رواية رماد انثي الفصل الثاني عشر بقلم جمانه السعيدي
مرام...ثالث يوم حسيت نفسي احسن
رحت للمستشفى والدكتور كال اذا تردين نمدد الاجازه بعد
مرام...اي دكتور مهر اختي وعدنا تحضيرات
الدكتور...اسبوع يكفي
مرام...اي كافي
اجا عادل وراي للدوام
عادل...الووو مرام هاا اخذتي اجازه
مرام..اي
عادل...اطلعي اوصلج للبيت احسن من الازدحامات
مرام..اي اجبتك
طلعت وصعدت وراااا على الدراجه
عادل...عود دوسي على رجل العروس
مرام..اني كاعده ورا وكامشته من اللبلوز رديت علي
ليشششش
عادل...حتى نزوج وراهم
مرام...وامي
عادل...انجيبه تعيش ويانه على الاقل امج وامي يكعدن وحده تسلي الثانيه
واحنا نلتهي نزود العائله
مرام...شنو نزود العائله
عادل...يعني انجيب اطفال حتى يزيد عدد أفراد العائله
مرام..ضحكت وضربته
عادل...اخ ليش هيج
مرام...لا تحجي هيج بعد
عادل...لا ولله ليكون متوقعه نزوج ونبقى واحد مكابل الثاني ...هذا اول شرط عندي
ماتوقفين الإنتاج ابد
مرام...يااا شعندي مااوقف الإنتاج شنو مكينه
عادل...همزين كلتي حتى ادور وحده غيرج اني اريد هواي جهال
مرام...رجعت ضربته هلمره حيل
عادل...اخ اخ ولله توجع
مرام...حتى بعد ماتعيد هذا الكلام مره ثانيه شنو وحده ثانيه غير اموتك
عادل...هااا وصلت للموت لا بطلت
لج غير انتي كليبي شلون ابدلج
مرام..أخذنا الحجي والمداهر لكينا نفسنا واكفين باب اهل عادل
مرام...وين جبتني البيتكم غير تنتبه..قصص وروايات عراقية كرار صلاح
عادل...اني منتبه تعاي سلمي على أمي واوصلج الاهلج
دخلنا الغرفة خالتي
مرام...بسته شلونج خاله
ام عادل...هله يمه حبيبتي
عادل....يمه شوفي هاي البنيه قربت ولزمته من ايدها
اني اريد ازوجه
مرام...باوعت علي وبتسمت
ام عادل..مبروك يمه الف مبروك
عادل...يمته نروح نخطبه
ام عادل..بكيفك
عادل.... يمه اني مستعجل نروح باجر
مرام...ووين باجر خلي هيام تزوج بلاول وبعدين احنا
عادل..يعني ورا هيام بيوم لو يومين
مرام...ليش مستعجل
عادل...بعد ماعندج عذر قبل تكولين شايله المسوليه
بعد ماكو مسوليه خلاص
بس امج تجي تعيش ويانه هنا
مرام...الله كريم كلشي بوقته حلو
مرام...بدينا نجهز ونحضر المهر هيام وبمساعدت
عادل طبعا اي شي نحتاجه هو يجيبه
والشغلات الضروريه هو بخلصه
جاب كلوبات وخله بيتنا وأجر كراسي خاف المكان مايكفي
وجاب الكيك والعصير
وحجز كيكه جبيره واتفق وياا المصور يجون يصورون بلاستوديوا
حرفيا يشتغل ويانه ليل نهار
حتى جاب امه بقت عدنا يوم من الصبح لليل.. قصص وروايات عراقية كرار صلاح
اجا صميم قبل المهر بيوم حتى يتعرف علينا
شكله حلو ومرتب حيل معتني بنفسه ملابسه ماركه
والساعه رولكس والعطر مااعرف شنو من عطر
بحيث طلع وبقه عطرا بلمكان
هيام لبست بنطرون جينز ثلجي وبدي ابيض ربع ردن
ومكياج والشعر مفتوح
اما اني لبست فستان بسيط وحجاب
اسقبلنا ورحبنا بي اني وامي
كان باين الاعجاب بعيونه يريد ياكله نضراته الهيام مختلفه
وهي طالعه تخبل
ومن الفرحه زايد جماله جمال
بس دخلت كعدت بصفه وبدو يحجون ويتهامسون
عبالك تعرفه صار سنيين
مرام...ممكن تعرفنا على نفسك
صميم...اني صميم مقيم بدبي عندي شركة مواد تجميل
اموري الماديه تمام
مرام..واهلك
صميم...اهلي عايشين بامريكا ماما وبابا وعندي بعد اخ
مرام..ليش ماعايش وياهم
صميم.. ضروف عملي خلتني ابعد عنهم
مرام...وشلون نتأكد من كلامك صحيح اعذرني هذا زواج
يعني عشرت عمر
راسا التفت على هيام وبين علي الانزعاج من كلامي
صميم...اي شي راسا قطعت كلامه هيام
هيام...مايحتاج يقدم اي شي اني واثقه منه واعرف كلشي عنه وموافقه
صميم...خلاص بعد باجر حفلة الخطوبه والمهر
هيام...تمام
مرام...والمهر مااتفقنا علي
هيام...هو جابلي فستان الخطوبه والذهب ودزلي فلوس اشتربت كلشي اريده
وشقته جاهزه بعد شنو
مرام...بس مايصير هيج الاتفاق
هيام...انتي شتريدبن اني موافقه وعاجبني
لا تدخلين رجاء..قصص وروايات عراقية كرار صلاح
مرام...كلما احجي تفشلني كدام صميم هي وياا محضرين كلشي ومتفقين اصلا احنا اذا وافقنا اولا
وجودنا ماله داعي
سكتت اريد احفظ الباقي من كرامتي كدام الولد
طلع وهي وصلته للباب ورجعت
هيام.. انتي شتريدين بلضبط انسان مثقف وواصل وعندا فلوس ومركز
جايه تتفلسفين على شنو بيج خير ازوجي واحد مثله
مو وين الحافي جايبته النا
مرام...احنا مانعرف اي شي عنه
هيام...اني اعرف كلشي عنه واني الي راح ازوجه مو انتي
ممكن تكرمينا بسكوتج
وخلي كلشي يمشي مثل مااني مخططه
اني خليتلكم كرامه كدام الناس والولد اجا من الباب
لا تخليني اسوي شي تندمون علي طول العمر
عافتني ودخلت بغرفته
واني وامي دخلنا غرفتنا
اتصلت لعادل
مرام...هلو عادل شلونك
عادل...هلو ليش صابجه
مرام...اذا اريد اجمع معلومات عن هذا الي تقدم الهيام شلون اجمع كلشي عنه
عادل...بما انه مقيم بدبي نحتاج اقل شي شهر يله نكدر نجمع معلموامات عنه
مرام...ياشهر هو يريد يعقد وياخذها ويسافر
يعني حسبت اسبوع اواقل
عادل....شنو ناخذ خيره ونعرفه لازم وقت وخاصه هو ماساكن بلعراق
مرام...وهسه شلون
عادل...اذا ماعاجببج ارفضي
مرام....هو بكيفي هي وياا متفقين على كلشي ومحضرين امورهم
عادل....خلاص هي اختارت وهي تتحمل المسوليه
مرام....غير اختي
عادل...اختج جبيره وتفتهم وحسب مافهمت من كلامج صار فتره تشتغل عنده
وتعرفه زين خلاص خليه تتزوج اذا ماتكدرين تمنعين
هذا الزواج ارتاحي لا ادوخين نفسج..قصص وروايات عراقية كرار صلاح
مرام..انخبصنا ذني اليومين البدله الي جايبه فد شي
يعني تخبل
بيوم المهر راحت للصالون كالت تعاي وياي بس اني ماقبلت اني لابسه حجاب عليمن الصالون
احلام حفت وجهي قبل يوم ومكيجتني
اجت من الصالون طالعه تخبل حرفيا اني اخته اباوع عليه
شطالعه جمال مو طبيعي
احنا عزمنا الجوارين وهي عزمت صديقاته ثنيين
واحلام وكم وحده من اقاربنا
اجا صميم شايل ورد وويا اتلاثه واحد لابس قاط ورباط وولد شاب كال هذا الشيخ
وولد ثنيين بعد هم شباب بالعشرين
عقدو الهيام وبعدين الصميم الولد راحو
وهو دخل لبسه الذهب وحاضنه ويبوس بيه كدام الناس
هي تضحك مامصدكه
كعد تقريبا ساعه بعدين هي كالت راح ابدل
وهو بقه كاعد ينتضره
اجت لابسه فستات قصير ومخصر
هيام..اني جاهزه يله
هو كام ولزم ايده
مرام...وووين
هيام...نتعشى برا
مرام...وشلون طالعه هيج
صميم...اني ماعندي مانع خليه تلبس براحته
طلعو واني بقيت متبسمره بمكاني
بعدين البنات كلهن طلعن بعد المن باقيات
احلام....هااا شبيج ضايجه
مرام...مامرتاحه الصميم ابد كلبي خايف
احلام....كولي يالله خلي البنيه تشوف دربه
