رواية الضابط واليتيمة الفصل الحادي عشر بقلم مجهول
طبيت الغرفتي اتمددت وظليت افكر محسيت الة على صوت الباب تندك
-مينا افتحي الباب
-جاية جاية
- شنو نايمة صارت بالخمسة ووليد معصب لان اتاخرتي
- شنو بالخمسة استوها ب٣
- ولج جنتي نايمة انتي هاج ذني الملابس بسرعة لطولين
عافتني وراحت معقولة اني نمت بدون ما احس على روحي فتحت الملابس بنطرون جنز فاتح وقميص سمائي وبدي ابيض جوا وبوتين ابيض وجواريب لبست الملابس وطبعا ضيكات والقميص كصير كلساع وطافر
- هاي ليش تشتري ملابس ضيكة اوف
فكيت شعري وهو بيرمن كلشي مسويت الة طلعت اركض من الغرفة رحت للاستقبال
كعدت بالاربعة ونص واني متفق وية مينا بالخمسة نطلع كمت بدلت وطلعت لكيتها ماكو دزيت عليها ريهام كالتلي نايمة كتلها اتكعدها وتنطيها ملابس طولت نص ساعة واجتي واني على نار اتخبل من احد ميحترم الموعد او يتاخر كلت بس تجي ارزلها اجتي طبت اني صدك انصدمت شهل جمال شنو الشعر وانوبة ملابسها ضيكة كلها الحقيرة ريهام اجتي يمي
-والله اسفة مقصدي ما ادري شلون اخذتني النومة
مشت كبالي وراحت للباب لزمت ايدها
-وين هيج
-شنو (والخوف بعيونها )
- لمي شعرج
-دقيقة
راحت تركض على غرفتها واجتي شايلتة ذيل احصان وهم بعدة طويل الله يعديها على خير ومحد يتحارش بيها
- كدامي للسيارة
هذا شبي عصبي وشيبي شعري شكد مكروه صعدت بالسيارة وهو هم وبدة يسوق طلع اغنية كلش حلوة اجنبية والطريق جان حلو اباوع على الناس وصلنا لمكان
-وين احنا
- مول
واخيرا شفت المول ما اريد ابين انو ماشايفتة قبل عيب
امشي والولد يباوعون علية واكو ناس كومة التفت ماكو وليد عزة ضليت الوف من كل الاتجاهات محسيت الة على ايد لزمت ايدي رفعت راسي جان وليد
التفت على مينا شو هاي ماكو اني طويل بس شوية رفعت روحي شفتها الغبية ادور علية رحت جريتها من ايدها حيل اتقصدت أأذيها
-شبيج وين عقلج غير اتشوفيني وين اني وتجين وياية
- انت اختفيت وضلي
-اش كافي يلى ميخالف ابقي يمي اذا تيهتج بعد ما الكاج ترة
احب اشوف نظرة الخوف بعيونها وخرت ايدي عنها وهي لزمت بيها ابتسمت بس ما بينت الها اتمتع من هي اتخاف ما اعرف ليش
دنصعد درج كهربائي واتوقعت هي اول مرة هنا فانتبهت الها صعدتها وياية
حسيت على ايدها تضغط على ايدي ايدها كلش صغيرة
صعدنا وطببتها لمحل ماركة ضخم بي كلشي تقريبا
ورة ما هد ايدي اني لزمتها ايدة دافية وجبيرة واحس بالامان كلش من الزمها امان عمري محاسة بي قبل وبعدين اني صدك خايفة اتيه اذا تيهت منو يلفيني بعد اني وهذا البنطرون الضيك وصلنا للدرج هسة ليش ماكو العادي اوف هسة شاكلة
هو عبالك عرف بية صعدني على كيفة وصعد وراية كلش خفت لزمت ايدة حيل واخيرا طبينا محل جبير كلش يخبل هديت ايد وليد وطبيت
- يلى اختاري الي اتريدي وتعاي اشوفة قبل لتقيسي
- وحدي
-اني بصفج بس انتي اختاري
- المن
معقولة يريدني اختار لحبيبتة هدية
- ال امي
- بس خالة متلبس هيج
يا ربي شكد فطيرة هاي
- الج بابا الج
- ما عندي فلوس
اخذت نفس طويل وعضيت شفتي
- اني ادفع فضيها مينا ( اضغط على كل حرف اكولة )
بدت تفتر اني كعدت اباوع عليها من بعبد اختارت كم قطعة واجت
- شو اشوف هذا كصير وهذا الجتف طالع شعدنا عرض هما عرض
- بس لونة حلو
- لتعصبيني مينا
لزمت ايدها وجريتها وراية رجعت الي الي اختارتهن واخذتلها قمصان طولهن وسط وعاديات وواخدت كم بنطرون وبديات رحت على الاحذية اخذت كم بوتين واهم شي ملابس البيت اخذتلها تراكات
-طبي قيسيهن كلهن
-ما اريد كومة
- مينا لتعاندين ما عندي وقت اروح ارجع وابدل ومدري شنو
-هواية وليد ما
- شنو ما
- مااااا
- باعي القمصان نفس القياس قيسي واحد بس والبنطرون والاحذية نفس الشي فضيها
طبت واني بقيت برة بصفي مرة عجوز وياها طفل صغير بالعربانة اظاهر امبقي يمها
- عرايس جدد مو الله يهنيكم يا رب
- هههه تسلمين ويطول بعمرج
استحيت اكللها لا قابل اختي حتى منتشابه
طلعت ست مينا
- ها
-على كدي بس بيهن شوية عرض
- لعد حضرتج اتريدين ضيك مثل الي لابستة هسة
- ها لا مو هيج بس دا اكول
- امشي كبالي بقت ورنا كم شغلة
دفعت وشلت العلاليك وهي تمشي كبالي طفلة يربي شهل جسم ولا عبالك ١٩ شفت محل كبالي مال ملابس داخلية وكفت
- مينا
- ها
-تعاي اتقربي
طلعت افلوس من جيبي وانطيت الها
- شنو هاي
- طبي لذاك المحل اشتري الي تحتاجي ولطولين وقيسي
التفت شافت المحل وجان ترجع تلتفت علية وجهة مصدوم صدك يضحك راحت منزلة راسها خطية يربي مال اكل
كعدت برة انتضرها دك التلفون
- هلو حمود حبيبي ها حصلت اي عاشت ايدك شنو نوعة وشكد مستعمل اها 6s شكد مستعمل كلش زين عاشت ايدك يا ورد لا اخلص كم شغلة واجيك وحضرلي سيم وياك مع السلامة حبيبي
اجتي وبيدها علاكة مال المحل والعلاكة جبيرة خوش هاي شمشترية هههههههه
- هاك
-ذني الباقي ؟
- اي
-باوعيلي شبيج خجلانة ترى ولد واعرف بسوالفكم كلها
رفعت راسها مصدومة اتباوعلي
- شبيج والله اعرف ال
وسدت حلكي وهي كصيرة وبلكوة واصلة شفت العالم اتباوع وتضحك فوخرت ايدها
- كافي يلى شيلي علاكتج واني اشيل ذني
صعدتها فوك اخر طابق عمود نتعشى كعدنا على ميز
- شتريدين تاكلين
- امممم بيتزا
- ماشي
رحت طلبت بيتزا ومقبلات وبيبسي والها عصير لان منتبه متشرب غير العصير