رواية بيت خالي الفصل الثاني عشر بقلم جمانه السعيدي
ام همام....هذا الموبايل شسوي بي مكسر
همام...عندي بي شغله مهمه
اخذه وطلع بقه يدور على مصلح زين يريده يسحب اخر المكالمات والرسائل الي اجت للموبايل قبل وفاة اكرم
عاف الموبايل عند المصلح
طلب منه يوم مهله علما يحاول يصلحه
رجع همام للبيت
صعد لكه مروه بغرفته جاي تبدل
همام....حبيبتي اريد تليفونج عندي مكالمه كلش مهمه
وبطارية تليفوني عاطله
بس مكالمه وحده علما باجر اشتري بطاريه جديده
مكالمه خمس دقايق مو اكثر
بلبدايه مروه ترددت يعني شبه خافت تنطي التليفون
همام...هاي شبيج حبيبتي هسه خمس دقايق واني واكف
هنا كلمتين وانطيج التليفون
فتحت الرمز وانطته التليفون وبقت واكفه بصفه
همام بس فتحت التليفون
سويت نفسي افتح الاتصالات ومشيت شويه عنه
طلعت من الغرفه سحبت الباب وقفلته عليه
علاوي جوه يلعب بس هي بلغرفه وحدها
مروه...هاي شبيك همام ليش قفلت الغرفه شكوو
همام ...واني على الدرج فتحت التليفون ودخلت على الوتساب ولكيت مصايب ماتتسولف ابد
والماسنجر بعد انكس
عباره عن بيت دعاره مو تليفون
مصادقه اكثر من عشره وكلهم مسويه وياهم علاقات
وصور خليعه وكلام مبتذل
من تروح الاهله تلتقي بيهم على التليفون
من الصدمه بقيت مذهول مستحيل تكون انسانه طبيعبه
عدها هوس بالجنس مو طببعي
وتتعامل وياهم على السعر وكانما الشغله بيع وشرا
وهاي سوالفه قبل لا تزوج اكرم
وبزواجه متفقه تسوي عملية بكاره حتى اكرم لا يكتشف هذا الموضوع
مروه فوك وتكسر بلباب ...همام افتح الباب ممنوع تفتح تليفوني لا قسما بلله اسويه سوده ومصخمه عليك
جمانه السعيدي
همام..نقلت كل الملفات التليفوني والمكالمات والصور
والمحادثات
مروه حست بلخوف وهمام راح يكتشف كلشي
كامت تعيط بااعلى صوته حتى الجوارين تجي
وهمام يفتحله الباب
تخاف لا يذبحه بعد ما يكتشف كل مصايبه
ام همام...ليش قافل عليه الباب يمه خطيه افتحله الباب
ليش حابسه
همام...هاج شوفي مصايبه
شوفي كم واحد مصادقه هاج شوفي صوره
علاقات غير شرعيه ومصايب ماتتسولف
ام همام...يااا يمه اسم الله يمه خطيه حامل بابنك
همام...هذا مو ابني تريد تلبسه براسي فهمتي لو لا
وعلاوي مااعرف ابن اكرم لو هم جابته بلحرام
ام همام...يمه عوفه خطيه خليه تروح الاهله هم يتجازون بيه
همام...عوفيه مالج شغل بيه هسه تتعب وتسكت
لو بيدي هسه اكسره تكسر حرام اله اوديه جثه بيت اهله
بس أمد ايدي عليه
راح ترتكب عليه وتكول ضربني وعنفي
عوفيه تعيط وتسكت
اريد علاوي اخذه اسويله تحليل DNE اريد اعرف ابن اكرم لو لا
همام اخذ علاوي وراح الأفضل مركز تحليل بغداد
هناك تبقى المراكز فاتحه النص اليل
اخذو عينه من شعر علي ومن شعر همام
بس التحليل يتاخر يله يطلع
شهر كامل يله يطلع التحليل ويشوفونه مطابق لو لا
رجع همام للبيت هو وعلاوي
لكه امه فاتحه الباب المروه ومهزومه الاهله
اخذ تليفونه وتليفونا وراح قدم عليه دعوة خيانه
وقدم كل التقارير الي تثبت هو عقيم
وقدم تليفونه حتى الشرطه اتأكد خيانته
من المكالمات والفديوهات والصور
جمانه السعيدي
الشرطه راحو البيت اهل مروه ومالكوها
امه...يااا بنتي وين راحت
...حجيه بنتج زوجها مقدم عليه دعوه خيانه لازم تحضر باسرع وقت
...شنو خيانه بنتي ماتسوي هيج شغلات
احنا نريد نقدم ضد همام بلاغ هو خطف بتنا
نريدها منه
...حجيه ترا همام زوجه شلون يخطفه
...اي كلشي يسوي يريد يخلص منه هو دائما يضربه ويعنفه
دائما تجينا تشكي منه ومقصر بحقه وبمصرفه
ايجوز قتله ودبر هاي السالفه
..حجيه تكدرين تقدمين علي شكووووه اذا تحبين
جمانه السعيدي
بعد اربع ايام ضهرت مروه وراحت قدمة بلاغ ضدهمام
بعد ماسقطت الطفل
ونكرت هي جانت حامل
وهمام جاي يتبلى عليه هي اصلا مو حامل
ودعت انو هو ضربه وطرده واخذ منه ابنه
الطفل بعدا زغير سنتين ونص من حق الام تاخذه وخصوصا ابو ميت
خلت محامي يجيبله كل حقوقه
وهو بقه يدور لمن لكه تحليل الحمل بلبيت وقدمه وياا الادله
بعد شهر من المحاكم بينهم كدر همام يثبت خيانته
وطلكه وعلي طلع فعلا ابن اكرم
حسب التحليل الي طلع
اما سبب جلطة اكرم وموته المفاجئ
فعلا بسبب مروه واحد من الي تعرفهم اختلفت ويااا
وصايره مشكله بينهم
وحتى ينتقم منه داز فديو اله هي ويااا بوضع مخل
ولمن شافه اكرم تخبل
تعارك وياها وماكدر يتحمل الموقف لان هو جان يحبه من كل كلبه وما متخيل ممكن تخونه
وهي من شافت اكرم وكع ماجانت متوقعه راح يموت
راسا كسرت التليفون
حتى تمحي كل الادله ضدها
ولمن اتاكدت مات اكرم اعتقدت كلشي انتهى وبعد محد يكشف سرها ابد
وبدت تخطط حتى تاخذ همام حتى يبقى البيت اله
وماتطلع منه
وحتى تخلي يتمسك بيه اكثر
جربت موضوع الحمل حتى همام يتمسك بيه وومايعوفه
اما بلنسبه الرحمه بهذا الشهر كانت تراقب كلشي من بعيد
وتوصله كل الأخبار اول باول
رحمه...خلاص اني اخذت ثاري وراح ابدي من جديد
وهلمره اختار صح
يمكن رب العالمين اله حكمه بلموضوع
ويريدني اصير ام واعيش حياتي
لذالك كشفلي همام على حقيقته
جمانه السعيدي
همام بعد ماطلك مروه اتندم على رحمه وقرر يرجعه
رحمه...بهاي الفتره احس نفسي كدرت اتعافه وصرت احسن
احس نفسي كلش قويه
لا موبس قويه عبالك صرت خارقه
مااعرف منيين اجاني هذا الاحساس
كدرت اتحررمن قيود همام واخلص من حبه للابد
مو مهم تكون الوكعه قويه المهم نتعلم منه
رحمه...بيوم امشي بلمستشفى
اكووو مرر بلمستشفى بين غرفة التحليل ومصرف الدم
جاي امشي واكو كدامي باب جام عاكس يطلع على الحديقه
شفت همام اجه من بعيد
عرفت هو جاي عليه
التفتت اريد ارجع لان ماأحب اشوفه او التقي بي
بعد الي صار
راسا محمد طلع من مصرف الدم ولا كاني وجه بوجه
محمد...هلو رحمه
رحمه...هلو محمد تعمدت اوكف شلونك
محمد بقه مستغرب لان اني اسلم علي على الماشي
...هلووو اليوم شكووو احجي بسرعه قلقتيني
لازم اكو مصيبه طبعا يحجي بشقه وضحك
دوم تسلمين وانتي ماشيه
رحمه.. اريد تساعدني
محمد...خير انشاء الله
رحمه...لزمت ايده من العكس وكتله خل نتمشى
محمد...باوع شلون لازمه ايده
انتي مريضه بيج شي خاف مصخنه لو فاقده الذاكره
رحمه...مو كلنا خدمه
محمد...بسلا قصدج هذا الي جاي جنه ثور هايج
رحمه اي توك فهمتني
بس مشينا اني ومحمد واني كامشه ايده
سمعت همام صاح وراي
همام...رحمه...رحمه اوكفي اريد احجي وياج
اول ماوصل يمي
نزل حواجبه وكااال هذا منووو
