رواية الشيخ سلطان الفصل الحادي عشر بقلم زينب نور
شمس/كعدت ساعه 8 اليوم عيد وحسب ماسمعت الكل يكعد من وقت ويلبسون ملابس العيد
طلعت الدراعه السوده طبيت سبحت انتبهت لاثار الي بجسمي عزززا هاي شنو تذكرت ليله البارحه معقوله هلاثار صارت بسببه لنوب لونهن ازرق على احمر كولش مبينات
كولت الي يسالني اكوله بسبب الحر سبحت وطلعت خلي مكياج. قوي وحمره لون احمر لبست الدراسعه وجففت شعري مالبست حجاب. كولت مصايمه الدراعه طويله عليه لبست كعب وياها ورشيت عطر ونزلت ع الدرج طبيت كبل للمطبخ جانن بس ايه وزينب يحضرن الريوك والكل بالصاله عايدني كالن انشالله عروسه خجلت منهن بقيت واكفه باالمطبخ
سلطان/كعدت كوه نعسان بس عيد ولازم نكعد من وقت نعايد لاهل طبيت سبحت وطلعت لبست دشداشه لون بيضه وخليت الدبل كفه بالردن ومشطت شعري رشيت العطر اخذت السبحه ولفون ونزلت لمحت شمس بالمطبخ بدون حجاب وجهي صوفر بس لا احد شاف لاثار الي بركبتها مااكدر اصيحها لبنات يمها شفت تلعب بالتليفون راساً اتصلت عليها انطتني رفض رفعت راسها شافتني واكف ع الدرج اشرتلها تعالي وصعدت فوك
شمس/العب بالفون منتضره البنات يكملن حته اطب وياهن للصاله استحي وحدي وشفت سلطان يتصل راساً نطيت رفض توترت رفعت راسي شفته اشرلي وصعد خفت حيل كولت شرايد مني
سحبت نفسي وصعدت وراه لكيته واكف اباب غرفتي وصلت يمه فتح لباب طبيت وراه راساً سد لباب مد ايده وخر شعري وصاح انتي شبيج متخافين على نفسج
استغربت كوتله ليش شكو
سلطان/استغفر الله منو شافج من الجوه
شمس/بس ايه وزينب
سلطان/وخوما انتبهت للاثار هاي واشرت على ركبتها
شمس/مااعتقد لان ع السريع عايدني ووخرن ملتهيات
سلطان/ااااف الحمدالله
شمس البسي حجاب وغطيهن ديري بالج احد ينتبه عليهن
شمس/اولاًحجاب مالبس آٌنـي مومحجبه واصلاً كوه تحملته لان يخنكني وجو حيل حار وبعدين واذا شافوهن عادي بسبب الحر
سلطان/رفعت حاجبي صدك تحجين وانتي عبالج الناس كلهم مثلج الكل راح يعرف هاي مو بسبب الحر لافضل تغطيها بشي وديري بالج احد ينتبه عليهن هسه كم يوم ويروحن
عفتها وطلعت
شمس/اوووووف هــًـًســًه شسوي واذا شافوهن شنووو يعني هو اصلاًجسمي بي اثار مال الحر
دورت بغراضي لكيت ربطة عنق لونها اسود كولت ايي ترهم هاي لبستها ونزلت شِفـٍـت لبنات طبن للصاله يتريكون طبيت كولت مرحبا وكعدت اكل شفت ابد مخليت عيوني بعيون سلطان كلما اتذكر الي صار لبارحه اخـّـّجل حيل
سلطان/نتريك والكل ملموم وهي مكياجها وشعرها عبالك عروس اباوع ولد اخواتي اكلوها بنضراتهم اكل
كملنه الريوك. وشالنه البنات بدينه نتعايد عايدت ابوي وامي واخواتي واحوي بناتهم وولدهم عايدوني اجتي زينب عايدتني بستها من راسها
وكفت يمي
شمس/شفتهم كولهم يتعايدون رحت على عمو عايدته وبسته وعلو عمه والبنات وغسان عايدته من بعيد وصلت لغسان مدنكه وعايدنه كوتله كل عام وانت بخير ربي يحفظلك زينب واطفالك كال تـسـڵِمۭيؖـنْ❀
وانتي بـﺨـيـﺮ يوم تخرجج يارب زينب راساً صاحت دكلها يوم عرسها شتسوي بالتخرج
عمو طلع فلوس بقه يوزع عيديات انطه للكل حته لعمه انطاها بس لسلطان ولغسان مانطه
اني هم نطلني ولنوب سلطان هم وزع انطه لبنات اخواتي ولولدهن ولجهال غسان ولجهاله ومد ايده نطاني وحجه بصوت ناصي بدون ميباوع عليه هاي عيديتج
اخذتها وكولتله شكراً وراه غسان وزع بس للصغار نطاهم وعمه هم وزعت للكل حته اني نطتني
اخواته هم وزعت للصغار بــَس اني جبيره نطني كالن انتي حالج حال جهالنه
شِفـٍـْْــٰٰتْ هيا لابسه نفس دراعتي حضنتها وبستها كولتلها اني مااعرف انطي عيديات بس الج انطي لان انتي صديقتي طلعت من كفر الموبايل100 دولار ونطيتها اخذتهن وراحت لابوها تشوفه
سلطان/اجتني هيا تكلي بابا عمه نطتني عيديه شفتها بيدها 100 دولار كولتلها منيلج
كالت عمه شمس نطتني كولتلها بسرعه رجعيها عيب
شمس/اجتني هيا مبرطمه كالت بابا ميقبل اخذهن كولتلها كولي لبابا ترى عمه ترجع العيديه مالتك
سلطان/اجتي هيا كالت عمه تكول ترى ارجع العيديه مالتك وهي مانطت بس اليه لان اني صديكتها
اضحكت على حجيها بستها كولتلها ماشي روحي ضميهن يم ماما حته ويضيعن
شمس/
بيومها جانو موصين غده من بره. قوزي لحم وفوزي دجاج وسمك شوي وهواي اكل اندت سفرتين سلطان كال الولد هنا بالصاله والنسوان بالهول
عمه كالت شني يمه قابل اكو احد غريب
سلطان/احسن يمه
وفعلاً على كلامه كلمن بجهه صار كملو الغده راحو للمضيف كلهم عمو والولد كلهم لان كالو الشيوخ والزلم تجي تعايد عمو
بقينه بس نسوان شِفـٍـْْــٰٰتْ ايه كاشخه وامكيجه وزينب بس لابسه دراعتها بدرن مكياج رحتلها كولتلها ليش ممخليه مكياج كالت خيه وين الحك وهم مااعرف والله
صار وقت عصر كولتلها اصعدي اخليلج كالت ورا لعشه استحي كدامهم ممتعوده اخلي مكياج كدامهم
وفعلا تعشينه بس النسوان لان كالو بالمضيف يتعشون جايبين طباخ يطبخلهم مسوي ثواب عمو لجدو ولبابا احنه مطبخنه جابولنه من يمهم طبخ كملنه العشه والجاي واخذت زينب وصعدت ليفوك لغرفتي خليتلها مكياج. قوي ورتبت شعرها سويته بيرمن وخليتلها عطر بس مونفس هذاك لعطر غيره
كولتلها عود لبسي السيت الوردي اليوم وعيد لتنسين وعمزتلها
ضلت تضحك خجلت راحت لغرفتها
اني نزعت ملابسي لبست شي خفيف وغسلت وجهي وتمددت ع الجربايه خابرت انس ميجاوب زعلان. دزيتله رِســٰالـْــٌـه عايدته شافها ومجاوب ضجت حيل حاولت آنام طفيت الضوه وتمددت بفراشي
سلطان/طبينه ب10 للبيت انه وابوي والولد كلهم شِفـٍـْــٰٰتْ امي ولبنات وايه بالصاله سالت على زينب كالو صعدت تنيم هيا عيوني تدور على شمس ماكو كلت احسن حته محد يشوفها صعدت لغرفه حمزه هستوه طب يريد ينام بسته. وطلعت لغرفه زينب ماكوبالحمام يمكن بست هيا وطلعت وصلت لباب وسمعت زينب صاحتني انداريت كلتلها ها ام حمزه محتاجه. شي
وشفتها لابسه السيت نوم وردي ومكياج. وشعرها تذكرت هذيج الليله وتذكرت شمس وراها وتذكرت ليله البارحه وعرفت هم شمس ورا هاي ترتيب زينب اليوم
زينب/استحيت حيل ولبسي فضيحه دنكت كلتله متنام اليوم يمنه
سلطان/بكلبي اووووف ياشمس شجاي تسوين وليوين تريدين توصلين ماادري
تقربت عليها كلتلها انـ شـاء الـلّه انام يمكم
نزعت دشداشتي اجتي كعدت بداخلي مالي رغبه بيها ماادري شبيه وراساً تذكرت ليله لبارحه وي شمس تقربت على زينب ونمت يمها لصبح كعدت من وقت كبل رحت لغرفتي سبحت وبدلت لبست دشداشه جوزيه وخليت شماغ على راسي ونزلت محد كاعد بس لبنات اخواتي وامي كعدت يمهن نسولف شويه ونزلن زينب وايه بقت يسون الريوك ورا شويه نزلت شمس لابس دراعه اوف وايت ومكياج وشعرها بارمته نفس الي مسويته زينب لبارحه اجتي كعدت يمنه ابوي اجه وغسان كعدنه جابو الريوك كملنه كال ابوي يله نروح للمضيف كمنه 2 من ولد اخواتي ماقبلو يروحون عينهم على شمس صحت بيهم شنووو باقين هنا يم النسوان يله كدامي
شمس/سلطان شلون صاح بيهم وخزرهم من يمي خفت راساً طفرو كدامه يركضون ويكولون صار خالي رايحين
راحو كلهم.تغدينه بس نسوان هم محد طبخ همه جابو الغده كولت الزينب ارتاحي بقت تضحك كالت ولج لبارحه المكياج والثوب جابن نتيجه
ضحكت كولتلها ايي زين ليش متخلين مكياج بلبيت حالج حال لبنات حته لو خفيف
زينب/مااعرف والله
شمس/اني اعلمج
زينب/خووش لعد
لعصر اجوي ولد بناتهم بس كالو تعالو نكعد بالحديقه اكو كراسي وميز بالحديقه كعدو لولد ولبنات اجتي فاطمه صاحتني تعالي يمنه راح نلعب دومنه طلعت كعدت يمهم يلعبون اباوع عليهم شاقهم وضحكم حبيت لمتهم وكلهم بعمري تقريباً فرق سنوات
واحد اسمه عباس كال راح اعلمج. تلعبين ويانه
كوتله مْـإأڜْـي بقه يعلمني ونزلت وياهم بلعب وافوز اليهم وضحكنه وشقانه تاقلمت وياهم جايبين اجباس وكرزات بقينه ناكل ونسولف ونضحك
سلطان/شِفـٍـْْــٰٰتْ ولا واحد من لولد بالمضيف طشت الوادم ورجعت طبيت لكيت ملتمين بالحديقه وسوالف وضحك وشمس بنصهم وتضحك وعباس مخلي حلكه بحلكها ويسولف وعيونهم عليها صارت عيوني بكصتي طبيت عليهم واعصابي تفور شنو مفتحين كوفي دفرت الميز حيل بنصهم كلهم كمزو