الحريجه يلا عرفت وأهلي طردوني والله ما حصلت شي
جواد :كوم دليني وين هذا جليل
مطير: والله والله هج ماله ذكر هنا بعد
جواد ويا نذل تهددون ياسه بابنها شوف ما اهدك لا عدالك هسه دجيتك اليه بعد وياك عقوبه بس خل اشوف حجيك اذا جذب هاي السجين اثرمك واطعم سمج النهر بلحمك
تروح لأهلك وتخلي حمادي وابوك يجون للمغازه وانه اعرف شغلي وياك
جواد طلعت وبقيت اسال عن هذا جليل عرفت بيته وأهله
رجعت للولايه وشنشل اجه وياه گاطع وابوي سَولفتلهم الصار ابوي بقئ يلوم عليه خايف عليه انه طمانته وسألت شنشل منهو جليل العماش تعرفه
شنشل :لا منين اعرفه بس ماطول كرابه بيت مزعل يجون وهم يجيبونه
جواد بليل يلا اجه حمادي وأبوه واخو الهم أصغر من حمادي
ابوي بقه يحجي وياهم وصار حديث اول مره نكرو بس من كتلهم خلوها ع الحكومه وانه اروح لعمام سعدون همه ياخذون كوه منكم زلم بدال سعدون ومرته وذهيه وبيته وشوفو الأمهات شتجيب
بقه يتوسل مطير ماله لازم وهالحجي وشنشل بالفعل اجه وجاب ولد عم سعدون مهما كان دم ابن عمهم
وبالفعل كالو بينه زعل بس هذا دم وما ياخذ الدم الا اهله
طلعو حمادي وأبوه وأخوه وكاللهم دم جليل العشام وولده ومطير اذا ما اجه دمهم مهدور
صارت بعد بيد عمام سعدون ماقبلو احد يدخل لان هاي كل واحد من عشيره مايرضون بالدم احد يدخل
شنشل شوف جواد اخذ اهلك وروح لبيت اهلك هالفتره احمي غالب والبنات ولما تخلص سالفه ثارهم يلا وهذاعم سعدون رجال جبير هو كال هيج رديت انه وابوي وگاطع وشنشل كال انه رايح اضل يم للمغازه لما تبرد السالفه
قند شلون جواد آمنت واجيت عمامنه بيهم حميه
انه اخذ بدم اهلي
جواد شبيج قند الموضوع موش بيدي صار وعرفنه السوه هيج لازمن ياخذون بثار سعدون اهله
قند وانه اقرب وحده انه بته ولازم انه الاكتل
جواد
تكعدي يقند رحمه لاهلج كادر انه اكتل كل اهل جليل بس الحق اله طلابته بالسناين كلشي اله شي اهدي
وانتي خويه ياسه مالج رده خلص العيال الي سترو ع كتال ابوج مالهم امان ابنج ويانه وماله غير الحشيمه
رماح اجه واخذ شكريه بعد ما عرف كلشي وجان رأي اهله الي اجو وياه لازم عمام سعدون يتصرفون
بقينا كم يوم ومامش شي لما شفت شنشل اجه
شنشل صارت وراكم مثل طلابه الانكليز
جواد شصار
شنشل صكبان عم سعدون الجبير إبنه كتل جليل وأخوه وياهم واحد يبوك ذهب مهربجي ثلاثتهم انكتلو وتصوبوا ثنين من ولد عم سعدون يم نهر.....
صارت هناك بليل الهوسه كل الوادم التمت
ومطير شارد اضن ماله ذكر
صكبان حالف الا يحرك بيوتهم بعوايلهم بس دخلو واخذو عطوه هسه
جواد من سمعت قند بقت تهلهل وأخذت حنه وحنت اديها هي وياسه
انوخذ ثار سعدون بس الذهب راح محد جان يعرف اكو ذهب مبيوك حتى بنات سعدون مايدرن
الا اني تذكرت إدريس من وده بيدي صره ذهب جان سعدون الفلوس يحولهن ذهب راح الذهب وجنا متوقعين من كاتب بوصيته الذهب لغالب من يكبر الذهب البصندوك ام غالب كم قطعه
مع هذا كالت ماطول ماتو كتاله اهلي فدوه الذهب
كالت هيج قند ورا كم يوم كلت نرد بس ما رضت كالت تعبانه شبيها ماعرف
اجت امي اليوم بشرتني قند حامل
حمل قند مثل عيشتني جنت ميت واطتني دنيا
ردينا لبيتنه وويانه ياسه بقت هي اداريها وغالب وصكر انه اراعيهم
تمشي الايام بحلو ومر بس كل ايامي وي قند حلوه كل طباعها حلوه عاقله وذكيه
أجيت اتغدى اليوم لكيتها بالمكعاد ع علوه خشب نكعد مبسمه من شافتني أشرت تعال أجيت أخذت أيدي خلتها ع بطنها وحسيت شي حرك أيدي ضحكنا ثنينهه شنهي هذا ههه الطفل
وصارت روحي بالطفل اتخيله واضحك شوكت تجيب
من اروح للمغازه احتار من يجون التجار لازم أخذلها أشياء اكل شنو يجيبون التجار من بره اخذه واخليها تاكل خاف يضل بنفسها
اليوم بالمغازه واجه مزعل من الكوفه عم ياسه
تفضل جيب وليدي جاي للحجي
مزعل :جواد وليدي انه جاي ارد ياسه ووليدنه عدها
جواد :وين ترد؟؟؟ انه كلت الحمادي يطلكها كل مخك اخليها بعد بولايتكم لو بدارك شنهي ذبيحه عيد
مزعل :بويه احنه شلنه لازم حماها وناس غرب سوو العمله وكلمن اخذ جزاه بشهاده ياسه انه طردت مطير بس عرفت
جواد الحجي مو هيج انت حاج بيت الله لاتروح حجتك
مرتك وحمادي يهددون بياسه بس تحجين نأخذ ابنج منج شنهي انت تعرفها وتحرفها شوف تروح الحمادي يطلكها بالتي هي أحسن والا يجون عمامها وتعرفهم شسوو بولايتكم
مايكفيهم دم مطير ترا اسلم على ابنك حتى يضل فوك الكاع لاتنبشون بكبوركم
مزعل وابنه شلون
جواد لاتعلي صوتك صكر عد امه موش بالدرب
مزعل ويضل عدك انت شنهي انت لفو
جواد تكوم كوم حجي وشيبه ماريد أتجاوز عليك رد لبيتك ومامش مره الكم وين ماتحط رجلك حط راسك يلا
رديت للدار وفكره براسي خاف هاي ياسه تنكت بيه وتكول اريد رجلي
قند شتكولين
قند:خل انشدها واكلك
شلون ولج ابنج يربه يم ابوه ولج تامنين شلون ما يكتلونج ولج مو هددوج وعمتج كالتلج احرمج من ابنج
ياسه :حمادي ماله لازم وانه طالعه منهم موش بدارهم خلو ابو صكر هو يربي إبنه
قند :بس تطلعين وتردين الهم انسي قند وبيت ابوج
ياسه اعكلي انه اختج بس ابني اله ابو لازم هو يربي
قند :انتي ضعيفه وخايبه ولي امشي
ياسه :مارد عليج من يصير عدج ضنه يلا تعرفين
قند :الضنه الينسيني اهلي بلاه ولا عسه اجاه
جواد :اجه حمادي للمغازه شوف حمادي بت سعدون لا عبالك مالها خوان انه اخوها اذا حسيت بيها شي وحك الرفع السمه اخليك تكره الدنيه وأهلها
وما رحت وياه راح واخذها رديت للبيت لكيت شكريه وزماح موجودين ويصبرون بقند غاديه نار خفت عليها حامل
بقيت اصبر بيها
ايام وايام وقند ياسه ع لسانها خايفه عليها ومختاضه منها
لحد شهر التاسع امي اجت هي وابوي واخواني ضلو يمنه
اليوم نايمه ع أيدي قند ولازم العب بشعرها بقت ترافس برجليها شبيها عاينت لوجهها يضحك ويبجي سوه قند قند عركت اكعدي شبيج فززتها وخايف
قند شربت ماي لكيت جواد متربع وكاعد
جواد شبيج خرزه الگلب اشو هاي حضنتني شبيج
قند هسه هسه ابوي كالي خرزه گلبي
جواد عرفت متحلمه احجي شكالج.
قند :ابوي كاعد يأكل باجه ويمه احنه كلنه انه وخواتي وحتى غالي انه ماذكر شوفته بس جن عرفته غالب
وجاعدين تحت نخله جبيره ويضحك ايوي من كل كلبه وامي لغاد تشجر بالتنور وهم فرحانه امي لابسه هدوم حيل حلوه ماشفت منها بكل الدنيا
ابوي اطاني ليره ذهب مثل الكلاده كال صوغيها
جواد مازال زينين بالحلم معناها زينه اخرتهم باجر اذبح لروحهم وال باجا وننطيها لبيت عطا (الحمال
وبعد هاي الليله كم يوم أجيت من المغازه لكيت قند وجها اصفر وامي تشرب بيها مثل الجاي وافتر شبيجن
ابو جواد. تعال مرتك تطلك
جواد تخبلت اخاف ع قند بقيت انه افتر وياها لمن امي كالت امشو منا خل الجده تجي تجيبها
طلعنه للديون وانه لازم غالب شتكول ولد لو بت
غالب ولد ماريد بنات
جواد تعطل لا ساعه ولا ساعتين يربي ليش تعطلت
لمن سمعنا صرخه قند فزيت اروح لزمني ابوي
ابو جواد شنهي تهرفلت موش زحمه ادش ع النسوان
جواد :بويه قند ماتحمل وجع
ابو جواد شمالك ولك من قدره الله المره من الله يخلي جاهل ببطنها يطيها صبر وتتحمل وكلشي يتغير بيها من الله
جواد بويه
ابو جواد شلون مثل الجاهل الزمك وتهد أيدي وتشرد ولك تريد تضحك الوادم عليك هيد (هيد يعني اصبر)
. وطلعت امي
أخذت دشداشه لأبوي وشكتها ولفت الجاهل وصاحت كولو بسم الله لا قوه الا بالله ماشاءالله اجت بنيه مثل فلعه كمر
هبيت ما عاينت الا لقند واطيت فلوس المن ماعرفت بس اريدن اوصل لقند لكيتها ممدوده وجها مخطوف بس تضحك
لزمت ايدها هاا يقند زينه انتي زينه احجي كالت اي بهداي الحمد لله الحمد والشكر ياربي
ابو جواد :شسمونها
قند نجيبه ع اسم امي
جواد هاي هي نجيبه
امي سوت بحت (البحت تمن وحليب ودهن حر ودبس للمرأه النفاس)
وصيت ع شروه سمج من الزفافره كون كطان وبني حر واربع ليال امي تنام يم قند استحي اروح يمها لان امي يمها
أجيت لكيت امي غافيه تتعب وياها وي الطفله
قند كاعده ترضع بالبت
ها يا خرزه الگلب اضن ملتنامين من يوم هديتج انومج ع أيدي
قند : عيوني يضلن يشلعن وجع وما انام بس البت ماتنام شلعت گلبي
جواد نومتها ع أيدي ومن صارت تبجي البت فزت رضعتها وتغفي ماحسيت الا امي فززتني من غطتني نمت نومه مرتاحه ع ريحه قند
بس وراها كلساع نفز البت
واسمع غالب
غالب :هاي لان بت لو ولد ما بجه جبح اليجبح البنات
نصحك عليه انه وامي لان قند تتناكر وياه ويكلها تحبيني لو تحبين نجيبه
قند احبكم ثنينكم
غالب :لا صرتي تحبين هاي البرصه
جواد :نصحك عليهم بس البت تنام بالنهار وبليل تبدي حفلتها اليوم امي لكيتها كاعده وتفرز بحضاين البت ها يمه
ام جواد مامش يمه جاي أعزل حضينه الليل اخليها بالنهار حضينه النهار اخليها لليل تتبدل نومه الفرخه موتت البت شكثر ترضع شكثر تبجي
جواد مخليه ثوم بكماط الطفله وخرز وكحلنها هي بيضه حمره من تبجي سمينه حيل
بس ع وجهه نجيبه المغازه مالت التتن وراها اشتريت مغازه حجي سلمان مالت حبوب ومطحنه كلها من أرباح قند وغالب وارباح شغلي صلوات كبرت تجارتي وزاد شغلي ولهوتي وصارت قند أكثر مساعده اليه
وعرفت حامل وره نجيبه وهم حضروني اهلي وجنت اتمن ولد ماأحب اسم ابو نجيبه اتمنى ولد بس ما اضهر لقند بس قند فطنه تعرف كلبي مفرفح ع ولد واجت بنيه ثانيه سماها ابوي سميه
البنات الهن معزه ثانيه يحببن رواحهن نجيبه صارت تلفظ وأخذت روحي
وع عيونهن زاد الرزق وكلما جالها تجارتي تزيد
رحت لأهلي اشوف كاطع أخذت قند والبنات ولحد الان گاطع ماعده خلفه وما صارتلهم جاره أحسنه كبر أكبر من عمره بس ماباليد حيله
ردينه بعد ما ضلينه اربعه ايام
قند :گلبي محتام (مشتاق) لياسه
جواد :شبدينه ماتجي هي
قند وانت بعدك مواصل وي حمادي
جواد:تطمني تردين اهدها الهم حتى ناس يراقبون عليهم مخلي بمعاش
جواد : رديت الغده اليوم لكيت اليوم قند اصفن بعيونها شنهي اليوم شبيج
قند :هاا انه خايفه أكلك ويطلع صدك
جواد :شبلاج احجي
قند :اضن انه حبله
جواد :ويازينه من خبر
قند :شنهي فرحت
جواد:جا شلون ما افرح هذن غير نعمه من الله
وقربت ولادتها بس هالمره ورمت وصارت تخوف بعدها بالتاسع هسه وهي حتى عيونها تخوف
لما وصلت عسرت
ودو ع جده مسييحيه يم الشط معروفه وماكدرت جدتها تجيبها كوه جابت
جابت بنيه ما سميتها انه خنست لان بت احس انصطرت بوشي تمنيته ولد سمتها سماهر الجده ع اسم بتها سماره
بس شنهي هالمره قند مالها عافيه تعبت كلش وموش فرحانه وانه هم كوه مشت ايام جايبها صارت قند عصبيه وكلساعه تريد تتعارك وانه هم صرت ماتحمل كلساع نتكاون بس شنهي نرد بسرعه ونلعب وي البنات
ع الغده وكلت لقند
بعد مانريد جهال لا تحبلين ارتاحي بسماره ورمتي
قند :لا انت خافن اجيب بت ماتريد اخلف
جواد :اريدن ولد بس موش ع صحتج لا
قند يصير خير
جواد بقينا سنتين ما حيلت وخلال هاي السنتين صرت معروف كلش بكل الولايات وشغلي زاد مطاحن ومغازات والدنياهم تغيرت
أجيت للبيت اليوم وصار عدي ربل بسايق وشفت ياسه بالباب
نزلت هااا خير ام صكر
ياسه:جواد خويه انه بشارلك
جواد :افا وصلتي يالعزيزه تعالي دشي الدار. كعدت بالمكعاد والبنات يلعبن عاينتلهن وبقت تبجي
خيرج ام صكر
ياسه :حمادي حط ع راسي مره
شكرا لزيارتكم عالم روايات سكيرهوم
