رواية اصفاد الود الفصل الحادي عشر بقلم زهرة الرمان
جواد :مهضومه ووجها مخطوف.... دشي وصلتي
أول ما دشت شافتها قند كلت رايح تحضنها
قند :شذبج علينه اليوم ذاكرلتج اهل
جواد :قند تهدي
قند :شتهده جايه عليمن
جواد :ضلت تبجي قند انه صرت عصبي شبيج جايه مكسوره انتي تحملين عليها حمادي ماخذ عليها مره وين تردينها تروح دشي اخذي اختج وتعوذي من ابليس
خذتها لمن بجن ثنينهن وصلن متحاضنات ويبجن والبنات حولهن
قند :وين صكر
ياسه :صكر كلبه لابوه ولا يريدني ولا يرضالي علموه عليه يغلط وما يريدني
قند وخليتيه
ياسه عد ابوه وجدته ما حملت الدار هجيت وصلني عمي مزعل من كتله احرك روحي إذا تخليني هنا يريد يجيبها ببيتي وياي ما حملت
قند :دايمآ امي تكول عليج خبكه (يعني غبيه)
َدومج ما تسمعين الحجي وهذا السويتي أكبر غلط تهدين ابنج يخربونه عليج ولج زلمه الج يصير عون وسند باجر
جواد عتب معجون بحنيه خفيه غسلت وجها بيدها شربتها مي وتلوم بيها وبعدين هدأتاتها
قند :اخنسي يلا يولي واول وتالي ربني وانه وليد اهلي يكبر وتاليته الج بس لا تلينين ومن يجيج حمادي يكشمرج بحجايتين وتردين وع شريجه اخلي بيج نياشين
جواد ورا ايام سمعتهن يصايحن البنات اجن يمي لازمهن غالب نشدت غالب كال من صباح الله وهنه يحجن بصوت عالي طلعت قند
قند الحكني جواد الحكني خبكه لحد هاي الحاله ولك تعال ليه تطي كل فلوسها حمادي ماخذ كل التطيه الها وكلشي ماعدها بطرگ هاي التراجي والجم خشله ضالات
جواد :خويه وبعد كاع البطرف كون ختمج ع ورق لو شي
ياسه :لالا ما سويت هيج بس جان التودونه نصرفه
جواد :زين الدار الطلعتو بيه شنهو مشتري
ياسه :لا كاريه
جواد هدي قند الراح راح سم وزقنبوت بجثته منا وهيج بعد مالج رده ومن يجي مزعل نخلي يطلك لو عدج رأي ثاني
ياسه :اطلك خويه بس ابني
قند :اخنسي بسج كافيج من ابني وهو معلمينه عليج لاجينه الهم
جواد :بقينا بسالفه طلاك ياسه أشهر كوه طلكها حمادي لان نذل يريد يستغلها
والحمد طلكناها ما خليت وسيله لأجل اطلكها واوصي قند تداريها لان مكسوره خاطر بالفعل قند شالتها عن الأرض والتهت بالبنات وياهن
أجيت اليوم
قند حضرو روحكم نروح لهلي خطبنه لأخوي وهو بس هو عدي اخ أصغر واحد بينه عنت اهلي بالمصاريف بالاتعبه ماتكرب لحلال قند لو حلال ياسه او غالب بس تعبي اخلي لأهلي منه بس اخوي مدرسجي ورايح يصير معلم وفرحان بيه كتله هديتك ازوجك ساعدتهم واليوم يملج رحنه وحتى ياسه ويانه صارت روحتنه العصر ع البراد بالدرب ولعبت روح قند ماعرفت شبيها ماعونه وصلنه لأهلي شافتها امي كالت حبله
خفت وفرحت بنفس الوكت لان تعبت من جابت سماره خلصت العرس قند تبجي بليل وزفينه اخوي ع حجرته وياسه وقند بحجره امي اجت نجيبه
نجيبه :بويه امي تخربطت
جواد ركضت بعدها العالم عدنه صار بوشي كاطع الحكني خوي جيب الحكيمه المره تخربطت
اجتنه شافتها
طمنتني هذا وحام طبيعي ما بيها شي بس للامان باجر الصبح جيبوها للمستوصف نشوف ضغطها
قند :اوف ياربي هم حامل
جواد ضلت تبجي َياسه وامي يصبرنها بس الصدك انه هم جنت اريدها ترتاح بس خنست هذا رزق الله
ردينه ضليت فتره وقند صار لحملها ثمن أشهر هم ورمت وطبيبه كالت عدها ضغط ديروا بالكم عليها ياسه كامت واجبها وياها دارتها حيل
اجه اليوم ابوي
ابو جواد :أكلك هذا ابو گاطع يدور مره لگاطع
جواد:شنهي خلاهم يدورن مره
ابو جواد بويه صار سنين ماعده جهال الطبيبه كالت مايصير عد مرته خطيه هي مخطيه گاطع مايريد يظلمها
جواد :زين وشنهي ابو گاطع يستاهد عدكم مره
ابو جواد :لا احنه بعد منين خوانك خذن ام كاطع شايفه ياسه ومتقصصه تريدها كالت لأمك عليها
جواد :بويه شلون فكرو بيها ياسه وگاطع
من سَولفت لقند وهي كوه تحجي الحمل حيل إثر عليها
قند :والله اللواه شفايتلها ياسه ع كاطع وغيرته ونخوته بس خطيه مرته تريد ياسه تصير سبب بهجمان بيت وهي انهجم بيتها بسبب مره
جواد :شنو تهجم بيت هو مرته صارلها سنين ماتجيب الله محلل ثنين وثلاث
حمادي اخذ على ياسه لان كثرن فليساته وعداله مالها احد مات ابوها وما يدري أخذت منه الغايب من حباب عيونه صكر تشوفه غصب عنهم
بس گاطع محروم من الضنا
قند :ماضن مره تضوك السم لوحده مثلها الماجرعته
جواد :انت انشديها ومالج لازم
ياسه :كلي لجواد انه ما أخذ بعد رجل كل الزلم بيهم عرج مال نسوان
قند :انه موش حجيتلج گصته خطيه هذا محروم من الضنا
ياسه :هسه حمادي يمل من هاي المضروبه الجلوه ويعرف خيري ويجي يردني
قند:تردين تعليني ولج بعده فكرج يم حمادي
ياسه :ابو وليدي شلون يقند انه شنهي اضل اشوف ابني بالسنه حسنه
قند : رايحه تعلين گلبي
جواد :وينج ياسه
ياسه :دش خويه
جواد :روحي قند نجيبه احتارت بسماره ماترضه الها تسبح
طلعت قند
شوفي خويه ياسه
حمادي حتى خلف شيرجعج انه متابعه لأجل صكر خويه ايسي من حمادي المثله انه ابخس الناس بيهم معاشر جثيربن واعرف طينه المثل حمادي كدام الوادم بس هم وبس وخيسه گلوبهم ما تتواجه من احد يهيض عشرتهم (يهيض يعني يحرك او يقترب)
انه من اكللج گاطع لان وازنه بضيج ونفاه اعرفه من جنه جهال مايوم عافني وعدالته لمرته وبينج اعرفه يوفي وهي ارض بور خطيه مايريد يهدها وانتي معززه وانه جفيل
بقيت اقنع بيها وراها كتله داوري السالفه بمخج وكلت لقند لا تتدخلين خليها وحدها
ورحت من الصبح لديار اهلي
رحت گاطع
خايب هيووو شنهي صرت سمسار تمر
صار من صاعود يدلي للتجار وياخذ عموله َصارتله سمعه ويحصل الحمد لله شايل اهله وروحه
گاطع :شعده اليوم يمنه تاجر التتن يم النخل
حضنته
جواد كعدنه وتكشمرنه سالته شنهي مودي اهلك ع اخت مرتي تفاجأ
گاطع :انه بالحرام ما حاجي ولك هاي امي تزن
جواد :امك خوش نيشنت هالمره
گاطع :سموحه
جواد :ولك گويطع؛ مال عدوك شفايت لياسه تاخذك بس شنهي مرتك تدري
گاطع :متصاحبات هي وامي اخذ مره يوميه يكللي على وحده واگلب عليهن الزاد واطلع
جواد :شمالك تهرفلت
گاطع :خويه هاي العدي خافن أرضه ونوب مثل بت طاعن بيوم اخذ عليها رجلها وحركت روحها
جواد :لا هذاك اخذ بلا رأي احد واخذ بلا عله بمرته مخلفه وعدها ثلث فروخ بس الاخذها بت هجع وكيف (يعني راقصه)
وطاعن ابن شيوخ ماتحملت المره وصرخت نار الله ولا عار محيح (محيح تصغير ليحيئ)
هسه وين بيا عرب دايره انه اقنع بيك تاخذ اخت مرتي
گاطع :ولك انه وين وبت سعدون وين
جواد :لاتستقل من روحك انت زلمه الزين وزمنه يريدله ذراع وعكل نضاف
امش بلا غديني تكطعت مصاريني شنهي اضل اكرط زهدي
ياسه :واج خاف أرضه وحمادي يمنع ابني مني
قند :شحده اذا انه سكتت كبل هسه الا اخلي صوبين ال.... يضحكون ع حاله مالج لازم
جواد رحت لأهلي وجانو حيل مرحبين بزواج گاطع بياسه
رديت لما گاطع بلغني بس نردله القبول يجون يخطبون
رجعت لكيت قند تضحك وفرحانه
قند :قبلت ياسه اجت شكريه وهم حجت وياها ورضت
جواد جا خوش جم من يوم ونكللهم يجون يخطبون بس هااوينج ياسه اجت شوفي خويه هذا گويطع كلشي بيه زين بس عده طنكوره من يجوع بالج تخلينه يجوع اترسيله صينيه وخليه يلفط حتى تامنين اله ما يتسودن وضحكت
بس تعالي انت ما شايفه جهامته شوفته تخوف تره موش تكولين محد كال ههه وصليت اضحك وقند تكللها لا شايفتهه صح اسمر وجثل (جثل يعني ضخم) وعيونه كبار وخشمه جبير بس مابيه شي
جواد هو مامش شي بيه عبد الشط واضحك ومن قند تضل تصبح جوووواااد
لالا موش عبد الشط ابوه واضحك غير اوصفه الها تردينها تشرد بليله عرسها
وهي خاانسه
ولج قند ياسه خافت
ياسه لا موش خايفه خوفتي من حمادي يعرف أخذت وما يخليني اشوف وليدي
جواد :يخسه شمالج انه وراج واخلي يتمكطع بيج مالج لازم
قند طلع جواد بقيت احجي وي ياسه
انت ما شايفته بس لا تهمين والله خوش الزلمه
ياسه لا شفته بس بليل من تخربطتي بعرس اخو جواد
قند :مانج هينه خوش جا
جواد تحدد وكت خطبتهم ياسه مارضت بهوسه بس رجل شكريه رماح حضر وشنشل َاهلي اجو وي أهل گاطع
عدو وملجو وراحو
وراها حددو العرس
يوم العرس الفجر
قند :انه حضرت كل البقج وصندوكج الشتراه جواد :استراحي يمها شكريه هسه
قند انه عدي لويات
ياسه :ليش هديتي فراشج واجيتي
قند موجوعه بس ماريدن تخرب عرس ياسه واشوف البنات لازمات بياسه تعلمن عليها نايمات بحضنها أجيت اشوفج
سمعته جواد كعد
جواد :طبيعتي بس تؤخر قند من أيدي تروح النومه من عيوني كعدت لكيتهن يزهبن لريوك
اروح اكضي كل شغلي وارد كبل جيه گاطع وأخوه
قند بسلامه الله
جواد جهزت كلشي هذا صاحبي ماريد عليه خله ووكت الوفه هيج يوم جهزت كلشي طعام وخليته بروح لهله ورديت صار الغده اجو اهل گاطع
كملو الغده
شويه وسمعت صوت نجيبه وسميه رحت لكيت شكريه
شكريه :الحك خويه رايحه تجيب قند راح غالب جاب سماهر المسيحيه
قند سماهر فدوه كولي لياسه هسه من تدش قند ما تجيب هسه خل الوادم تروح
سماهر :هاي اختجن منفوخه شوف شاكلت روحوا زفو عروسكم
شكريه امشي باسه
ياسه :شنهي اروح ووش قند أصغر
شكريه :انه اضل يمها روحي واحنه بس تصير زينه قند نجيج وياج ام جواد هاي ومرت اخو جواد ليله يلا خيه روحي
جواد ماكلت لابو گاطع رايحه تجيب بس كتلهم اخذو مرتكم والله وياكم وابوي عرف كتله شكربه يمها خل امي وليله ياخذون ياسه وعينهم عليها
طلعوا ردت بس يطلعون
والبنات بقن يبجن وره خالتهن خلبتهن بحضني بالمكعاد وعيني على حجره قند اسمعها واسمع صرختها وگلبي بيه نار خليت غالب ياخذ سماره ضلت تون ع امها
طلعها بره
وانه ونجيبه وسميه مجابلبن الباب شويه وطلعت سماره المسيحيه
سماره :اجتك بنيه
جواد :الحمدلله وقند
سماره :تبجي كلشي ما بيها ولادتها سهله بس هي تندب شلون بنيه
جواد :ها يخرزه الگلب شنهي بت ولد عدج ولد موش هذا غالب شحلات البنات من ينلكن ابوهن تكعدي شوفي بتج وارضعيها
تستمر القصة أدناه
قند نعم بالله بس ردت ولد وحيد وحيد يفتش كلبي وكلبك ولخواته عزوه
سماره :شنو هذا تفكييرج ماكو واحد لواحد هاا شنهي هم انه اسميها
جواد :بكيف قند
قند :سميها انت سماره
سماره :رايحه اسميها على اسم اختي سماهر
جواد وصارت سماهر وتعلقت بيها سماره كلش جنه عدالنه رويسيه وتغار منها طلعت تحبها ارتاحت فتره وماهدتها شكريه اختها لمن تواعدنا نروح لياسه لأهلي. وصلنه هناك وسيرنه ع بيت گاطع دخلن البنات يم ياسه وانه أخذت گاطع للطره (الطره معناها مكان فارغ)
جواد خايب يمدهور مخليهن الشرايج ثنينهن فرد بيت
گاطع :خايب خلني اسلم ع روحي منهن اذا هاي تختاظ هاي وياها واذا هاي ترضه هاي وياها شمالك مسويات عليه رباطيه
جواد :بعد أيدي وشنهي ياسه زينه موش خوش
گاطع اترحم السعدون كل ليله ولهلك مثل الحمامه مالها غير الي وهاي الجبيره مثلها تكول اخوات الله رحمني بس من يختاضن يسون عليه الدار جانون (كانون يعني جمر)
جواد بعد أيدي حل وياك بقينه نضحك نسولف
قند :هاا شنهي زين وياج
ياسه :كلش خوش زلمه
شكريه :اكلج شو شريجتج معزبه وفرحانه
ياسه :كلش خوش مره تحبني وتريد خاطري وكالت حين الكعدنه احسبيني اخت الج موش شريحه اول هيل خفت منها بس تالي طلعت صدك تحبني ومالها شغل
قند :ومعاشج الوداه جواد ذاك اليوم
ياسه كل الفلوس مارضه اطلع منهن ذنيج هنه واليحصله عد مرته الجبيره بس شنهي كالت شنهو تردين هذن دلتني بيهن
شكريه :الحمدلله
جواد ضلينه عدهم لليل وبيتنه عد اهلي الصبح ردينه
استمرت حياتنا نوع ما زينه رغم قند كلش عصبيه صارت بس انه اضحك واخليها تنسئ شخصيتها قويه الطرف كله يحيها وكل الناس تندبها من وحده عدها خلع تسوي واذا طفل ممتون يجيبونه الها ايدها من الله عافيه واذا راسي يوجعني بس تلزم راسي أطيب
وحذرتها بعد مانريد جهال بقينه سنوات بلا أطفال
وصارت نجيبه وسميه بالمدرسه صارت اول مدرسه يمنه اجت فرق من المملكه تسجل كل البنات والواد وغالب سجل قبلهن جانت مدرسته بعيده كلش بس مافلح شكد تعبنه ردناه ينجح ماكو
البنات من سجلناهن ضلن فتره كلش مو زينات ابد بالدراسه
زاد شغلي وأهم حدث انفتح الميناء يمنه صارت التجاره رسميا عالميه وقررت اشتري سفينه مو هينه بس قند رايها غير
قند :كل شغل جديد يصيرله صيت بعدين لازمن تحط رجل بيه حتى يكبر
بيع مغازه واشتري السفينه
وشني ينباع بساع بيعه واشتري سفينه لحسابك احسن ما ياخذون اليهود والبريطاني أكثر ما يفيدونك صح البريطانيين طلعو من العراق بس بقت الهم مصالح تجاريه بالعراق هم والانكليز العثمان
جواد اشتريت سفينه وجانت بوقتها نقله جبيره بحياتنه
وصرت اخلي غالب وياي يشتغل اغصبه ودوم اكله هذا حلالك ولازم تنتبه
بس ماله بالشغل
انشغلت بشغلي وزاد رزقي الحمدلله
رديت الضهر تعبان لكيت شكريه ورماح عدنه وبشرونه ياسه حامل فرحت لصاحبي گاطع
وصار لازم اسافر للمحافضات اجيب بضايع انعرفت بالسوك والتجار
قند :فكره الولد ماتروح من عكلي
انشغل جواد وصار عمر سماره ٧.وسماهر ٥
حبلت وما خليت جواد يعرف لمن صارت عليه ٥شهر كتله ما حجه بس خايف عليه وزاد حبه الي أضعاف وانه اكول خاف ياخذ مره لأجل الولد يحله بعيوني يوم بعد يوم من يحلف ما يريد بس انه اريد وصارت ولاده ياسه جابت ولد فرحت لاختي وانه وراها رحتلها انه وجواد اخذ ثنين ذبايح لگاطع
أكلك جواد لان جابت ياسه ولد؟؟
جواد هاي شلج بيها لان گاطع مكطوع بزره وخضر داره حتى لو بت يتناشغ ع ريحه الجهال ما تشوفينه ع بناته شلون ملهوف
جواد :وصلت ولاده قند هالمره جابت توم بنات حكمه الله هنا ما سكتت قند بقت ليله كامله تبجي
سماره المسيحيه هم سمتهن وحده شذره وزهره
صار وكت تسجيل سماره للمدرسه ماقبلت
وانه سافرت اليوم لغير محافضه
قند :عمر التوم شهر وراح جواد بغير ولايه وانه اتذمر واحجي ليش مو بس وحده طلعت ولد ولد وحيد
أجيت لكيت سماهر مصخنه حيل ماعرفت شمالها نار مشتعله ويمها سماره هم مصخنه
يربي شسويلهن
شكرا لزيارتكم عالم روايات سكيرهوم
