رواية خيط الدم الفصل الحادي عشر بقلم زينب طالب
شفت حزني يشيعني گبل لا اموت
والجتال ما يدري
ما يدري اليشم دخان هذا المحترگ عمري
..................
شفق
نايمة ماأعرف فاقدة عيوني مسدودة وجسمي
نحلان بس اسمع اصوات يمي اريد افتح ماأگدر
جسمي خامل احسةة سمعت صوت رجال صااح
باااشا جاي تتحرك يمكن گعدت
الباشا :: ذب عليها مي صحيهاا بسررعةة
شگد مطيهاا انتووو
وداعتك شوية بس هية دجاج شركة بسرعة
سنحت
الباشا :: يلة صحيهاا لاتورطنيي يمعوود
_الباشا منوو الباشا معقولةة هوو بعدني
افكر حسيت سطل مي ونصب فوگ راسي
شهگت مختنگة بقيت اجذب النفس بالگوة
المي دخل لخشمي وحلگي اريدد امسح
وجهي مااگدر ادية مقيدة بقيت انفض
براسي ابعد الشعر عن وجهي رفعت راسي
وفتحت عيوني على وسعهاا واني اشووفة
گدامي الباشا صاحب المطعم گاعد مقابيلي
وزلم اثنين منا ومنا واکفين يمةة مثل
الحماية عطت بيههه هااي انتَ؟؟
الباشا :: شنو رأيچ مفاجأ موو؟
_شتررريد مني شتررريد ليش جبتني
هنااا
الباشا :: اول اريد احاسبچ على تجاوزج
وبعدين اكسر ايدچ الرفعتيهاا عليةة
_دگيت رجلية بالگااع واصيح تعالل
افتح ايدي طلعني منااا طلعني لاوالله
ابليك طلعني
الباشا :: ليش منعجب احنة اعتبرينة
ذاك الرجال لترحيلة للبيت
_شنوو قصدك يارجاال وياابيت عيب
عليك تحچيي هيچ تريدد تشووه سمعتييي
الباشا ::: ههههههه ياسمعة لتحچين
بيهاا وانتِ يومية رايحة لبيتةة بس
من طلبتچ بالحلال بعتي علية الشررف
لازم مااصرفلچ ترة بعدني بحيلي
لاتخافين
_حچاها وغمزلي، اخخخ لو ماايدي
مقيدة چاان عرفت شلوون ارد عليك
تعاال افتح ادية خليني ارووح
وبطل هالحركات مو حلوة
للبعمررك
الباشا :: ترحين ترحين بس موهسة
من اكسررچ يلةةة واعلمچ شلون
تتطاولين على اسيادچ
_بلعت ريگي ورجعت ليورة خايفةة
ابد مو وقت صلافة وطولة لساان
لازم مااثير غضبة واني تحت رحمتة
حالياً خااف يسووي لبراسةة شگدر
اسووي واني وحدي
حچيت بهدوء واني اتصنع القوة
ماأريد يشوف الخوف بعيوني،
هسة خلينة نحچي مثل البشر
بلاتهديدات
الباشا :: اهااا واني هذا الأريدة تحچين
نفس البشررر بلاصلافةة
_شتريد مني ؟
الباشا :: أريدچ
_عندي اهل وتعال اطلبني منهم
الباشا :: گتلچ مااگدر انفضح ويوصل
لخبر لزوجتي وأولادي مااريد اخرب
عليهم حياتهم واضوجهم
_لعد عادي عندك تخرب حياتي وتضوجني
الباشا :: ليش تباوعيلهاا من هذا الجانب
ليش متشوفيها من جاانب اخر
_ياجانب التحچي عليه بلةة ترضها
لبنتك تتزوح من وراك بالسرر؟
الباشا :: لاتقارنين نفسچ بغيرچ انتِ
حياتچ تختلف عن حياة بنتي
_شنوو قصدك ليش تختلف لأن
يتيمةة لو لأن اشتغلت بشررف
حتى اعيشش اهلي وماادنگ
رااس واطلب من احد ؟
الباشا :: اهووو شگد اكره التبچبچ
مال النسوان سمعي لچ انتِ مومال
عيني واغاتي اني جبتج هناا وناوي
اكسرچ بس لزمت اعصابي حتى ميصير
الحگ عليةة
توافقين على العرض لعرضتة عليچ
لو أسوي لجبتج على مودة بسرعةة
ردددي ماعندي صبررر ترةة أحچي
_عااط بيه نطقت بسررعة وماعندي
غير خياار موافقة موافقة ابتسم
بأنتصار وگالل متحمس
الباشا :: لعد هسةة نعقد حتى ماترجعين
بكلامچ وياي
_لالا عفية اطيني مجاال الله يخليك
خليهاا غير يووم
الباشا ::: هههههه شنو طفل گدامچ هسة
نعقد مااسويلچ شي رووحي بس لمهم
اربطچ بأسمي حتى لاترجعين بكلامچ
_بس ماعندي مستمسكات شلوون
تعقد اليه خليني ارووح وباچر بأي
وقت تريد اجيك عليك الله
الباشا :: اشششش معليچ اني أدبرهاا
_طلع وعافني بمكاني واني عيوني
صارت تهمل يارب ساعدني يارب
لاتتخلى عني معقولة هاي نهايتي
ازووج هذا الذكر هذا عوضي من الدينا؟!
بقيت ابچي وادعي ربي اكثر من سااعة
وهو ماكو بلكت الله دعمتة سيارة
وماات بعدني مامكملة دعوتي دخل
هو والذكور لوياه وياهم شيخ
من شاف حالتي سأل الباشا
الشيخ :: شنو هاي وينهاا العرووس
الباشا :: هااي گدامك
باوع علية متعجب شاف حالتي
ودموعي توجه للباب يحچي معتررض
الشيخ :: لا اني مااعقد الها مبينة.البنت
مغصوبة مو زواج هذاا اعدام
_طلع متوجه بالباب أشرر لعصابتة
رفعوا السلاح عليه رجع خايف ويحچي
الشيخ :: شدسوي انتَ حرام عليك كلشي
بالاجبار الا الزواج راح يكون باطل صدگني
الباشا :: انت معليك اعقد وولي لاتنطيني
فتاوي بسررعة ترة اطشرر راسك استعجلل
_نخلس الرجال خطية گعد عالكرسي
وصار يحجي صيغة العقد طلب الجناسي
اطاهن الة تعجبت شلون جابهم ومنين
هنة عد أمي مستمسكاتنة
اخر شي سألني باوعت الة خايفة.
غمض عيونة بعجز عن مساعدتي، عيوني صارت
على الباشا يأشر اليه اوفق
ورافع المدس فوگ راس الرجال
نطقت بالموافقة واحس گلبي نقسم
نصين مااعرف ليش اجة على بالي
صارم هههه تعال شوفني شصار
بيهه يلتحچي بالحب راحت من
ايدك لتحبهاا
_بس انتهى من العقد راح الشيخ والحماية
طلعوا تقرب علية فتح ادية مد ايدة
يريد يلزم وجهي دفعتهاا ودرت وجهي
الباشا :: انتِ جبرتيني اسووي هيچ
لو موافقة من البداية مو أحسن؟
_هسة لتريدة صاار خليني ارووح
الباشا :: غير نتفق بالأول
_ماأگدر هسة ااحچي لو أخذ وانطي
وياااك اريد ارووح غير مرة نتفق
لأن نفسي لعبت كلشش
الباشا :: صار عمري گومي خليني اوصلچ
_ماعارضت لأن مااعرف اني وين
اصلاً لو شلون اوصل للبيت، مد
ايدة يساعدني اگووم مالزمتها
عفتة ونهضت وحدي جسمي
يوجعني حيل طلعت وهو وراية
أشرلي على مكان السيارة
فتحت الباب الورة ، صااح عليةة
الباشا :: تعالي هناا يمي غير
صرتِ زوجتي بعدد
_ما رديت عليه صعدت ورة
وطبگت الباب حيل طول الطريق
ساكت ماحچة قريب البيت
گتلة نزلني براس الشارع
الباشا:: ليش؟
_مااريد احدد يشوفني تريد
تجيبلي لحچايةة نزلني هناا
گتلك
الباشا :: مااشي براحتچ لاتعصبين
بأجرر وين الگااچ اريد احچي ويااج
حتى نرتب وضعنةة
_ موو بااچر مااگدر هسةة
الباشا :: اهووو راح تبقى تإجل
شوكت لعدد
_اختي مختفية ومااعرف بيهاا وين
لو شمسووين بيهاا من الگاهاا شتريد
يصير الله يخليك لاتضغط عليه اكثر من
هيچ
الباشا :: وليساعدچ تلگيهاا؟
_اكون ممنونة مننك وشتريد يصير
بس خليني اشووفهاا
الباشا :: واني على هذا كلامچ راح
اسووي المستحيل حتى الگاهاا
بس مااريد هاي العيوون الحلوة تحزن
_شكرا يلة ارووح اني، نزلت من سيارتة
الدنيا چانت ليل مااعرف الساعة شگد
بالضبط، دخلت للبيت لگيت امي ووليد
بالهول ياكلون فواكه ويتفرجون مسلسل
شافتني صاحت
شهام :: شرفت المسعدة وين چنتِ ولچ
ومنو ذولي الأجونة اخذو جنسيتچ
شصخمتي من ورانةةة
_ تاكل وتحچي وياي، علسااس هامتچ
اني وتسألين بعدين گاعدة هناا ومتونسة
ومتعرفين بنتچ وين وداهاا ذاك الكلب
شنوو من گلب لعندچ لخاطر الله البزونة.احن
على جهالها منچ
سهام :: واني اگدرلچن عمي ذيچ مدري
شصخمت وشردت من الرجال وانتِ
النهار كلة دايحةة بالشوراع شلت ايدي
منچن بعدد لاتطالبيني لابالحنية ولابالأمومة
لأن دفنتهاا وية ابووچ
_هاا هيچ الحچي لعدد معليچ بية
ولاتسألينى وين ارووح وين اجي
عينچ على الطلي مالچ لايشرد وكفيني
شركم
وليد :: هسةة اني يمچ شكوو تتجاوزين
ليس تخليني احطچ بعقلي اتكفي شري
شفق
_والله زمن اغبرر لخلة واحد مثلك يوليد
يهددني بيت ابووية أخخخخ من الدنيا
شلوون دوارة
وليد :: حقج حقچ قبل سنتين ابووچ
هناا وهسةة اني بمكانة صدگ دنياا
دوارة شتحچين ماألوومچ گلبچ محروگ
سهام ::هسة ماگلتي منوو ذولي الاجوني
واخذوا بطاقتچ شصخمتي احچي
_معليچ يمة معليچ لاتسألين لإن اذا
نفكيت بيچ مااخلص عوفيني بحالي
عفتهاا وفتت للغرفة واسمعها تصيح
عليةة وتدعي
وين أروح وين اطي وجهي
شسويت بروحي اني شسويت
تزوجت بكل صلافة وجايةة أخخخخ
يابةة اخخخخ بقيت ساعة الوم بنفسي
وساعة اعتب على ابوية وبيبي وساعة
ابچي لحدما تعبت وغفيت بمكاني
گعدت الصبح سبحت وصليت وطلعت
همة نايمين ميدرون الساعة بعدهاا بثماية
اجرت ورحت افتر بالمستشفيات اكثر
من خمس مستشفيات اسأل عليهاا وماكو
مل الرجال صارت الضهر وماحصلت شي
گتلة وديني للأمام الكاظم(عليه السلام)
واطيك الكروة ماگال شي اخذني
وعيني عالشياك اباوع كل عقلي
اشوفهاا بالشارع، لحدما وصلنة
حاسبتة همزين عندي فلوس
محسبة حسابي
نزلت قريب الأمام احس راح اوگع
من طولي لااكل ولاشرب بسرعة
اشتريت لفة اكلتهاا واني واگفة
وشربت چاي ومي حسيت نفسي احسن
مشيت اباوع للناس والمحلات شگد
حلوة صارلي شگد مجاية هناا من حياة
بابا قبل لااوصل شفت الگبة الذهبية من بعيد
نزلت دموعي امشي وأبچي احس الناس
كلهاا تباووع علية ردت افوت
حچة وياي هذا الواگف بالباب
::اختي البسي شي ميصير تفوتين هيچ
_انتبهت لروحي عزة بعيني لابسة بنطرون
وبلوز والشعر مضفور شگد عيب علية هسة
شيگولون رحت بسرعة اشتريت احرام صلاة
ولبستة ودخلت فتشوني وفتت جوة
بس دخلت للحضرة احس نشرح صدري
ركضت للشباك لزمتة بقوة وصرت ابچي
بصووت عالي وادعي ياموسى ابن جعفر
اريد اختي بس اعرف وينهاا والله مااريد
شي ثاني غيرهاا أريدهاا خطية هية
صغيرة والدنيا ما نصفتها ياباب الحوائج
اختي اريدهاا منك بجاهك عند ربك
احس نفسي مااعرف ادعي شيجي على
لساني احچي النسوان من يشوفن البچي
مالتي يمسحن على راسي لو يصبرني بكلماتهن
يمكن ساعة اني لازگة على الشباك لحدما
احس همي نزاح رحت اخذت تربة وصليت
صلاة الضهر والزيارة وبقيت اسبح شوية و
حسيت نفسي نعست حيل باوعت منا ومنا
وشفتلي زاوية رحت وحشرت نفسي
لاتشوفني ام ريشة وخليت ادية جوة
راسي وغمضت عيوني ونمت مرتاحة
ماأعرف شگد مر وقت حسيت اخد
يگعدني فتحت عيوني وشفتت ام ريشة
فووگ راسي بقيت صافنة بوجهاا أريد
استوعب وين اني حركت ايدهاا مقابل
وجهي وحچت
:: خليتچ هواي نايمة يلة حبيبتي گومي
ميصير هناا تنامين گومي
_أي أي گايمة عافتني وراحت
گمت واني احس نفسي صرت خفيفة
وصدري منشرح رحت بست الشباك
وطلعت بقيت اتمشى شوية بالسوگ
باوعت اشتهيت حلاوة رحت اشتري
طلعت فلوسي ميكفن يادوب كروة
انسحبت ورجعت ركبت تكسي
للبيت وصلتني الدنيا مغرب والشمس بدت تغيب
نزلت قريب البيت والگاه واگف
من شافني صااح
صارم :: ها شبعتي خوارة
_باوعتلة صفح ومارديت عليه مشيت
وعفتةة
صارم :: شبيچ هيوو مو احچي ويااچ متردين
_موزعلان انتَ شكو هناا يلة روح
صارم :: الزعلان يصالحوه لو يطردوه
_اذا مثلك ينطرد، بعدين لتحجي وياي زوجي ميقبل
صارم :: ههههه خوش نكتة هااي منو يحملچ انتِ
بس اني احملچ وداعة عيونچ
_ضل استهزء انتَ الااصدمك وازوج وانتَ ضل
مثل المخابيل كلسااع برأي
تعصب وسحبني من ايدي ويمشي بيه
عزة بعينك وين ماخذني عوفي يمعوود
اباوع منا ومنا لحد يشوفنة وخرر صارم
العالم مناا وخررر
صارم :: اششش امشي الا اگص لسانچ
على تجاوزج هذا امشششي
_املص ايدي منةة لازمني قوي ميعوفني
كلساع اتعثر وهو ولا مهتم كم شخص
شافنة بالشارع استغرب حالنة وهو ولايمةة
لحدما وصلنة لبيتة دفع الباب ودخلني
شمرني بالطرمة وگعت على وجهي
تأذيت رجع گومني بقووة يصيح بوجهي
بعصبيةة
صارم :: كم مرةة گتللچ لاتتجاووزين
ليش تخليني أذييچ شفققق
_دفعتة حيل وعطت بيه انتتتَ شبيك
تخبلتتت شلوون تسووي هيچ وين گاعددين
احنةةة ترةة والله طيحتوا حضي وشوهتوا
سمعتييي الناس صاررت تباوعلي بالعين الصغيرة
الله ينتقمم منكم، أنهاريت كلشش گعدت على
حيلي وايدي على عيوني وأبچي بقوةةة
من شافني هيچ انهاريت تخبل تقرب يمي
ويحچي مخبووص
صارم :: شفق شفق حبيبتي لاتبچين والله
موقصدي اصيح عليچ لو أذيچ بس انتِ والله
برعة حبيبتي تجبريني اتسوودن عليچ
ليش تتجاوزين عليةة
_رفعت راسي امسح بدموعي واحچي
صارم انتَ اكو خيط براسك ترة خبلتني
صارم :: شبيچ شمسووي هااي لأن احبچ
شبيچ شكلچ يبچي كلما اشوفچ
_البية ميتسولف عوفني بضيمي طلعني
من راسك يااخي اني حياتي هووسة
مو ناقصتك ترة؟
صفن بوجهي ساكت وراهاا گال
صارم :: تتزوجيني شفق؟
_هاي شبيك انت اگلك عوفني تگلي تزوجيني
بعدين اني متزوجة
_اخذ ايدي عصرهاا حيل حسيتها راح تنكسر
بأيدة
صارم :: أسكتي اسكتي لا تگولين هيچ ولچ انتِ مالتي وحق علي الفحل الياخذچ اكتلچ واكتلةة
_سحبت ايدي منةة هااي شبيك والله احچي
جد اني البارحة عقدت
گام مني يدفر بالباب ويصيح فضحنة
صارم :: جذابة جذابة تردين تحرگين گلبي
اعرفچ خبيثة اي اعرفچ
_كاافي عااد كافي خليني احچي ويااك نفس
البشررر شبيك بس تعيطط ترة اعوفك واروح
والله البية كافيني تررة
اجة گعد قريب مني مسح وجهة يهدي بروحة
صارم :: يلة احجي اسمعچ بلة شتحچين هاي
جاي اسمعع بسرعة بسرعة احچي
_انت تعرف اني چنت اشتغل بهذا المطعم
صارم :: اي اعرف واعرف بطلتي هم كملي
_بس متعرف ليش بطلت
صارم :: غير انتِ متحچين منين اعرف؟
_مثل ماانت ماگتلي شگلك ابو عماد اني هم
مااگلك
صارم :: لاتخليني اسب حتى ابو عمااد كمللي
_اي بطلت لإن طاحب المطعم طلب مني الزواج
بعدني ماكملت گام مثل المهبل يدگ علة راسةة
صارم :: وافقتي ولچ وافقتي اي عندة فلوووس
طبعاً توافقين
_اهوووو اصبر ترة لعبت نفسي، لاماوافقت
وعرفتة قيمتة لأن رادني بالسرر يعني مجرد
رغبة لااكثر ولااقل
صاؤم :: ياعلي دخليك ولچ كملييي
_ البارحة من عرفت الصار لأختي ونهاريت
عليهاا طلعت من البيت المغرب ادورها وفتت منا
طبگت علية سيارة وخدروني وخطفوني
صارم :: شسوولوچ؟!
_هددني لو يعتدي علية لو اعقد واني مستحيل
اقبل بالحرام وافقت اعقد غصباً علية وراها
رجعني للبيت بس يلگة أختي ياخذني
صارم :: وانتِ عادي عندچ ترحين ويااه؟
_لاطبعاً مستحيل اقبل بس جاريتة لأن
هو شيطان ومااستبعد منة يكسرني حتى
يشبع غريزتة
بقى يباوعلي بحيرة على غضب على كسرة
رد حچة
صارم :: زين اذا هذا كلشي مصاير تتزوجيني؟
_لاااني ماافكر بالزواج صارم اني حياتي
هوسة بعدين شعرف عنك واتزوجك انتَ
كتلة من الغموض شلون اربط مصيري
ويااك
صارم :: اذا تقبلين اخچيلچ كلشي
_بقيت ساكتةة مارديت عليه، نهض وگال
صارم :: ابقي هناا اني هسة اجي
_وين ابقىى خليني ارووح، عاط بية
صارم :: گتلچ ابقي مااكلچ شووية وراجع
وراهاا ولييي
_صارت ظلمة واخااف هناا عفية بيتك
يخووف خليني ارووح شتريد مني
صارم :: تخافين مااصدگ بلا مياعة وگعدي
وسكتي شوية وراجع
_عافني وطلع قفل الباب من برة،
الدنيا ظلمة وباردة واني گاعدة على الكاشي
اصوات بزازين يمي البيت من جوة يخوف
مااگدر ادخل عبالك بيت اشبااح وصوت
الصراصر مزعج ويصد بأذاني خفت وضجت
بنفس الووقت نص ساعة وهو ماكوو
نهضت على حيلي خليني اتسلق واعبر من الباب
هذا سالفتة مطولة تقربت من الباب
وسمعت صووت قريب بسرعة
ؤطرجعت ليورة نفتح الباب بقوة
دخل هوو بس ماكان وحدة
فتحت عيوني على وسعها متعجبة
واني اشوف الباشا بيد صارم سحبة
من ملابسة بقوة وشمراه للگاع
رفغ راسة وشافنيي لو انجن تقررب
مني بسرعة سريد يضربني وگف
صارم بوجهه
الباشا :: لچ حقيررة دازتلي صاحبچ
يجاووز عليةةة ويهيني گدام الناس
كلبةة الا اطيح حضضچ اهخخخ تمنيچ
بيدي هسةةة
لزمة من رگبتةة بقوة وذاك صار احمر
يرافس بين اديه
صارم :: أسمع لك لا تتسبع عليها گدامي
هسةة تتصل بالگواد العقدلك يجي حتى
يفسخ العقد قبل لاافسخ رگبتك عن جسمك
ترة مخبل وأسويهاا
_اچر بأيدة اريد يعوفة راح يمووت ونبتلي
بيه، صاارم عوفة هااي شبيك عزة بعيني راح
يمووت ونبتلي عوفة فدوة
باوعلي ويحچي بعصبية
صارم :: شنو ولچ خايفة عليه؟
_لااا اخااف عليك لاتبتلي بيه عوفة
لخاطري، باوعلة خزرة ودفعاه بقوتة وگع
بالگاع يتنفس بصعووبة ووجهة احمر ويرجف
صارم :: هاي لخاطرچ يلة لكك بسرعة اتصل
خليهم يجبوة لاادفنك هناا ومحد يحس عليك
_حچة هيچ وطلع المسدس من حزامة يهدد
بيه ذاك وجهه نبلع من الخووف بدون كلام
اتصل بشخص وطلب منةة يجيب الشيخ
تقربت احچي وياه، صارم خاف يجون جماعتة
يإذنوونة عفية لو ننفضح بالمنطقة
صارم :: اكثر من هيچ فضيحة مااتصور
بعدين لاتخافين مستحيل يخليهم يشوفوه
بهالمنضر
بس خلي نخلص منةة واني اعرف شلوون اسد
حلوگ العالم
_شتسوي؟
صارم :: معليچ كم مرة گتلچ لاتصيرين فضولية
_باوعتلة صفح ودرت وجهي منة اجت عيني
بعين الباشا چان الشر يطفر من عيونةة
يهز راسة بتوعد خفت من نضراتة انتبه
عليه صارم صااح بيه
صارم :: نزل عيوونك لككك لا افگزهن
_خلسة بمكانة گبر شگد جبان گادر على
النسووان، نص سااعة وندگ الباب طفر صارم
لزمة من هدومة يهدد بيه
صارم :: اسمع لك هسة تطلع مثل الحباب
تدخل الشيخ لهناا وچلابك يبقوون برة واذا
سويت اي حركة متكلفني طلقة ترة دير
بالك تلعب بذيلك ترة أگصة الككك
_يهزز راسة خاايف ولاچنة هذا الباشا ليدخل
للمطعم كلها توگف استعداد الةة نخاف اذا
قصرنة بشغلنة يعاقبنة لو يطردنة هسة چنة
فارة تحت ادين صاارم المخبل
گام نفض هدومة وعدل نفسة فتح الباب
وطلع شوية ورجع وياه نفس الشيخ
باوعلي وتأسف لحالي ماحچة شي
من شاف السلاح بيد صاارم
صااح بيه
صارم :: طلع الجنسية لكك صاير
شقاوة علينة تدخل بيوت الناس
وتاخذها عينك عينك
الباشا :: ترة ميصير لتسووي صارت
زوجتي انت منوو حتى تتدخل
_تقرب منة خلة المسدس براسة
صارم :: اي اي كمل طلع حسك واخيرا
ودافعت
الباشا :: هسة اني احچي وياك بهدوء وخر
السلاح ترة الشيطان شاطرر
صارم :: انتَ الشيطان ولك من تستقوي على
طفلة وتهددها وتجبرها تتزوجك انتَ الشيطان
اسمع لك ترة بالگوة طايقك اني لو بيدي
افجر راسك هسةة فخلصنة بلا لغوة لاتعم على
روحك يلة حباب
الباشا :: لعد بس احچي وياها شووية
ولتريدة يصير
صارم :: ولاحتى تباوع عليهاا جيب البطاقة
واسمع الكلام لا ادفنك هناا
_سحب الهوية منةة اطاهاا للشيخ
وأشرلة يبدي كمل كلامة گلة ارمي
اليمين باوعلي يتوعدني بنضراتةة
ونطق
الباشا :: انتِ طالق
صارم :: ثلات مرات
الباشا :: انتِ طالق طالق
_عفيةة بالشاطر يلة اخذ شيخك وجلابك
البرة ومااريد المح ضلك واذا تقربت منها
لو بس تفكر بيهاا اعتبرة اخر يووم بعمرك
سامع
_طلع بدون ميجاووب والشيخ يباوع علية
يريد يحچي تقدم منة صارم خلة ايدة
على كتفة وگال
صارم ؛: وانتَ شيخ اعذرني ماارتاحيت الك
توكل وراة وبطل هالشغلة احسن الك
_يااا عززة هاي شبيك شعليه الرجال
باوعلي خزرني سكتت وصلة للباب ورجع
عليةة لزمني من ايدي قوي ويحچي
بضووجة
صارم :: كافي فرارة بالشوارع ترة ماميتة
من الجووع شفق گعدي بالبيت وستري
على نفسچ لاتصيرين غبيةةة
_عتيت ايدي منةة انتَ شبيك ترة اني
مابطرانة وافترر غير ادور اختي مدري
وينن راحت لو بيبي لعافتني وحدي
صرت اكره اگعدة البيت اكرهاا
صارم :: شفق بس سمعي مني اختج
اني ادورهاا وبيبتچ ترجع مصيرها تمل
وترجع بس سمعي كلامي
_وانتَ منو واسمع كلامك صاارم شو
انتَ عايش الدوور كلشش
صارم :: اني احبچ وغصباً عنچ تتقبلين هالشي
لحدما تحبيني وتجين تطلبين ايدي واگلج
خليني افكررر
_ههههه والله ضحكتني اسمعني اصلاً اني
شغل من بطلني هذا بعد مادورت بس طلعت
ادور اختي وصار الصار شذنبي يعني
صارم :: شنو اختچ تايها وادوريها شو انتِ
غبية حبيبتي
_لاتغلط احسلك لعد وين ادورهاا حتى بالمستشفسات دورتهاا مالگيتهاا
صارم :: تعالي گعدي سولفيلي شنو قصتها
وكلشي يخصهاا وخلي الباقي عليةة
_باوعتلة بحيرة ماعندي غيرة لأن وحدي
كلشي مااعرف اسووي گعدت بالگاع گعد
قريب مني وسولفتلة كلشي ماخليت شي
ماحچيتة الةة من مقتل ابووية لهذ اليوم
احچي وأبچي وهو يسمعني ويدخن ماخليت شي
ماحچيتة حتى معاملتة امي ورجلها وشلون
طردت بيبي وشلون عانيت بالشغل وشلون
زوجت جوري وبيا طريقة كلشي كلشي
حچيتلة مااعرف ليش هيج سويت بس
حسيت اريد احد استند عليه اريد احد
يشيل ولو شوية من همي اريد احد
يساعدني بس خلصت كلام مد ايدة
مسح دموعي رجعت راسي
وخرر لاتلزمني حرام عليك
صارم :: ومو حرام الصاير ويااج؟
_هذا قدري شنو تسوي بعدد
صارم :: وداعة هالعيون الوگعني احلهن
الچ وحدة وحدة بس خاطر اشوفهن
يضحكن
_ابتسمت بوجهه وگمت لحيلي، شكراً
صارم لأن خلصتني منةة هسة خليني اروح
صارم :: هاتعرفين تحچين حلو لعد شبيچ
وياي
_هااا بدينة ومر خليني اطلع
صارم :: اني اوصلچ بعدد لاتطلعين وحدچ
هالمرة سلمت المرة الجاية متعرفين شيصير
_يلة تعال بس امشي وراي لحد يشوفك
صاؤم :: صارت بالعكسس نوب ولي لج
_طلع قبلي واني وراه يمشي واثق من نفسة
انتبهت عليه ولايسلم علة احد شنو معقولة
ميعرفهمم وهو مبين الة زمان هنا گاعدد
ياالله راح يخبلني هالرجال احسةة عبارة.
عن غموض احتاريت اعرف شي عنةة
وصلني للبيت فتت يلة راح دخلت البيت
اباوع شگد وسخ صارلها شگد ممنظفة
دخلت بدلت ملابسي لبست دشداشة
قصيرة ولفيت شعري طوبة وتحزمت
على اابيت مخلليت شي مانظفتة طلعت
كل حرگتي بي بس غرفتهم مادخلت
الهاا لليل كلش يلة خلصت دخلت اخذت هدوم
اريد اسبح وانام هلكت دخلوا امي ووليد
من برة مدري وين طالعين انصدمت
بشكلها الشعر مفتوح والمكياج طوخ
والملابس حمس بنطرون وبدي
عطت بيهاا شنوو هااي يووم
ذبيتي الحجااب وهيچ طاالعةة
صدگ تحچي
سهام :: اگلچ لاتطلعين الونسة من خشمي
مو اتفقنة بعد محد الهاا علاقة بااثانية
شكوو تتدخلين
_اي والله صدگ بس انقهر من الناس
تشوفچ بهالمنظر هذاا وين چنتِ وين
صرتِ ولو لتتزوج مثل هذا شتوقع
يطلع منهاا
حچيت وأشرت عليه چانت نظراتة
تباوع اليهه بقذارة انتبهت لنفسي الدشداشة
قصيرة وربع ردن ومنگعة ولاطشة على جسمي
بسرعة عفتهمم وفتت للحمام الله ياخذك
شگد نگسسس وعينك وسخة
سبحت بسرعة وطلعت دخلت للغرفة قفلت
الباب لأن ماامن انام وهو موجود بالبيت
وبابي مفتوح
ايام مرت واني مااطلع من البيت صارت
بية خوفة اتخيل اطلع ويلزمني الباشا
حتى لبيبي مارحت چان صارم يومية
يجي بالليل ويوعدني راح يلگاهاا
ويروح اطمأن لكلامة
صار عرس هدوء ماحضرت الحنة احس
واهسي مكسور وروحي تعبانة رحت
بس بالعرس زفيتها بيدي ورجعت للبيت
بسرعة خايفة
ايام مرت على اختفاء جوري بيوم ندگ الباب
عليه چانت دنيا الضهر وامي ورجلها
بغرفتهم طلعت عرفتة هو من الدگة
مالتة فتحت الباب وسألتة هاا بشرر
مالگيت خبررر عليها فدوة والله راح
اموت
جاوبني وچان مو على بعضة
صارم :: غيري ملابسچ وتعالي وياي
_حچيت بخوف وين نروح؟
صارم :: لجوري
......
اكرام....
تقربت منهاا لاياالله هاي نفس البنت
لشردت من زوجهاا ام شعر الطويل
چانت نايمة والتعب مبين على ملامحهاا
تكسر باب الگلب منوو سوة هيچ بيهاا
معقولة همةةة زين اهلها وين
رجعت لذاكرتي بذاك اليووم من شكتلي
منهم وچانوا مأذيها واني بيدي رجعتها
الهم يعني ،شنوو لاياالله بدال مااساعدها
سلمتهاا بيدي الهم الله ياخذني
طلعت بسررعة من الغرفة
واحس الندم ينهش بگلبي
ذبيت الملابس مال العمليات
وطلعت اركض ركبت السيارة
خابرت على محمد الووو
اسمعني محمد تجيب دورية چبيرة
وتجي لهذا العنوان بسررعة
محمد :: شكوو غير تفهمني
_محمد ولك نفسهاا الطفلة نفسهاا
همة كاتليهاا محمد اني رجعتهاا
تعااال بسررعة
محمد :: ولو مافهمت شي بس
جايك جايك دزلي العنوان
_سديتة منة ودزيتلهة العنوان وسقت
بكل سررعتي يامن يوصلني الهمم
اخخخخ يابةة بس الزمك
وصلت لبيتهم نزلت دگيت الباب
بقوة بدون تووقف طلع الية
رجلهاا يصيح
رافد :: شبيكم جاي جاي شكو
ادگوون هيچ
_فتح الباب من شافني بلبسي العسكري
سكت خايف زنگتة من ملابسةة
ودخلتةة جوة
رافد :: شكو سيدي والله مامسووي
شي والله
_ضربتة على وجهاا وگع بالگاع
رجعت سحبتة مامسووي مووو
مامسووي جبااان ولك تتقاوة على
طفلةة نذذل
طلعوا مرة ورجال من البيت باوعت الهم
ماتقدموا بقوا بمكانهم خايفين
رافد :: سيدي بس فهمني على منوو تحچي
والله مامأذي احدد بداعة عرضك عوفني
_لعد انتَ ما حميت عرضك ولكك شنوو
عباالك الدنياا سايبة الك ولامثالك شسوويت
لمرتك وللك شمسويي مو رجعتهاا الك بيدي
وگتلك لاتأذيهاا شمسووي بيهااا
رافد :: والله مامسووي هية رجعت شردت
صاار ايام مختفية شگد دورت عليهاا
مالگيتها والله سيدي مااجذب
_اشششش لاتحچي هنااك اخليك
تحچي براحتك، رفعت راسي على صوت
الشخص الواگف
غالب :: اني اترخص ارووح غير وقت
اجيكم
_جاي يطلع وگفت بطريقة وينن طاالع
لك
غالب :: سيدي مشكلة عائلية اني شكو
بيهاا
_اي مو لواگف گدامك قشمرر وتعبر
علية ولك اني ال××× اكرام عصابات
ومافيات ماتصعب عليةة يجي كم
واحد مثلكم يريد يستغفلني موو
غصون :: سيدي والله مامسووين شي
هية يومية تصاحب واحد وتشررد ونرجعها
بزعنة منهاا
_باوعتلهاا رحمة الله مشيولة من وجهاا
لعبت نفسي حتى اجاوبهاا سمعت صوت.السيارات
وهمة وجهوهم صفررت هسة تشرفوون
ويانةة ونعرف منوو العايل ومنوو المعيوول عليه
غالب :: لا سيدي لا الله يخليك والله ما
مسووين شي اني خطار يمهم
_لكممم هاي جريمةة قتل قتل يا كلاب
وينكمم تعالو شيلوهممم كلهممم دخلوا
الجنوود ومحمد وياهم القوا القبض عليهم
كلهم حتى المرة لوياهم
صار الصيااح والتواسيل بفللس ماسمعت
منهم سألني محمد شصارر
امشي على الطريق نسولف طلعنة
الشارع متروس بالناس كل شخص
بيهم يريد يروي فضولة انطلقت السيارات
للمركز صعدنة بسيارتي تاركين الناس
بفضولهم توجهت للمركز اتبع السيارات
رجع سألني
محمد :: متحچي شبيك اكرام ترة
صاير تتصرف بكيفك ومتحسي احساب
احدد مو تعرف اكوو عالم تنبش وراك
_شنوو تريد تعلمني شبيك محمد هاي
العائلة مجرمة همة لوصلوا هاي الطفلة لهالحالة
ولك البنت الشفناها بالشارع قبل فترة
ورجعناهاا وشكت اليةة منهم واني بيدي
رجعتهاا همة اكيد همة رادو يتخلصوون
منهاا وسوو بيهاا هالشكلل
محمد :: يعني البنت لگيناها بالخرابة
نفسها البنت الشفناها بالشارع تريد
تشررد؟
_اي اي هيةة محمد شصاار بية من
عرفت اني احد الاسباب لوصلها لهاي
الحالة لهية بيهاة متت بدمي والله
محمد :: وانت شمدريك بيهم هيچ يسون بيهاا
اصلا سويت زينة العقل وين تريد توديهاا
يعني تبقيهاا بالشارع لو للمركز بنص
الضباط
_لالا كان المفرض اسمه منهاا اكثر
بس اخخخ من كثرر السوالف لمرت
عليهه صرت مااصدگ بيهن بس
هيةة چانت تحچي بفطارة ليش
مااهتميت الهاا
محمد :: كاافي شبيك مااعرفك هيچ
يمعوود اذا هيچ مقهور طلع حقهاا
منهم وراد يرتاح ضميرك
_طبعاً اطلع حقهاا لعد عبالك اعوفهم
والله لطلع حليب امهاتهم من خشومنم
محمد :: مشهودتلك ابو الكوارم
_وصلت للمركز واني الشرر
يتطافر من عيوني بوجهي لغرفة
التحقيق اول ما بديت برافد
گاعد گدامي ادية مكلبچة ورة
والوجه اصفر من الخوف حچيت
بهدوء وياه
_اي رافدد احچيلي
رافد :: سيدي والله گتلك هية شردت مني
ودورت عليهاا ما مالگيتهاا حتى لأهلهاا
رحت مارايحةة الهم والله سدي مااجذب عليك
_اممم صدگتك تدري رافدد شكلك يكسرر
الخااطر مو مال امد ايدي عليك ليش
متجيبهاا من الأخيرر لأن اذا الزمك ماارحمك
رافد :: والله سيدددي
_ماخليتة يكمل ولككك لاتحلف لاتحلف
تدرري وين لگيتهااا ولكك مشموررة بخرابة
والدممم سايل منهاا البزازين والحشرات
ملتمةة عليهاا ولكك طفلة طفلةةة شلووون هيچ
تسووون بيهااا الله يحبهاا ولهسةة هية عايشة
احجي احچي ولك احچييي فقدت بقيت
اضررب بيهاا وكلما اتذكر منضرهاا ازيد
عليه انتهى بيدي شمرتة وطلعت من الغرفة
إشرتلهمم ياخذوو اجاني محمد من شافة
شايليه بيدهم تخبل يححچي عليهه
محمد :: لك شمسووي اكرام هذا ماات
شبيكك
_شايف عاار يمووت، خليهم يجبوون مرتةة
محمد :: ارتاح اني احقق وياها
_لااا محمد لاتشلع گلبي جيبووهاا اليةةة
محمد :: صار صار بس هدددي اعصابك
رجعت للغرفة دقايق وجابوهاا ليةة
حالتها حالة والدموع تجري الوجه
مصخم والشعر كفشة اول ماشافتني
صاحت
غصون :: دخيلك سيدي
_گعدي هناا لاتحچين الا اسألچ
لاتخليني الحگچ برجلج
غصون :: يمةة شسويتولة
_الله يرحمةة، عاطت بقهر
غصون :: يمةةة راافد ماات يبووو
على يوومي تصخمتي يغصووون
_بسسس سدي حلگچ انخلست من صحت
بيهاا يلةة احچيلي شلوون نفذتي جريمتچ
منوو ساعدچ ديري باالچ تجذبين عليةة
غصون :: ياجريمة سيدي هيةة شردت
صاار شكدد فدوة احنة معلينة هيةة
طلعت مندري بيهاا الله يخليك سيدي
_الله لايخليني اذا اخليكمم گمت بهمة
ضربتهاا كف وگعت بالگاع شلتهاا من شعرهاا
تحچينن لوو شلووون
غصوون :: والله معلينةة و
_ضربتهاا الثاني وسحبتهاا من شعرهاا عوفي
الله لاتذكريه على لساانچ القذذر احححچييي
ماتحچين موو بعيني شمرتهاا وسحبت
السلاح شافتة وصاحت
غصون :: لالا عليكك الله سيدي لاتكتلني
والله احچي احجي
_سحبت اقساام ووجهتةة عليهاا بسرعة
صااحت
غصون :: اني اني كتلتها اني سيدي والله
احچي بسس نزل سلاحك
_نزلت السلاح وأشرت يلةة احچيلي كلشي
بدوون ماتضمين حررف ترةة افرغ السلاح
برااسچ
غصون :: هية اخذت رجلي مني هيةة
رادت تصير الكل بالكل اني دافعت عن
بيتي من شفتة صار يهتم بيهاا خفت تلعب
عليه وتاخذة مني من صاارت حامل صاار
ميقبل اووصل الهاا ولو أذيتها يزعل مني
حسيت البساط نسحب من جوة رجلي
رافد ليحبني ومايرفع صوتةة بوجهي
وشگلةة يگول تم تغير وصاار غير واحد
صاار يطلع ويدخل يوصيني بيهاا
ويخاف على ابنة ومنتضرة يووم يووم
ومن اخذهاا وطلعهاا وهية عيرتني وگالت
الااخذة منچ خليت الفكرة براسيي اتخلص
منهاا ردت اسقط الطفل وماصارت وياي
سويت بيهاا اشكال والوان مافاد بيهاا
چانت بسبع ارواح اكتلها مناا يومين
وترد لحيلهاا لحدما طفح الكيل وياي
وسويت لسويتةة بيهاا وشمرتهاا
بالخرابةة وهو نايمم بذاك اليووم شربتة
منووم بالعصير حتى مايفز على صياحهاا
_منوو ساعدچ حتى تنفذين الجريمة
هااي مستحيل تسووين هالشي وحدچ
غصون :: محد ساعدني اني سويت
كلشي بنفسي محد ساعدني محدد
_چانت تحاول تتستر على احدد وياهاا
عيونهاا تگوول اكو احد مساعدهاا
عرفت نقطة ضعهفاا رفعت المسدس
عليهاا وصحت صووت خلستهاا بمكانتها
احچييي منووو وياااج شنوو انتِ عنتترة
حتى تسووين كل هذا وتنقليها بهيچ مكان
ورجلج ميعرفف شنووو لگدامچ زعطوط
وتكذبين عليهه احچي جاي اگووول
استمرت تبچي وماتقبل تعترف منو ساعدهاا
تقربت منها رفعتها من شعرهاا لزمتهاا من رگبتها
بكل قووتي صارت زرگة وترافسس بيدي
تحچين لو انهيجج تحچين لو اموتتج
هزت راسهاا بصعوبة رخيت ايدي شوية
يلة گوليي سحبت نفسس وحچت بصعووبة
اخووي غالب
شمرتهاا بعيددد وعفتهاا تصارع روحها وطلعت
غسلت ايدي وبوجهي للمكتب محمد لگيتة
يحچي بالتليفون گعدت ارتاح احسس فقدت
كل طااقتي نهى الاتصال سألتة شصااير
محمد :: خبروني هسةة مبلغين على بنت
مختفية من اياام ومن الاوصاف لمنطيهاا
عرفتهاا نفسهاا البنت واسمهاا جوري
_ جوري؟!
محمد :: اي جوري
_وشسوويت
محمد :: خليتهم ينطون خبرر للشخص
لقدم البلاغ وراح يبلغونة بمكانهاا
وانت گلي اعترفت هاي الحنفيشة لو لا
_هزيت راسي اي اعترفت هيةة واخوها
مسوين هيچ بيها رجلها ماعندة علم
محمد :: مبين عليه بس ضخامة مو مال
يسوووي هيچ بس ذاك لا چلب اجرب
_محمد اسمعني زين اريدك تطلع حليب
امهم من خشمهم هو واختةة ذاك لاتعذبة
بس ذبة بالحبس بس همةة اتفنن بيهم
انتَ مو غيرك اكيدد عدهمم سوابق
لإن شغلتهم مخططة يعني يعرفون
يشتغلوون عدل
محمد :: بس هيچ مو تدلل لعبتي وملعبي
وانتَ وين رايح؟
_رايح للمستشفى اشوفهاا بلكت صحت
محمد : ترة اهلها عرفوا وحقهاا طلعتة
وعرفت المجرمين شكوو بعدد رايح
ضل هناا وتابع القضية ووصلهم لحبل
المشنقةة وعوف البنت
_شبيك محمد شمسوي اني هسةة
غيرر اشوفهاا صحت لا اريد اخذ اقوالهاا
محمد :: علينةة تعلمني بيك ولك مو عاجنك
وخابزك بيدي لاتنسى الوالدة ترة ضامتاك ضمةة
لو مو تتهرب منهاا
_هسةة انتَ وين دخلتنة ترة البينة متزوجة
بعدين كل مافي الأمر كاسرة خاطري وضميري
يأنبني لان احس ان احد الأسباب لوصلهاا
لهاي الحالةة لايشطج عقلك لبعيدد
محمد :: حنين مو بيدك ابوو الأكرام
_اهووو خليني اروح اشرفلي وانتَ سوي
لگتلك عليهه
محمد :: ادلل ابو گلب السمچةة
_طلعت وعفتةة لان صار يحجي حچي
ماصخ اني بيا حال هسةة لو البنية
تصحى مدري لااا والله يامحمد عليك
سوالف
وصلت للمستشفى الوقت متأخر
والدكتور ماكوو رحت للدكتور
البديل سألتة على حالتها نفس
الشي ماتغيرت عن الصبح
طلبت منة اشوفهاا ماعارض بلغ
الممرضة نطتني ملابس خاصة وعقمت
نفسي ودخلت عليهاا
تقربت منهاا نايمة مثل الملاك
البرئ سحبت كرسي وگعدت يمهاا
الوجه اصفر شاحب والعيوون جواهن اسوود
الجروح واضحة عليها راسهاا ملفوف
شنو شفتِ من حياتچ حتى سوو هيچ
بيچ وين ذبوچ اهلچ ودارو وجهم عنچ
لمثلچ هسة بالمدرسة وانتِ هذا حاالچ
اخخخخ احس گلبي يتگطع عليهاا
مااعرف تأنيب ضمير لو شنوو
بس كل الأعرفة هالبنت مسؤوليتي
ولازم اوصلها لبر الأمان لاازم
خليت راسي على حافة الچرباية.
احسة يريد ينفجررر من الصبح
لهسةة على فرد ركضةة
من بعد هذا اليوم الطويل
غفت عيني شوية واني عل هالحالة
شوية وفزيت على صووت صياااح
يقبض الگلب.....
شكرا لزيارتكم عالم روايات سكيرهوم
