رواية بيت خالي الفصل الثالث عشر بقلم جمانه السعيدي
همام....رحمه...رحمه...انتضري اريد احجي وياج
بس وصل نزل حواجبه وكال منو هذا قبل لا يسلم عليه
رحمه...صباح الخير انت شلونك الاهل شلونهم
على الاقل سلم موجاي هاجم علينا من الصبح
محمد...منو هذا وشعنده هنا احجي رحمه منو هذا
وشيريد
رحمه... واحد كنت اعرفه من زمان جنا صاعدين نفس القطار بس هو ماكدر يكمل نزل باول محطه وعافني
محمد...اتفضل منا لا تشوف شي مايعجبك
همام...لزمت رحمه من ايدها تعاي اريد احجي وياج بعيد عن هذا الكائن الغريب
رحمه...عوفني ماكو اي كلام بينا
محمد...اعتقد سمعته شكالت اذا عندك كرامه تفضل
راسا همام طفر على محمد ولزمه من قميصه
اني وبت خالي وزوجتي انت شكو حاشر نفسك بلنص
رحمه...عوفه...يمكن انت مامفتهم الموضوع زين اني مو زوجتك ايجوز بت خالك بس انت حتى هاي القرابه
بعتها اتفضل اتفضل منا وبعد مااريد اشوف وجهك مره ثانيه ابد
همام...اريد احجي وياج اني عرفت الحقيقه واريد
احجي وياج
محمد...انت ماتفتهم فهمك بطيء
همام...انت مالك شغل لا تدخل ابد رحمه هذا منو
وليش جاي يدخل بينا
رحمه...لزمت ايد محمد حيل وقربت علي هذا خطيبي
وراح نزوج بأقرب فرصه
واذا تحب تحضر العرس ماعندي مانع
يله محمد امشينا
جمانه السعيدي
مشينا اني ومحمد وهو بقه واكف بمكانه مثل الصنم
انصدم من كلت خطيبي
.بعد مامشينا وبتعدنا عن همام
محمد....كولي انتي معجبه بيه من زمان وتردين تخطبني
بعد عليمن هاي التمثيله
رحمه...راسا عفت ايده شكرا مااعرف شلون اكدر اشكرك
ممنونه منك
محمد...اي وقت تحتاجيني اني بلخدمه
حتلو تردين اصير ابوج اخوج ماعندي مانع
رحمه...بس ولله خوش تمثل عجبتني
محمد...غير بعد شويه وانكتل ولله لو لازمني جان فطسني بس بيه بخت وخلصت منه
رحمه...اشكرك مره ثانيه يله من رخصتك
محمد...وووين
رحمه...شنووو ليش تسئل
محمد ...غير خطيبج ومن حقي اسئل
رحمه....ههههه
جمانه السعيدي
رحمه... كملت دوامي ورجعت للبيت
دخلت للبيت اول مادخلت للمطبخ نزعت الحذاء
وشمرت الجنطه وشغلت المرواح
فتحت دكم القميص واني امشي رايحه الغرفتي
دخلت للغرفه فتحت سحاب التنوره وفتحت الضوه والمروحه
واريد انزع القميص
مااحس اله همام كاعد على الجربايه ينتضرني
اني راسا عطت لان خفت بلبدايه مامتاكده همام
ردت اطلع من الغرفه اركض واني لازمه التنوره بايدي خاف توكع والقميص دكمه كلهن مفتوحات
راسا هو طفر عليه اني اريد اطلع من الغرفه
هو حضني من ورا
بأيد لازمه القميص وبليد الثانيه لازمه التنوره
رحمه...عوفني عوفني شلون دخلت للبيت
همام...اس ولا كلمه نسيتي اني عندي نسخه من المفتاح
رحمه...عوفني وامشي اطلع برا
ماتستحي داخل بيتي هيج اني وياك هسه اغراب
وماكو بينا اي شي
جمانه السعيدي
لازم من تجي تدك الباب وتستاذن مو داخل مثل الحرامي
همام..اشتاقيتلج كاله بهمس باذني
رحمه...عوفني اني وياك كلشي بينا انتهى افهم كلشي انتهى
همام...لا ماانتهى اي شي اصلا قصة حبنا توها بدت
رحمه.. عوفني اريد ابدل ملابسي ترا الكلام مو بلغصب
همام...راح اعوفج تبدلين ملابسج وانتضرج برا نتغدا سوا لان اني جبت غدا وياي
راسا باسني بخدي وعافني واني لازمه القميص بايد
والتنوره بلايد الثانيه
طلع واني قفلت الباب ورا
كعدت بلكاع جسمي كله يرجف
ليش رجع خايفه يأثر عليه خايفه اضعف كدامه
راسا دك الباب عليه رحمه وينج ليش اتاخرتي
خلي يكون بعلمج مااروح منا اذا مااطلعين ونتفاهم
لزمت راسي وضغطت علي حيل
خايفه خايفه لا اضعف
بس هاي المواجه لابد منه لازم اكون قويه ومااسمحله يأثر عليه
نزعت ملابسي ولبست تراك وطلعت
لكيت يحضر بلاكل بلمطبخ
رحت غسلت وجهي واديه واجيت كعدت كباله
جمانه السعيدي
رحمه...تفضل احجي اسمعك بس خل يكون بعلمك
اني وياك مانرجع ابد
وانت الي بديت تخليت عني بكل سهوله وبعتني من اول ازمه
همام...خل ناكل بلاول لان اني جوعان
راسا سوه لفه ونطانياها
اخذته وخليته على ميز الطعام
رحمه....اني تعبانه واريد انام احجي خلصني شتريد
اريد ادخل انام
همام....راسا عاف الاكل وباوع عليه
اريد نرجع سوا اني احبج
رحمه...والمفروض اصدك مووو الحب مو كلام الحب افعال
وانت بينت افعالك من ازوجت من وراي وخنتني
من عفتني اطلع المغرب من بيتكم وارجع البيتنا وحدي
بدون ماتلحكني وتكول اوصلج
من عفتني بيتي اسبوع بدون مسواك وبدون ماتسئل عليه
من اختاريت مروه وفضلته عليه
هاي افعالك وكلهن يدلن انت متحبني ابد
واني هم مااحبك بعد ماكشفتك على حقيقتك
همام...ليش ضميتي عليه نتيجة التحليل الحقيقيه
رحمه...يعني هاي يحتاجله تفسير ترا مبينه لان جنت مغفله واحبك ومااريدك اضوجك
جنت مستعده اتحمل الملامه واخسر حلم الامومه
ولا اشوفك ضايج وحزين
وانت شسويت بعد ماعرفت اني مايصير عندي اطفال
تغيرت عليه وبديت تبتعد شويه شويه
وبعدبن سويت اكبر مصيبه
رحت ازوجت مروه يعني مروه ترا مبينه من تصرفاته ولبسه انسانه بدون اخلاق
جمانه السعيدي
همام...افهمي زواجي من مروه حتى احافظ على ابن اخوي
وماانكر جنت اتمنى يصير عندي اطفال
حالي حال الناس كله
ولله ماجان قصدي اجرحج ابد
بس بلاخير اني انسان واخطى حالي حال كل الناس
رب العالمين يغفر ويسامح
وانتي ماتسامحين
رحمه...اني مو رب العالمين اني انسانه ومشاعري تغلبني
اني فقدت امي وابوي بس خالي ماقصر وياي ابد
ومن راح خالي انت جنت أملي الوحيد
تعلقت بيك بشكل مو طبيعي
حتى جنت مستعده اضحي وابقه بدون اطفال علمودك
بس انت ماتستاهل حبي ابد
ماكدرت اسيطر على دموعي نزلن لان الموقف اكبر مني ومن تحملي
راسا كام من مكانه واجه كعد يم رجليه كمبز وكعد
مسح دموعي اني اسف
اعرف هاي الكلمه ماترجع الي انهدم بس ماعندي غيره
اني اسف واعتذر
اي شي تردي اني حاضر
اي شروط عندج اني حاضر بس نرجع مثل قبل
اني مااكدر على بعدج
رحمه... مااكدر ارجع اعذرني الجرح كلش جبير
وماتكدر اتعالجه بكلمتين
عشت اصعب ايام حياتي من عفتني
مريضه وكئيبه وماانام اله اخذ مهدء
تعرف شنو أقرب انسان الك يتخلى عنك
من اجيت وكتلك مايصير عندي اطفال
انت سكتت
انت حتى ماحاولت تاخذني حتى اتاعلج علمود الأطفال
لو تشوف شنو سبب
اكو اله علاج لو لا
راسا فكرت بنفسك وبس
هذا تفكير اناني
اني وياك بعد مانرجع سوا اطلع من حياتي
وخليني اعيش
راسا دخلت غرفتي وقفلت الباب وكعدت ابجي
تقريبا نص ساعه سمعته طلع وطبك الباب ورا
شكرا لزيارتكم عالم روايات سكيرهوم
