رواية سراب الفصل الثاني عشر بقلم جمانه السعيدي
سراب.... ثاني بوم اجا سامر ياخذ رائد للحلاق والحجيه راحت وياهم للسوك لان محتاجه كم شغله
بقيت وحدي سبحت الجهال ونامو وبلشت انضف
اندكت الباب توقعتهم رجعووو
فتحت بدون مااتاكد منو بلباب
اتفاجئت سامر راجع
رجعت ليوره وكتله شتريد
سامر....ماكو سلامتج اجيت اطمن عليج
سراب....باع اجيبه اللك من الاخير اني ماافيدك اني لا احب الحرام ولا اخون ابد
سامر...بس اني احبج
سراب....تحبني شنو صار كم يوم من شفتني اللعب لعبه غيرها
سامر...صدك احبج انت حلوه ومرتبه ومبينه شريفه
سراب...انت شتريد بلضبط خل افتهم
سامر....تساعديني احصل كم فلس ونزوج وجهالج اخليهم بعيوني
سراب... مااكدر اني مااريد اشتغل بغير مكان واعوف الحجيه ورائد
سامر....افهمي فلوس وخير وتعيشين بغير مستوا
سراب...مااريد شوف غيري
سامر...انتي انسب وحده الهاي الشغله
جمانه السعيدي
بدا يقرب عليه ويحاول يلزمني بيد الماسحه خليته على صدره وكتله اوكف عد حدك لا تقرب عليه ابد
سامر.....سحبت الماسحه منه بلقوه وشمرته هههه تخوفيني بلماسحه
سراب...اني ماخايفه منك وانت ماتكدر تاخذ مني شي مااربد انطي فهمت لولا
سامر...اي خل نتفاهم انتي ليش هيج مو اكلج نزوج ونلعب بلفلوس لعب انتي شعاجبج من شغلة الخدامه
سراب...يااخي عاجبتني حل عني
سامر...اتقدمت عليه وهي ترجع ليوره
سراب...ااتاكدت اني مراح اخلص منه غير بلحيله
لان مامبين ورا خير ابد
رفعت ايدي وكتله اوكف فهمني شتريد بس اريد وقت افكر
سامر...اي هسه تعجبيني عرفتج ذكيه وراح تستغلين الفرصه ومستحيل اضيعيه من ايدج
سراب...اوكف بعيد واحجي لا تقرب عليه واختصر بسرعه لان وراي شغل
سامر...راح احجي وياج بكل صراحه بس ديري بالج تصيرين ذكيه وتحجين اي شي لان ادبرلج مصيبه واخليج تنامين بلسجن فكري بلجهال قبل لا تتهورين وتحجين اي شي فهمتي لو لا
وانتي بعدج ماتعرفيني زين اني اكدر اسوي اشياء ماتخطر على بالج ابد
سراب...لا تهدد اختصر
سامر....عمتي ورائد عدهم املاك خير من الله تكفيهم العمر كله وانتي جاي تشوفين بعينج هي مره جبيره وهو معوق
شيسون بهاي الاملاك كله
حتى اطفال ماعدهم يورثوهم
اني حاليا مراح أقرب عليهم ولا اخذ منهم شي وراح يبقون عايشين نفس هذا المستوا
بس اذا ماتووو هذا الحلال راح يتقسم على كل الاقارب
والعمام واني مااحصل اي شي
اني انطيج ورقتين تنازل وانتي تخليهم يبصمون عليهن
الورقتين في حال ماتو ثنيينهم املاكهم تتحول الي وحدي
يعني تنازل عن ممتلكاتي بعد وفاتهم
ترا هذا التنازل مراح يأثر عليهم بشي بحياتهم
ولا راح ينقص من مستوا معيشتهم
بس اذا انتقلو الرحمة رب العالمين اني اكون الوريث الوحيد بهاي الاملاك فهمتي ياحلوه لو لا
واني مراح انساج ابد تاخذين اتعابج وراح اخطبج كدام رائد وعمتي حتى اكدر احجي وياج براحتي
واساعدج بهاي المهمه
جمانه السعيدي
سراب... من سمعت خطته عقلي دك بي انذار الخطر
شكد حقير وسافل ونذل معقوله يدخل ويطلع وياكل ويشرب وهمه ماامنيين بي وهو هيج يكيد اللهم
شنو من بشر هذا لا هذا شيطان
سامر...هااا وين صفنتي
سراب....جاي افكر
سامر...عفيه اني اريدج تفكرين وتشوفين شلون تكدرين تخليهم يبصمون على هذا التنازل
تخلين منوم بلاكل ادخلين عليهم بحيله
فكري واني مستعد انتضرج
راسا دك التليفون
سامر.. الو رائد
رائد..خلصت تعال رجعني للبيت وامي هم تنتضرنا
سامر...اي اجيت
سراب...قفل التليفون وكال انتضرج فكري بسرعه
طلع وطبك الباب واني كعدت على الكرسي بلمطبخ
هذا شنو من بشر
معقوله هيج يفكر
اني صار اسبوع اشتغل عدهم وودي انطيهم روحي
ودي اخدممهم طول العمر
على كلامهم وتعاملهم وياي هذا شلون صار سنوات يعرفهم
ويفكر يغدر بيهم هيج
هسه اني شسوي احجي خاف مايصدكوني
ماعندي دليل على كلامه
اسكت وارفض هذا العرض خاف يدبرلي مصيبه
واطلع اني والجهال من هذا البيت
ووين اروح بيهم شلون نعيش اني وياهم
بقيت محتاره واتصفن واشتغل ماادري بنفسي
نص الشغل عفته مااكدر اركز ابد
جمانه السعيدي
نص ساعه ورجعو للبيت دخل رائد حالق طالع يخبل
طالع واحد ثاني زغران عشرين سنه
والحجيه حايره شمشتريه وشجايبه
علب حلويات كرزات فواكه معطرات ووعطور
وجايبتلي فستان يخبل
تفتح بلعلاليك وتكلي شوفي وتعد هذا لاجهال وهذا اللج
ياربي شكد حنينه وطيبه
ليش سأمر يريدني ااذيه
ورائد يباوع عليه ومنتضر اكول علي طالع حلو
هو فعلا طالع حلو
وسامر كاعد كبالي يذكرني بلاتفاق الي صار بينا
وهو ياشرلي بعيونه
واني احس روحي جاي تنمرد مستحيل سأمر راح يحل عني بسهوله لان هو يدخل ويطلع بكيفه
ومبين مو هين من الخطه الي مدبرها
الحجيه....هااا سراب يمه شبيج اليوم مووعلى بعضج
رائد...انتي تعبانه
سراب...لا مابيه شي
شلت العلاليك ارتبهن والحجيه راحت تغير ملابسه
ورائد دخل للحمام يسبح بعد الحلاقه حتى ينضف من شعر الحلاقه
جمانه السعيدي
سراب...واكفه على الطباخ وما احس اله سامر واكف بصفي
سامر...فكرتي زين ديري بالج تغدربن بيه وتحجين شي الرائد قسما بلله اجيب واحد للبيت واخلي يكول صاحبتي ومتفقه وياي نقتل رائد والحجيه واناخذ شكو شي ثمين بلبيت
والبسج قضيه مااطلعين منه طول عمرج
فهمتي لو لا صيري عاقله وساعدني انتي مراح اتاذيهم هسه بلعكس ببقون نفس المستوى عايشين
ومراح يعرفون بقضيه التنازل ابد
دخل رائد وشافه يحجي وياي طبعا اني مدنكه ومااحجي اي شي
رائد...دخلت لكيت سأمر واكف بصفه ويحجون
صحت بصوت عالي سامر
سأمر... اي اجيت
رائد...شكوووو شعندك لازك السراب
سامر...بس اشوفه شطابخه اليوم
سراب..التفتت رائد يباوع عليه نضرات غضب
حضرت الاكل وماكدرت اكل وياهم سمعت الجهال كعدو
كتلهم من رخصتكم
رحت كعدت يم الجهال واني افكر ياربي منيبن اجتني هاي المصيبه
معقوله بعد مالكيت مكان استقر بي اني والجهال
وناس تقدرني وتقدر تعبي
يطلعلي سامر سامر شيطان
وافكاره كله شيطانيه
كعدو الجهال انطيتهم نسأتل وعصير ودخلت اريد ابرد جسمي يغلي من الحر والتفكير
سبحت لبست دشداشه ام الاستيكه وردي فاتح وبيه نقطه سوده وطلعت امشط بشعري اندكت الباب أنمار فتحه
راسا اباوع رائد على الكرسي برا
عفت المشط ولميت شعري
سراب....اجيت محتاج شي بس جنت حرانه واجيت اسبح
الجهال بس انفتح الباب طلعو
راسا رائد دفع الكرسي ودخل للغرفه
شال ادي وشبكهن وخلاهن جوا وجه وبقه يباوع عليه
سراب...اسفه إذا قصرت بشي بس اني اليوم تعبانه
رائد....اني اريد اعرف اليوم شبيج ليش هيج ضايجه
سراب...ماكو شي تعبانه مايصير اتعب اني هم بشر
واتعب لو مالي حق اتعب كل الناس متوقعتني حديد
لان كل كلامي حاضر وصار ومااتردد باي شغل ينطلب مني
رائد...اذا تعبانه ميخالف بس خاف اكو شي مضوجج
جمانه السعيدي
سراب...لا ماكو شي هسه احضر الجاي وانضف المطبخ
اجيت اطلع لزمني من ايدي
وكفت اجت عيني بعينه
رائد...اذا تعبانه عوفي كلشي وارتاحي
سراب....لا اكدر اشتغل
رائد...ليش ماتحجيلي شكو
سراب...سحبت ايدي وكتله سلامتك دفعت الكرسي
وطلعنا من الغرفه اخذته الغرفته
سراب...دقايق واجيب الجاي
رائد....بقيت كاعد واكو بكلبي سوال لازم اسئله سأمر ليش
هيج لازك بيه شيريد منه
سراب...رحت خدرت الجاي وأخذت للحجيه كالت مااريد اربد انام
اخذته ورحت الرائد لكيت الجهال يلعبون بغرفته
منطيهم الموبايل ويلعبون بي
سراب...تفضل اجيت اطلع
رائد...اكعدي اكو سوال محيرني
سراب...كعدت خير
رائد....سامر شيريد منج
سراب..خفت من سواله كلت ايجوز سامر حجه علي اي شي
سراب...شنو تقصد
رائد....ليش يلاحقج ويحجي وياج شيريد
سراب...لا ماكو شي بس كان يسئلني على الاكل
رائد...بس
سراب...اي ماكو شي ثاني
رائد...تمام
سراب...يله ماما رجعو التليفون وخل نطلع عمو يريد يرتاح
رائد..لا عوفيهم يلعبون تعرفين شسورين شعري
سراب...اي اعرف دفعته كدام ميز المرايه ومشطت شعرا
وبعدين اخذت الفرجه وبديت اشسور
رائد.. عاشت ايدج
سراب..بلعافيه طالع حلووو الشعر الطويل والحيه الطويله
مخربه شكلك
خليت سبري حتى شعرا يثبت وفتحت العطر وخليلته
سراب...الله طالع تخبل بلعافيه
فاجئني باوع بعيوني واخذ ايدي باسه حسيت مثل الكهرباء تمشي بجسمي سحبت ايدي وطلعت من الغرفه
بسرعه
اول مره احس هيج احساس اني ابد مامجربه احساس الحب ابد معقوله هذا حب
نسيت سامر وكل الحجي وعقلي راح بعالم ثاني
حتى الجهال نسيت اطلعهم من غرفته حتى ينام
كملت تنضيف المطبخ ورحت لكيته كاعد على الكرسي يدخن والجهال بعدهم يلعبون بلتليفون
سراب.. اكيد دوخوك
رائد...لا منتضرج تساعديني اصعد على الجربايه
سراب...تدلل يله ماما نزلو وانطو التليفون العمو
أنمار....ما ما اريد اللعب
سراب...زمخت بي أنمار عيب
رائد...عوفيهم هو بي شحن قليل هسه يخلص ويعوفونه وحدهم
سراب...قربت الكرسي على السرير وخليت ابدا على كتفي وهو ساعدني صعد على الجربايه
رائد...ريحة شعرج طيبه
سراب..ابتسمت لان توني غسلته
رائد..انتي كلج حلوه
سراب...عيونك الحلوه عدلت المخده وغطيته وأخذت الجهال وطلعنا شويه وخلص الموبايل شحن
خليته يشحن علما يكعد رائد
