رواية نصف عذراء الفصل الثاني عشر بقلم جمانه السعيدي
ام جاسم...انتي وين رحتي وهذا الولد منيين
فاطمه....هذا انسان محترم واهله ناس طيبين جنت عايشه عدهم عاملوني مثل اهلي وازيد من اهلي
ام جاسم...الله يحفظهم الناس بعدها بخير وسبيل المعروف مانكطع
فهد...خاله انتي الوحيده الي تعرفين شغلة التقرير وتعرفين براءت فاطمه
واريدج تساعدينا حتى نثبت براءت فاطمه قابل راح تبقى طول عمرها شارده من ذنب ما ارتكبته ابد
وحقها وحق اهلها يضيع منها
ام جاسم...اي خاله شتامرون اني مستعده ولله امها جانت اعز من خواتي
شني خواتي بعيدات هي قريبه عليه وتذكرني
وبناتها بمعزت ولدي وبناتي
اي شي اكدر اساعدكم اني حاضره من عيوني
فهد...سالمات عيونج خاله
اول خطوه اريدج تخليني اطفر على بيت فاطمه وادور التقرير
فاطمه...اني اجي وياك وندور علي اثنيينه
ام جاسم...ولو الشغله تخوف لان عمامه اذا درو راح يسببولنه مشاكل بس الخاطر فاطمه والعشره ويه امها تدللولن
تعالو وياي
رحنا البيتهم من ورا اكو ترك وبي برميل نفط صعد فهد اول ونزل بعدين خله طابوكات حتى تنزل عليهن فاطمه
صعدت فاطمه ولزم ايدها فهد ونزلها على كيف
فاطمه...دخلت للبيت وشميت ريحة امي بي تحسرت على ايامنا الحلوه وماكدرت اسيطر على دموعي
فهد...فاطمه هسه مو وكت بجي الوقت مو بصالحنا ابد
بسرعه خل اندور بلكت نلكا
وفعلا ماخلينا شي ماكلبنا كلب وكعنا النضد شلنا الفراش
حتى المطبخ دورنا ماخلينا مكان يعتب علينا
ملابس امي فتشناها وحده وحده
وماكو اخير شي حيل تعبنا ومالكينا اي شي
فهد...ولله عجيبه وين ممكن تكون خلته
فاطمه...اني هم محتاره وهذا السؤال تعبني حيل
فهد...خلاص انروح اندور الدكتوره ونخليها تكتب تقرير ثاني
ولله اني متعجب من عمامج ذوله من كل عقلهم يشكون ابتهم ويحاربونه
فاطمه...متخلفين وكل رحمه ماكو بكلوبهم
فهد...يله امشينا خل نطلع
فاطمه...اوكف اريد اخذ صورة بابه هاي الي معلكه بلحايط
واخذ البوم الصور وياي
على اقل عندي شي من ريحة اهلي
فاطمه...دنكت شلت البوم الصور وردت انزل الصوره عاليه
اجا فهد ونزلها بيها تراب كام ينفخ عليها
فهد...فاطمه الحكي هاي ورقه ملفوفه بجيس وخاليلها لاصق ولاصقينها ورا الصوره
فاطمه...يارب بلكت تطلع التقرير واكدر اثبت برائتي
فهد...شلعته من ورا الصوره وفتحت الجيس وجان تطلع التقرير
يالله فاطمه هذا التقرير هذا التقرير سبحان الله رب العالمين مايرضا بلضلم
جمانه السعيدي
فاطمه...والنعم بلله ضحكت بس دموعي نزلن معقوله
هذا الي صار وياي
وجهي عليه ضحكه شكبرها ودموعي مايرضن يوكفن
فهد...هسه مو وكت بجي يله امشينا عدنا هواي شغل بعد
فاطمه...اشكرك ياوجه الخير لوما انت ما اعرف شنو اسوي
فهد...ابتسمت وقربت عليه بسته براسها
لاتكولين هيج..انتي انسانه طيبه وصادقه ورب العالمين واكف وياج
رجعنا النفس مكانه صعدت فاطمه وساعدها فهد وبعدين هو صعد وراها
فاطمه...خاله ام جاسم لكينا التقرير
ام جاسم..الحمد لله
فهد...خاله هسه احنا نروح بس انريد منج شي واحد
تكدرين اجيبين عنوان خال فاطمه وين بديالى
ام جاسم...شلون شراح اكول خاف يشكون بيه
فهد...لا روحي الزوجت عم فاطمه وكلليلها اريد اروح لديالى عندي شغل وخاف ياخذني اليل ما اعرف احد هناك
ابات يم خال فاطمه لان مانعرف احد غيره هناك
كلليلها بلكت الكه فاطمه عدهم
واجي اكللكم عليه
ام جاسم...ولله احاول بس خاف يكشفوني
فهد...اذا كشفوج يعني ماينطوج العنوان
ومراح يكدروون يسوولج شي
ام جاسم...باجر اروح عليهم واشوف
فهد...زين اكو هنا يمكم تليفون ارضي
ام جاسم...بيت القيم مقام اكو تليفون
فهد...احنا راح نرجع الهلنا بلشوملي وراح انطيج رقمي الارضي واذا جبتي عنوان خال فاطمه خلي ابو جاسم يتصل عليه واكون ممنون منكم
ام جاسم..ماتباتون يمنا اليله والصبح ترحون
فهد...لازم نرجع لان اهلنا يبقون بقلق علينا
طلعنا من بيت ام جاسم واني جبت العبايه خليتها على وجهي وطلعت عين وحده وامشي واقرا ايات
لان بس يشوفني واحد من عمامي كلشي يخرب
ويجوز يكتلوني اني وفهد
جمانه السعيدي
صعدنا بلسياره ومشينا واني بعدني ضامه وجهي لمن طلعنا
من المنطقه كلها يله طلعت وجهي
فاطمه...فهد ما اعرف شلون اشكرك
فهد...لاتكولين هيج اني ماسويت شي
بعدين نمت بلسياره من التعب وتقريبا الساعه تسعه يله وصلنا
لكيناهم بقلق علينا
وكلهم يسئلون الدكتور شكال وليش نسيت كلشي صار وياي
فهد...جيبولنا عشى لان جوعانيين حيل وليله نرتاح وباجر نحجيلكم كلشي صار ويانه
ثاني يوم فهد جمعهم كلهم وحجالهم قصتي كلها من البدايه للنهايه
الكل تعاطف وياي وما سمعوني كلمه موزينه
عكس بيت عمي الي همه من لحمي ودمي والي ماصدكو كلامي ابد
فهد...هسه كلكم سمعتو قصة فاطمه او نرجس لان اني الاسم مايفرق عندي ابد
اني راح اساعدها بكل قوتي وارجعلها حقها
طبعا بمساعدت حجي سعد
وبعدين اخطبها واتزوجها
ام فهد...يوم الهنا اشوفك عريس وفاطمه بنيتنا وماشفنا عليه زله واذا توافق بهذا الزواج اخليها بعيوني
ابو فهد...يازين ما اختاريت فاطمه خوش بنيه
فاطمه...كمت وبست ام فهد وابو فهد وتشكرت منهم لان همه اهل ونعم الاهل
ام فهد...هاااا عرفت ليش عصبت على سالم لمن اجه وخطبها
ثاري خال عينك عليها
جان كلت عيوني الحب ذابحك ياولد
فهد...يمه هذا الحجي عليه
ام...فهد..اي عليك عيوني العاشق الولهان
فهد...انتي ماتدرين ساعته شلون رحت هديت على سالم المسكين من شافني عصبي تخبل
عمه..تستاهل فاطمه
فاطمه...شكرا عمه انتي احلى عمه بلدنيا كلها وحضنتها وبسته
ثاني يوم..ام جاسم راحت على بيت ابو علي عم فاطمه
ام جاسم...شلونك خويه ابو علي
ابو علي...هله بام جاسم تفضلي
ام جاسم....رحمله والديك ياطيب
ابو علي...جيبو جاي لام جاسم
ام جاسم...اشكرك خويه بس ردت اطلب منك طلب
ابو على كولي اذا اكدر تدللين
ام جاسم...انشاء الله تكدر
ياخويه يا ابو علي اكو كاروبه
(الكاروبه مكينه تقلب التربه)
وصفوها النا بديالى وانريد انروح اني وأبو جاسم نشتريها
واحنا ما نندل
نريد انروح الخال فاطمه يروح ويانه
وخاف ياخذنا اليل نروح نبات عدا
واريد عنوانه منك
بس هو نعرفه هناك ويعرفنا
ابو علي بس هاي صار تدللين من عيوني
جابت ام جاسم العنوان ورجعت للبيت
شكرا لزيارتكم عالم روايات سكيرهوم
