رواية نصف عذراء الفصل الحادي عشر بقلم جمانه السعيدي
رجعت ويه عمي البيتهم اجر برجليه جر واني ما اعرف شلون راح احل هاي المشكله
فهد...وبعدين
قررت اصارح ابن عمي بهاي الشغله عسى ولعل يفتهم ويصدكني
واكله على الشهود بلكت يقبل بلامر الواقع
ثاني يوم دزيت علي حتى يجي اتفاهم ويا
كاللهم بعد ساعه لان صاعد يم حماماته
اني افور من الحركه وكاعده على نار وهو ملتهي بحماماته
بقيت انتضره
فاتت ساعه وراها ساعه وهو ماكو
بعدين اجه الدشاشه شحالها ولاف الجراويه
اول مادخل كال...هااا شرايده
احجي بسرعه لان جماعتي منتضريني
كلت بكلبي بله هسه هذا مال زواج ومسوليه
ياربي شني هذا البلاء الي ابتليتني بي
وين ادير وجهي واحجي المن ومنو يفهمني
قاطع صفنتي صوته
احجي شبيج شني خرسه
جمانه السعيدي
بيومها زوجت عمي وبناته رايحه البيت اهلها واني بلبيت وحدي وعمي طالع
كلت هاي احسن فرصه احجيله ولو مامتئمله منه خير
بس بلكت يفهمني ويقدر وضعي
على كولت المثل رضينا بلهم والهم مارضا بينا
بيت عمي الاستقبال مالتهم بلبدايه والغرف بلاخير
كتله تعال نكعد ونحجي عندي موضوع مهم اريد احجي وياك بي اذا سمحت
جلال....شوف هاي اكله مستعجل تكول تعال نحجي اني وياك احجي بسرعه وفضيها
فاطمه...اي بس دقيقه مو اكثر وبعدين روح
جلال...يله فضيني بسرعه
دخلنا بلاستقبال كعدنا
فاطمه...بديت احجي كل الي صار وياي من البدايه للنهايه
وهو عيونه صارن بكصته
اول شي ضربني راشدي شمرني بلكاع
وبعدين بدا يعد ويصف عليه
ومستمر يضربني بقوه
جلال...جذابه لاعبه لعب ماباقي واحد مالاعب بيج شلج بهل جذب شوفي واحد قشمري واضحكي عليه غيري
اليوم موتج على ايدي
فاطمه...ولله كلشي حجيته صدك حتى اسئل ام جاسم هي شاهده على الي صار
جلال...ام جاسم الكواده مالتجن تعرف شلون اضمم اللجن
فاطمه...زين اسئل الدكتوره
جلال...انجبي حقيره شكد اطيتن الدكتوره وسكتت
تقدم عليه وسحلني سحل ودفرات برجليه
جلال...اروح اجيب ابوي و وعمامي واجيب السلاح
الليله اكتللج واذبج للجلاب
انتي ماتستاهلين تعيشين انتي موتج حلال
جمانه السعيدي
همزين كشفتج قبل لا اخسر عليج واسوي عرس
بس بلاول لازم اعرف النذل الي جنتي مصاحبته واكتلكم سويه
طلع وسد الباب من برا بسركي عليه واني كمت ابجي
واصرخ واتوسل بي بس بدون فايده
بعدين كعدت وكمت اعاتب ب اهلي
ليش عفتوني جان اخذتوني وياكم
عفتوني الذوله الجلاب كل رحمه ماكو بكلوبهم
ولج يمه تعاي وشوفي حالي
انكس واحد بيهم مايرضا يرحمني
ضليت ابجي ونهاريت فد نوب
شويه وسمعت زوجت عمي رجعت للبيت ودخلت جوا
وما انتبهت ال اي شي
بقا بس ابنهم ازغر واحد عمرا خمس سنوات
صحت علي من ورا الباب واجا يم الباب وزوجت عمي وبناته دخلن جوا
فاطمه...علاوي افتح الباب
وبدا يحاول واني الدقيقه تمر عليه بسنه خاف يرجعون شلون
بقا يحاول وماكدر وراد يروح يصيح امه
اذا صاح عليها راح تشك منو قفل الباب ومراح تخليني اطلع ابد
رجعت صحت
فاطمه....علاوي لا تصيح ماما انت افتحه حباب
رجع يحاول مره مرتين وجان ينفتح الباب
ماصدكت انفتح الباب بسرعه طلعت سحبت عباتي على الحبل وطلعت ركض ركض بدون مالتفت
عندي فلوس لكيتهن بلبيت واني ادور على التقرير صحيح قليلات بس اهم شي ابتعد عنهم بسرعه
اجرت تكسي للكراج
ومن وصلت للكراج اول سياره لاكتني تصيح
نفر باقي نفر ونطلع
صعدت بدون ما اسئل وين
تمشي السياره بلبدايه على كيف حتى تطلع من الكراج
واني ودي اشيلها واركض بيها
الخوف مسيطر عليه وبلكوه اتنفس
جمانه السعيدي
اول مامشت السياره وبتعدت كمت ابجي
معقوله كل هذا يصير بيه
بعد ماكنت اعيش حياة هادئه ومابيها مشاكل كل همي مدرستي وبس
هسه شارده وما ادري وين وين راح يوديني الوكت
عمري مرايحه مكان بعيد وحدي
وعمري ماصاعده سياره وحدي
نزلت وكمت امشي ما اعرف اني وين
ولا اعرف وين رايحه امشي واكول بعد شضاملي الوكت اكثر
امشي امشي تعبت وجعت وخايفه والدنيا صارت مغرب
اخاف حتى اكعد وارتاح
ولايه غريبه وما اعرف بيها احد ابد
بعدين كمت كوه امشي من التعب وصار الحادث انت دعمتني والباقي انت تعرفه
فهد...ليش ماحجيتي الحقيقه
فاطمه...خفت خفت لاترجعوني العمامي اكيد كنتو راح ترجعوني عليهم لان مستحيل تتحملون مسوليتي
ساعته فكرت اكول نسيت كلشي
فهد...انتي فاجئتيني
فاطمه...اسفه اذا ازعجتك بس هذا حد عقلي وهذا الي كدرت افكر بي ساعته
ما اجتني فكره احسن اعذرني دخلت حياتكم
بس ولله لوجان عندي اهل
مستحيل راح يكونون احسن منكم
واني هسه اترخص منك واشكرك من كل كلبي لان سمعتني
وطولت بالك عليه
نزلت من السياره وكمت امشي نعادت عليه الذكريات
والحزن كله
امشي وما اعرف وين اروح وشراح اسوي وشلون اعيش
فهد....حسيت فاطمه قويه اي قويه حاولت تواجه مشاكلها ويه عمامها ولمن ماتفهموها
وما انطوها مجال اختارت تنهزم
الهزيمه ماكانت سهله الهزيمه صعبه وهي اختارت تواجه مصير مجهول
اباوع عليها وهي تمشي وتبتعد عني وابد مالتفتت عليه
مشيت بلسياره وراها على كيف
استمرت تمشي حسيت نفسي راح اضيعها من ايدي
اني احبه اي احبه وكل الي صار وياها ماكان الها ذنب بي ابد اني لازم اساعدها تثبت برائتها
ومستحيل راح اتخله عنها ابد
جمانه السعيدي
مشيت بسرعه بلسياره وصلت يمها فتحت الباب وكتله اصعدي
فاطمه...امشي واكول ياربي هذا الانسان حبيته من كل كلبي
لاتحرمني منه ابد
هذا الانسان الوحيد الي احس ويا بلامان
امشي وكلبي يدك سريع واعرف فهد مراح يتخله عني ابد
بلبدايه حسيت سيارته تمشي وراي على كيف
بعدين صار بصفي وفتح باب السياره وكال اصعدي
فاطمه....ولله انت ذهب بس ليش تتحمل مسؤليتي
فهد...اصعدي واني احجيلج
فاطمه....خاف تتندم لان ساعدتني
فهد...انتي مخبله اني احبج تعرفين شنو احبج
وما اكدر اعوفج ابد
فاطمه...صعدت بلسياره واني اريد اطير من الفرح
مشينا شويه وبعدين فهد طبك السياره على صفحه
فاطمه...ليش وكفت
فهد...لازم نفكر بحل الهاي المشكله
زين...وين خالج خالج يكدر يساعدنا
فاطمه....خالي انتقل لديالى قبل وفاة امي بشهر
اجاني تقريبا اربع مرات يسئل عليه ويشوفني
ويروح
حاولت اخر مره اروح وياااا بس عمي ما قبل
يخاف خاف خالي يقشمرني وياخذ الكاع
بس ولله خالي ماعنده هيج سوالف
همه لان طماعين عبالهم الناس كلها مثلهم
اني ما اعرف خالي وين بديالى
لان مالحكنا نروح الهم
فهد تندلين بيتكم وين
فاطمه اكيد اندل
فهد خل نروح البيتكم
فاطمه واذا شافونا عمامي يذبحوني ثنيينه
فهد خل انروح الام جاسم بلكت عدها معلومات
يجوز امج حاجيتلها شي عن التقرير وين ضامنه
جمانه السعيدي
فاطمه ولله اني كلش خايفه ما صدكت شردت مناك
وهسه ارجع للموت برجليه
فهد لازم نرجع ونشوف شنو صار بهاي الفتره وعمامج بعدهم يدورون عليج لو بطلو
فعلا اخذني فهد المنطقتنا اول ما دخلنا ماكدرت احبس دموعي كمت ابجي
وصلنا البيت ام جاسم ودكينا الباب واني اتلفت يمنه ويسرا
خايفه لايشوفني احد من عمامي
شويه ونفتح الباب
وطلعت ام جاسم
...ياااا فاطمه يابعد كلبي ياريحة العزيزه حضنتني وكامت تبجي
اول ماشفتها اذكرت امي وكمت ابجي
دخلنا جوا وجابتلنا ماي واكل
حيل فرحت بينا هي وابو جاسم
فاطمه شنو الوضع شصار عمامي شنو آخر أخبارهم
....عمامج كلبو الدنيا ماخلو مكان مادورو عليج
حتى اني اجوني كم مره وحلفوني
عبالهم اني ساعدتج
فاطمه اني عبالي ابن عمي ادمي وحجيتله الي صار وياي
وكشفتله السر
طلع ماعنده ذرة فهم ولا انسانيه
كطعني تكطع وبعدين راح يجيب ابو وعمه حتى يقتلوني
ام جاسم حتى خالج جابو عنوانه وراحو يدورون عليج
انتي وين جنتي هاي الفتره كله وهذا الولد منيين
