رواية زواج إجباري عشق السيد الفصل الحادي عشر بقلم جمانه السعيدي
اماني...الحنيه والحب الي حسيت بيهن ويااا السيد
ماحاستهن طول عمري بيت اهلي
طول النهار مكابلني يعاملني وكأنني اكبر انتصاراته
بعمري ماحسيت اكو فرق بلعمر بيني وبينه
كمت احب حياتي الجديده الي تختلف اختلاف جذري عن حياتي السابقه
تعلقت بي بشكل مو طبيعي
يمكن لان عشت بيت اهلي على القسوه والتعامل بعنف
فات اسبوعين على زواجانا
وهو مايقبل يرجع العلويه
يكول بس ترجع تخرب حياتنا
واني كمت أجنب الكلام وياا يوسف
وهو مستغرب من تصرفاتي
بس مااريد اخالف كلامه ويزعل مني من البدايه
اشوفه كدام الناس هيبه وكله تحترمه وتركض كدامه
وبس ننفرد سويه يتحول الى عاشق ولهان
تصرفاته عبالك مراهق
فعلا حسيته يحبني وطاير بيه
اذا اريد اروح الاهلي ساعه وحده وارجع
بس اتأخر شويه يدز عليه ابنه الوسطاني
من اطلع من اهلي الكا واكف بلباب
حتى ولده مستغربين من تصرفاته
جمانه السعيدي
انتبهت النفسي بطلت تجيني حالة الخنكه والكئابه الي جنت اعاني منه بلعكس مجاي احس بلوقت
شكلي كله تغير صرت احلى من قبل
كل شويه يطلع من المضيف ويجي يشوفني ويرجع
الحد مااجه عمه ابو سكينه يتوسط السكينه حتى ترجع
بعد شهر من طلعته من بيته
ابو سكينه.....اليوم اني جايك اعتذر نيابه عن سكينه
وهي غلطانه وحست بلذنب وتريد ترجع البيته
ولدها مالهم غيرها
السيد....اولا انت محشوم من الاعتذار بمكانه هي غلطت وهي الي تعتذر
ثانيا ...اريدها تبطل هاي السوالف انت تعرف هاي سوالفه من يوم ازوجنا لليوم
يعني اني صار ١٨ سنه متحمله وصابر اكول ميخالف بت عمي إذا مو اني اتحمله منو يتحمله غيري
وتعب الساني واني اعلم بيه
ردته تتغير شويه علمودي وعلمود ولده
بس كل الكلام ماجاب وياها اي فائده
اذا ترجع ترجع بشروطي
اي مشاكل مااريد كلشي بلبيت بالنص بينه وبين اماني
اي كلام زايد مااريد
اي مشكله تصير هلمره اطلكه ومااتندم عليه
لان تعبت من وراها
ابو سكينه....صار وكلامك على العين والراس هي اكيد اخذت درس من الي صار وراح تغير اسلوبه وياك
السيد...انشاء الله خير خل تحضر نفسه وبليل يجي
يوسف ياخذها
ابو سكينه...هاي هي
اماني...من سمعت عم السيد اجا وكعدو يحجون عرفت هاي واسطه علمود ترجع سكينه
الصراحه ضجت ... اي ضجت خاف تاخذ السيد مني
ولو اني الي اخذته منه
بس ولو شلون راح اتحمل بعد ماكان السيد كل وقته اليه
راح يصير الوقت والمشاعر والفراش وكلشي بلنص
بس بلاخير لازم ترجع البيته لان أولاده رايحين جايين
وهذا الزغير كاعد يمه بيت جده ومايقبل يجي هنا
جمانه السعيدي
من طلع عمه اجاني ؤفاتحني بلموضوع
السيد....اريد احجي وياج بموضوع مهم
كعد وكعدني بصفه ولزم ايدي
السيد....عمي جاي يتوسط السكينه ترجع للبيت
اماني....بكيفك
السيد....لازم ترجع البيته أولاده محتاجينه
اماني....اكيد هذا بيته
السيد....يعني انتي مازعلانه
اماني...ليش ازعل اني الي اجيت وحتليت بيته وأخذت منه
زوجه وابو اولاده
بس اني مو حمل المشاكل ابد
السيد...اني شرطت على عمي اذا ترجع بعد ماكو مشاكل
وهو يكوول هي اخذت درس من الي صار
جمانه السعيدي
اماني...هاي هي
السيد....اني ضايج اكثر منج
اماني...ليش
السيد...بمكان ماجنت انام بهذا االحظن الحلو كل يوم
راح يكون بين يوم ويوم
اماني....ابتسمت
راسا سحبني وباسني اموت على هاي الضحكه الحلوه
اماني... واني اموت عليك
السيد....يابويه تعال وشوف ابنك وين جانتلي هاي
اماني....كمت اضحك بصوت عالي
السيد....مااريد هاي الضحكه تفارك وجهج فهمتي لو لا
رجع سحبني وباسني
راسا اندكت الباب
يوسف...سيد ناس اجت عليك
السيد...هسه وكتهم
طلع من الغرفه بابا يوسف بليل روح جيب امك وتعال
يوسف....تحجي صدك سيد
السيد....اي احجي صدك بس كون اخذت درس وتبطل اسلوبه الخايس
يوسف...رحمله الوالديك يابه ولله تايهين بلياها
سكينه...بس رجع السيد وكال بليل يجي يوسف وترجعين
ماصدكت ركضت للصالون حفيت وصبغت شعري
واشتريت ملابس نووم جديده
وبدلت وتعطرت اريده يشوفني احلى من العروسه الجديده
اماني...بليل كملنا عشى ولميت المطبخ وصعدت بدلت
وتعطرت ويوسف راح يجيب امه
اجذب اذا اكول ماضايجه
بس هذا واقع حال ولازم اقبل بي
راسا مااحس غير السيد جاي وراي
السيد....الله شنو هذا العطر الطيب
اماني...هو عطري كل يوم
السيد...وليش امبدله ومتعطره
اماني...النفسي مايصير
السيد...اي مايصير هذا يسمونه تحرش
اماني...تحرش بيمن
السيد...بيه انتي جاي تتحرشين بيه
اماني...بس انت جوا وياك ناس واني فوك بغرفتي شلون تحرشت بيك
السيد...كلبي حس وهو جوا وخشمي شم العطر ومالكيت نفسي اله هنا للغرفه
اماني.. يعني انت الي جاي تتحرش مو اني
السيد....تعاي خل احضنج قبل لا تجي السعلوه
اماني....ولله اذا سمعتك
اخذني بحضنه
السيد....الله ربحتج طيبه
ترا اني قررت
بعد ماتعامل وياها بلطف كله عصبيه حتى تعرف حدودها زين
اماني... الله يهديه
سمعنا صوته اجت هي ويوسف
السيد....خل انزل وانتي ابقي هنا ولا تقفلين الباب
حتى يمته مايعجبني اجي اشم العطر واطلع
اماني...اخذ العطر وياك
السيد....شسوي بلعطر انتي المحليته
نزل واني بقيت فوك مانزلت
جمانه السعيدي
السيد...نزلت ولكيته جايه لابسه دشداشه حمره والمكياج
والعطر وصابغه الشعر
سكينه...الله يساعدك قربت تبوس ايدي
السيد... اهلا وسهلا
سكينه...اني اسفه بعد ماتنعاد
السيد....عمي كالج على الشروط
سكينه. ...اي صار مايكون خاطرك اله طيب
السيد...اتمنى تكونين حفظتي الدرس
سكينه...انشاء الله
السيد....كلشي بلبيت بانص انتي واماني وليله يمج وليله يمه
سكينه...بس هذا بيتي وكلشي بي على ذوقي شلون تجي تشاركني بي
السيد...ولله من ايدج انتي كنتي سيدة كلشي
ليش تعوفبن الشيطان يلعب بعقلج
اتحملي المصيبه الي وكعتي نفسج بيه
اماني....اني اخذني الفضول كنت واكفه على الدرج واسمع كلامهم
عجبني رد السيد عليه
السيد.دخل للمضيف
وهي دخلت بغرفته تهيئ نفسه باعتبار هاي ليلته
اماني..... فض مضيف السيد ودخل للبيت
اني مدده وعيني ماتاخذ نوم ابد تعودت علي وعلى سوالفه الحلوه
جمانه السعيدي
مااحس اله فتح الباب ودخل
اماني.....طفرت وحضنته اشتاقيتلك
السيد....يمه يغيرت النسوان قبل ساعه جنا سوا يمته اشتاقيتلي
اماني....مايجيني نووم تعودت عليك
السيد...واني هم تعودت عليج مااعرف شلون راح تخلص هاي اليله
راسا سمعنا سكينه على الدرج
سكينه....سيد سيد...انت فوك
السيد...اي اجيت بس اجيب دشداشتي واجي
اخذ..دشداشته وكال لا تقفلين الغرفه اذا اكو فرصه اجي
طلع وهي باقيه واكفه على الدرج وتصيح يله تعال اتاخرت
نزل واخذ كلبي وياااا
ياربي هسه شيصير لو السيد اليه وحدي
ليش يشاركوني بي
ماكدرت انام ضلت عيني على الباب وكل شويه اكول هسه يجي وماكووو
الحد الاذان نزلت توضيت وهو طلع من الغرفه
توضا وصلينا سوا
صعد وياي للغرفه بس دخلنا
صاحت علي من جوووا
سيد...سيد...وين رحت
السيد....شتريدين اريد انام لحد يكعدني
سكينه....اي تعال نام جوووا ليش صعدت فوك لو الحيه مارهمت اله تأخذك يمه
السيد....ولا كلمه ليلتج خلصت روحي نامي لا اطلعين صوتي كدام الناس الدنيا بعدها ضلمه
روحي نامي مااريد اسمع صوتج
