 |
رواية جحيم ابن عمى الفصل الحادي عشر بقلم ماهي عاطف
غادر زياد من الشركة وقاد سيارته بغضب وكان يفكر كيفية الانتقام من ندى لكسر قلبه بهذه الطريقة نعم كان يحبها بشدة وصرحها بذلك لكن ندى اخذت الموضوع بسخرية واخبرته انها لا تحمل اي مشاعر اتجاهه انما تعبره كأخ ظل يفكر ويفكر الى ان وصل الى القصر دلف الى القصر ليستريح قليلاً وجد والدته تنادى بأسمه التفت وذهب اليها
سهام......: زياد
زياد.....: نعم يا ماما
سهام....: اقعد عايزة اتكلم معاك فى موضوع
جلس زياد وقالت نورا.....: طيب يا سهام انا هاخد مى وحمزة ونطلع شويه فوق بعد اذنكم
زياد وسهام......: اتفضلى
غادرت نورا بصحبة مى وحمزة
زياد.....: موضوع اي يا ماما
سهام بعصبية.....: انت هتفضل لحد امتى كدة يا زياد اتغيرت اوى انت مش ابنى اللى اعرفه بقيت بتزعق للاولاد على اسباب تافهه مالك فى ايه انا اتخنقت منك ومن تصرفاتك واسمعنى كويس ولادك لسة صغيرين وانا مش حمل انك كل شويه تزعقلهم وعايزة اقولك حاجه فرح ماتت مبقاش ليها وجود فاهمنى انساها بقا وشوف حياتك وولادك
زياد.....: يااااه انساها بسهوله كدة عارفة فرح دى كانت بالنسبالي ايه مش بس مراتى وام ولادى لا فرح دى بنتى واختى وكل حاجه فى حياتى ومش هنساها يا ماما ياريت الكل يفهم دا
سهام......:ماشي يا زياد بس عايزة افهمك حاجه ولادك صغيرين ومش حمل تصرفاتك الطائشة دى ياريت تفهم دا.... واه صحيح خد الظرف دا فرح الله يرحمها كتبتهولك قبل ماتموت بتقولك دى وصيتها ليك وياريت تنفذها
اخد زياد منها الظرف وقام بفتحه مضمون الظرف........:
"حبيبي زياد وحشتنى اوى انت ومى وحمزة انا كنت عايزة اقولك الكلام دا من زمان بس مكنتش هتسمع الكلام بس دلوقتي دى وصيتى ليك ولو بتحبنى نفذها.... انا عايزاك تتجوز ندى بنت عمك.... ايوة ندى متستغربش انا عارفه انك كنت بتحبها قبل ماتتجوزنى... اكيد انت مستغرب انا عرفت ازاى ومنين المهم كل اللى عايزاه منك انك تتجوزها هى الوحيده اللى هتخاف على ولادى وتربيهم كويس لو بتحبني اسمع كلامى وريحنى فى قبرى
فرح"
كان يقرأ الرسالة بصدمة كان يفكر كيف علمت بحبه لندى.... اخذت منه سهام الورقة وقامت بقراتها واعتلى وجهها الصدمة هى الاخرى وقالت.....:زياد هو انت كنت بتحب ندى زمان
زياد....: ايوة يا ماما بس محصلش نصيب... اوعى تكونى فاكرة انى هنفذ الكلام الفارغ دا واتجوزها
سهام.....: طب وهتعمل ايه المفروض تنفذ الوصية علشان فرح ترتاح فى قبرها
زياد بصوت عالى جاء كل من فى القصر عليه......: مستحيل فاهمة يعني ايه مستحيييييل مش هتجوزها ومش هتجوز تانى اصلا ولو اتجوزت بردو هتكون فرح هنا.. قال ذلك واشار على قلبه....: هتكون فى قلبي فااااهمين
احمد....: فى ايه يا زياد
لارد
احمد...: طب قولى انتى يا سهام ايه اللى حصل
سهام....: فرح الله يرحمها قبل ماتموت كانت كتبت رسالة وادتها لى ولسة مديهاله وكان مضمونها ان زياد يتجوز ندى
وقع الخبر على ندى كالصاعقة حست بالدوران فوقعت مغشياً... شهقوا جميعاً وركضوا اليها
نورا....: ندى حبيبتي ردى عليا
محمد....: شيلها معايا يا اح..
جاء محمد ليكمل حديثه وجد زياد قد حمل ندى وصاعداً بها لأعلى واتصل احمد بالطبيب
سهام وهى تحدث نفسها بخبث......:بتحبها يا زياد وهتموت وتتجوزها بس بتعاند وانا هفضل وراك لحد مادا يحصل
ثم صعدت هى الاخرى وجاء الطبيب وفحصها ثم غادر
بعد عدة دقائق
ستيقظت ندى واعتدلت بجلستها قالت نورا...:ندى عاملة ايه ياحبيبتي
ندى.....:الحمدلله يا ماما
محمد.....:يلا يا جماعه نسيبها تستريح شويه
غادروا جميعاً ووجدت ندى صوت يصدح من هاتفها
وكان ماجد
ماجد...:الو يا ناندو انتى فين
ندى بتعب....:معلش ياماجد مش هقدر اخرج النهارده
ماجد بقلق....:مالك ياندى صوتك تعبان فى حاجه
ندى.....:لا مفيش بس اُغمى عليا ومش هقدر اخرج خليها وقت تانى
ماجد...:مقلتليش لية يا ندى ماشي انا وليان جاينلك دلوقتي ولما اجى ليا كلام معاكى سلام
ندى....:سلام
اغلقت معه وجلست تنتظر ليان وماجد
_________________
فى منزل ليان مصطفى وجدت ماجد يتصل بها
ليان بفرح....:مييجو وحشتني اوى عامل ايه
ماجد....:الحمدلله ياحبيبتي وانتى عامله ايه وحشتيني
ليان....:الحمدلله انا زعلانة منك انت والحيوانة التانيه علشان مش بتسالوا عليا
ماجد....:والله غصب عنى دا انا حتى بتصل بيكى علشان نروح عند ندى نطمن عليها اصل الهانم تعبانه ومقالتش لحد
ليان بقلق....:مالها ندى يا ماجد
ماجد.....:مفيش كنا متفقين ان هى تتصل بيكى علشان نخرج اتصلت بيها بتقولى انها مينفعش تخرج علشان اُغمى عليها
ليان.....:خلاص ماشي يا ماجد هلبس واروح وانت ابقى تعالى
ماجد....:اوك باي
ليان....:باي
اغلقت معه وذهبت لترتدى ملابسها
_______________
دلف زياد الى غرفته بتعب بعدما اطمئن على ندى جلس على طرف السرير وقال لنفسه......:انا مش عارف ايه اللى بيحصلى دا يعني الدنيا مجمعتناش انا وانتى يا ندى فرح هى اللى تجمعنا بس انا مستحيل اتجوزك يا ندى مستحييييل
ظل يفكر بعد ذلك نفض هذه الافكار من رأسه ودلف الى الحمام وخرج غطى فى نوم عميق
________________
عند إياد غادر من الشركه وفى منتصف الطريق اصتدمت سيارته بسيارة اخرى خرج من سيارته وهو يقول بغضب.....: انت حيوان م....
اعتلت الصدمة وجهه وهو يرى ملاك يقف امامه انبهر بشدة بجمال هذه الفتاة وكاد ان يعنفها على فعلتها هذة ولكن قد انبهر بجمالها وعجز لسانه على الحديث
الفتاة......: انا اسفة جدا ماخدتش بالي كنت مستعجلة وووو
قاطعها إياد ومازال الصدمة تعتلى وجهه....: ولا يهمك حصل خير يا انسة
الفتاة.....: اوك بعداذنك علشان مستعجلة
صعدت الفتاة سيارتها وغادرت بينما إياد صعد الى سيارته هو الاخر وقال.....: هو انا بحلم والا بيتهيالي ايه الملاك دا يخربيت كدا ياترى هشوفها تانى والا لا بس يا خسارة معرفتش اسمها
ثم غادر الى القصر
__________________
دلفت ليان الى قصر العراقى وسألت الخادمة عن ندى وقامت بتوصيلها الى غرفتها طرقت الباب واذنت لها بالدخول بمجرد ان دلفت قامت بإحتضانها
ليان.....:ناندو وحشتيني اوى عامله ايه
ندى......:الحمدلله ياقلبي وانتى عامله ايه وحشتيني
ليان.....:الحمدلله مالك ايه اللى حصل ماجد بيقول انك اُغمى عليكى
قصت عليها ندى ماحدث والزواج من زياد
ليان بصدمة.....:يعني فرح عايزاكى انتى وزياد تتجوزوا
ندى....:ايوة ياليان ومش عارفه اعمل ايه
ليان....:طب وزياد موافق والا لا
ندى....:لا موافقش وقعد يزعق كتير اوى ورافض انه يتجوز تانى
ليان.....:طب الحمدلله فكى بقا كدة واضحكى
ابتسمت ندى وظلوا يتحدثوا فى بعض الامور
_____________________
عند زياد قاطعه صوت طرقت الباب اذن للطارق بالدخول
الخادمة......:زياد بيه فى اتنين تحت عايزين حضرتك
زياد.....:مقالوش مين
الخادمة.....:لا قالولى انهم عايزين حضرتك
زياد......:ماشي روحى قوليلهم نازل
غادرت الخادمة بينما قال زياد.....:هيكون مين اللى عايزنى
ثم غادر الى اسفل
زياد بصدمة......:مروان وكريم اتفضلوا اقعدوا
"استوب✋مروان وكريم اخوات فرح"
مروان.....:ازيك يازياد عامل ايه
زياد.....:الحمدلله وانتو
مروان وكريم.....:الحمدلله
نظر كلا من مروان وكريم الى بعض ثم قال كريم....:معلش جينا من غير ميعاد بس كنا عايزين نقولك حاجة
زياد.....:قولوا فى ايه قلقتونى
كريم.....:احنا جايين النهارده علشان ناخد مى وحمزة معانا علشان يعيشوا معانا
زياد....:ودا لية انشاءالله
مروان....:مى وحمزة لسة صغيرين ومحتاجين ام علشان كدة هنخدهم معانا مراتى ومرات كريم يهتموا بيهم ويخلوا بالهم منهم
زياد......:والله ابوهم عايش مامتتش علشان تقولوا كدة وبعدين بصفة ايه تاخدوهم
كريم....:انت ناسي ان احنا اخوات امهم يعنى انا ومروان بنكون خالهم وهنخدهم معانا
نزل احمد ومحمد وسهام على صوتهم
احمد.....:فى ايه يا كريم بتزعق لية كدة
كريم.....:بقوله حايين علشان ناخد مى وحمزة معانا
محمد....:ودا لية انشاءالله مش ابوهم عايش
مروان....:بس هما صغيرين ومحتاجين ام فهنخدهم ومراتى ومرات كريم هيربوهم
سهام بخبث.....:ازاى محتاجين ام وندى موجوده
كريم.....:ندى مين واي علاقتها بيهم
سهام بخبث.....:اصل ندى بتكون مرات كريم
اعتلت الصدمة وجهم
ووووووو
