رواية اوجاع يتيمة الفصل العاشر بقلم جمانه السعيدي
نزل حسام يسحب عامر ويصيح علي واسمع الهوسه كبت جوه
عمي ولك انت ماتستحي يوميه مشكله انكول هسه يبطل
وانت اتزيد ماتنقص انوب جايب هذا السم للبيت
الله ياخذك ويخلصنا منك
و فوكاها تضرب زوجتك
انت ماتخاف من الله
ولله ياعامر اذا ماتبطل هاي السوالف
اطردك من البيت واخليك تسيب بلشوارع
من باجر تجي ويانه للسوك وهذا نوم الضهاري بعد ماكو وخل اسمع مرتك تشتكي منك
رجع للغرفه وهو بس ينفخ وعصبي اني فرشت بلكاع ونمت
ثاني يوم اني متعوده اكعد الصبح نزلت وعمي كال اصعدي كعدي
بعد ماكو نوم
صعدت واني خايفه ياربي شيخلصني منه
عامر عامر عمي يريدك جوه
...ومرض يمرضج
اني مو كايل لحد يكعدني مغبشه عليه جنج بومه شتردين
...عمي يريدك يكول خل ينزل
...روحي كليله ماينزل
نزلت جوه عمي يتريك هو وحسام وخالتي
ايناس ...مايقبل ينزل
عمي ترا اصعدله اشمره من السطح
لان اي حل بعد ماعندي وياه
...عمتي كمزت اني اصعد اكعده
صعدت عمتي وشويه ونزل عاقج وجه
وغسل وتريك وراح وياهم
قررت عمتي تفتحله مشروع وحده تريد تبعده عن عمي حتى لايصير تصادم بينهم
وعدها امل اذا كان المشروع يخصه وحده
راح يشتغل
فتحتله عمتي محل وحده وتوصي بي
يمه لاتفشلني يمه فدوه
هم عدهم محل انشائيات
فتحوله محل كهربائيات
اول كم يوم يروح يوميه بعدين يوم يروح ويوم لا
وامه توصي وماكو
وصار عرس سمر وعزمتنه عمتي اني رحت قبل يوم اساعدهم
والعرس يخبل صار
بس نجلاء تخربطت وخربت علينا العرس
اخذوها للمستشفى طلعت حامل والبيت كله فرحان
بدت المدرسه ونجلاء تتنسه ماقبلت اداوم
واني عمتي شنت هجوم ما اداومين بعد عرستي شسوين بلمدرسه
ونجلاء حامل والبيت منو ينظفه
اني سكتت ماحجيت
وبليل اجه حسام وصعد الغرفته ونجلاء بقت جوه واني صعدت ورا
دكيت باب الغرفه كال تفضل
جان متمدد من دخلت كعد
...هلو ايناس تعاي
دخلت ولو ازعجك
بس اريد اطلب منك طلب
كولي تامرين امر
...مايامر عليك ضالم
اني السنه خامس واريد اداوم وعمتي ماتقبل
اريدك تحاجي عمي
اني ما اكدر احاجي واذا على شغل البيت اني متعلمه ارجع وانضف عادي ماعدي مشكله
...صار هاي بسيطه تدللين
مايصير خاطرج اله طيب
...شكرا الله يحفظك اليه وتساعدني دوم
ابتسم وكال شلونه عامر هليام وياج
...ولله عامر ابد ماتصيرله جاره ايزود ما ينقص
...الله كريم
...وفعلا داومت اكثر شي مخليني متمسكه بلدوام اطلع من خنكة البيت اشويه
بس عمتي كامت تحرض حتى نجلاء تخليه ماتشتغل حتى يزيد الضغط عليه وابطل من المدرسه
عامر كام يوم يروح للشغل وعشره مايروح
لمن خسر المحل كل فلس يجي يخلصه على المشروب
سدو المحل
ورجع انكس من كبل
عمي تعارك ويا ورزله وكاله اطلع من البيت انت مايصير براسك خير
صعد للغرفه عصبي
لكاني مطلعه كتابي واقره
اخذ الكتاب مني وشككه
ماتقرين وبعد للمدرسه ماترحين
وكام يضرب بيه واني كمت اصرخ باب الغرفه جان مفتوح
راسا اجا حسام وسحبه مني وسحبني وخلاني ورا
وضربه راشدي وكام يغلط علي ويصيح
عمتي صعدت وكامت اتصيح على حسام
ليش تضربه عوفه لاتضربه
...يضرب ايناس النذل ولك الرجال مايضرب مره
عمتي ... واذا ضربها طار نصها تلكاها تعاند بي
لو ماتسمع كلامه تعلمني بيها
اني واكفه ورا حسام ولازمته من دشداشته وابجي
من اشوف حسام احس بامان مو طبيعي
عمتي اخذت عامر ونزلت
واني كعدت على الجربايه ابجي
هو التفت عليه
تاذيتي ليش ضربج هذا النذل
طفرت فتحت المجر وطلعت مكص اريد اضرب نفسي بلكت اخلص من هاي الحياة الظالمه
هو طفر عليه واخذ المكص
...لا لا لا شراح تسوين يمعوده كولي يالله
ولله اله اندمه على مدت ايده عليج
سحبني من ايدي وكعدني على الجربايه واني ابجي واناشغ
...عوفني حسام اني المن باقيه بهالدنيه كله تكرهني وكلها ماتريدني
بس ما اعتب على الناس اعتب على حضي الاغبر
اعتب على امي وابوي العافوني
وحدي بهاي الدنيه الصعبه
حسام ...استغفر الله الله يكون بعونج بس الحل مو الانتحار
لان انتي انسانه طيبه ما معقوله تموتين كافره
طلع حسام ودز نجلاء تكعد وياي
خاف اسوي بنفسي شي
لكن كلام حسام وكفته وياي هدأني شويه
بليلته نام عامر جوه ماصعد
وبقه اسبوع مايحجي ويا حسام لان ضربه كدامي
مرات يجي عامر حيل سكران وينام جوه مايكدر يصعد فوك
وعمتي تهجم عليه
لو ماخذله مره معدله مانام جوه
المره الزينه ينام رجلها بحضنها
قربت ولادة نجلاء واني عمتي تعيرني لان ما حبلت
بلبدايه جنت ما اريد طفل من عامر ابد
وبعدين اكول
ليش لا الطفل يونسني
ويوخر الضوجه ولملل العايشته
بعدين هو ابني مو ابن عامر
طلعت النتائج اكمال بدرسين طلعت
ولله زين بس درسين من هاي الحرب الي جاي اخوضها يوميه
وعمتي استلمتني
كلنالج بطلي انتي مو مال مدرسه تردين بس اطلعين وطبين وينج وين المدرسه
جابت نجلاء ولد يخبل يشبه حسام كلش حبيته ماادري ليش
لان من ريحة حسام يمكن...
شكرا لزيارتكم عالم روايات سكيرهوم
