رواية خيط الدم الفصل العاشر بقلم زينب طالب
اثاري اجفوفهم عميه ولا تندل تَعب روحِي
..........
هدوء
منتضرة الفيديو يحمل واخيرا انفتح
ركزت زين وفتحت عيني على وسعها
من شفت نفسي اني بالفيديو
بذاك اليوم لكتبت بيه الرسالة
وخليتهاا على سيارتة التصوير
مالت كامرات بيتهم مبين كل خطوة
سويتهاا مبين شكلي وحالتي بذيچ
الساعة السودة
ماگدرت اكمل التصوير شمرت
التليفون ادية بادن احسهن وعيوني
صارت تهمل من الفشلة حسيت احد
وضربني على راسي صحاني لزماني
اجاني شعور بشع شعور رخص
صحيح صار زوجي هسة بسس اخخخ
تسرعة حيل تسرعت خليت نفسي واهلي بموقف
محرج نزلت دموعي و صرت ابچي بقوة
افكر بردة فعلة
هسةة شيگوول علية شنو ليفكر بيه
اكيد يگول ممرباية اكيد، نزلت راس
ابوية لو عرف شنوو موقفة شسويتِ
هدوء شسويتِ
اختنگت وصدري قبط الهواء شح
علية التليفون يدگ مااگدر اوصلة
بهاي الحالة دخلت امي بيدها
چاي تعرفني احب الچاي بس تعاجزت
اصب لنفسي
بس شافت حالتي وگع الكوب منهاا
و تقربت مني مفزوعة تحاچيني
ام هدوء :: يمةة بنيتي شبيچ هدووء
حاچيني ولچ شبيچ شصااار ويااچ
_تعيط وتهفي على وجهي تريد
تفتهم مني مااگدر ارد صعد ابوووية
على صوتهاا مبين چان غافي اجة مخروع
صاحت امي
ام هدوء :: الحگني حجي تعالل شووف
بنتك مدري شبيهاا لك عيني شغل السيارة
بسررعة دناخذهاا قبط صدرهاا الحگ عليةة
تقرب مني خايف يحچي وياي مااگدر ارد
ابو هدوء :: هدوء بابا حبيبتي شبيچ حاچيني
شصاير ويااچ شبيهاا ياامرةة مو هسةة ماچان
بيهاا شي
ام هدوء :: ماادري ماادري مو وقت اسألةة
حجي استعجل فدوة راح تروح مني يمة
بنيتيي
ابو هدوء :: يلة رايح رايح لبسيهاا شي
فوگ هدومهاا بسررعة
_طلع ابووية وامي شمرت العباية علية
ونزلتني بالگوة نزلت ضاگ النفس والهواء
شح عليةةة
الطريق صار شطولة الجام مفتوح والهواء
بارد بس مااحس يدخل لريتي
وصلنة للمستشفى ابوية راد يشيلني
ماقبلت اگدر امشي بسرعة ركض قبلي
تلگوني الممرضين نوموني على السدية
خلولي الجهاز التنفس بقيت استنشق
بقوة شوية وحسيت الاوكسجين يدخل
للرئة
امي يمي لازمة ايدي وابوية كل شوية
يسألني شلون صرتِ واني بس اهز
براسي اطمنهم مستحية منهم حيل
مااستاهل هيچ تعاملوني مااستاهل
اني كسرتكم
بس ارتاحيت طلبت منهم اطلع
انطوني علاج اخذتة و
طلعت والطريق كلة ساكتة
يحچون وياي يردون ارد مااگدر
الربو عندي من اني صغير من
يتغير الجو لو انقهر تتأزم حالتي
اليوم رجعت علية واني صار فترة
مرتاحة منةة
وصلت للبيت رادت امي تصعد
وياي ماقبلت طمنتهم وصعدت
دخلت للغرفة تمددت بفراشي
عيوني ثابتة على السگف
اجتني كفخة على راسي صحتني
لزماني نطفت فرحتي واختفت
الضحكة لچانت مزينة وجهي
كل ذيچ الفترة الفاتت شعور
كئيب اجتاحني
بلحظة طيش وضعف مني سويت
لسويتة شنو فكرة عني هسة اكيد
راح يگول شلون اكون عائلة مع هالبينة
الطايشة هاي چان ناوي يخطب غيري
بحركة غبية مني خليتة غصبا عنة
يخطبني لان هو ابن اصل ماراد تخرب
سمعتي وخاف اسوي الأضرب، من حبة
واحترامة لأبوية طلب ايدي
اي هدوء يعني هسةة هو مجبور عليچ
انتِ حاليا بنضرة لاشي طفلة مراهقة
طايشة على شنو فرحانة كان واضح
هالشي بنظراتة بيوم العقد بس الفرحة
چانت عاميتني وماگدرت احلل شي
بدة مفعول الدوة الأخذتة عيوني نسدت
ورحت بالنووم گعدت امي تنده بية
فتحت عيني
ام هدوء :: گعدي يمة اذن المغرب
ميصلج تبقين نايمة يلة گومي صلي
وبدلي راح يجينة ضيوف، شلون صرتِ
خوما بعدچ تعبانة؟
_اي يوم گعدت لاأحسن الحمد لله
بس منو يجي؟
ام هدوء :: الشيخ جعفر وامة
_فزيت وحچيت ليشش يجوون؟
ام هدوء :: شبيچ اخترعتي درو بيچ
متخربطة اليوم واجوي يشوفوچ يلة
گومي كافي نوم شينومچ باليل
_عافتني وطلعت واني ضجت هسة
شعدهم يجون شلون اباوع بوجه بعد
هالموقف هذا والله عيب يربي
نهضت غصباً علية دخلت غسلت وتوضيت
بعدها صليت وغيرت ملابسي لبست فستان
بيتي بسيط ولفيت شالي استحي اطلع بدون
حجاب لسة ممتعودة علية كلشي ماخليت
لوجهي احس مالي خلگ بس رشيت عطر
ونزلت بعد ما سمعت صوتهم جوة
لگيت امي تحضر الضيافة من شافتني
حچت
ام هدوء :: يلة حبيبتي تعالي قدميها
اني سابقتچ عيب محد يمهم
_لعد ابوية وين؟
ام هدوء :: صلى وطلع يگول مااريد.
احرج الولد خاف يردون يگعدون وحدهم
_لايوم عفية لاتعوفونة وحدنة ابقوا
يمنة حبابة استحي ترة
ام هدوء :: هسة خليني اروح والله كريم
يلة استعجلي
_عافتني وراحت، اخذت الصينية وتقدمت
اخذت نفس قوي وزفرتة قويت روحي
ودخلت اتمشى بهدوء سلمت ردو السلام
قدمت الضيافة وتقدمت بوست الحجية
شلونچ خالة شبگتني تشمني شم
ام جعفر :: هلا هلا بالغالية هلا بهدوة
شلونچ عيوني
_گعدت بصفها الحمد لله خالة زينة
ام جعفر :: يمة من عرفت بيچ تخربطتي
روحي فرفحت عليچ جبت الشيخ
واجيتج
_حبيبتي خالة متقصرين هلابيكم
ام جعفر :: شلون صرتِ هسة خوما
بعدچ مختنگة
_ لالا زينة اني متعودة على هالوضع
رفعت راسي على صوتة
الشيخ جعفر :: حمد لله على سلامتچ يابة
_رديت واني اتهرب بنضراتي منة،
الله يسلمك اشكرك
ام جعفر :: دادة ام هدوء خلينة نفوت
جوة خليهم يگعدون يسولفن خطية
كابسين غلى نفسهم
_لزمت گلبي بيدي بس لاامي توافق
وتحققت مخاوفي من ردت عليهاا
ام هدوء :: اي حجية تفضلي وياي
_اخذتها ودخلن جوة اني گعدتي صايرة مقابيلة
منزلة راسي واحسب بمربعات الزولية مااريد
اخلي فكري يمةة حمم وحچة
الشيخ جعفر :: هدوء!
_رفعت نضري علية بأستفهام بدون رد
جعفر :: شنو لخلاچ أتعبين هيچ الوالدة گالت
متتأزم حالتها هيچ بس من تنقهر شصار؟!
_شنو اگلة شنو احچي اكتفيت بالسكوت
جعفر :: راح تبقين ساكتة هيچ سمعيني صوتچ
_شحچي
جعفر :: ليش تعبتي ؟
_متعودة مو شي جديد
جعفر :: من الفيديو صح؟
_نهضت احچي بخنگة، رجاءاً انسى الصار
اترجاك شيخ لحظة طيش وندمت عليهاا
ومادام بعدنة بأول المطاف نگدر ننهي كلشي
جعفر :: نهض على طولة وتقدم علية،
بس اني مااريد هيچ
_لعد شنو تريد شنوو اني غلطت وانت
نجبرت خلينة نصحح الغلطة وننهي كلشي
وكافي احراجات فدوة
جعفر :: هدوء ليش تصعبيها علية
_انتَ لاتصعبهاا انت، اني لاحظت هالشي بيوم
العقد بس حاولت اتغافل وانسى فعلتي ومن
دزيت الفيديو صحيت على نفسي انتَ
وعيتني اني ممنونة منك بس مااگدر اكمل
بعد مااگدر
جعفر :: مو بكيفج مادام دخلنة بهذا الطريق
نكملة سوى ونبدي من اول باية الى ان نوصل
للنهاية
_واذا وگعت؟!
جعفر :: تفائلوا بالخير تجدوه، يمكن حركة
مو حلوة مني دزيت الفيديو بسس
_بس شنوو
جعفر :: ماكو شي لاتفكرين بالموضوع
خلاص انسي واني اسف بسبي تعبتي
_لا انتَ شعليك بسبب افعالي
جعغر :: خلاص لا تلومين نفسج
انسي الفات فكري بالقادم
_الله كريم
جعفر :: يلة اني اروح الوالدة شكلها
جرتها سوالف ممكن تصيحها بلة زحمة
عليچ
_صار، عفتة وطلعت ناديتها سلمت عليها
وصعدت بس دخلت للغرفة وگعت دمعتي
شلون اكمل شلون وهو مامقتنع بالكلام
ليگولة احسة يهون علية وهو يريد احد
يهون علية
يگلي نبدي من اول باية ميدري اني وگعت
قبل لااصعد اني ادمرت بس ميريد يجرح
مشاعري كلامة شكلة وعيونة تگول غير
شي
يخاف لااسوي بنفسي شي ويشيل ذنبي
برگبتة ويخاف على سمعة ابوية، والا اني
اصلاً مو ابالة اخخخخ يالندم ياكل بگلبي
الفجر هم دگ علية وقت الصلاة
رفضتة ودزيتلة لايك يعني گاعدة
شافة ومارد گمت بكسل توضيت
وصليت ورجعت نمت
ثاني يوم اشتغل اني وأمي بالمطبخ
نسوي الغدة قبل لايرجع ابوية
من شغلة ردت أشوف ردة فعلها
على الموضوع حچيت بتردد
يمةة
ام هدوء :: هاا
_يوم شتگولين اذا نطول فترة الخطبة
بعد احس اريد اتعرف عليه شو مبين
صعب هو چني تورطت، درات وجهه
علية بعصبيةة
ام هدوء :: هدووء سوالفچ بطليهاا
شنو صعب وما صعب من تقدم الچ
وانتِ تعرفين بيه ملتزم ومو كلشي
عندة مباح بس الولد طبعة حلو
خلقة واخلاق ومتدين لا تضلين تطلعين
سوالف تعبانةة اطول الخطبة مااعرف
شنو وبعدين مو وراچ دووام انتِ شنو
تتزوجين بنصف الدوام؟
_على كيفيج يووم هسة شگتلچ وعصبتي
بس اني ماارتاحيت ماعرف شبيه
والله احس نكسرت فرحتي مااگدر
اكمل حبابة يمةة
تقربت علية بخوف متعجية
ام هدوء :: يمةة بنيتي شبيچ ولج.
عين وصابتچ والله اليوم اخذچ للزيارة
نزور وادخلج عد ابو الجوادين وشوفي
گلبچ شلون يبرد وترتاحين
بس لاتگولين مااريد ولاتبچين
فال موزين عليچ ولچ والله الشيخ
وردة هسة اني مو عمتة مااگدر اگلة
بأسمة من كثر مافارض هيبتة واحترامة
يمة يحسدنچ عليه والله وگولي امي
گالت
_اووف الله يسمع منچ
ام هدوء :: امين يلة همي ايدچ
_ هزيت راسي واستمريت اشتغل
واني فكري سارح لو اگلها اريد افسخ
تحطني وتكتلني
اويلي عليچ هدوء دخلتي نفسچ بمتاهة
لاتگدرين ترجعن ولاتگدرين تكملين
ومدري شلون راح تصفة
خلصت شغلي وصعدت مااشتهيت
اتغدة امي حجت وية ابوية على
الزيارة ةماعارض گال العصر
اخذكم
حاولت اشغل نفسي لحدما يصير
العصر راح اموت من التفكير
فرغت كنتوري ورجعت ارتب
بيه، سمعت تليفوني اجتي رسالة
غلست وكملت شغلي اجت وحدة
ثانية نهضت اشوف منوو
لگيتة هو مراسلني كاتب
السلام عليكم
والثانية يسأل
شلونچ يابة هدوء شلون صرتِ
شگد حلوة كلمة يابة من لسانة
بس اخخخ احس لهفتي راحت
شي بية نكسرر مااعرف يتصلح
لولاا
شمرت التليفون بعد ما سويت تفاعل
للرسالة بدون رد ورجعت كملت الغرفة
ورتبتها دخلت سبحت وحضرت روحي
لبست فستان اسود وبيه وردة صغير
بيضة وشال ابيض وحذاء رياضي مااحب
البس كعب مااخلي مكياج اني امي متقبل
رشيت عطر ونزلت لگيتهم جاهزين
اخذنة ابوية للامام وصلنة وشفت الگبة
من بعيد تمنيت اوصل سريع واذب همومي
عندة نزلنة ابوية وراح يخلي السيارة
بالگراج ورجع علينةة جايبة ملفع صلاة
لبستة ودخلنة للصحن بعد ما فتشنة
امي لازمتني تخاف علية بس وصلت
للحضرة عفت ايدهاا ورحت حضنت الشباك
ودموعي تنزل
سيدي مولاي يا مظلوم يامسموم اجيتك
اليوم وانتَ باب الحوائج اريد حاجتي
منك سيدي اريد تبرد گلبي وتنور طريقي
سيدي احلفك بجدك الحسين الشهيد اذا
الية بيهاا خير سهلها مولاي واذا بيها تعب
وذلة وخراب عرقلها سيدي انت باب الحوائج
عند الله ومترد احد واني طلبتك
بقيت ابچي وادعي بخفوت مااريد امي
تسمع وتبقى تحقق وياي فترة طويلة
بقيت على وگفتي لحدما امي سحبتني
بست الشباك ورحت وياها تباوع لعيوني
مستغربة واني اتهرب لزمت كتاب الزيارة
وبقيت اقرة
ويعدها صليت المغرب لان اذا وصليت
صلاة الزيارة وبقيت ادعي امي مااحجت
وياي عافتني براحتي لحدما صار وقت
الطلعة لاتفقنة عليه گمنة نروح طلعت
واحس ذبيت حمولي هناا كلهاا
لگينة ابوية منتضرنة من شافني
سالني
ابو هدوء :: شبسچ بابا ليش عيونچ حمر
شنو چنتِ تبچين؟
ام هدوء :: اي تاهت مني ولگيتها تبچي
عبالها عفتها ورحت
ابو هدوء :: غير اديرين بالچ عليهاا صدگ
تحچين حجية
ام هدوء :: شسوي ياعيني ازدحام وتعرف
النسوان شلون هوسة بس بسرعة لگيتها
بس هيةة جبنانة تدري بيهاا
ابو هدوء :: وهسة شلونچ بابا خوما
خايفة
_هالالا مابية شي يلة خلي نطلع
ابو هدوء:: تعالو نروح لهذا المطعم قريب
من الامام نتعشى ونروح
_اخذنة لمطعم باوعت فوگ اقرة اسمة
مطعم الجوادين بية طبع ماادخل مكان
اذا مااقرة الاسم يلة
گعدنة وطلب ابوية جاب لفات كباب
ومقبلات اكلت لفتي كلها چنت جوعانة
لأن ماتغديت احس هسة نفتحت شهيتي
وهم وانزاح من صدري حچت امي
ام هدوء :: هااچ هاي لفة اكليها انتِ
بدون غدة بلكت تسمنين شوية صايرة
شضعفج
_لا يمة وين اگدر بعد شبعت شنو مستحية
قابل
ابو هدوء :: اكلي بابا وجهج اصفر ماعاجبتني
هاليومين يلة اكليها لخاطري وشربي العصير
_ماردت اخجلهم اخذتها واكلت منه ماگدرت
اكملها عفت نصها اخذتها امي وياها لفات بعد
سفري تدري بية اجوع باليل وانزل ابحوش
حاسبهم ابوية وطلعنة تمشينة بشارع
الامام اخذنة حلويات وعجبتني مسبحة
الكترونية اخذتهاا هم ومحبس حلو
بيه شذرة زرقة لبستة امي الية وعجبها
اشترتة كملنة كلشي ورجعنة للسيارة
وصلنة للبيت وقت متأخر بس عزلت
الغراض صعدت بدلت وتمددت بفراشي
دگ تليفوني نوب كاتبة عليه
شيخ گلبي
هجم بيتي كون رديت لان زحمة
جعفر :: السلام عليكم شلونج هدوء
_اهلا بيك شيخ اني زينة الحمد لله
جعفر :: شلون صرتِ
_احسن
جعغر :: شبيچ بس لابعدچ زعلانة مني؟
_ها لا بس تعبانة چنت طالعة وهسة رجعت
جعفر :: طالعةة! وين رحتِ
_ضايجة واخذوني اهلي للكاظم
جعفر :: (عليه السلام) مقبولة زيارتچ
_اشكرك
جعفر :: بس كان المفروض تنطيني علم
صح هدوء لو اني غلطان؟
_ماادري ماانتبهت
جعفر :: وهاي اني انبهج حتى لايصير
عليچ حرام من تردين تطلعين بلغيني
_ان شاء الله
جعفر :: مبين حيل تعبانة بالگوة تحچين وياي
_اي تعبانة ونعسانة
جعفر :: لعد اروح اني تصبحين على خير يابة
_اجمعين الله ويااك، غلق التليفون
واني الوم روحي على اسلوبي الجاف
وياه شبيچ هدوء تخبلتِ فوگ سوايتچ يعني؟
لمفروض هو يثگل عليه مو اني اصلاِ
ماالي حق لااضوج ولاازعل اني لفرضت
روحي عليه وهو زين منة عمل بأصلة
وخطبني ويحاول يماشي الوضع حتى
نكمل
بس يمكن حقدت عليه من دز الفيديو
چان يگدر يضمهاا بگلبة لو تمر فترة
يلة يخبرني ليش كسر فرحتي ليش
هاي لمااگدر اسامحة عليهاا هاي
من بعد هاليوم گطع لااتصال ولارسالة
اشتاقيت الةة وگلبي رجع يلوب عليه
ادخل لصفحتة واگلب بالصور واضعف
اريد اخابرة بس الزم نفسي مااريد
اتندم مرة ثانية
يومين واجت امة جايبة فلوس الملابس
وحددو موعد العرس بعد عشر ايام
امي ماعارضت وسألتني گدامها رديت
بكيفكم وگمت ضايجة حتى ماكلف
نفسة يبلغني بالموعد بنفسةة شگد خشمة يابس
التهيت بهاي الأيام اجهز اني وأمي شگد
تمنيت شفق وياي بس الصار وياها ماخلاني
اكلفها البيها كافيهاا وعاذرتهاا اني
كملت كلشي واليوم الحنة مالتي،
گعدت من الصبح البيت مخبووص
اهل امي واهل ابوية كلهم اجوي
الاغاني معلوگة من الصبح احسهم
مكيفين راح يخلصون مني..
تريگت ورحنة اني وخالتي للصالون
چان المكان ازدحام شنوو لزيتن كلچن
تعرسن وياي حتى بهاي غيرة اووي
خالتي رغد :: ولچ صوتج شبيچ انتِ
ترة سمعنچ
_عادي خالتي خليهن يسمعن قابل
حچيت جذب دشوفي كم عرووس اليوم
رغد :: يبوو راح تحسب على العالم كافي
امشي نگعد ننتضر سرانة لاتحچين هواي
موزين عليچ
_سحبتني من ايدي وگعدتني وساعتين
انتضر محد گالت النة هلوو بزعت روحي
نهضت اتعارك لزمتني
رغد :: وين موليةة
_شنوو خالة صارت ب10 صارلي شگد
انتضر شنو دافعين فلووس لو نوة احنة
خليني اروح احاچي المسؤولة
رغد :: گعدي انتِ اني اروح لاننطرد ووين
نلگة حجز بعدد گعدي
_گعدت وراحت هية بمكاني شوية ورجعت
گالت
رغد :: هسة راح يبلشن بيچ لأن حنة
انتِ عادي تتأخرين بس ذني اكثرهم وراهن
زفة لازم من وقت والدنيا بسررعة تظلم
_هم صدگ يعني باچر مايأخرني هيچ؟
رغد :: لايطلعنچ من وقت ومناا اذبچ
لرجلج وافتك منچ
_اخخخ لوما خالتي
رغد :: اي چان شسويتِ؟
_چان عرفت شلون رديت عليچ
بس شسوي اخلاقي متسمحلي
رغد :: چنها امچ مامربيتج عدل بلكت
الشيخ يربيچ على ايدة
_منو گلچ اني تربية امي
رغد :: لعد تربية منوو
_تربية شفق
رغد :: شفق منين
_صديقتي شبيچ ماتعرفيهاا
رغد :: لاوالله مااعرفها ويلة كافيج كلام وگومي
اجت البنية
_هامليتي مني مو محد تحملني غيرهاا
بس شسوي للوقت لخذها مني، ماردت علية
عفتها وكمت ويه البنية
بدت تشتغل بية ردت تسريحة على
ذوقهاا
::-لعد راح اسويها الچ نازلة يعني على
طول شعرج حتى باچر نغير شتگولين
_براحتج حبيبتي، بدت تسوي بيها واني
مستسلمة تحت ايدهاا من خلصت طلبت
مني اشوف
گمت اباوع روحي طالعة اكتل وعلي
شعري الاسود على طولة مجرد رفعة بسيطة
ومكياج نازك يخبل والبدلة بلون السماء
اختارتهاا صحيح فضيحة من فوگ بس
حبيتهاا خالتي ضلت تصلي على النبي
تخاف علية من العين
هاا خالة شلوني بشرفج
رغد :: والله خالة وانتِ ساكتة تخبلين بس
من تحچين تخربين الاول والتالي
_ها هيج صارت لعد راح اسد حلگي
واحرمچ من صوتي العذب
رغد :: تسوين فضل بعد خالتج
_ابتسمت الهاا اعرف بيهاا تتشاقى وياي
اتصلنة على ابوية اجة اخذنة وصلت للبيت دنيا
العصر راسي صاير طبل من التعب بس من شفت
البنات والرگص ندمجت وياهن گومني ارگص
واخذني والواهس شوية وگعدت چانت غصة بداخلي
على شفق ماگدرت تجي بس وعدتني باچر تكون حاضرة بالعرس
شوية واجوي النسوان دخلن يهوسن ويهلهلن
تلگتهم امي وخالاتي رحبوا بيهم تقربن علية
يبوسني امة تقربت مني تحچي
ام جعفر :: هدوة يروحي الشيخ ماگدر
يجي يحنيچ اليووم لأن هسة من دنطلع
اجو عالم ودزلي اعتذر الج وياية
_انقهرت حيل بس مابينت الهاا، رديت
عادي خالة ميحتاج يعتذر براحتة
ام جعفر :: حبيبتي ام عقل الچبير
وينچ دادة جيبي الحنة خلوني احني
بنيتي
اجتِ بنت عمتي خلت الحنة بيدهاا
حنتنتي وتهوس وتهلهل اندمجت
وياها ماردت اكسر فرحتهاا نوب
قطعت الكيكة وخلت قطعة بحلگي
واني هم وكلتهاا وصار الضحك بفلسس
وهية ترد باوعن لضافرچن ولچن لاتحسدني
اني وچنتي
يمة فصوص روبة ياگفاها
وين دورهاا ولکاهااا
گللللوششش
امشنا نشرب دارسين
وخضرت داار الحنين
گللللوششش
وجعفوري طفي لگلوب
خدها يشع ويه الروب.
.....
هاي الرادهاا وهاي
لتمناها بنت الشيخ
لأبن الشيخ جبناها
.....
استمرت تذب كولات وتهلهن
تگلهن صار شهر ادرب عليهم
هوسن وياي لاتفشلني
صدگ تونست بيومهاا وحاولت
قدر الامكان مااضوج نفسي بتصرفة
واطي العذر لأن مااجة بالحنة
ثاني يوم العرس هم نفس الهوسة
مالت الصالون بس خالتي لحت عليها
طلعتني من وقت
سويتلي تسريحة عالية مرفوعة
والبدلة حيل منفوشة اخذتها
ومكياج هادىء وحمرة حمرة
طلعت اخبل عليه واكسسوارات كرستال
لبست حيل راضية على نفسي
اجة ابوية اخذنة اباوع عليه عيونة
مدمعة من تحچي خالتي وياه ميحچي
مخنوگ نعصر گلبي شلون افارگة
نزلني بنفسة للبيت چان هوسة
مااهتم رفع البرنص مني وباسني
براسي رميت نفسي علية حضني بقوة
وصار يشهگ بالبچي نزلت دموعي وياه
يبچي بقوة واني وياه گامن النسوان
يحچن علية وفال مو زين وبنتك يمك
قريبة عليك
ابتعد مني يمسح وجهة لزم وجهي
يحچي بحنان
ابو هدوء :: مودعة باالله بنيتي عسى عينچ
متشوف غير الفرح والسعادة ويكون هذا
زواج خير عليچ ويبقى هذا بيت ابوچ
شمادار بيچ الوقت ترفسين الباب وتفوتين
_مااگدر ارد عليه اخذت ايدية بستهاا
باسني براسي ولبسني گلادة مكتوب
بيهاا اسمي بالانگليزي كلش حلوة
لبسها الية وطلع
واني بعدني ابچي تقربت مني شفق
تحجي علية مسحت عيوني وصاحت
للبنات جابلي المكياج رتبت وجهي
_عبالي متجين
شفق :: اكو وحدة متحضر عرس اختهاا؟
_شبيچ شفق
شفق :: اووووف بيه هواي هسة عوفيني
لتتسألين على حالي التهي بروحچ وتونسي
مو تحقق حلمچ واخذتي حبيبيج
_اي حقچ متدرين الصار احچي بگلبي
مااريدهاا تشيل همي ابتسمت بوجهاا
وتهربت بنضري لأن بسرعة تشك بية
وتعرفني اكذب عليهاا
بهالأثناء سمعت صوت الموسيقى تعلن
وصولهم بسرعة غطت شعري وجهي
بقى طالع اباوع دخلن كم مرة وامة بالبداية
وراها دخل هو چان لابس قاط اسود
وگالب شعرة اول مرة اشوفة بلبس
رسمي طالع يخبل تقدم وگعد بصفي
بدون كلام
كامن يهوسن شوية وهو احسة
متضايق كلساع يصيح امة
اسمعه يگلهاا
جعفر :: يماي طلعي الهم خلي
يبطلون العزف ترة راح اطلع
اطردهم وحق موسى ابن جعفر
ام جعفر :: لك يووم شبيك غير
فرحانين بيك هو مرة بالعمر لتتصير
كلشس ربك غفور رحيم
_عافتة وراحت تهوس شوية
وأشرر الهاا، نهض ومد ايدة الية
يطلب مني اگوم اجتني شفق
لزمت ايدهاا ماقبلت الزمة
عدلتني تقرب هو اخذ ايدي
لزمهاا قوي ونزل البرنص على
وجهي كلش بحيث كلشي
مااشووف
وطلعني شفق وراي احسها ترفع
البدلة خاف اوگع صعدني بالسيارى
وطلعنة چنة وحدنة وهو يسووق
جماعتة واقربائة خبصو الجوو
وهو يحچي عليهم لعرفتة معترض
على الموسيقى جايبينها غصب عنة
والاغاني ميقبل يشغلون وهمة
معاندين
الطريق كلة خلصهاا وياهم مزاود
نزلنة على الاستوديو نزلت خالتي
من السيارة الثانية واجتي ساعدتني
رفعت البدلة وهو لازم ايدي
چان الكادر نسائي تعلمنة على
الحركات واحنة نطبقها من تجي
عيني بعينة هوو طبيعي واني الزم
نفسي بالگوة استحي اخلي عيني
بعينة بس لزمت نفسي علمود الصور
لأن گالن تتحسفين بعدين سوي كلشي
بنفسچ
اخذنة لقطات وطلعنة افترينة الزفة
حلوة چانت قريب المغرب رجعت
السيارات للبيت
نزلوني للبيت بسرعة للغرفة ماگعدت
جوة لان الحجية صاحت صعدنها اكيد
تعبانة همزين كيفيت
صعدت امي وخااتي وياي سألت
على شفق گالن راحت
تقربت امي توصي بية وتحچي واني
بس اهز راسي وراها بوستني وطلعت
اجيت ابچي صاحت بيةة
ام هدوء :: ديري بالچ تبچين من الصبح
اجيبلچ الريوگ واجي لاتخلين بالي يمچ
رغد :: لا هدوة حبابة وتسمع الكلمة
يلة حبيبتي راح يجي زوجج احنة نروح
_سلمن وطلعن واني گعدت اباوع للغرفة
شگد حلوة ونازكة وعطرة بيهاا عرفتة
عطرة كلما اشوفه اشمة بية من بعيد
شگد طيب
مغمضة عيوني استنشق سمعت الباب
نفتح بسرعة فزيت فتحت عيوني
واشوفة گدامي دخل وسد الباب
وراة وطگ الفقل...
.........
::هسة متگلي شعندك راجع هسةة
بعد وقت الشباب كلهاا گاعدة
_كافي يمعود اريد انام راسي
صاير طبل متمل مو وراك دواام
::لاماامل بعدين وين طابگ
السيارة رجلية راحت
_هناك يم ذيچ الخرابةة
::صدگ تحچي يمعود
_كافي شبيك چنك عجوز ماكلين
عشاهاا تعال وصلنةة،
وصلت للسيارة چنت طابگها
يم خرابة وبعيد عن گعدة الشباب
بس يشوفوها تعال وصلنة واني مابية
حيل صعدت متوجه للبيت
صالح عليه محمد چان داخل جوة
يقضي حاجتةة توازة الغبي
محمد :: لك اكرام تعااال بسررعة
_نزلت بسرعة على صوتة اركض
لگيتة واگف ويأشر للگاع تقربت
الدنيا ظلمة كلشي مااشوف
لك شغل الفلاش غبي شكوو
محمد :: جثة هاي اكرام جثةة
_بلة ضوووي، فتح الضوء عليها
بنية مشمورة وسط الخرابة ملفوفة
بچرچف والدم يجري من كل مكان
بجسمهاا
تقربت منهاا صااح بيه
محمد :: لاتلزمهاا اكرام خلينة نتصل
على الجماعة يجوون
_شبيك للك تريدني انتضرهم يعلموني
شغلي وخرر من وجهيي، سحبت الغطى
منهاا چانت جثة هامدة خليت اذني
اسمع دگات گلبها بلكت تطلع عاايشةة
وصدگ چانت دگات گلبهاا خفيفة حيل
شلتهاا بسرعة ارركض اريد الحگ
قبل لاتمووت
لك حمودي افتح الباب بيهاا نبض
استعجل، اجاني يركض فتح الباب
خليتهاا بالكشن الورة وصعدت
بسرعة وهو وياي اجريت
اتصلاتي حتى يستقبلوني
بأقرب مستشفى
علينةة بس وصلت نزلتها اركض
تلگووني ومحمد وراي اخذووها
من ايدي ودخلوا ماسمحولي
افووت ملابسي كلهاا دم
اجاني يركض
محمد :: هابشرر شكالولك؟
_كلشي ماكو اخذوهاا وراحوا
لك محمد دمهاا بعدة حار
مبين مصار هوااي من مشمورة هناا
محمد :: شتگوول اكو كامرات هناكك
اذا ماكو يروح حگهاا
_بس خليهاا تصحى ونعرف شبيهاا
واني اعرف اطلع حگهاا لكك تكسرر الخاطر
طفلةة شمسوين بيهاا الله ينتقم منهم
محمد :: لاتگلي راح تلزمهاا انتَ!؟
_لعد تريدني اعووفها شبيك انتَ
محمد :: اهووو ياأخي موگلت بعد
ماالزم هيچ قضايا شنوو نسيت لصار
اخر مرةة ماتبتب يعني
_شتدري بصاحبك يتوب ولك هذا
شغلي لو ااعرف اخسرر روحي بس
اطلع حگ الناس اسوويها بدون تردد
محمد :: بس هاي المنطقة ماتابعة النةة
خلي يكون بعلمك ماراح يسمحون الك
_ادبرهاا لا تشيل هممم، بعدنة نحچي
طلع الدكتورر ركضت عليه استفسر منة
الدكتور :: استاذ البنية متعرصة لمحاولة
قتل متعذبة للموت ماكو مكان بجسمهاا
سليم والعرفنها هية حامل ومسقطة من
كثر الضرب والضربة على راسهاا مأثرة
بشكل چبير عليها واحتمال تدخل غيبوبة
لو تفقد النضر
_شنوو يعني دكتور ماصحت هسةة؟
الدكتور :: لااخي وين تصحى البنت شبه
ميتة بس الله كتبلها عمر جديد احنة سوينة
العلينة وراح تبقى هاي الايام تحت المراقبة
وادعولها متصيرر مضاعفات لأن الحالة متازمة
كلشش واني هسة بصفتي دكتور ومدير
المستشفى لازم اتصل بالشرطة لغرض
التحقيق لأن گتلك هاي جريمة قتل
_اتفهمتك دكتور طلعت الهوية وقدمتها
اله ويا ال××× اكرام
الدكتور :: اهلا بيك سيدي اعتذر منك
بس لأن لبسك مدني ماعرفت رتبتك
_ماكو داعي للأعتذار هذا واجبك
لازم تأدي بكل امانة ، على العموم
اني راح اسوي اللازم بس حالياً
منگدر نسووي شي لأن البنت فاقدة
اتمنى منكم رعاية خاصة الهاا
الدكتور :: بدون متوصي اترخص منك
_هلاا، تقرب محمد مني يحچي
محمد :: هسة شنو راح تلزم القضية؟
_طبعاً قابل اجذب عليك، اسمع اني
رايح للمركز اضبط الشغلة وراها للبيت
واجيك ابقى هناا وانتبه خاف احد
يسأل او يدوور عليهاا
محمد :: ترة احنة مو بالدوام وتتأمر
علية
_انچب حمودي وسوي لگتلك عليه
اني رايح
قبل لايرد طبعت بسرعة ركبت
السيارة وگبل للمركز بلغت على
القضية وطلعوا للمكان مارحت
وياهم اعتمد عليهم
رحت للبيت كلهم نايمين اخذت
فلووس وكم شغلة وطلعت بدون
صووت
رجعت للمستشفى لگيت الأخ غافي
عالكرسي ندستة محمد محمد اگعدد
يمعوود
محمد :: هاا هاا شكوو صدگ تحچي
اكرام اكو واحد هيچ يگعددد
_گووم روح للبيت اني باقي هناا
محمد :: شعندك باقي ترة لبنية
ماتصحى امشي ارتاح مو تعبان انتَ
_لالا اذا انعس انام هناا وجبت
غراضي ابدل مناا واطلع نلتقي
بالدوام يلة توكل
هو طلع واني دخلت بوحدة من الغرف
چانت فارغة تمددت على السرير
وافكر بحال هاي اطفلة مااعرف ليش
شغلت تفكيري لهدرجة
شگد مارات عليه هيچ سوالف
مااهتم نفس اهتمامي بهالقضية
اكثر من اربع ايام اني مااگعد من
المؤطركز للمستشفى حتى للبيت مااوصل
أريد الزم خيط للقضية مااكو
لبنية لهسة فاقدةة والدكاترة يگولزن اذا
طولت تدخل غيبوبة وااحتمال ماتصحى
لأن الضربة على راسهاا چانت قويةة
وكتالة
بذاك اليووم لحيت على الدكتور ادخل
اشوفهاا لأن بيووم الحادث ماركزت بيهاا
چان وجهاا وجسمهاا عبارة عن دمم
سمح اليةة افووت لبست ملابسهم
وعقمت نفسي ودخلت للعناية
تقربت چانت نايمة والأجهزة
محاوطتهاا من كل مكان
وجهاا مبين منظفينة والجروح
خافة العليه احس نفسي شايفهاا
وجها مألووف اليةة بس وين اكرام
وين؟
تقربت منهاا وركزت زينن وانصدم
لاياااللله نفسهاا البنت لشفتهاا بالشارع
لشردت من زوجهاا ام شعرر الطويل....
شكرا لزيارتكم عالم روايات سكيرهوم
