رواية سراب الفصل الثالث عشر بقلم جمانه السعيدي
سراب....حسيت بالاهتمام رائد بيه يمكن يحبني معقوله
يحبني وحده مثلي فقيره ولا شهاده وشايله مسولية جهال ثنيين
وهو انسان مثقف ومتعلم وصاحب املاك حتلو مقعد واذا مقعد يبقى رجال
ولله بعيني ماابدله بالف مثل رشيد غير رشيد يمشي وصاحي
بس ماعندا ذرة انسانيه
اني هم احبه واحب اهتمامه بيه والجهال شلون يعاملهم
بس شسوي بسامر طلعلي صفح
شلون اخلص منه مبين مراح يحل عني اذا مانفذت الي يريده اكيد راح يتخلص مني عبالي الدنيا ضحكتلي خلاص
امبين الفرح مايلوك عليه ابد
لليل بعد العشى
رائد...غيرو ملابسكم نطلع نتمشى اني ختنكت من البيت
الحجيه...اي ولله يمه اطلع انت ليش حابس نفسك بلبيت
اطلع وشوف الناس
رائد...يله سراب بدلي والجهال هم بدليلهم وانتي حجيه
الحجيه...اني تعبانه من روحت السوك اليوم
اريد اسبح وانام اخذو المفتاح وياكم
جمانه السعيدي
رائد...يله سراب بسرعه
سراب...سبحت الجهال بسرعه وبدللتلهم واني لبست النفنوف الي جابته الحجيه
وشعري ضفرته كصيبه ليوره وطلعت خصل وخليت مكياج خفيف وعطر وشحاطه عاليه جابتلي الحجيه
طلعت وحدا ثانيه ماتشبه سراب ابد
بس طلعت وشافني رائد راسا صوفر وابتسم
سراب...دنكت مامتوقعته منه
رائد...شنو هلجمال يله نطلع
سراب...يله...دفعته والجهال كامشين العربانه كل واحد من جه ويمشون ويانه
رائد...اذا تعبتي اني ادفع نفسي
سراب....لا مااتعب اهم شي انت تغير جووو
رائد.. اني طالع علمودج حتى انتي تغير ين جووو حاسج ضايجه حيل
سراب...يعني هاي الطلعه علمودي
رائد...اي علمودج تستاهلين
سراب...السعاده الي حسيت بيه مو طبيعيه اول مره انسان يقدرني ويهتم بيه ويدور راحتي
واني امي الي طلعت من بطنه مامهتمه اليه ابد
وصلنا الحديقه عامه بس كلش حلوه
اكو محلات قريبه عليه رائد كال اوكفي هنا طلع فلوس واشترا موطه للجهال واني هم اشترالي وكرزات
دخلنا كعدنا على المصطبه وهو على الكرسي كاعد قريب علينا
رائد...انتي شمخلصه دراسه
سراب....خامس امي بطلتي حتى ازوج الشفيه
رائد..تحبين ادرسين
سراب....اكيد احب الشهاده بلهوقت سلاح اني لو مخلصه دراستي جان شفت اي وضيفه وتوضفت
ولا احتاجيت الاي احد
جمانه السعيدي
رائد...ليش ماترجعين
سراب...شلون ارجع وذوله منو يحملهم
رائد...قدمي سادس خارجي والوقت الي يبقى عندج بلنهار ادرسي واني اساعدج
ووقت الامتحان بس ترحين تمتحنيبن وترجعين
سراب...تحجي صدك تقبل اقدم خارجي
رائد...اقبل واني شنو دخلي انتي انسانه مستقله ومسوله عن نفسج اني مااملكج حتى اقرر
انتي صاحبت القرار ابد لا تسمحين الأحد يقرر مصيرج
حسب مزاجه وضروفه
انتي ادرى بمصلحتج انتي قرري
سراب...ولله حجيك ذهب امي جبرتني اعوف المدرسه حتى هي تأخذ راحته فضلت راحته على راحتي
تالي اطلكت واني خسرت المدرسه
وخسرت حياتي وتحملت المسوليه واني زغيره
رائد....انت صاحبت القرار قرري شنو تردين واني اساندج
سراب..من فرحتي كمزت وحضنته وبسته بخده
هو بقه يباوع عليه متفاجئ من ردت فعلي
سراب...اسفه تحمست
رائد...لا اتحمسي كل دقيقه
ضحكنا ثنيينه التفتت الجهال لا عبين لعب مالا بسهم
متوصخه والموطه واصله الحد شعرهم
اكو حنفيه اخذتهم غسلتلهم ورجعت
لكيت رائد مشتريلنا مي بارد شربنا
طلعنا من الحديقه نمشي شوارع بغداد بليل تخبل
والهوى بارد
الناس تمشي بلشارع بليل اكثر من النهار لان بلنهار حاره محد يطلع
نمشي والجهال يركضون ويضحكون بعدين رائد خله مصطفى على رجلي أنمار وكف اني هم ماامشي
شاله رائد وخلا على رجلي
رائد..بعد لا تدفعين صرنا اتلاثه معقوله تلث زلم ندفعها وحده رقيقه وانيقه مثلج
سراب...خل نرتاح وبعدين نكمل
مااحس اله صوت وراي سراب انتي سراب
سراب..التفتت رشيد وويا واحد يتمشون
شكد ضجت من شفته ياربي وين اروح اشرد الزحل للمريخ
حتى اخلص من هاي الشكولات
سراب...نعم خير شكووو
رشيد...سبحان مغير الاحوال شنو هلكشخه واللبس الحلوو
والجهال مبدلين
رائد..منو هذا
سراب...هذا واحد تعرفت علي بأزمة ثقه طاح من عيني ودسته وهسه مااعرف من ياا بلوعه طلع
رشيد..احترمي نفسج لا اهينج
رائد...تهين منو انت منو اصلا
رشيد...هذا وين لكيتي مبين مريش
سراب....هذا ....
راسا قاطعني رائد خطيبه حضرتك منو
رشيد...اني زوجه
رائد...قصدك طليقه لان سراب مامزوجه
الإنسان الي تخلى عنه وعن ابنه علمود لكمة ياكلونه بيته
رشيد....جذابه ختولي شنو علمود لكمة اكل اصلا لكيته وياها واحد بيتي هاي مثل أمه تموت على الزلم
تعرف امه ماتتحمل تخلص العده
كل يوم خميس تزوج
سراب...الله يلعنك ياحقير فوك ماشمرتني بلشارع اني وابني النوب تشوه سمعتي
الله ياخذ حقي منك حسبي الله ونعم الوكيل عليك
صدك حوبتي اني وذوله المساكين ماتتعداك انشاء الله
جمانه السعيدي
رشيد...عود شوفيني شلون تزوجين وهويتج ومستمسكاتج
عندي اصلا اني اكدر ارجعج لان بعد العده ماخلصت
سراب...لو تبقى اخر واحد بلدنيا ماارجعلك
لو اكدي بلشارع ماارجعلك اشفت منك انسان بلا ضمير
وماكو رحمه بكلبك
خاف مني اني مو سراب القديمه الي جنت تهينه وتسكت
قسما بلله اشتكي عليك بلمحكمه واخليك تدفع نفقه اليه والابنك
ابتعد عني احسلك اني اليوم غير وحده
اقتلك خلاص وادخل السجن ومحد يلومني كل الناس تعرف شلون جنت تعاملني
رشيد...بسيطه اني اعلمج اله اطلبج بيت الطاعه واعلمج
شلون تهدديني اذا ماارجعج حسره عليج الخبزه
وهدوم مشككه واهينج الصبح ولعصر
رائد...طلعت التليفون الوووو النجده واحد جاي يتهجم علينا بلشارع ممكن تساعدونا
سراب...رشيد بس سمع بلنجده دار وجه وراح خاف يخلص اليله بلسجن
سراب...كعدت وكمت ابجي الجهال نزلو من حضن رائد واجو يمي
رائد...ليش تبجين راح الله لا يرجعه
سراب...ليش الدنيا ماتقبل تعوفني بحالي يعني شفت الضيم ويااا عوز وذل واهانه وسكتت
وهسه مايقبل يعوفني بحالي
طلكني بدون سبب وشمرني بلشارع بملابس البيت
وفرج عليه الشارع
ساعتين اتوسل بي يفتحلي الباب ماقبل
وحتى اتوسل باامه وماقبلت ارجع وهسه بس شافني ماهان علي مرتاحه لازم يسم بدني
وفوكاها يشوه بسمعتي يعني امي تريد تزوج بلحلال
ازوجت مو احسن ماتمشي بطريق الحرام
اني شنو ذنبي ليش ابقه اتعاقب طول عمري على اختيارات امي
رائد. اني اعلمه راح اخلي يندم واذا يشوفج بهذا الشارع يطلع من الشارع الثاني
جمانه السعيدي
اجت النجده
رائد...نروح نشتكي علي حتى يتادب متوقع ماكو وياج احد يحميج
رحنا بسيارة النجده صلاوات عليه عود رايحه اتونس
تاليته بمركز الشرطه
قدمت علي دعوه تهجم بلشارع طالبوني بورقة الطلاك
اني عفته بيت خالي اتصلت على خالي وجابلي الورقه
خالي بس شافني تفاجئ بلبس والجهال
سراب....خالي رائد صاحب البيت الي اشتغل بي
خالي..اهلا وسهلا
رائد..اهلا بيك اعذرني تمنيت نلتقي بضروف احسن من هيج
خالي.. انتي شلونج زينه ماعندي رقمج حتى اطمن عليج
سراب...الحمد لله عايشه احسن عيشه
لو ماهذا الحقير يطلعلي
خالي...الله ينتقم منه ماكفا الي سوا بيج
هسه صرتي عزيزه توسلنا بي لمن ملينا وماقبل يرجعج
سراب...شلون يشوف سراب مرتاحه
ولله لو شايفني اكدي بلشارع جان دار وجه عني
بس لا سراب مرتاحه خلي انغص عليه
قدمت ورقة الطلاك للمركز وكالو روحي احنا نستدعي
ونخلي يوقع تعهد بعد مايقرب عليج ابد
اخذو رقم رائد وطلعنا من المركز
رائد اتصل على السايق اجانا خالي اطمن على وضعي وسئلني على شغلي وعلى العنوان الي ساكنه بي
وصلنا خالي بعد ماأخذ رقم رائد
ورجعنا للبيت الساعه وحده ونص
هاي ونست سراب ليله بمركز الشرطه
