رواية الضابط واليتيمة الفصل الثاني عشر بقلم مجهول
جبت الاكل وكعدنا نتعشى اني عبالي جانت تاكل بطئ لان حلكها ياذيها بس طلعت هي اصلا اكلها بطئ اكلت وكملت طلعت التلفون وضليت افرفر بي على ما اتكمل انتبهت عليها صافنة واللكمة بحلكها متبلعها هاي راح انضل سنة من وراها
- هي (وصفكت يم وجهة)
- اي اي شبعت خلصت
- يلى خلي انكوم لعد
كامت وكمت اخذت غراضي من الميز ورحنا نزلنا بالمصعد وصلنا للسيارة
- انطيني الغراض واصعدي
حطيت الغراض ليورة وصعدت طلعت جكارتي وورثتها بالسيارة مينا كامت اتكح فتحت الجامة الها وحركت السيارة وطلعت الجكارة برة وهي اتلوح بايدها كبال وجهة
- شنو متحبين ريحتها
- لا
سحبت نفس ونفخت بوجهة وكمت اضحك عليها
ضلت ادردم وصلنا لصاحبي
- لتنزلين
اخذت التلفون والسيم منة وصعدت بالسيارة
-هاج
- شنو هاي
- افتحي هذا تلفون الج
باوعت بوجهي مصدومة كلش
- صدك تحجي
- اي شبيج قابل شنو
- عزة مدا اصدك
لزمت ايدي
- شكرا شكرا شكرا ما اعرف شلون اجازيك والله انت احسن واحد
- واحد
-ولد
- رجال يلفطيرة
- المهم احسن شي بالدنيا
- ههههههههه ديلى ماشي بس لا عبالج هيتة ترى بشروطي تمشين
- اي ماشي اكيد حتى ادا اتريد فتشة كلساعية
- شعندي اني مو من هيج نوع مينا بشروطي قصدي اكو مواعيد تستخدمي بيها مو ٢٤ساعة
- تدلل اكلك يعني هذا بي انترنت
- اكيد
- الله شكرررررا
- كافي بابا
حركت السيارة ومشينا وصلنا للبيت نزلنا ونزلت الغراض وطبينا للبيت الساعة تقريبا بالتسعة
طبيت للبيت كلش فرحانة بالغراض والتلفون كل ما اذكر صار عندي تلفون اتخبل طبيت شفت ريهام
- رهومة
- ها شبيج ولج
- وليد وليد اشترى الي تلفون ولج
- صدك بالعافية حبيبتي (وحظنتني)
طبيت للبيت وياية الغراض رحت للهول بوست امي وكعدت
- شنو ذني يمة
- هاي ملابس لمينا واشتريت الها تلفون
- الله يبارك بيك بس شعجب تلفون
- مو انتي وياها تبقون وحدكم ولازم عدها تلفون اذا صار عليكم شي
- والله يا يمة خوش تفكير
- يلى يمة كايم انام
-الله وياك يمة
٠-يلى عيني كومي اريد اكمل الامتحان وانام
- اوه ديلى ماشي راح اكوم زين منو يعلمني على التلفون
-شوفي وليد هسة اتذكرتيني بالطلعة متذكريني
- امداج هو اني شمدريني اكو طلعة يلى كايمة كايمة
كمت رحت للغرفة اتمددت وضليت بالفراش اتكلب كومة ولا مدرت انام باوعت على الساعة شفتها ب١٢ اخذت الرواية وطلعت من الغرفة فتحت الباب مال البيت وطلعت بالحديقة وكابلت المرجوحة واباوع اريد اصعد بس خاف اوكع وانوبة منو ينظف البيت الهم عزة
- شدسوين
- يمة اوف عفية كافي اتفززني
- شعدج برة بهل ليل
جانت نبرتة عصبية وحادة
- مكدرت انام وكلت اطلع اقرة رواية شوية على ما انعس
- اتريدين اصعدج
- وين
- المرجوحة
- اي حباب اريد اجربها
- يلى تعاي راح اثبتها وانتي اصعدي
- ماشي
راح هو ليورة وثبتها واني صعدت واخيرا
- انت ليش كاعد
- اني هم ما اجاني نوم
هو كعد على كرسي ويكلب بالتلفون واني اقرة بالرواية مليت من الرواية ضليت اباوع علي حركاتة وتصرفاتة اباوع على شعرة وايدة وكعدتة حركة رجلة من اشوفة احس بسعادة رفع راسة ىصارت عيني بعينة وخرتها راسا واريد اغير الموضوع
- علمني على التلفون
- خلي ريهام
- زعلانة مني لان ما اخذتها وياية للطلعة
- شكد زعطوطة يا ربي باجر اني اعلمج كومي يلى خلي انام اتاخر الوكت
- بيش الساعة
- كومي ب١:٣٠
بنات حبيباتي اني دوامي كلش طويل ومتعب ف باليوم بارت واحد واني ما اريد استعجل حتى الافكار اتضل حلوة
