رواية زواج إجباري عشق السيد الفصل الثالث عشر بقلم جمانه السعيدي
اماني....حضرت الاكل
وصحت عليهم محد قبل يجي ياكل
حتى السبد لكيته طالع ماكوووو رجعت الاكل ورجعت صعدت الغرفتي
كعدت افكر شلون راح اخلصه وياا سكينه
مبينه حياله وخبيثه ومسيطره شلون كدرت تقنع الكل
بجذبته وكلبت الطاوله عليه
اني غشيمه وماعندي هاي الحيله أبد شلون راح تخلص وياها ماادري
نمت وكعدت العصر نزلت لكيت ام حيدر كاعده يمه ويحجن عليه
وأم حيدر تدعي عليه انشاء تنكسر ايده صدك فكر وماشايفه شلون اتمد ايدها عليج
انت خيره وبت اوادم وساكته عليه اني منج اطرده بلشارع
هاي مو مال بيت وتكعد وتسكت
هاي المخبله هيج تسوي وانت تسكتيله
سكينه....شنو اسكتله اذا ماهججه بليله ضلمه فلا اني سكينه مسويه نفسه فقيره تريد تخبل السيد
خوش ولله اني اتعب وهي تجي على الحاضر تسكن بيتي
وتتامر براحته
اني اعلمه
اماني...عفتهن ودخلت للمطبخ ذني عصابه واني وحدي مااكدر عليهن
لكيتهم ماكلين الاكل كله وماعايفلي غدا واني الي طبخت وتعبت
سويت لفه زلاطه واكلت وشربت جاي وسكتت
حضرت العشى
وصعدت صليت ونزلت حضرت الاكل وصحت السيد اجا كعد
وصاح الولد وسكينه اجت تتعاير
سكينه...اي دايخه يمه الحكولي الكاع تفتر بيه
كام يوسف وسنده وكعده
عصريته كله تسولف وتضحك مابيه شي من تشوف السيد تسوي نفسه تريد تموت
شلت المواعين وحضرت الجاي السيد اجو ناس اخذ الجاي ودخل عليهم
واني نضفت المطبخ كملت وصعدت الغرفتي
اليله ليلتي سبحت وبدلت وتعطرت
وكعدت انتضر صارت الساعه ١١ وماكو السيد
هو الساعه عشر بليل تخلص الناس الي تجي
نزلت اشوف ليش اتاخر
جمانه السعيدي
لكيته كاعد يم سكينه
اماني....يله سيد عندي سالفه اريد احجيله الك
راسا سكينه لزمت راسه وصاحت اخ راسي يمكن ضغطي صعد عيوني كامن يغشون
السيد...اصعدي اماني هسه اجي وراج
سكينه...سيد بروح عمي سيد علي لا تعوفني راسي يوجعني اخاف اتخربط بليل ولا الولد يمي ولا اكدر اصعد الدرج حتى اصيحك
اليله نام هنا يمي ترا اماني مراح اطير موجوده
موهي سبب هاي المشكله خل تتحمل نتائجه
السيد...اصعدي اماني اطمن على العلويه واجيج
سكينه...اي راسي راح اموت ياربي
تعال سيد قرب اقرالي شويه
بلكت اصير احسن
هي ممدده على الجربايه كعد السيد بصفه راسا نامت على صدره
سكينه...اي سيد اقرالي اني تعبانه
اماني....هزيت ايدي وصعدت الغرفتي هاي من كل عقله
ابنه بكدي وبعدها بهاي السوالف
تتعاير حتى لا يصعد يمي واحجي وياا وااثر علي
مو مره هاي بلوه
صعدت وكعدت انتضره الساعه وحده وماصعد
للوحده ونص وماكوووو ياربي وين راح
نزلت لكيتهم كلهم نايمين
والسيد وسكينه سادين الباب ونايمين
اماني....دكيت الباب اريده يصعد حتى احجيله الحقيقه
لان طول النهار ماكدرت احجي ويااا
اماني....سيد ...سيد هادي...شنو نمت
سكينه...اي نام وانتي روحي انطمري شعدج الهسه كاعده
السيد......اي اجيت
سكينه....مو نايم ومرتاح شيصعدك فوك هسه كمل نومتك
اذا كمت تروح نومتك
سكت ومارد عليه
اماني...سيد ليش ماصعدت فوك اني بقيت انتضرك
السيد... هسه اجيت
سكينه....اخ يايمه راسي طبعا كام يوجعني لان نمت وفززتني هاي البومه كوه غفيت اخذت مسكن يله نمت
الله لا يوفقج اماني
السيد...حاولي ترجعين تنامين سكينه واذا احتاجيتي شي
بس صيحي عليه من الدرج
طلع من الغرفه وهي تصيح شلون أنام بعد طارت النومه من عندي الله يقلق راحتج اماني
صعدت اني قبله وهو يمشي وراي
بس دخلنا للغرفه حضنته وكتله ليش عفتيني انتضرك
السيد...يابويه ولله تعبان اليوم
اماني.... اقسم بلله وداعتك انت واني ماحلف بيك جذب اني ماقربت عليه ولا ضربته هي ضربت نفسه
حتى تترتكب عليه وتاخذك مني
السيد...خلي هذا الحجي للصبح اريد انام
جمانه السعيدي
طبعا هي ماهان عليه يصعد يمي واحجيله الحقيقه
رجعت ضربت الجرح حيل حتى يرجع ينزف مره ثانيه
وصعدت كسرت الباب
السيد فتح الباب شاف الدم على وجه
السيد...شكووو شبيج شنو هذا الدم
سكينه....كمت اشرب مي ودخت ووكعت ورجع الجرح ينزف
مره ثانيه مو كتلك لا تعوفني
قابل اماني شبيه جنها حصان اني تعبانه
راسا لزمه من ايدها ونزلو سويه
واني طكيت من القهر ياربي مااكدرله هاي شيطان مو مره
جمانه السعيدي
استسلمت ونمت اريد اشوف شلون راح تخلص وياها
الصبح كعدت لكيتهم كاعدين يتريكووون
صبحت عليهم وكعدت اكل
تسولف على السيد وتضحك
اباوع شاده راسه ومضمدته
يمكن مستعده تضرب نفسه طلقه ولا السيد يصعد يمي
السيد....اليوم دزي على ام حيدر خل تنضف اماني ماتكدر وحدها وانتي راسج يوجعج
سكينه...اي انشاء الله
السيد اليوم يردونه مشيه بغير محافظه ومايرجع اله بليل
بس طلع من البيت وطبك الباب
هي استلمتني اوامر
سكينه....يله طلعي غراض المضيف واغسلي واغسلي فراشاته كلهن وطبخي غدا اكو غراض دولمه بلثلاجه
بسرعه حضريه للغدا الولد يحبون الدولمه
وطلعي دجاجه اشويه بلفرن واكو ملابس تارسه الحمام اغسليه غسل زين مو شلون مجان
اماني...هذا الشغل هواي مو السيد كال دزو على ام حيدر
سكينه....شنو شنوو ماسمعتج
شنو حضرتج معلمه على خدامه ...شو جنتي بيت اهلج
تكرفين ليل نهار ونص بطنج جوع
تردين تصيرين براسي هانم
تشتغلين وغصبا ماعليج وأم حيدر انسيه بعد انتي الخدامه بهذا البيت
اماني...اني مامجبوره اخدمج اني زوجت السيد حالي من حالج
سكينه....ههههه ههههه هههه ضحكتيني ماسمعتج زين
انتي الحافيه الفكر حالج من حالي
انتي شايفه نفسج زين
ابد لا تقارنين نفسج بيه اني العلويه الي متعلمه الناس تخدمني من اني زغيره
اهلي وعيالي اغنياء يعني متعلمه على الخير
وانت الفكر بت الفكر الي خططتي حتى تاخذين السيد
لان طمعانه بفلوسه
ولا تكولين احبه
ماكو وحده تحب واحد بكد ابوها
وهو هم مايحبج نزوه كم بوم وراح يشمرج بلشارع
وترجعين البيتكم الي اجيتي منه
وساعته حتى ببتكم اشيلكم منه
فهمتي لو لا
اماني... اني مو خدامه عندج ولا بت فكر ولا خططت حتى اخذ زوجج انتي الي جبرتينا ثنيينه على هاي الزواجه
ومادام انتي السبب بهذا الزواج
اتحملي نتائجه
جمانه السعيدي
وعفته وصعدت الغرفتي قفلت الباب عليه لان ماله امان ابد
وهي نزلت عليه غلط وسب وفشار
وماخلت كلمه ماكالته
تصيح وراي بصوت عالي صارت براسي شريفه
وهي يوميه كاعده بمضيف السيد ادكله ناعم والنوب تكول اني السبب
قصدج اني الي كشفتج على حقيقتج وفضحتج بلمنطقه
واهلج رادو يخلصون من عارج وشمروج علينا
انتي خدامه بهذا البيت فهمتي لو لا
اماني....كمت ابجي شلون راح اتحمل ياربي هاي محد يكدر عليه والسيد على طول مشغول
خوما يكابلني ويكعد حتى يكشف مكرها
واني لا حول ولا قوه وين اروح هي حتى ماتنطيني مجال احجي ويااا السيد وافهمه الي جاي يصير وباي
اني مايهمني الشغل والشغل مايموتني
بس اشتغل بحق الله يعني السيد كال خل ام حيدر تجي تنضف هي تكول اي وبس يطلع تركب الشغل كله براسي
خل يجي السيد واحجيله كلشي
اني وياها مانرهم سوا ابد
هي تحس هذا بيته مو بيت السيد واني احتليته
ومالي اي شي بي
وتعاملني بتكبر وكلمه والثانيه وكالت بت الفكر
ابد مااكدر اتحمله بعد
بقيت بغرفتي لليل وهي كل شويه واكفه على الدرج
وتغلط وتسب وتسمعني كلام اشكال
ياربي شكد مفروسه مني
