رواية الشيخ سلطان الفصل الثاني عشر بقلم زينب نور
شمس
كاعدين نسولف ونشاقه ونضحك
منحس اله طب بركان بنصنه
سلطان دفر لميز بكل قوته تطشرت الدومنه والكرزات والعصاير كولنه كمزته
صاح. شنوو فاتحين كوفي هنا
وعاط بالولد شنووو تعوفون المضيف وتطلعون جاين كاعدين حالكم حال النسوان هنا
اعصاب لدرجه حته عروقه برزت
خفت راساً طبيت كبل لغرفتي صعدت وهمه كلهم واكفين كدامه ومدنكين يرزل بيهم
طبيت لغرفتي واتخايل شكله وعصبيته جسمي احسه كوله يرجف
طبيت للحمام سبحت وطلعت لبست دشداشه قصيره. وامشط بشعري اندك لباب فتحته طلع سلطان خفت راساً رجعت ليوره وعيوني دمعن تخايلته راح يكتلني
سلطان/شمس فتحت لباب وشو عًـٍُُيُِِِونها دمعن رجعت ليوره
مسحت وجهي بايدي كلتلها لتخافين مااسويلج شي
بس شمس حجاب تلبسين كدام لولد وكعده وياهم ممنوع بس وي البنات موكاعده وياهم سوالف وضحك شنو شبسرعه تطورت لعلاقات لبارحه عرفتيهم وهذوله مراهقين طايشين وانتي على نياتج وانه خايف علــيج وعلي
شمس/شويه هدئت على كلامه
كوتله ماشي والله بعدمااكعد وياهم وعد والبس حجاب
سلطان/تقربت عليه ابتسمت بوجهه كتلها عفيه ببنيتي
رفعت شعرها كلتلها شو لاثر راح
شفته بعده بس شويهخاف شفتها خجلت دنكت
كلتلها يله كم يوم ويروح بس لتخلين احد ينتبهله
يله تصبحين على خير
شمس/متت خجل من جاب طاري لاثر
كوتله وانت بخير
طلع وسد لباب
راساً نمت ع لجربايه اتصلت بلانس ميجاوب ﭐﯗﯝﯝﯝﯝﯝﯝڦ😔 صار يومين زعلان ضجت حيل
نمت
ثاني يوم ويصادف اخر يوم العيد
سلطان كعدت اخذت لولد كلهم ورحت للمضيف
اليوم يجون عمامي من بغداد عمي حاتم وعمي حسين
يجون بس بالمناسبات
ابوي سوه الغده بالمضيف اجوي عمامي ووياهم ولدهم محمد ومهند ولد حاتم ولد شباب
محمد مواليد 90 متزوج ومهند مواليد 92 بعده مامتزوج
و سجاد ابن حسين مواليد 94 هم مامتزوج
اجوي رحبنه بيهم بالمضيف تغدو وارتاحو كاعدين طشو الوادم بقينه بس احنه كاعدين نسولف
عمي حاتم/شيخ بت المرحوم بعدها يمكم
الشيخ/اي خويه موجوده
امشونه نروح للبيت هم تتعرف على عمامها
مشينه كلنه للبيت
طبينه ببصاله اجني البنات كلهن سلمن على عمامنه وعايدوهم وكاعدين كلنه شمس ماكو
صاح ابوي وين شمس صيحوها تجي تسلم على عمامها
شمس/بغرفتي كاعده وصعدت فرح كالت جدو يصيحج
جنت لابسه دراعه لون شذري مخليه مكياج خفيف تذكرت كلام سلطان لبست حجاب بس هـًُّـيًُْـچ خليته ع راسي ونزلت طبيت للصاله كولهم ماعدين شِفـٍـْْــٰٰتْ زلم وشباب غربه
الشيخ/تعالي بويه هذوله عمامج هذا عمج حاتم وهذا عمج حسين
تقربت عليهم اسلم عليهم باسوني وحضنوني بقو يبجون اني حيل استحيت اول مره اشوفهم لنوب ولد 3 شباب اجوي سلمو عليه
كال هذا محمد وهذا مهند ولد عمج. حاتم وهذا سجاد ابن عمج حسين سلمت عليهم بس صافحتهم وكعدت
حاتم صاحني تعالي بابا اكعدي يمي
رحت معدت يمها خلى ايده على كتفي وحضني
وبقو يسولفون ويتذكرون ذكريات قبل وي بابا
سلطان/عيني على شمس ارتاحيت من شفتها لابسه حجاب بس الي فور دمي نضارت الولد الها خصوصاً مهند وسجاد اكلوها اكل بعيونهم ضليت صاك سنوني والعب بسبحتي شراح يخلصها يااا ربي هسه انه على شنو مفور دمي ماادري لاارداين لَيــِْش اغـًـٍُـٍُار على هالبت هاي ماادري بقيت افكر لعد من ترد لديرتها شراح يصير بيه لعد استغفرت ربي وكمت طلعت بالمطبخ كاعد صبيت جاي وادخن جكاره
شويه وشفت شمس طبت تشرب مي راساً اجه وراها مهند
ايي بت عمي شلونج فرصه سعيده تعرفت عليج
شمس/شكرا
مهند/يامواليد انتي
شمس/97
مهند/حلووو كتكوته بعدج
سلطان/اسمع ودمي يفور بلازيد بدي اطفي الجكاره بعينه
مهند/اني مواليد 92 شنو رايج تروحين ويانه لبغداد كم يوم تتونسين هناك افرج بغداد ولبنات يتعرفن عليج
سلطان/عيوني صارت بكصتي بس لاتروح وياهم بس شمس راساً باوعــت عليه وجاوبته
شمس/شكرا مااكدر اروح تعلمت هنا انشالله غير مره واذا علمود بغداد اني جايتها هواي وتقريباً فارتها كولها قبل سنتين جنت ابغداد
مهند/يااا صدوك لعد ليش مجيتونه
شمس/بابا جان عنده شغل ومكدر عن اذنك صاعده الغرفتي
سلطان/عجبني ردها ارتاحيت على اسلوبعا وياه منطته عين ابد وهو هذا ملطلط فد نوب
هي صعدت وهو يباوع عليها كروب قصص شيوخ ومشايخ وضباط وفصليات
كلي شيخ څــِْ♡̷̴̬̩̃̊ـِوش وصله طلعت عدنه بالعشيره. ماتزوجوها اليه
سلطان/كمت على حيلي خزرته كتله عيب هاي بت عمك وحسبت اختك وبعدين شمس كلها فتره وراجعها لديرتها عـُـيـّــُونك لاافكسهن الك
طلعت للصاله كاعدت يم عمامي صار وقت العشه كعدنه بالصاله الزلم والنسوان بالهول طبت شمس يمهم كعدت يسولفون وياها وعلى دراستها عمامي وعيون مهند وسجاد اكلنها اكل حته محمد المتزوج عود كاعد على اعصابي يمكن بس واحد يطخني انفجر كلت بكلبي منين طلعتي ياشمس واخذتي فكري كله عقل ماظل براسي من وراج
بليل كلمن نام بمكانه
الصبح الفجر طلعو عمامي رجعو لبغداد واخوتي وحده من بغداد واثنين من العماره. ووحده من ذي قار هم ٱڵـڝُـًبح رجعن كلهن
شمس/كعدت ب10 نزلت البيت هدوء سنطه بس زينب موجود بالمطبخ كولتلها شو محد موجود كالت كلمن رد لبيته من الصبح وعمي نايم بغرفته وعمتي وايه وغسان راحو لبيت اهل ايه لان ماراحتلهم بالعيد وعمتي هم تشوف اختها راحت وسلطان بالدوام وحمزه وهيا نايمين بعدهم
اكعدي خيه اسويلج ريوك
شمس/لاحبيبتي اني اسوي هسه
سويت كوب حليب ولفة جبن وكعدت هي تنضف دجاجه تسوي لغده
شمس/صارلي شكد هنا فوك لشهر مشفتج. فد يوم رحتي لاهلج
زينب/خيه همه بقو اهل امي وابوي توفو واخوتي 2 شالو للعماره بعد حته ماسالو عليه ابد عبالك منطيني فصليه الحمدالله الله عوضني بعمي وعمتي همه اهلي احسبهم
شمس/كولش نقهرت عليها واحس بتانيب ضمير اتجاها بسبب الي صار بيني وبين سلطان
كولتلها الحمدالله انتي طيبه وربي رزقج باهل طيبين
زينب/الحمدالله خيه
بقة تسوي بالغده ساعه11 بدل وطلع. كال رايح اوجب على مريض وابقه يمهم للغده لاتنتضروني
زينب/جا اليوم محد موجود بالغده كلها طشت ساعه 1 صبت غده برياني ودجاج شوي وزلاطه كولتلها مااشتهي هــًـًســًه من اجوع اكل كعدت هي وحمزه وهيا ياكلون كملو غسلت المواعين ونضفت لمطبخ ساعه 2
زينب/خيه محتاجه. شي اصعد انامن شويه انه وهيا
شمس/اخذي راحتج حبيبتي
صعدو بقه حمزه يمي كال راح اصعد العب بلي ستيشن
بقيت وحدي افتر بلبيت لابسه دشداشه بــَس حته الحجاب نزعته لان محد موجود طلعت بالحديقه الجو كولش حار
طبيت سويت عصير فواكه طبيعي كعدت ع الميز اشرب
طب سلطان من الدوام
سلطان/السلام عليكم
شمس/ۆعلـِْ♡̨̐ـِْيگمَ آلسَـِْ♡̨̐ـِْلامَ
سلطان/شنو وينهم شو محد موجود
شمس/عمه وايه وغسان بيت خالتك وعمو طلع كال واجب مريض مااعرف ﺸنـٌٍـٍوﯛ وزينب وهيا صعدو نامو وحمزه صعد يلعب بلي
سلطان/اها وانتي شنو كاعده تنتضريني
شمس/لا بس ضجت لوحدي سويت عصير بارد تحب تشرب وياي
سلطان/ياريت
سحبت كرسي وكعدت صبتلي كلاص شربته
عاشت ايدج
شمس/بالعافيه
سلطان /صاعد اسبح وابدل حته اكعد زينب تصبلي لغده جوعان
شمس/عوفها نايمه خطيه اني احضرلك لغده واصلاً بعدني ممتغديه حته ناكول سوه
سلطان/ماشي ابدي حضري مااتاخر صعدت سبحت لبست برموده وتيشيرت ونزلت بكيت لاكل ع الميز كعدت اكل وهي تاكل وياي انه اكل 5 لكمات وهي بعدها بوحده
سلطان/جسمج خوما بعده مطكع من لحر
شمس/يعني يخف ويرجع
سلطان/ذكريني من اصعد انطيج لعصاره مال مرطب استخدميها وباجر رايح لبغداد اذا تحتاجين شي اجيبلج وياي من هناك
شمس/صدوك شتسوي ابغداد
سلطان/شغل غير ابقالي لو ليله لو ليلتين
شمس/خلي اروح وياك
سلطان/رايح شغل وين ماخذج وياي
شمس/حباب حيل حابه اروح لبيت صديق بابا جنت ابقه يمهم من آٍجُـي لبغداد وحته اول مااجيت للعراق خابروني كالو تعالي نشوفج
سلطان/رفعت حاجبي ومنو عدهم هذوله بيت صديق ابوج
شمس/ماعدهم احد بس خاله وعمو و3بنات وحده ومتزوجه واثنين بعدهم طالبات
سلطان/كولي لابوي وامشي وياي ماعندي مانع باجر من الغبشه اطلع انه
شمس/ماااشي بس يجي عمو اكوله
كملت الغده وشربت جاي
العصر اجتي امي وغسان وايه ورا شويه اجه ابوي
شمس/عمو ممكن طلب
الشيخ/اي بويه كولي تفضلي
شمس/لباجر سلطان رايح لبغداد بشغل عًـًـًآدًيً اروح وياه اشوف بيت صديق بابا وارجع. وياه
الشيخ/دام وي سلطان روحي بويه بدون ماتاخذين اذن مني
شمس/تمام عمو اشكرك
باوعـت على سلطان وابتسمتله هو راساً ابتسم وغمزلي استحيت دنكت وصعدت فوك. بقيت اتحضر حضرت جنتطتي الي ع الضهر خليت بيها سيتات ملابس ومكياج. وعطور وملابس بيت
نزلت وقت العشه تعشينه. شويه وسلطان. كال صاعد انام باجر ورايه كعده من غبشه
شفته. صعد اني شويه وصعدت لغرفتي رتبت غراضي والملابس الي راح اخذهم وياي كولت خلي اتاكد منه بس يومين لو اكثر حته اذا اكثر اخذ ملابس اكثر
رحت دكيت لباب عليه
سلطان/هستوني نزعت دشداشتي وتمددت على الجربايه واندك لباب فتحته شمس
سلطان/هلا تفضلي
شمس/اكولك بس يومين نبقه هناك لو اكثر حته احسب حساب للملابس
سلطان/صافن عليها من تحجي وياي وراساً اجتي فكره ابراسي جهنميه
سلطان/اخذي احتياط خاف ماكدرت اكمل لشغل بهاليومين كلشي يصير او اخذج اشتريلج من هناك مو مشكله
شمس/تمام زين انطيني المرطب
سلطان/ايي هاج اخذي تريدين اني اخليلج
شمس/اتذكرت هذيج الليله خجلت حيل كوتله لا اني اخلي شكرا وطلعت رجعت لغرفتي خليت منه وخابرت انس كوه ياله فتح خط جنت مشتاقتله حيل كومه سولفنه وكوتله رايحه لبغداد
سديته. ورحت. نمت
ٱڵـڝُـًْـُپًٍح دك تليفوني فزيت شفته سلطان جاوبته
شمس/نہعسانه كوه احًـجًِي اممممم الوووو
سلطان/صباح العسل يله كومي تحضري بين مااسبح وابدل
شمس/صباح النور ماشي هسه كاعده
سديته وكمت طبيت سبحت ولبست قميص نيلي وبنطرون كابوي ازرق وحذاء رياضي ابيض لفيت شعري عالي خليت خليت بس كحله وحمره خفيفه ورشيت عطر اخذت جنطتي وطلعت تلاكيت وي سلطان بلباب
سلطان/يله جاهزه
شمس/اي
نزلنه الكل نايمه هستوه الفجر طالع يـعـنـي بعدهاشبه ضلمه. صعدنه بالسياره. وانطلقنه لبغداد
شكرا لزيارتكم عالم روايات سكيرهوم
