رواية المتمرد والصغيرة الفصل الثاني عشر 12 بقلم رسل

_______

أنـا الفرهدوها الناس انـا المحد بقة وياها

أنا سنيني ضاعت هيچ ما مفتهمة معناها 

_______

مرن شهرين ع وفاة سهام الله يرحمها الوضع عادي 

چنت گاعدة بغرفة هيفاء اباوع مسلسل 

هي مموجودة راحت للسوگ وي مرة محمد 

دخل ابو فهد للغرفة چان راجع گالو عندا فصل چبير

ابو فهد: شونچ بوية 

اديان : تمام 

ابو فهد : چا ما علموچ الاصول من واحد يسئل عنچ تردين السؤال عنة 

اديان : مو كلها تستاهل 

ابو فهد: طولان لسانچ بوية 

اديان : وهسة شتريد عمو 

ابو فهد : مارايد بعد عمچ بس سويلي چاي و صعدي فوگ 

اديان : صعد هو فوك واني طلعت من الغرفة اسوي چاي حظرت ستكان و وديتة دگيت باب الغرفة 

-ادخل

-هذا الچاي 

-اي بوية تعاي خلي يم راسي و طلعي و سدي الباب 

-عبالي يعتذر ع الراشدي يابة وطبهم طووب خل تخلص السنة و اشرد وين ما عند الله گاع 

نزلت لگيت هيفاء جاية جايبتلي ملابس بس هم لون اسود لان يلبسون ع الميت سنة وهم اخوهم وسهام ماتو نفس الفترة 

حوراء و زهراء چانن زينات وياي بس من يجي ابوهن يختفن من يمي حتى اذا نزلن ميحجن وياي 

حاولت بوقتها اعرف شنو السبب 

بس ما اجاني تفكير بشي مو زين واني ما احب اسئلهن خليتها ع الله هو شايف كلشي 

ثاني يوم العصر جنت كاعدة بغرفة هيفاء ويمها الحجية فدعة وكاعدات يسولفن اني كعدت اباوع 

اجة ابو فهد كال .. السلام عليكم 

وهن ردن ... وعليكم السلام 

ابو فهد : تعاي بوية فوگ رايدج 

-هو صعد واني بدون تردد صعدت ورا ماعرف ليش هيج بسرعة حبيت احجي ويا 

دكيت الباب 

-دخلي يابة 

-شفتة دينزع بدشداشتة و يريد يعلگها نزلت عيوني 

-سدي الباب وتعاي كعدي هنا 

-سديت الباب و جانت اكو قنفة من ضمن اثاث الغرفة كعدت عليها هو كعد ع الجرباية 

-جانت بصفة علاگة سودة فتحها طلع كارتون چبير فتحة طلع لاب توب ،، ومد ايدة وهو لازم يعني ديأشر اخذي

-لا شكراً ماريد 

-مو بكيفچ بوية انا ما جبتة حتى ترجعي 

-مو غصب السالفة ماريدة 

-ترى مو من فلوسي اني سحبت من فلوسچ العندي 

-احلف يلا اخذة 

-حرام الحلفان بوية وهاچ اخذي 

وسدي الباب والضوة ولا تتعبيني 

اديان... كلت خل اخذة اتونس عليه عليمن 

ضالة ع التلفزيون طلعت من الغرفة شافني زيد 

زيد : الله موفق يابة لابتوب و كذا 

اديان: هو اصلاً ما اعرفلةً ..

زيد : لازم اخوي يريد يمهل الدرب يلا ليش لا شاب 

و من حقة .. امشي اعلمج عليه 

اديان .. لا ماكو داعي 

زيد : دمشي لج 

اديان .. كعدت زيد ضل يعلمني و دخل رمز الشبكة ونزل العاب وبرنامج سينمانا و راواني صورة برنامج ازرگ بي حرف f ابيض 

گال هذا فيس بوك ديري بالج تنزلي يعطل الجهاز 

و برنامج نفسة هم ازرگ بس بي شلون الهمزة هم لون ابيض 

كال هذا ماسنجر هم يهكر الجهاز واني اهز براسي 

واشوفة كاتم الضحكة كوة من تااالي يلا عرفت جان يچذب علية صارت الساعة بالسبعة 

و احنة نفس الكعدة وكل شوية داخلة ام محمد گالت... شبيج صدگ چذب ماشايفة لاب توب 

اديان :لا ما شايفة 

ام محمد : حقچ معيدي و لزم طواطة 

هي غلطت علية واني حصرتني الضحكة ع المثل وطگيتها ضحكة و زيد هم كام يضحك اجة ابو فهد دخل رفع تك حاجب و اجة كعد يمنة 

ابو فهد : ها بوية شتسوون 

زيد: اعلم بمرتك غير 

محد حچة 

صبو عشة صاحولي ما ردت فرحانة ب الاب توب

عبالك ملكت الدنيا كلها ضليت اباوع افلام و مسلسلات نمت ب الاربعة الفجر 

وهيفاء كل شوية رفعت راسها وكالت 

نصي يمعودة نصي 

گعدت الصبح على صوت ام محمد يلعلع بس اني فرحانة بس اريد اخلص الشغل بسرعة علمود ارجع اكعد اباوع 

كملت اماعين الريوك ونوب كامن يسوون غدة ام محمد و ام سراب و هيفاء هم بس فدعة كاعدة بالصالة ويوصللها الاكل بس هم ما عاجبها العجب 

بس البيت كلة يحبها انطني الخظرة اغسلها

و الگطها واني كاعدة على الميز 

ام محمد : چنت اسمع يگولون بنات بغداد يستولن ع الزلم بلمح البصر ... وهسة تأكدت 

هيفاء : هنَ حلوات بنات بغداد

ام محمد : و عگارب هم 

اديان : كلمن يشوف الناس بعين طبعة 

ام محمد : و الزمال ياخذ على نفسة 

اديان : لو ما اكبر مني جان عرفت شحچي 

ام محمد : يمة يمة صابتني رجفة بنت اهل العرگ تخوفني وعلي احط راسچ وادوسة و اشوف گو*** يگول ليش 

ابو فهد : اي بيداء ليش 

هيفاء: هلا خوية 

ابو فهد: هلا بيج بوية 

اديان: اني بين الصدمة و بين حاصرتني الضحكة دنگت راسي والتهيت بالخظرة 

ام محمد : انا ما حاچية وياك ليش تجيب الغلط لروحك 

ابو فهد : انا چم مرة منبهچ عوفيها يعني شلون مترتاحين الا اديحكم بالشوارع 

ام محمد : وانتة شدعواك هيج كاتل روحك عليها تراها بگد بناتك 

ابو فهد : وانتي شلچ غرض بية لو بناتي 

اديان... ضلت تأفأف وغسلت اديها و طلعت هو گعد على الميز 

هيفاء: چا ليش رديت 

ابو فهد : الگعدة تأجلت .. شنو الغدة 

هيفاء: تمن احمر و سمچ 

ابو فهد : چا خوش انا رايح للجامع اصلي 

هيفاء: الله وياك خوية 

فدعة: خايب يبو قرررد 

ابو فهد: هاي ويامن ولج فدعة شو صايرة تتجاوزين 

فدعة : واكسر ضلوعك 

ابو فهد : دسكتي ولج بس انفخ عليجج تطيرين 

فدعة : يا خايب تتمضحك علية يبو النسوان 

ابو فهد: وانتي ام الزلم 

فدعة: شوكت ازوجك ولك 

ابو فهد : انا وياجج نتزوج فرد يوم 

شلون عندي الج زلمة يم المركز بس اتفل عليه يموت 

فدعة : ههههههههههههه يا مكسور الرگبة خلي الك 

ابو فهد : ما ادور ولد اني 

هسة تحتاجين شي طالع اني 

فدعة : اي وعلي مشتهية لبن 

ابو فهد : هسة ادز الولد 

اديان... رجعو من الصلاة ابو فهد والحجي و زيد ميطلع للشغل بس نايم و اجة ابو سراب و فرشو السفرة بالصالة 

وگعدو ياكلون صاحولي بس شفت ماكو مكان سوتلي هيفاء يمها مكان وكعدت السمچ اني تلعب نفسي منة اكلت بس تمن وگمت رحت للمطبخ اسوي چاي صبيتة و اچتي سراب اخذتة تقدم 

غسلت المواعين ورحت سبحت ومشطت ومكيفة علمود اروح العب ب الاب توب جنت حاطتة ع الشحن شو اباوع ماكو انصدمت ضليت ادور ماكو انقهرت .. 

رحت گلت لهيفاء ضلت تدور وياي دورنة البيت كلة ماكو صعدت فوگ دكيت الباب على غرفة ابو فهد 

ابو فهد : ادخل 

- عمو هم شايف الاب توب اني عفتة ع الشحن 

-على الكومدي اخذي 

-شعندة يمك 

-ترى اني جبتة 

-لعد خلي يمك ما اريدة 

-اخذي وسدي حلگج 

-عفتة وطلعت طبگت الباب ... شنو يريد يذلني بي 

نزلت جوة لاگتني هيفاء 

-هاا لكيتي 

-عند اخوج 

- شيسوي بي 

-ماخذة علمود يذلني بي غير 

-انجبي يجوز رادج تصعديلة 

-واني هم بعد ماريدة 

-هههههه والله يا خوية چنك وگعت 

-حطيت راسي ع المخدة وتذكرت امي و اختي و ابوية ليش ما سئل عني زين اني حياتي هسة شنو مستقبلي شنو نمت 

كعدت ثاني يوم وحدي لان مسهرانة طلعت بالكراج شفت الحديقة تجنن بيها مرجوحة كعدت بيها وشفت واحد يدفعني خفيف درت وجهي شفتة فهد كاشخ و مشط شعرة 

اديان:هلو حبيبي 

فهد:راح نروح

اديان:وين 

فهد:لبيت جدو اني وزهراء و حوراء 

اديان :وشوكت تجون 

فهد : اسبوع شهر بكيفنة هم بيتهم هذا هنا قريب بس خالو يطلعنة بابا ميطلعنة 

اديان : ليش ميطلعكم 

فهد: غير اابوية الشيخ شنو يطلع ويانة الجهال 

دنسولف ودخل ... 

شكرا لزيارتكم عالم روايات سكيرهوم