رواية دعني احطم غرورك الفصل الحادي عشر
وبدأ يوم جديد يحمل في طياته الكثير من المفاجأت ...
عز الدين يجلس في سيارته وقد بدأ في تنفيذ الخطة التي وضعها للانتقام من جانا ،،
الوقت يقترب من الظهيرة ... وفي ذلك الوقت كانت جانا تجلس في حجرتها وترتدي بيجامتها المفضلة ( بنطالها من اللون الفوشيا ، والتي شيرت باللون الرمادي )، وتاركة شعرها مموجاً متناثراً ، وكانت مشغولة بوضع طلاء الأظافر على قدمها ، وإذ بالهاتف يرن
-جانا وهي تنظر لشاشة الهاتف: دينا؟؟ الووو ، good morning sweetie, what's up?
-دينا: Good morning honey ، أنا تمام
-جانا: خير طلباني ليه
-دينا: انتي كنتي sleepy يا جو ، وانا نزلت ورايا كام حاجة عاوزة اخلصها بسرعة
-جانا: طيب انجزي ، عاوزة ايه مني؟؟
دينا: بصي أنا هاروح الـ بيوتي سنتر ، عشان عندي dish party ، وبعدها عيد ميلاد حلا صاحبتي ، فعاوزة منك favor ؟
-جانا: خير
-دينا: بصي عاوزاكي تجيلي عند البيوتي سنتر وتجيبلي الـ purple dress ع الساعة 3 العصر كده ، اوكي ؟
-جانا: اوك ، حاجة تانية ؟
-دينا بدلع : no, honey ، ثانكس حبي
ثم أغلقت جانا الهاتف ، واكلمت وضع الطلاء ، وإذ بالهاتف يرن مرة ثانية ، فتجد أن المتصل دينا ،،
-جانا:ايه تاني؟؟؟
-دينا : سوري جوجو ، نسيت أقولك تجيبلي الشوز بتاعه معاكي
-جانا: حاجة تانية ؟؟؟
-دينا : لأ يا قلبي ، باي
وأغلقت الهاتف ، وألقته ثم استأنفت وضع الطلاء ، وإذ به يرن مرة اخرى ، والمتصل أيضاً دينا
-جانا: يوووووه ، زهقتيني
-دينا: سوري جوجو ، بليز متضايقيش ، عاوزة البروش الفضي من ع التسريحة مع الـ stuff
-جانا: ها في اي حاجة هتعوزيها تاني ؟؟؟
-دينا بعد لحظة من التفكير: ممممم ، هفكر واقولك ، باي!!
ثم رن الهاتف مرة اخرى فأجابت جانا دون أن تنظر للشاشة معتقدة أنها دينا
-دينا بعصبية: يووووه ، بجد انتي over ، خنقتيني، تعالي هنا احسن البسي وانزلي وريحيني !!
-المتصل : مين دي يا بت اللي خنقتك عشان أعملها تمثال؟؟
-دينا: مين معايا؟
-المتصل : ماتجاوبي الأول ؟
-دينا وهي تنظر لاسم المتصل وتجد انه رقم غير مسجل لديها : انت مين؟
-المتصل: جوزك !!!!!!!!!!!!!
-دينا بعصبية: جرى ايه يا سافل يا حيوان انت هتـ......................
-المتصل: اقفلي البلاعة اللي فتحتيها دي ، أنا عز الدين يا بت
-دينا: اووووف ، عاوز ايه ؟ ، وحشك الضرب بالقلم فعاوز تاني ؟؟؟
-عز: لأ يا خفة ، القلم ده هردهولكي قريب ، ومن ناحية أنا عاوز إيه فانا عاوزك انتي !!
-دينا: ده بعينك ، عشم ابليس في الجنة
-عز باستهزاء : تؤ يا حلوة ، مافيش حاجة تستعصى عليا ، ها هتنزلي عند الميكانيكي امتى؟
-جانا: نعم ؟
-عز مكملاً نبرة السخرية: مش عملالي فيها الواد بلية صبي الميكانيكي ، ده أنا ماشوفتلكيش هدوم عدلة من يوم ما ربنا بلاني بيكي !!!
-دينا: بص يا ظريف ، انت تنسى أنك شوفتني أصلاً ، واقفل السكة أحسنلك ، ولا أقولك هقفلها أنا ....
ولم تعطي عز الفرصى لـ يكمل حديثه فانهت المكالمة وأغلقت الخط في وجهه
ثم وصلها رنين اعلان ((وصول رسالة نصية))
فتحتها جانا لتقرأ ما كتب فيها
(( أحسنلك تردي عليا حالاً ، وإلا ....... أنا مش هاقول ، أنا هنفذ على طوووول ))
ثم رن الهاتف مرة اخرى لتجيب جانا ،،،
-جانا بضيق: اللهم طولك يا روح ، اخلص يا عم الأمور
-عز بضحكة: لالالالالا ، أمور مرة واحدة !! هو انتي رضيتي عني بالسرعة دي من رسالة ، انا مش مصدق وداني !!
-جانا: انجزززززززززززز
-عز: ماشي يا قطة ، ها ، هنتخطب امتى ؟
-جانا: ابقى اتغطى كويس لأحسن مخك استهوى ، انت بتحلم !!!
-عز بثقة: يا بت انتي مش أدي !
-جانا: وهو حد قالك اني عاوزة أكون أدك أصلاً ؟
-عز: هو انتي تطولي؟؟
-جانا: لا أطول ولا أقصر ، قصرررر في كلامك معايا!!!
-عز: ليه محسساني انك واحد صاحبي من الطالبية ، مش زي ما عمك بيقول بنت المفروض جاية طازة من بلاد الفرنجة هههههههههههههههههه
-جانا: ها ها ها ، دمك يلطش يا ظريف
-عز بحدة : يا بت اتهدي واحترمي نفسك ، أنا بحذرك ، بدل ما تشوفي مني الوش التاني !!
-جانا: أنا أصلاً غلطانة إني عبرتك ، ورديت ع واحد متخلف زيك ، أنت مش راجل وبؤ ع الفاضي
-عز بعصبية : نــــــــــــعم!! ، سمعيني قولتي ايه؟؟؟
-جانا بشجاعة: قولت انك متخلف ومش راجل وبؤ ع الفاضي ... أعيد كمـــان؟
-عز: متستفزنيش يا بنت الـ........ ،، أنا راجل غصب عنك وعن اللي جابوكي ، اقسم بالله في لحظة هتلاقيني قدامك طابق في زومارة رقبتك !!!
-جانا بضحكة: بؤ ... انت بؤ ...
-عز بغيظ وحنق شديدين: استغفر الله العظيم يا رب ، انتي مش هترتاحي إلا أما ارتكب فيكي جناية
-جانا بتحدي : مش انت حرقــــاك أوي كلمة مش راجل ، طب لو راجل بجد بقى نفذ اللي قولت عليه الوقتي
-عز بعدم فهم : يعني اقتلك عشان تصدقي؟
-جانا بثقة: لأ ، لو كنت راجل زي ما بتقول والجلالة وخداك اوي يبقى تعالى الوقتي حالاً في اوضتي وفي وجود أهلي كلهم ووريني نفسك ياااااا .. يااااا راجل ههههههههههه
-عز وقد قبل التحدي: ماشي هوريكي !!!!
وانهى المكالمة معها
جانا كانت على يقين تام انه لن يستطيع تنفيذ هذا لعدة أسباب ( أولا : منزل عمها خط أحمر فمهما كانت شخصيته الطيبة والمتسامحة ، إلا إنه يرفض تماماً أن يتعرض أي أحد لعائلته بالسوء ، أو يتخطى حرمـــات منزله وينتهكها جهاراً دون أن يمر هذا مرور الكرام .. وثانياَ: أنه غير متواجد حالياً بالمنزل ومشغول في عمله ولن يعود قبل المساء ، وثالثاً: ان عمتها سهير لن تسمح بدخول عز الدين إلى المنزل في غياب ربُ المنزل فما بالك بالدخول إلى غرفتها )
إذن المهمة مستحيلة أمام عز الدين ليثبت لجانا أنه قادر على أن ينفذ ما يقول
لذلك أراحت جانا ظهرها على السرير ، وهي متأكدة من فشل عز الكيلاني
...............
في سيارة عز الدين
-عز : الوو ، ايوه يا ياسين ....... ، اسمعني يا زفت ، متقاطعنيش ، أنا عاوزك تنفذ اللي هاقولك عليه بالنص
-ياسين: انا مش فاضي يا زيزو ، بص بالليل نتكلم
-عز بنرفزة: لأ انت تسيب أي حاجة وراك ، وتفضالي الوقتي اهوو، فاهمني!!
-ياسين: مش هخلص من رزالتك يعني؟ خلاص قول عاوز ايه
-عز: شوف أنا عاوزك تروح الوقتي عند صيـ.......................، وبعدها تجيب لي ........ و بعدين تجيني انا موجود في عربيتي عند (( ....... )) ، متتأخرش معاك ربع ساعة تنجز ده كله فيه
-ياسين بتعجب: اييييه ربع ساعة ؟ وهتعوز الحاجات دي كلها ليه ؟؟ انت ناوي على ايه بالظبط يا عز فطمني ؟؟؟
-عز: انجزززز وتعلالي ، وانا هفهمك ، يالا اوام
وانهى المكالمة مع ياسين قائلاً في نفسه: هعرفك يا جانا انا مين !!!
.....
بعد مضي حوالي الساعة التقى ياسين بعز الدين داخل سيارته ،،،
-عز: ايه التأخير ده كله ؟؟؟؟؟
-ياسين وهو يلهث: تأخير ايه يا عم، ده انا دوخت ياخي عشان ألحق اخلصلك اللي انت عاوزه بسرعة
-عز: ماشي وريني الحاجة
-ياسين وهو يلتقط أنفاسه: عد الجمايل بقى يا برنس ، بس مقولتليش هتعمل بالحاجات دي ايه؟
-عز وهو يتفحص ما بداخل الأكياس: ملكش فيه ، الوقتي انا عاوزك تكلم حسين الدمنهوري
-ياسين: مين حسين الدمنهوري ده ؟
-عز: عم اللي ماتتسمى
-ياسين: ليه ؟
-عز: مش مهم تعرف ليه ، بس عاوزك تطلبه على موبايله ، وتشغله على أد ما تقدر ، تحكي معاه في أي هري ع الفاضي
-ياسين: طب ليه كل ده ؟
-عز: انت تعمل اللي اقولك عليه من غير ليه، اه ومتكلمهوش إلا لما أرن عليك ، ولو مردش خليك وراه واقرفه لحد ما يرد عليك، ها فهمت ؟
-ياسين: لأ مفهمتش؟ انت عاوزني اعمل كده ليه؟
-عز بحدة : هبقى أقولك بعدين ، ويالا انزل من العربية ، واستنى مني تليفون
-ياسين: ماشي يا عز ، اما نشوف اخرتها ايه!
ثم انطلق عز الدين بسيارته نحو منزل حسين الدمنهوري
......
في منزل حسين الدمنهوري ،،،
رن جرس الباب ،،
-سهير: روحي يا سنية افتحي الباب وشوفي مين
-سنية: حاضر يا هانم
وفتحت سنية الباب لتجد أن هناك شخص ما لا تعرفه ،،
-سنية: ايوه ، حضرتك عاوز مين؟
-عز: البشمهندس حسين موجود؟
-سنية: لأ يا حضرت
-عز: ولا سهير هانم ؟
-سنية: لأ الست سهير هانم موجودة!
ثم جاء صوت سهير من بعيد ،،،
-سهير: مين يا سنية؟
-سنية: واحد يا هانم عاوز البشمهندس حسين.
-سهير وهي تنطلق لترى من على باب المنزل: عز ، اهلا بيك يا بني ، اتفضل ، روحي انتي يا سنية ..
-عز وهو مازال واقفاً على الباب : أنا أسف يا طنط ، معلش جيت لحضرتك من غير ميعاد ، بس كان المفروض أقابل البشمهندس حسين الوقتي .... !!!
-سهير: متقولش كده يا بني ، اتفضل جوه ، البيت بيتك
-عز: لأ مش هينفع حضرتك أدخل ، انا كان عندي معاد مع عمي حسين عشان نتكلم بخصوص الخطوبة ، وحضرته طلب مني أنتظره ، بس للأسف بقالي مدة منتظره ومجاش ، وبطلبه على موبايله مش بيرد يا مشغول، فقولت أعدي اشوف في حاجة حصلت ولا لأ ..
-سهير: مش هينفع الكلام كده ع الباب ، اتفضل بس جوه ، ونكمل كلامنا
-عز بأدب: لأ أسف جدااااا يا طنط ، ميصحش أدخل البيت وصاحبه مش موجود ، بس هستأذن حضرتك تخدي الحاجات دي ..
-سهير بإلحاح: ايه يا بني اللي انت بتعمله ده ؟ يعني مكلف نفسك وجايب حاجات ، لأ وكمان مش عاوز تدخل ؟ ده انت ابني يا عز.. خش يا بني ده بيتك ، وانا هطلب عمك حسين حالاً وأبلغه انك منتظره هنا .. اتفضل مش هينفع تفضل وافق كده ، عمك حسين هيزعل لو عرف ده!!!
-عز بخبث: شكراً يا طنط ، بس ممكن أطلب من حضرتك طلب؟
-سهير وهي تدخل عز الصالون : قول يا ضنايا.
-عز: ممكن تدي علبة الجاتوه دي للأنسة جانا ، انا عارف انها ممكن مترضاش تاكلها لو عرفت انها مني ، وأنا جايبها مخصوص عشانها ، وبصراحة خايف تكسفني وترفض...
-سهير بطيبة : حاضر يا بني ، انت تؤمر ، انا هخليها تاكلها الوقتي ، واطمن مش هاقولها انك جايبها!
-عز مبتسماً : شكراً يا طنط ، ولو ممكن حضرتك متقوليلهاش اني موجود هنا ، يعني خليها براحتها ، انا هنتظر عمي حسين ، ولو أتأخر هنزل.
-سهير: أنا هروح أديها الجاتوه ، وأكلمه ، مسافة ماتكون شربت العصير ان شاء الله يكون جه.
-عز ويعلو وجهه ابتسامة نصر : شكراً يا طنط ، وأنا أسف اني بتعب حضرتك.
-سهير: متقولش كده يا بني ، خد راحتك
ثم تركت سهير عز الدين يجلس في صالون المنزل ، وتوجهت نحو المطبخ ، وطلبت من سنية ان تضع الجاتوه الخاص بجانا في طبق ، ومن بعدها تتوجه للصالون لتقدم العصير والحلوى لعز ،
-سهير وهي تدخل غرفة جانا: جوجو حبيبتي ، تعالي عاوزاكي
-جانا: خير يا أنطى ؟
-سهير: حصليني أوام ع المطبخ ، وهاقولك
-جانا وهي تنهض من فراشها : اوك
وتوجهت جانا مع سهير إلى المطبخ
-سهير: دوقي يا جوجو الجاتوه ده ، وقوليلي رأيك فيه..
( كانت قطعة الجاتوه الخاصة بجانا عبارة عن موس بالشيكولاته مضافاً إليه مكسرات ، وشكلها شهي جداااا)
-جانا وهي تتذوق قطعة صغيرة منه : مممم، حلو يا أنطي ، بس ده بمناسبة ايه ؟
-سهير وهي تغلي اللبن: آآآ.... من غير مناسبة يا قمر ، آآآآ.. يعني قولت تدوقيه بدل ما انتي أعدة طول اليوم على لحم بطنك من غير أكل.
-جانا: ثانكس أنطي ، بس انتي عارفة انا بعمل دايت وعاوزة أفضل fit
-سهير: يادي الدايت ده ، بقولك ، كملي غلي اللبن على ما اكلم عمك حسين وهرجعلك تاني ، اوعي يفور منك ؟؟
-جانا وهي تكمل تناول الجاتوه: done أنطي .. don't worry ..
ثم خرجت سهير لتطلب حسين الدمنهوري على هاتفه
-سهير: ايوه ياحاج حسين، موبايلك مشغول من فترة ، وانا بطلبك من بدري
-حسين: معلش يا سهير ، شغل وكان متعطل ومكالمات مع العملاء ، خير؟
-سهير: عز موجود عندنا في البيت ، وبيقول انك كنت مديه معاد واتأخرت عليه و....
-حسين مقاطعاً : ايوه يا سهير ، عارف عارف ، ماهو كلمني فعلا من بدري ، وانا جاي في السكة ، متخليهوش يمشي .. أنا جاي اهوووو
-سهير: حاضر يا حاج ، ده كان مصمم أصلا ميدخلش وانت مش موجود.
-حسين: ابن أصول والله ، خليه أعد عندك مينزلش ، انا قربت أهوو من البيت
-سهير: حاضر ، تجي بالسلامة
-حسين منهياً المكالمة: ان شاء الله ، مع السلامة
-سهير: مع السلامة
وفي تلك الأثناء ، وخلال متابعة جانا لغلي اللبن ، بدأت تشعر أن الرؤية لديها غير واضحة ، وأن رأسها ثقيل ... حاولت ان تتماسك ولكن .....
وفي نفس الوقت توجهت سهير للجلوس مع عز في الصالون
-سهير: نورتنا يا بني ، عمك حسين جاي في السكة ، هو لسه قافل معايا حالاً
-عز: شكراً يا طنط ، يوصل بالسلامة ان شاء الله
وفجأة سُمع صوت ارتطام قوي قادماً من المطبخ، ومعه تحطم بعض الأطباق
وصراخ من سنية: الحقيني يا سهير هاااااااااااااااااانم ........................... !!!!!!
