رواية زواج إجباري عشق السيد الفصل الثاني عشر بقلم جمانه السعيدي
اماني....بقينا نايمين الساعه تسعه
جان تتكسر الباب علينا
سكينه....سيد سيد شنو هذا النوم الناس كاعده منتضرتك
من يمته انت تنام الهيج وقت
تحجي وتكسر بلباب
هذا تعلوم جديد شنو من يمته انت تعوف باب رزقك
وتنام...
السيد...اي كعدت كعدت
سكينه....افتح الباب خل اشوفك كاعد خاف انزل وماتجي وراي يله المضيف متروس ناس
السيد...مو كلنا كعدت شغل شغل عمرنا كله شغل خل نرتاح يومين مايصير
سكينه....اي انزل نام جوا حتى إذا أجا احد بسرعه تكعد
السيد....اي جاي
بقت ادك بلباب وتحجي حتى تزعجنا ومنرجع انام وهم تضمن السيد يكعد وينزل جوا
ومايبقى يمي
فتح الباب وطلع نزل واني بقيت مدده
شويه ورجعت عليه دخلت واني كمزت وغطيت نفسي
سكينه....كومي عيني كومي انتي شحاسبه نفسج
الي يكعد بهذا البيت يشتغل
خوما تردين نخدمج ولله عوزي وحده مثلج كاعده بيتي
وحاسبه نفسه شي
باعي هذا البيت بيتي وانت مجرد خدامه هنا تخدميني وانتي ساكته
ممنوع تلزمين اي شي اله تترخصين مني ويله كومي هزي طولج عدنا شغل هووواي
بعدين زمخت بيه بصوت عالي كووومي عابت هلشكل
وسحبت الغطى تريد تشوفني شلابسه
اني جنت لابسه ثوب اسود قصير وصدره تول
سكينه....انشاء الله نلبس اسود عليج وعلى ابوج
ماصدك هو وامج دبرولهم سالفه وشمروج علينا بايره ومريضه ولكو السيد خوش صيده
وشمروج علي
كومي لا بارك الله بيج ولا بااهلج
جمانه السعيدي
اماني....بقيت مصدومه من كلامه وحتى ماعرفت شرد عليه
تحجي بسرعه وعصبيه
طلعت من الغرفه واني نزلت من الجربايه وأخذت ملابسي
ودخلت للحمام الفوك سبحت وبدلت
وهي كلبت الدنيا بالصياح
سكينه...ماتنزلين على رجليج نقش الحنه
نزلت جوا لكيت السيد بلمضيف
كاعد ويمه ناس
اباوع المطبخ صاير مهرجان واني بليل نضفته وصعدت
يعني كمية المواعين الوصخه مال عشيره مو مال خمس نفرات
سكينه....يله نضفي المطبخ بسرعه
وطلعي دجاجتين اطبخيهن واطبخي تبسي وتمن
تمن نوعين ابيض واحمر
واطلعي نضفي الطرمه خاف تجينا ناس
اليوم ام حيدر ماتجي تعبانه
اماني..... اني واكفه وباوع عليه ومصدومه
زمخت بيه بصوت عالي شبيج ماتغتهمين واكفه وصافنه
مثل الزمال
لو شغل البيت ماتعرفيله بس تعرفين تسوين نفسج مريضه حتى تعرسين يله هذا العرس
بسرعه يله كون نص ساعه الكاج مخلصه كلشي
اريدج اتصعدين للسطح تنضفي صاير كله تراب
قربت على المواعين وبديت اغسل
شالت الجدر وركعته بلكاع
سكينه....بسرعه مو اجرين نفسج جر
قربت عليه وكالت ولله اله اندمج على الساعه الي دخلتي بيه بيتي اني اللج والزمن طويل
كمت اغسل بالمواعيد واسفط وهي مدري منيين اطلع مواعين وجدوره وتكوم كدامي
طلع السيد...راسا طلعت تمن وسوت نفسه تغسل بي
على اساس اني وياها متعاونين على الشغل هي تطبخ واني اغسل مواعين
جمانه السعيدي
السيد.....عفيه عفيه أمهات بيت معدلات
بويه اماني ولو مشغوله اريد جاي من ايدج الحلوه
سكينه....لا عوفه مشغوله اني اخدر جاي مشوفه تغسل مواعين
بس دخل السيد للمضيف عافت كلشي وكعدت
خدر الجاي ...صبت وأخذته للسيد
اني خلصت مواعين وبلشت بلطبخ
من يطلع السيد تلزم اي شغل على اساس هي هم تشتغل
وياي خاف اشكي للسيد
وبس يدخل للمضيف تكعد وتسكت وتبقى بس اتصيح عليه
اماني....كلت ميخالف الشغل مايموتني اني متعلمه على الشغل وهي محروك كلبه على السيد
بس خفت اكيد راح يطلع منه اكثر واكثر
كملت الغدا وطفيت الجدور ونضفت الطرمه ردت اصعد اسبح وابدل
سكينه...وووين رايحه
اماني...كملت شغلي حتى الطرمه غسلته اريد اصعد اسبح وابدل
سكينه...والسطح منو يغسله خاف ترديني اغسله اني
اماني....بس هسه حاره خلي بليل وانضفه مااكدر اصعد
سكينه....شنو ماتكدرين قابل هو علم الذره
لو على العرس تكدرين بس على شغل البيت ماتكدرين
شاطرت تعرفن تصيدن الزلم
عبالج العرس تكعدين وتتامرين
لا عيوني بيت السيد كله شغل وعمل وخطار وانتي صرتي مسؤله عن هذا العمل فهمتي لو لا
اني ناويه ابطل ام حيدر لان كبرت وشغله مايعجبني
وانتي تشتغلين بمكانه
اماني....اشتغل الي اكدر علي خوما اموت نفسي
سكينه...تموتين الجهنم الحمره موتي وخل نخلص من هاي الجهره الزفره
اماني....كلش صبرت عليه وبعد مااكدر اتحمل اكثر
رديت عليه بعصبيه
...اني انضف السطح غير وقت هو منو صاعد للسطح الدنيا حاره واني تعبت راح اصعد اسبح وابدل وارتاح شويه
سكينه...واني كلت هسه يعني هسه فهمتي لو لا
اماني....لا هسه مااكدر
راسا التفتت وطلعت طاوه من الكاونتر وضربت راسه حيل بيه ضربته مرتين والثالثه طلع دم اتاكدت الدم طلع وكامت تعيط بصوت عالي
كلشي صار بلحظات واني واكفه ومذهوله من تصرفه
ومااعرف هي ليش جاي تضرب نفسه وتاذيه
راسا شمرت الطاوه عليه وكامت تعيط بصوت عالي
طلع السيد على صوت عياطه
السيد...شكووو شصاير
سكينه...لزمت راسه وكالت الحكلي سيد الحكلي وشمرت نفسه بحضنه
السيد..شكووو
سكينه....اماني اماني ضربتني بلطاوه على راسي لان كتله
ماعاجبني شغل ام حيدر اني وياج نتقاسم الشغل
من الصبح لهسه اشتغل وياها وحالي من حاله
وهسه كتله انضف السطح تكول انتي نضفي وحدج اني مالي خلك اتوسل بيه نصعد انضف اني وياها
راسا سحبت الطاوه وضربتني على راسي
تقبل تقبل هيج هاي بت الاصول الي دخلته بيتنا واعتبرتها وحدا من عدنا
اني حاسبته اختي وجاي اتعامل وياها بما يرضي الله
اماني...اني واكفه من الصدمه ماحجيت اي شي ياربي هاي شنو من مره صدك جذب شلون دبرت هيج سالفه
وشلون تضرب نفسه هيج
السيد...نزع جفيته وخلاها على راسه حتى يوكف الدم
وسحبه كعده على القنفه
التفت عليه
السيد...ليش هيج بويه اماني ليش مو هاي الي مرجيه منج
علمود الشغل تضربين ام يوسف
اماني....ماكدرت ارد بعدني مذهوله من الموقف
السيد...التفت عليه وزمخ روحي جيبي ضماد ديتول ليش واكفه
جمانه السعيدي
اماني....بس اني ماضربته
سكينه...اي لازم اني ضربت نفسي صدك ماتستحين
وماعندج ذرة تربيه
السيد....امشي روحي جيبي ضماد بسرعه
رحت جبت ضماد
السيد اخذه وضمد الجرح
سكينه....اخذني الغرفتي دخت كمت مااشوف خاف أعمى من قوة الضربه
السيد...اسم الله عليج لزمه وصله للغرفه وتمددت وغطاها
سكينه...لا تعوفني دايخه
السيد...لا مااعوفج راسج يوجعج
سكينه....اي يوجعني صوجك اجيب هيج شكول البيتنا
السيد...ارتاحي لا تحجين موزين عليج الحجي
بقه كاعد يمه بلغرفه وماطلع ابد
اني صعدت الغرفتي واتخيل منضرها وهي تضرب نفسه
معقوله اكو نسوان حياله الهلدرجه مااصدك
سبحت وبدلت ونزلت حتى احضر الاكل
سمعته تشكي الولده مني وتكول لان وحدها بلبيت والسيد ملتهي اني استفردت بيه وضربته
حتى تكسبهم بصفه بلحرب الي ناويه تشنه عليه
