رواية الشيخ سلطان الفصل الثالث عشر بقلم زينب نور
سلطان
طلعنه اتجهنه البغداد شغلت التبريد الجو حيل حار
اباوع على شمس راساً غفت
جنها ملاك ونايم مديت ايدي رجعتلها الكشن ليوره فزت
كلتلها بس ارجع لكشن حته تاخذين راحتج
رجعته وهي نامت
صارت ساعه 8 طبكت يم مطعم كعدتها
شمس كومي اكعدي خلي نتريك
شمس/كعدت افرك بعيوني بيش الساعه
سلطان/صح النوم ب8 يله. كومي ننزل نتريك وشويه ابرد السياره. وغسلي وجهج
شمس/ماشي
نزلنه للمطعم طبيت كبل للحمامات غسلت وجهي شويه صحصحت طلعت كعدت نزل ريوك تريكنه
سلطان/ابقي هناك بس اروح ابرد لسياره حته نروح
شمس/مْـإأڜْـي
سلطان/اجيبلج بعد شي تاكلينه
شمس/لا شبعت
سلطان/طلعت سحبت صونده بردت السياره. ورشيتها شويه بالمي
شِفـٍـْْت سوبر ماركت يم لمطعم طبيت اخذت حلويات عصاير ونساتل واجباس وحب ذبيتهن. بالسياره وطبيت صحت شمس وطلعنه صعدنه السياره وكملنه طريقنه
شمس/شغل شي ترى ﺿًّـًٍٍوجه
سلطان/شكلي تليفونج وشغلي الي يعجبج
شمس/تمام ربطت فوني وشغلت اغاني شيرين احبها حيل اول اغنيه طلعت قصص شيوخ ومشايخ وضباط وفصليات
حبيتو بيني وبين نفسي
وبقيت ادندن وي الاغنيه
سلطان/اباوع عليها شلون تغني وي الاغنيه ومندمجه وياها
شمس/بقيت اطلع وحده ورا لثانيه كولهن هادئات مااحب لاغاني الصاخبه والضجه
وكل اغنيه تطلع اندمج وياها
سلطان/شموسه اكو علاكه حلويات. ليوره جيبيها
شمس/انداريت جبتها
سلطان/فتحي خلي ناكل
شمس/بقيت افتح وناكل سويه
نصيت لاغاني
سلطان عادي اسالك سوال ولو هو خاص بس حبيت اعرف السبب
سلطان/كولي عادي اسالي
شمس/انت ليش عازل نفسك عن زوجتك
سلطان/جريت حسره وحجيت وياها ويمكن اول شخص قررت افتحله كلبي واحجيله كلشي بداخلي
شمس اني جنت بالكليه احب ابنيه وتحبني حيل وياي طالبه ومتفقين على زواج جنت احبها لدرجه الجنون اعشقها اسمها هدى
وبيوم من لايام سنه 2007 صارت طلابه جبيره بين ابو زينب وعشيره ثانيه واجه لابوي دخيل يحله طلابته
وابوي سوه كعده بالمضيف مالتنه وحل لطلابه يعني جان راح اقل شي بيها سجن 5 سنوات وابوي حلها اله وكلشي تمام هنا ابوها كال لابويه مااعرف شلون اتشكر منك وبكلشي مااجازيك بس انه راح انطيك هديه بنتي الوحيده وهاديها لواحد من ولدك واتشرف بيكم
ابوي كله النه الشرف وتعرفين بالعشاير الهديه ماترد زحمه هنا ابوي كال لبت الك لان غسان جان بعده سادس اعدادي وانه الجبير ركبها براسي مااكدر اكسر كلمه ابوي قبلت ثاني يوم رحت لهدى حبيبتي كلتلها على الموضوع تخبلت بقت تبجي كلتلها انتي اخذج لان مااكدر اعيش بدونج واحبج تعاركت وياي وكالت مستحيل اخذ واحد متزوج كلتلها مارايدها للبت وانطوها هديه لابوي وعدنه ميصير نرفض زحمه ماافتهمتني ورفضتني وتركتني تعذبت وتاذيت حيل بوقتها عقدت على زينب وانه ماشايفها كرهتها حيل حسيتها هي السبب وهي خربت حياتي
ورا فتره هدى انخطبت لاستاذ ويانه بالجامعه واشوفها كدامي ضحك وسوالف وياه وطبات وطلعات بقيت افور الغيره كتلتني كتل احس بعد ماعندي ثقه بالنسوان هيج بسرعه تخلت عني وراحت لثاني بقيت احترك على البطيئ كرهت حته الكليه بس مجبور اكمل تزوجت زينب وانه مالي نفس بيها من اول يوم خصوصاً بقيت اقارن بينها وبين هدى زينب اميه وهدى مهندسه نفسي حته بالشكل هدى احلى بهواي زينب تممت زواجي بليلتها هيج حته بدون مااباوع عليها بس حته ارضي ابوي
بقيت وياها بــَس مرات اتقربلها مو دائماً صارت حامل حته مافرحت اجانه حمزه سنه2008 فرحت حيل بيه وانه سميته على اسم ابوي جانت فرحه لابوي ولامي ماتنوصف اول حفيد الهم من الولد بس بقيت مااتقبل زينب هي هم ماخاولت تجذبني الها يعن ماجانت تهتم بنفسها ابد وانه طالب كليه يوميه اشوف اشكال البنات المكياج والكشخه ارجع للبيت زوجتي لاحمره لاكحله حته من تنام يمي بالدشداشه مالتها وريحة طبخ بيها حته مالي نفس اتقربلها واستحي اكلها رتبي نفسج ومكيجي لبسي سيتات نوم عفتها على راحتها وهي الله شاهد ممقصره وياي بشي ملتبسي دومهم نضيفات ومكويات ولبيت شايلته شيل حته غسان جان ممتزوج هي قايمه بواجباته طبخ وتنضيف كله عليها تخرجت وصارت عدنه هيا من بعد ماصارت هي انه جان دوام عندي اكعد من الصبح وهي هستوها صايره الليل كله تبجي وتنغوص هنا حته ادور راحتي سويتلي غرفه وحدي سويت علاقات حب بــَس هيج احس نفسي مااتقبلهن كلبي من هدى وقفل بابه حته زينب ابد ماحبيتها حاولت ماكدرت ولاهي سوتلي واهس او جذبتني حته احبها احترمها وممقصر وياها بشي بس هذيج الشغله نفسي متتقبلهازماادري حاولت ماكدرت بس بقيت كل فتره انام يمها يعني كل شهرين هيج مرات امي تلح عليه وميصير وحرام هاجرها اتقربلها
لحد هذاك ليوم الي فاجئني بزينب اول مره من تزوجنه اشوفها لابسه سيت حلو ومكياج حلو تفاجئت حيل توقعت امي ورا لسالفه بس بعدين اكتشفت انتي وراها باوعت عليها وغمزتلها
شمس/من غمزلي متت خجل احس وجهي صار احمر
سلطان/ايييي بس العطر يموت
شمس/ابتسمت ودرت وجهي
سلطان/جايبته وياج
شمس/اي عطري المفضل مااستغنى عنه
سلطان/اييي وبالعيد هم انتي وراها موو ولج ملعونه
شمس/ضحكت بصوت كوتله ايي
سلطان كولش انقهر على زينب لان فقيره. و24 سـَاعه بالمطبخ تشتغل حته ايه مااشوفها تشتغل بكدها
سلطان/هي من تزوجتها و24 ساعه بالمطبخ لوبيدها حته تنام بالمطبخ
تدري حته مااحس روحي متزوج ابد صارلي 9 سنوات متزوج وعمري صار 31سنه سنه وعبالك اعزب بعدني انه هم خالي حال الشباب اريد مرتي يوميه الكاها مرتبه ومعطره لبس يجذب كلام غزل تسمعني زينب كلشي ماوراها ولو انه هم من بعد حب هدى وباب كلبي قفلته
شمس/زين هم عندك تواصل وياها او تعرف شي عليها
سلطان/ورا التخرج سمعت بيها تزوجت وغيرت رقمها بعد مااعرف عليها شي
شمس/بعدك تحبها
سلطان/جريت حسره وكلت اييي بعدني ودومها ابالي اريد انساها ماكو حته مرات اتقرب لزينب واكول افتح. صفحه حديديه وانسى هدى بليل افكر هيج والصبح اكعد راساً تجي ابالي.
تعبت اتمنه انساها واعيش حياتي تدرين ردت اسمي هيا هدى بس امي ماقبلت عاد سميتها هيا كلت المهم نفس اول حرف
شمس/انشالله تكدر تنساها وتعيش حياتك طبيعيه وي زوجتك واطفالك وزينب كولش حبابه والله حاول تتاقلم وياها واني بالفتره الي موجوده بالعراق راح اعلمها هواي شغلات احاول اغيرها مثل ماتحب انت
سلطان/باوعت عليها وكلت الله كريم
وصلنه لبغداد
سلطان/اكلج هذوله بيت صديق ابوج وين بيتهم بالضبط
شمس/اعرف المنطقه بــَس البيت بالضبط مااعرف خلي اتصل على عمه يوصفلك
اتصلت عليه كولتله اني جايتكم وي ابن عمي ونطيته الفون وصفله المكان بالضبط
سلطان/اندليتهم شويه ونوصل
وصلنه لاقرب نقطه عليهم كوتله ايي اتذكرت من هنا فرعهم طبينه للفرع وكفنه اباب بيتهم
سلطان/نزلنه دكينه الباب ساكنين بمنطقه راقيه والبيت فخم طلع رجال لابس بنطرون وقميص من عمر عمي راساًحضن شمس وبقه يبجي وياها وهي هم تبجي وياه
سلم الرجال عليه
ورحب بينه طبينه للبيت اجتي مره سافره بدايه الخمسينات تقريباً عمرها سلمت عليه وحضن شمس تبوس بيها
الضاهر علاقتهم قويه بيهم
اجني بنات اثنين وحده مبينه اصغر من شمس ووحده بعمرها يحضنن بيها ومشتاقيلج يعمري وحبيبتي ويولي
سلمن عليه كالن مرحبا كلتلهن اهلا مرحبا
الجبيره لج شمس شنووو تزوجتي ومعزمتيني
شمس/لا هذا سلطان ابن عمي الجبير
الابنيه/ضحكت يولي والله توقعته زوجج كولت معقوله شموسه تزوج بالعراق ومتعزمني حته اموتج
اخذن شمس وطلعن
بقه الرجال يمي
نسولف آٌنـي وياه قدمتلي المره عصير
وكعدت بقو يسولفون على عمي وشلون علاقتهم قويه بي
الرجال دكتور جان يدرس وي عمي هناك متعرف عليه بالدراسه بس هو راجع وعمي باقي هناك ومرته هم دكتوره وبنته جبيره متزوجه هم دكتوره والي بعمر شمس صيدلانيه تدرس والصغيره اعداديه
كولتلهم اني مهندس وموضف وعندي كتاب لازم اوصله للوزاره واجيت وشمس اجتي وياي حته تشوفكم
شويه وكالت المره يله تفضل على الغده رحت واياهم غسلت وكعدت على الميز بغرفه الطعام خاصه تابعه للمطبخ
كعدنه كولنه سويه تغدينه
الرجال /اكيد تعبان وجاي من سفر وسياقه اتعب طب ارتاح طوبني لغرفه وبيها حمام طلعت جبت الجنطه مالتي وطبيت سبحت ونمت شويه شمس بقت يم البنات امنت اهم شي ماعدهم شباب
نمت شويه كعدت ب6 خابرت شمس كلتلها اريد اطلع واستحي
اجتي عليه كالت انطيني تليفونك اكنكلك وكتبتلي رقمها بريطاني بي الواتساب كالت اي شي تريد راسلني ليش تخابر ع الرصيد
طلعنه الرجال والمره مموجودين كالت راحو للعياده
استحيت باقي بالبيت والرجال ماكو همه عدهم عًـًـًآدًيً بس انه استحي بدلت وطلعت كلت الشمس رايح للكاظم ازور وارجع
شمس/تمام واحنه راح نطلع للمول هيانه قريب عليهم
سلطان/بس انتبهي اللبسج عود ولتتاخرين بره
طلعت فلوس نطيتها كلتلها خاف تشترين شي
شمس/مااريد عندي
سلطان/ميخالف اخذيهن اشتري ملابس عود هنا حلوات بس اهم شي مستورات ماشي
شمس/ماشي شكرا
طلعت للكاظم زرت وبقيت لليل كلت بين مايرجع الرجال
خابرت الشمس
كالت تًٓعْــّاٰلٍْ اني رجعت وعمو وخاله موكودين يسالون عليك يله تعال على العشه
كلتلها لا تعشو اني اتعشيت هنا
اخذت حلويات وياي ورجعت لبيتهم
كلتلهم انه رايح لفندق ابات
الرجال ماقبل شنو فندق وبيتي موجود وانت ابن اخو حازم يعني ابن اخويه ماتطلع منا اله هنا تبات
كعدت شويه وي الرجال وشمس عايفتني ولايمي
شمس/طلعنه للمول اني و سالي و سرى
سلطان نطاني فلوس هوايه كومه اشتريت ملابس بحيث رجعت محمله وياي كومه علاليك وهم اخذت ملابس الزينب والايه الاطفالهم كولهم اجه سلطان بقه يم عمو كاعدين يسولفون واني وي البنات بغرفتهن ماعدين نسولف هنا صديقاتي گـِْـِْلِْ منجي اني وبابا نبقه يمهم
علاقتنه كولش قويه
سلطان ساعه 10 طبيت للغرفه بقيت متمدد ع الجربايه عطشت ماكو يمي مي
راسلت شمس عالواتساب
سلطان/الوو شموسه
شمس/هاا سلطان
سلطان/كاعده
شمس/اي كولهم نامو بقيت بس اني هستوني طلعت من الحمام جنت اسبح راح انام محتاج شي
سلطان/تعالي جيبيلي مي عطشان حيل
شمس/تمام نازله هسه
جنت هستوني طالعه مٰـ❧ـِّنِْٚ الحمام لابسه دشداشه ربع ردن قصير لفيت شعري بالمنشفه ونزلت اخذت من المطبخ مي الكل نام همه طبيعتهم ينامون من وقت جانت ساعه 11 ونص اخذت مي وطبيت للغرفه الي نايم بيها سلطان
لكيته لابس فانيله ومتمدد ومتغطي ع النص
شمس/تفضل
سلطان/كعدت شربت مي
ولج عطشت حيل شربت
وخليته يمي على الميز
شنو بعدج. ماامشطه
شمس/اي دا اريد امشط وانت راستني ونزلت
سلطان/شِفـــٰٰتْ المشط بيدها لازمته سحبته من ايدها
كولتلها اكعدي يمي
كعدت وخرت لمنشقه وبقيت امشطلها
شمس/اخذ لمشط مني ومعدت مقابيله وخر لمنشفه وبقه يمشطلي بشعري على كيف حسيت بلمساته الحنونه
كمل ودرت وجهي ابتسمتله
ششتريتي اليوم من المول
شمس/اخذت هواي ملابس حلوات لتخاف مستورات واخذت حته للبنات وللجهالي هم تدري اخذت فساتين الهيا يجننون قصص شيوخ ومشايخ وضباط وفصليات
سلطان/ صافن ومبتسم على حركاتها وسوالفها
تدرين انه خايف عليج
شمس/عقدت جواجبي وليش ومن شنو
سلطان/من كلشي انتي صغيره وحلوه اخاف عليج حته من تطلعين تدرين مرات حته من روحي اخاف عليج
شمس/ضحكت شلوون قابل راح تاكلني حته تخاف عليه من روحك
سلطان/صفنت على ضحكتها العفويه
جريت حسره وفركت شعري لااا موهيج قصدي
يله روحي نامي اني وراي كعده للوزاره اوصل لمتاب وارجع
شمس/تمام تصبح على خير
سلطان/وانتي من اهلو
طلعت شمس
وانه نمت سويت منبه ب8 اكعد
دك لمنبه ب8
كعدت سبحت وبدلت لبست قاط اسود وقميص ابيض ورباط رصاصي وبي اسود رتبت شعري ورشيت عطر استحيت اطلع وحدي
اتصلت على شمس مرتين ياله جاوبتني نايمه كوه تحجي
سلطان/تعالي وينج اريد اروح اتاخرت واستحي اطلع وحدي زحمه
شمس/ايي راح انزل
ميته نعش وشعري مكفش افرك بعيوني نزلت فتحت باب الغرفه
كولت شنوو رايح تخطب شنو هالاناقه
سلطان/لج قابل اول مره البس قاط ام كفشه
شمس/تريك اشرب جاي ع لاقل
سلطان/لا ما الحك تاخرت
اباوع على لبسها ربع ردن وقصير
كلتلها بس مو تفترين كدام الرجال هيج بهذا اللبس البسي شي طويله وردنه اطول
شمس/مااشي
طلعت شغلت السياره وبوجهي للوزاره سلمت الكتاب وخلصت شغلي كله ورجعت لبيت صديق عمي
طبيت سلمت عليهم صبو غده تغدينه
وطبيت للغرفه كلت آنام ورايه طريق
راسلت شمس
سلطان/شموسه حضري نفسج بليل كلش فد ب3 طالعين للبصره
شمس/ماشي راح احضر غراضي
حضرت غراضي بقيت بس ملابس البسهم من اروح
العصر طلعو عمو وخاله للعياده
بــَس اني ولبنات بالبيت بقينه
نزلت طبيت للغرفه الي نايم بيها ساطات. لكيته نايم على بطنه لابس بس شورت حته لفانيله ملابسها معدت على طارف الجربايه اضافيري طويله بقيت امشيهم على كيفي على ضهره بقه يعقج بوجه هو ونايم لنوب مشيتهن على لحيته فتح عيونه ابتسم هااا شموسه هاي انتي
شمس/لعد قابل منو
سلطان/كعدت وسحبت الغطه لحد بطني لان لابس بس شورت
بيش الساعه
شمس /ساعه 6
سلطان/هم راح للعياده ابو سمر
شمس/اي@abbas haji ٠٠٠
سلطان/خلي اسبح وابدل واطلع زحمه ابقه بالبيت والرجال مموجود
شمس/ترى كولش عادي شبيك همه اصلاً عًـًـًآدًيً عدهم
سلطان/همه عدهم عادي انه ماعندي عًـًـًآدًيً عيب
يله روحي خلي اكوم اسبح وابدل
شمس/زين وين راح تروح
سلطان/امر على صديقي هنا ابغداد جان وياي بالكليه يدرس اقسام داخليه جان
شمس/تمام بس مو تتاخر ب3 نطلع مو
سلطان/انشالله
طلعت شمس
وخرت الغطه وكمت سبحت وبدلت وطلعت لصاحبي كعدنه انه وياه بالكوفي شربنه نركيله. ولنوب تعشينه لليل رجعت. للوادم كالو تتعشه كلتلهم اتعشيت وي صاحبي
ترخصت منهم كلتلهم خلي آنام وراي طريق وسياقه
طبيت ب10 بقيت اكلب بالتليفون لحد ساعه 11 سويت منبه ب3 ونمت
دك لمنبه
كعدت انصلت على شمس
كعدتها كلتلها يله تحضري بسرعه
كمت بدلت واخذت الجنطه مالتي
طلعت لكيت شمس والرجال والمره واكفين بالهول كالو بالسلام توصلون بس امانه عود ةيبلنه شموسه قبل لتسافر كلتلهم انشالله سلمت عليهم وتشكرت منهم على الضيافه وطلعنه
صعدنه بالسياره
شمس/راح انام نعسانه
سلطان/رجعي الكشن ونامي
نامت ساعه 6 كعدت بقت تباوع على الطريق
شمس/اكولك شو عبالك مو نفس الطريق الي اجينه بي
سلطان/ضحكت والله ذكيه اييي صَـَـ(✓)ـِـًـح اجينه من طريق الجنوب وهسه طالعين من طريق الشمال
شمس/الشمال شنووو لَيــِْش ﯙيـن رايحين
سلطان/باوعــت عليها وغمزتلها رايحين لاربيل
شمس/فتحت عًـٍُُيُِِِِنها شنو ماخذني لاربيل
