رواية المتمرد والصغيرة الفصل الثالث عشر بقلم رسل
هلي والموت لاحگني علة عشريني
هلي والماحچيتة الكم يأذيني
________
دنسولف و دخل شاب عمرة هيچ بالعشرين لابس بنطرون و بدي ورافع شعرة يعني مو مثل لبسهم
فهد راحلة يركض
فهد؛ اجة خالو اجة خالو
كمال: السلام عليكم
اديان : وعليكم السلام ... دخلت جوة ليسوولي سالفة طلعن زهراء و حوراء ويا وراحو كعدت ام محمد
گرصتني من زَندي
ام محمد : خاف حسبالج تتباهين بي تراه مسافر ويمكن ما يرد والله الا اطلع ضيم ابني منچ بس هسة ساكتة لان البيت بأسمة
اديان: الله موجود
ام محمد: كون ياخذج ويخلصني منچ يبت شرابين العرگ
اديان : ان شاء الله
ورا شوي نزلت ام سراب و سراب وبدن يسوون ريوك .. وهم كلهم كعدو يتريگون
ابو فهد : يابة انا راح اسافر شهر لو اكثر انتة مشي الامور بين ما اجي
الحجي: شتسوي يابة شعندك
ابو فهد: لدبي يابة لدبي عندي شغل
الحجي : شنو هذا الشغل يابة
ابو فهد : لتلح يا بوية
الحجي: والله انا خايف منك
ابو فهد: يابة رايح اتونس اتونس
الحجي : اي جاهل كدامك انا و تقشمر علية
فدعة: عود جيبلي وياك عطر ،، بخور
ابو فهد : تردين عطر شيخ زايد لو تردين شيخ زايد بنفسة
اديان: طگوها بضحكة كلهم ... كملو الريوك واني اغسل بالمواعين و هن يفكرن بالغدة اجة ابو فهد
ابو فهد: تعاي بوية اديان فوگ
اديان: مشيت ورا و سمعت ام محمد دگول
ام محمد : ما تعول اسم الله بس يكللها تعاي
اديان.. دخل للغرفة و دخلت ورا
-يابة بلا زحمة بس حظريلي الملابس الراح اكلج عليهن و حطيهن بجنطة السفر
-اوك .. بيبان الكنتور مفتوحة و هو يكلي جيبي هاي و جيبي هاي
نوب طلع دشداشة سمائية
ابو فهد: بنيتي انا طالع العصر ارد اكويلي هاي الدشداشة تعرفين لو لا
-هزيت راسي بمعنى اي
لبس و تعطر و اني واكفة ضليت اباوع الثولة شكلة كلش يجذب خاصتاً شواربة و لحيتة بعدين كلت هو مو ضابط شلون عندا لحية گلت خلي اسئلة الجرأة ماعرف منين اجتي
اديان: عمو
ابو فهد: هاا
اديان: شون عندك لحية و انتة ضابط
ابو فهد : شمدريج اني ضابط
وشمعرفج ب الضباط متسوي لحية
اديان: سراب كالتلي
ومال اللحية اني سامعة من زمان
ابو فهد: مو اني ضابط سري لازم ما اخلي شك ع نفسي
اديان : هااا
ابو فهد: وشجاب هذا السؤال على بالج
اديان : هيج.. راح طلع و اني نزلت جوة اخذت دولكة مي علمود الاوتي هو اني صح مو كلش بس مينرادلة شي
حطيت الدشداشة وبديت اكوي بيها شفت الاوتي يذب مي حطيتة ع الميز و رجعت حطيتلة مي اول ما خليت الاوتي ع الياخة وكعت الدولكة ع الميز مابي شي بس عطور و يمكن محفظة لون اخظر ركضت عليها
كلت خاف بيها فلوس فتحتة لكيت صورتة بس مبينة والاوراق عبارة عن عركة باللون الازرك صاير
كمت ابجي عزااا بعينني هذا يمكن الجواززززز صار وجهي اصفر نوب درت وجهي
اشوف الدشداشة تطلع دخان والاوتي عايفتة عليها ركضت شلتة ليكت حتى القماش مال ميز الاوتي مايع و محترك
ما احجيلكم حالتي كمت اريد احرك ايدي ماكدر عبالك صار بية شلل ورا شوية كمت مسحت الميز و وسديت ميز الاوتي و الدشداشة طبگتها
خلليتها ع القنفة و الاوتي رجعتة بمكانة لكيتهم جاي يتغدون وهو ماكو كملو غسلت المواعين ورحت سبحت لحد المغرب هو ما اجة
هيفاء : والله من سقيفتهم هاي ما يجي غير شلعان الكلب
اديان: شنو شكو
هيفاء؛ يمعود ظافر ابن عمي مشعان عندا علاقة وي وحدة و اخوانها لازمي و البنية يمكن ذابحيها اهلها خلاص
ورايحين اخوتهة داگين بيت عمي بالطلق
اديان: شو ما سمعنا طلق لعد
ما كاعدين يمنة كاعدين بأم قصر
اديان.. اني احس مصيبتي مال الدشداشة اقوة من هاي العركة
ب 2 بالليل يلا دخلو ابو فهد و الحجي و ابو سراب و حتى زيد
ابو فهد: يابة و الحمزة ابو حزامين ظافر ميبقة بالعشيرة بعد هالگو** ابن الگو***
اديان .. صعد فوگ وهو يرعد وصاح.. جاي بساع
هيفاء: روحي سويلة جاي اركضي
-رحت سويتلة و صبيتة بالاستكان من كثر ما ارجف قبل لا اوصل للغرفة نصة وگع بالصينية
دكيت الباب
ابو فهد: ادخل
-هذا الجاي
ابو فهد: هو هذا شباقي بي امشي صبيلي بالكوب
-حقة والله رحت نزلت صبيت بالكوب و صعدتة شفتة يدور .. لزمت كلبي
ابو فهد : الجواززززززز وييين هم شايفتة
-اني احس روحي رخيت بعد مابية كمت اطگ سن ب سن ..... اشرتلة ع الجرارة براسي .. اخذة يگلب بي
ابو فهد : لججججججج هاي شنووووو
-عمو والقران بالغلط ... اجاني الراشدي وكعت بالكاع ..كمت ما ادري الضربة منين تجيني طلع حرگتة كلها بية لحد ما شافني كمت بصعوبة اجر النفس ..
لزمني من زندي گومني و دفعني لباب الغرفة
ابو فهد : طلعيييييي برااااااا
-فتح الباب ودفعني وكعت بباب الغرفة نزلت اركض للغرفة وجسمي كلة يون علية و دموعي تجري
هيفاء: شبيج حبيبتي منو وياج
...ماجاوبتها ضلت بس دموعي تنزل ضلت تلح ما جاوبتها لحد ما تعبت من البجي نمت
كعدت الصبح جسمي يوجعني اخذت ملابس ورحت سبحت طلعت شفت خدي اثر اصابعة مال الراشديات مطبوع بي ...جانو كاعدين يتريكون
لان سمعت صوت طگطگة استكاين الچاي ما رحت استحي من وجهي ضليت كاعدة بالغرفة ورا شوية دخلت هيفاء
هيفاء: هاي شبي خدج بس لا البارحة ضاربج
-هزيت راسي ودموعي نزلن اجتي حظنتني وتبوسّ براسي
هيفاء: زين شنو السبب غير اعرف
-والله ما متقصدة دا اكوي دشداشتة و كع المي ع الجواز
هيفاء : صخامم الصخمج غير تنتبهين يا امي انتي شايفة فرة الجوازات شلون تتعب
-ترى هو ضابط بسرعة يكدر يطلع جواز .. بس جان ضايج بيمن يطلع حركتة اكيد بية .. شاف ماعندي ام وابوية ميسئل عني .. كال هاي محد يسئل عليها
خل اطلع حركة كلبي بيها
اني حاطة راسي بحظنها و احجي طلع هو واكف بالباب و حاط اصبعة ع حلكة يأشر
لهيفاء عود اسكتي شفتة يم الباب كمت من حضن هيفاء ما باوعتلة طلعت رحت للمطبخ اكيد الگة المواعين منتضرتني
دخلت شافتني ام محمد و ام سراب گامت تضحك ام محمد وگالت بعد و بعد الا يطلع براسج شيب بعد ايدي والله ههههههههه
ما جاوبتها غسلت المواعين و هن بالمطبخ الحار يطبخن لان هم مسوين حار و بارد
لحد الظهر اجتمعو كلهم صاحولي ع الغدة كتلهم ماريدد .. رحت للغرفة نمت بفراشي بس دموعي تنزل اجتي هيفاء سئلتني ليش ما تغديتي
كتلها ما اشتهي نوب كالوو جايي .. كالت هيفاء كومي سوي جاي حبيبتي
رحت سويت و هم كاعدين بالصالة قدمتلهم و اخر شي زيد قدمتلة
زيد : هاي شبي خدج ولج
اديان: حساسية
ام محمد : هههههه ياا هاي بس انتي الحساسية مالتج راشدي
زيد: شنو منو ضاربج
اديان: محد
زيد : حلفي
ابو فهد : كافي شچلبت انتة
زيد: ليش وياها ابو فهد تراها جاهلة
ابو فهد: مالك غرض
اديان.. طلعت من الصالة ورحت غسلت المواعين يمكن حياتي صايرة عبارة عن نوم و مواعين
العصر اجوي ولد عمهم وصارت هوسة بالكراج اخذو اسلحة كلهم و طلعوا
ضلت هيفاء لازمة القران وتقرا ايات لحد الليل اجوي فهد و اخواتة بس اخواتة ضايجات
ب 11 اجوي الزلم وكعدو بالصالة ابو فهد و ابو و اخوتة و عمامة و وولد عمة هسة مو اكو مضيف شكد تفيكوون
وكلساع جاي مي لحد ما ايدي تكسرت اجتي هيفاء تساعدني و تقدم لان هم عادي النسوان تكعد وياهم
بس اني استحي لان اني غريبة و من خلال حچيهم سمعت سادين السالفة بأنو ظافر راح يتزوجها للبنية و اهلها يتبرون منها خطية
بس اني استحي لان اني غريبة و من خلال حچيهم سمعت سادين السالفة بأنو ظافر راح يتزوجها للبنية و اهلها يتبرون منها خطية
شكد انقهرت عليها ثاني يوم الصبح كعدت ع صوت طفل شفتة فهد ... هاي حبيبي
فهد: بابا يكول وين الدشداشة السمائية بساع
يريد يسافر
اديان... متت بدمي كتلة مادري غير بالكنتور
صعد الطفل واني طلعت غسلت وجهي سمعتة صااح ... وينجججججججج
صعدت اركض بدون اي تفكير
ابو فهد : الدشداشة ويين بسااع ما ضل وكت
-كلت بكلبي هو اني مكتولة مكتولة ... كتلة عمو
راح اكلك بس عليك الله لتضربني
شفتة مسح وجهة و گال ،، احچي بساع
-عمو و حق القران بيوم الي نكب المي ع الجواز نسيت الاوتي ع الدشداشة من الخوفة ... چيتها جملة كاملة بدون ما اخذ نفس قبل ليضربني
چان يطگها ضحكة .. وكال
ابو فهد : فدوا بوية فدوا بس عيب بعد لتچذبين وتخليني ادور
-من شفتة هيج رجع الدم بوجهي وغمضت عيوني وشكرت رب العالمين .. نزلت جوة للغرفة ورا ربع ساعة
دخل هو ولابس بنطرون اسود و قميص رصاصي و شعرة مرفوع ويلمع و دگم القميص من فوك
مفتوحة وبعد شوي و ينشگ القميص من گد ما اكتافة عريضة وايدة عبارة عن طوابق مال عضلات وصدرة كذلك وعطرة ترس الغرفة
جان لازم جنطة السفر بيدة والساعة الذهبية تلمع الباب جان مفتوح بس هو دكة علمود تكعد هيفاء و يودعها
اني مغطية راسي باللحاف واباوعلة اول مرة هيج انتبهلة بس خرب عرضة شيلبس يلوگلة
كعدت هيفاء هو كعد ع جربايتهة راحت تغسل وهو كاعد يمة فهد اجتي هيفاء ضلو يسولفون هو و ياها تقريباً نص ساعة عبالة اني نايمة
مادري يدري بية كاعدة دنگ باسني من راسي و طلع و هيفاء طلعت ويا صدگ عود هو شنو يبوس
ضليت بمكاني سمعت صوت زيد يحجي ويا ويمكن صوت بناتة من شفت البيت صار هدوء كمت لكيتهن ديسوون ريوك
ضليت بمكاني سمعت صوت زيد يحجي ويا ويمكن صوت بناتة من شفت البيت صار هدوء كمت لكيتهن ديسوون ريوك
وام محمد توزع ابتسامات هاي هلكدد تكرها خرب يومها شكد شايلة حقد تريكت وياهم و غسلت المواعين اجني زهراء و حوراء ضلن يسولفن وياي عادي
ويسولفن لمن راحن لبيت جدهن وخالهن مطلعهن بعدين كالت حوراء
حوراء : اكلج عدنة تليفون منريدة تريدي
اديان: لا شسوي بي
حوراء : طبج طوب مو زين
زهراء : انطيهيا يمعودة هاي تستحي
اديان،،راحن جابنة نزلن العاب وكالن لعبي بي اخذتة و رحت للغرفة العب بي شافتني هيفاء
هيفاء: هذا ميلج التليفون
اديان: حوراء و زهراء انطنيا
هيفاء: الله يهديجن
اديان ... مشت الايام عادية بس كمت احس روحي مشتاقتلة صار اسبوعين مسافر ويخابر بناتة و هيفاء بس اني ميخابرني ادري ما عندي تليفون بس حتلو
يكللهم خل احجي وياها بس البنات كلش حبابات وياي يوم نكعد نسوي كيك يوم جلي و نسهر بالليل وتجي ويانة سراب واني اكول ياربي يضلن هيج
ام محمد كلشش شادة وياي يومية مسويتلها حملة ع البيت و لو تغلط لو تضرب بس منو يدافعلي قابل
بيوم كالتلي تعاي نظفي الطباخ بديت انضف بالعيون مال الطباخ و هي تسوي روحها تمسح بالكاونتر جان تطبگ جامة الطباخ على اصابيعي شاغت روحي وكمت اطفر و اعيط اجوي يركضون زيد خطية بسرعة كال
جيبو طاسة مال ثلج بساععع اجتي سراب جابت وخلة ايدي بيها كمت افرفح من الالم بعدين شوية هدأت خلالي مرهم و هيفاء شدتها بالشاش وكالت روحي نامي ورا يومين يلا كدرت ارجع ..
احرك اصابيعي .. وجان بين فترة و فترة يجي خال فهد يشوفهم بس مادري ليش احس نضراتة مو راحة حتى هيفاء كالت هذا شعندا هالايام كاتلتة المحنة مسوي الدرب رايح جاي
وكل ما يجي يدبرلة حجة حتى يحجي وياي لو بيا صف لو هم ناوية تكملين بس من يكعد زيد يمهم ميتنفس حرف ...
