رواية المتمرد والصغيرة الفصل الحادي عشر بقلم رسل
________
حبنيّ گليبيّ مامسَه عشگ سابق
ولو بيّه الحزن مَمدود
بس ما يعُتبر عائق
شتريّد من ألله لو حبيت مثليّ أنسان ؟
لونه ألـ لونَك يطابق ..
أحبَّك گد خليّقة حضرة ألخالق
________
-سمعت صوت طگطگة يم الدرج طلعت شفت ..
رجال يعني هو هم چبير بس يطلع اصغر من ابو فهد
گبل ركضت للغرفة و قفلت الباب ورا شوية ندگ باب الغرفة
زَيد : منو هنا .. اني زيد يمعودين
-تذكرت هيفاء من كالت اخوية زيودي يريد يرجع گتلة شتريد
زَيد : ليش البيت مابي و لا طير
-راحو للنجف غير
زَيد :شعدهم كلهم لعد
-غير ام فهد ماتت
زَيد :الى رحمة الله بس مادري اليوم اربعينها عبالي بعد
زين انتي منو وشعندج خاتلة بالغرفة
-فتحت الباب مال الغرفة ضل يباوع
زَيد : ما شايفچ بت من انتي
-الفصلية
زَيد : هاااا بيها الخير
-راح هو صعد وكام يصعد بالجنط 4 كبار
واني نمت كعدت الصبح ع هوستهم
وشفت ابو فهد حاضن زَيد يمكن ربع ساعة يلا عافة و هيفاء تبوس براسة مثل الي ممصدكين خاص بصفحتنا قصص قصص عراقيه واقعيه
راحو نامو كلهم المغرب يلا كعدو و اني كاعدة بالغرفة مال هيفاء اباوع تلفزيون
بعدين اخذت ملابس ورحت سبحت كعدت امشط بشعري بالغرفة و اني اضوج منة لان طويل احب الشعر القصير
بس اني طولي 158 شعري عابر ظهري لونة بني ع شگار اني احب لونة بس ما احب طولة اما بشرتي ف بيضة لان طالعة ع امي
بس اختي ضحى الله يرحمها جانت سمرة بس محبوبة اما عيوني لون اصفر عيوني كبار حلگي و خشمي وسط يعني لا هيچ و لا هيچ
-گعدت هيفاء ركضتلها تمشطلي راحت غسلت و اجتي بدت تمشطة
هيفاء: اللهم صلي ع محمد خايبة دهر فرچ ع هذا ثخن شعرج
- كدامچ
هيفاء :من جنتي بغداد محجبة لو لا
- اشمر الشال ع راسي و الضفيرة تطلع من ورا والكذلة تطلع من كدام
هيفاء: ههههههههه اهم شي النية
-دتمشطلي شعري و دخل ابو فهد گبل حطيت الشال ع راسي
ابو فهد : لا تتضايقين بوية حسبت ابوج انا
هيفاء: هلا خوية تفضل اسويلك جاي
ابو فهد : اي بروح امچ خوية
هيفاء : گومي اديان سوي چاي
اديان : هسة مو عزمتي انتي و باوعتلها بنظرة ضايجة
ابو فهد : ماريد خوية مشكورة يلا طالع
هيفاء : لا تعال انا كايمة اسويلك لا تضوج
ابو فهد : لا خوية عليمن جاهلة
رايح يم جماعتي
هيفاء : مودع بالله
هيفاء: انتي ليش ثولة خليتي يطلع ضايج و فشلتيني كدامة
اديان : وهو شدعوة هيج شايف روحة اني دا اتشاقة
ترى درينة حلو و احنة هم حلوين
هيفاء : ههههه دنچبي خايبة انچبي
اديان: ام محمد شدت وياي من جديد ع اقل شي تضرب واني ماكدر اروح اكول لواحد احس روحي ماعندي كرامة ضليت صابرة نوب زهراء و حوراء صفن وياها
ورا كم يوم كعدت الصبح سوو ريوك واني دا اغسل بالمواعين دخلن زهراء و حوراء كعدن ع الميز
حوراء : يلا لج ريوگ
زهراء : اي يلاا بساع
دخل زيد و كعد وياهن
زَيد : يلا وحدة منجن تسوي ريوگ
والثانية تكوم تساعد اديان
حوراء : والله اني ما اسوي شي هي الفصلية تصبلنة وتنظف
زَيد : شنو هذا الاسلوب لج
حوراء : والله بكيفي يعجبك يعجبك
اديان : جنت دا اغسل مواعين درت وجهي ع صوت الضربة شفت حوراء واكعة من الكرسي عزا ذولة شنو من ادين عدهم كامتت تبجي و تصيحح ولججج يمةةة
دخل ابو فهد و الحجي و ام محمد و ابو سراب و هيفاء
ابو فهد : هاي شكو
زَيد : هاي بتك عيد تربيتها وعلمها بعد لترادد عمها
ابو فهد: لججج ادبسزز نوب تراددن عمامجن
حوراء : يابة وروح امي كلشي ممسوية اول ما دخلت للمطبخ جنت وحدي كاعدة ابجي ع امي و اديان دگلي عليمن تبجي هي امج
لو ما عار جان ما صار بيها سرطان
وبعدين اجتي زهراء و عمو زيد وكال كومي ساعديها واني جنت ضايجة منها كتلة ماكوم ضربني راشدي ليش هاي لان ما عندي ام تدافعلي
اديان : الصدمة الي انصدمتها يعني مستحيل هذا شنو من تمثيل ضليت اني اشك بروحي خاف صدك حاجية هيج
ام محمد : ترى حرام عليج هذا موت بيد الله يجوز انتي هم يصير بيج سرطان
الحجي : بعد اذا تحاجين بنات ابني طردتج من
هذا البيت على ايدي بناتنة محد تنزل دموعهن خاص بيج قصص عراقيه واقعيه
زَيد : هااااااي شبيكم وي البنية
ابو فهد : هاي ليش وياها لج
ادياان : ضلت بس دموعي تنزل سحبني من ياختي و طلعني من المطبخ و دفعني للصالة
ابو فهد : امشي ولي يم هيفاء
الحجي : و عوفج من اليتيمات لتتحارشين بيهن بعد
اديان: بسسس حرام عليكممم اني والله هذا الكلام مگايلتة و اذا مقهورين عليهم لان يتيمات انيييييي هم يتيمة اني هممممم امي ميتة
ضلو يباوعون مثل المصدومين لان اول مرة يعرفون اني يتيمة و هم و لامرة سئلوني رحت لغرفة هيفاء بچيت لحد ما الله گلي بس
اجتي هيفاء حضنتني
هيفاء: يروحي والله اول مرة ادري الله يرحمها ان شاء الله ويعوضچ
اديان : مسحت دموعي وكتلها ،،، شكراً
بالليل الساعة ب 11 اجاني فهد
فهد : نلعب اني وياج
اديان: وين
فهد: بغرفتي
اديان : عندك غرفة وحدك
فهد : اي هسة تلعبين لو لا
اديان : يلا امشي
صعدنة فوگ غرفتة تجنن لون ازرگ والچرباية ع شكل سيارة يعني مبين هذا من يكبر تطلع عينة من الدلال
فهد:نلعب حية و درج
اديان : بكيفك
ضلينة نلعب واني حتلو اوصل للفوز اسوي روحي عضتني الحية وارجع للبداية علمود هو يفوز
ورا شوية انفتح الباب دخل ابو فهد حضن فهد و شالة و انطا علاگة مبينة مال حلويات اني درت وجهي و طلعت من الغرفة
ابو فهد : دخلي لغرفتي عندي حچاية وياچ بوية
اديان : سويت روحي ما سمعتة نزلت جوة تغطيت ونمت
ثاني يوم كعدت ع صوت ام محمد
ام محمد : يلا لا تتمسكنين بروسنة كلنة يتامة كومي اليوم عندي شغل
اديان: كعدت غسلت وجهي وشمرت الشال ع شعري وام سراب و ام محمد ديسوون ريوك نزلو ابو فهد و زَيد و فَهد
زَيد : شونچ اديان
اديان : الحمدلله و انتَ
زَيد: عالِ العال
اديان : ابو فهد عاقد حواجبة لان البارحة ما حاچيتة لعد هو يعرف بس يضرب والله يا الله
صبو ريوگ و اني رحت للغرفة انتضرهم يخلصون وسمعت
زَيد :اديااان
اديان : هااا
زَيد : ووجعا تعاي تريگي
اديان : لا ما اشتهي
زيد: دگعدي يمعودة
هيفاء : تعاي هذا مكان يمي
اديان : الريوگ خلص واني اكلت 3 زيتونات بس
اباوع على ابو فهد ياكل و يذب حسرات
كملو الريوگ كعدو يسولفون بديت انظف المطبخ زيد و ابو فهد شغلو سياراتهم و طلعو و صارت ب 11 ونص الحجي راح للجامع
وگعدن زهراء و حوراء وسراب
سراب : شونج دندن
اديان: تمام حبيبتي و انتي
سراب : بخير خية
زهراء : اديان احنة نعتذر البارحة ابوية ضربج بس وعلي حوراء جانت ضايجة وهسة تريد تعتذر
اديان: ماصار شي
حوراء: اديان نصير صديقات
اديان :عادي مو مشكلة اجتي حضنتني بادلتهة
وسراب و زهراء كامن يضحكن فرحانات
چان كل ضني الدنيا راح تعدل وياي
