رواية رماد انثي الفصل الثالث عشر بقلم جمانه السعيدي
مرام....خلال ١٠ ايام اخذها عقد بلمحكمه
وطلع جواز السفر وحضرو كلشي
اليوم ١٢ كان يوم السفر الطياره الساعه وحده الضهر
اجا تغدا عدنا بيوم السفر طول ماكاعد تليفونه مانزل من ايدا ابد
وكل اتصالاته اليوم اوصل كلشي تمام
بس اجي اكمل كلشي
من رادو يطلعون
مرام....صميم اختي امانه عندك هيام الزغيره المددله
دير بالك اتاذيه لو تكسر خاطره
صميم....هيام بعيوني هاي حبيبتي عفت بنات دبي وبنات العراق واجيته شلون ااذيه
اوعدج راح تسمعين اخبار حلوه
ودعناها ودموعنا تجري اني وامي بس هي عبالك كلبه من حجر ودعتنا وماتصدك تطلع من بيتنا
ماقبلت نروح وياها للمطار
مرام...ديري بالج على نفسج واول ماتوصلين اتصلي بينا
طمنينا عليج
هيام...تمام
هي طلعت وطبكت الباب واني كمت ابجي
لا مو بجي عادي اعيط بصوت عالي
وامي كابلتني وتعيط وياي
مرام....يايمه فرغ البيت علينا
امي....اي ولله البيت خالي من بعده.. قصص وروايات عراقية كرار صلاح
مرام...رغم جانت نايمه ٢٤ ساعه وماله تفاعل بلبيت بس وحشه عليه
اتصل عليه عادل بس شفت الاتصال
مرام....اهي اهي راحت عادل راحت هيام
عادل....ولله عرفتج راح تكلبيه مناحه بابا لا تبجين موخوش فال عليه
ادعيله بلسعاده والفرح
مرام...اهي اول مره نتفارك ابد مامتفاركين اني وياها طول عمرنا
عادل...على كيفج اهدي شويه هسه توصل وتتصل عليج
ترا هسه الاتصال عادي
كل شويه اتصلي بيه وافتحي كامرا وطمني عليه
مرام....مقهوره وضايجه عليه
عادل...استغفر الله هاي شبيج كولي يالله
سديت التليفون وبقينا اني وامي وحده مكابله الثانيه
ولا كمنا للبيت ولا طبخنا
شغلنا التلفزيون وكعدنا
ورا اذان المغرب اندكت الباب فتحته عادل
عادل...شلونج
مرام..شلوني كلبي يوجعني على فراك اختي
عادل ...اني جاي عازمكم نتعشى بيتنا
مرام...لا مااكدر
عادل...شنو ماتكدرين يله جيبي امج وتعاي امي بقت وحدها
اطلعي شويه من البيت
مااريدج اضوجين
مرام...ماقبل يروح اله اخذني اني وامي وياااا
رحنا لكينا جايب اكل جاهز اني حضرت السفره
وكعدنا ناكل
اني كوه اكل ضايجه على فراك هيام وحاسه اني مااديت مسوليتي اتجاها
ماددقتت وياا صميم وماعرف كلشي عنه
وعفته تتصرف بكيفه
هسه لو بلعراق ماانقهر بس بعيده
جمانه السعيدي
بس غيرنا جوا شويه وبعد العشى
عادل...خاله اني اريد اطلب ايد مرام اني احبه
واريد ازوجه على سنة الله ورسوله
انتي شفتي وضعنا واني انشاء الله أسعدها كد مااكدر
ومراح اقصر وياها ابد
امي...بكيفه هي جبيره وتفتهم وتعرف مصلحته وين
عادل...هاا شكلتي مرام
اذا موافقه حتى ابدي اجهز شويه شويه اجيب غرفة نوم
واغير شويه بلاثاث
ويمته مانكمل نزوج بحيل الله
مرام....وامي
عادل...امج اخليه على راسي من فوك اذا ماتشيله
الكاع اخليه بعيوني تجي تعيش ويانه هنا
وبيتكم تردون تاجرو تردون تعوفو واني قسما بلله
ربع ماأخذ من راتب مرام كله اله والخالتي
واتكفل بلعيشه كله هاا شكلتي موافقه
مرام....هااا يمه شكلتي
امي....ولله اني احب عادل خوش ولد موافقه
من رجعنا للبيت اتصلت هيام كالت وصلنا البيتنا
فتحت كامرا وصورت الشقه
تخبل والأثاث كله حديث
كل يوم نتصل ونحجي وياها
شكد فرحانه كل يوم يطلعون مكان ويتونسون
وهي تكعد تحجيلنا على طلعاتهم وسفراتهم
حسيت نفسي شويه اطمنت من شفته مستقره وسعيده
يمكن اني جنت ضالمه صميم
ثاني يوم رحت للدوام
احلام...شنو الاخبار هيام سافرت
مرام...اي الحمد لله اطمنت عليه اتصلت وشفنا الشقه تخبل
احلام...الله يسعدها
مرام...وبعد عندي خبر حلو
احلام...بالله
مرام...عادل خطبني رسمي من امي
احلام...بلعافيه ولو اني عادل ماعاجبني ابد
مرام...احبه ويحبني وهذا كافي بلنسبه اليه
احلام...الله يسعدج حبيبتي
بدا عادل يجهز للعرس جماعته بلعلوه اشتروله غرفه
ودخل سلفه ام خمسه مليون وانطو اول اسم علمود الزواج
طبعا الخمسه اول مااستلمهن انطانياهن كال اشتري ذهب وجهزي نفسج
الصراحه هنا الخمسه مايكفن بس اني مجمعه كم فلس
جمعتهن من كامت هيام تشتغل وتنطيني
ضاميتهن للعوز خفت هيام تعوف الشغل وترجع حالتنه الماديه تتازم مره ثانيه
اول شهر السفر هيام كل يوم تتصل ونحجي ونطمن عليه
ثاني شهر قلة اتصالاته
واذا تتصل تحجي كلمتين وتسد الخط
تكول مشغوله بعدين كالت لكيت شغل
بس مو نفس اول ماسافرت كنت احسه حزينه وتعبانه
بس ماتقبل تحجي تكول تعبانه من الشغل
واني هم مااريد الح عليه هوواي
لان مااعرف ضروفه شني
خلال ٣ اشهر كملنا كلشي اني وعادل
وقررنا حفله وحده المهر والعرس لان مانريد تكاليف هواي
حجزت بلصالون
اتصات بهيام ردته تحضر حفلة زواجي اختي الوحيده تمنيته موجوده وياي
بس اعتذرت كالت مااكدر اجي
هيام....الف مبروك اتمنالج السعاده من كل كلبي
ضجت تمنيته تكون وياي بهيج يوم
بيوم العرس رحت للصالون
اول مره اسوي هيج تغيير جذري
حفافه على نضيف بشرا وكصيت شعري وميشت
اني ماعرفت نفسي
طالعه مو مرام وحده ثانيه
اخذت صور ودزيتهن الهيام
بس شافتهن ماعلقت عليهن كلت ايجوز مشغوله
وعذرته
اجا عادل ياخذني من الصالون
بش شافني بقه واكف وبباوع عدله النضاره
عادل...هي هاي مرام لو بدلتوها بوحده ثانيه
مرام...شنو قصدك اني مو حلوه
عادل...بشرفي احلى وحده شافته عيوني بلدنيا
طلعنا من الصالون وهو بيد لازمني وبيد شايل البدله
الزفه تكفلو بيه جماعته تخبل تخبل
امي وامه عافن البيت النا بيوم عرسنا وبقن بيت اهلي
دخلنا للبيت حضني وشالني
عادل...واخيرا صرنا بيت وحدنا
واخيرا اسمج انكتب على اسمي
مرام....الحمد لله
عادل.. مبروك حبيبت كلبي وعيني وروحي.. قصص وروايات عراقية كرار صلاح
مرام...الله يبارك بيك
عادل.دخلنا وبدلنا لكينا ام مرام محضره الاكل اشكال واللوان
مرام...خل نتصل على امي وامك طبعا ام عادل كله على كرسي متحرك بس تحجي وايد تحركه وايد لا
بس وضعها احسن من قبل الف مره
عادل....هلو امي شلونج
ام عادل...الحمد لله بلخير عليك يمه
عادل...رحمله والديج وين ام مرام
ام مرام...بلعافيه تستاهلون كل الخير
مرام...شكرا امي
عادل..اني عندي اقتراح ليش مانزوجن اثنينجن الشايب
واحد احس ما بقيتن هيج
ام عادل...لا خلينا حبايب اذا ازوجنا شايب نتعارك علي
عادل...بكيفجن عود ردت افيدجن
ام عادل...معليك بينا فيد نفسك
عادل....اني من عرفت مرام الدنيا ضحكتلي
مرام...دخلنا انام بعد يوم طويل ومتعب وكان عادل بمنتهى الحنيه والطافه وياي
شكد حمدت ربي وشكرته لان مافرطت بي ابد
ثاني يوم امي طبخت غدا وتصلت علينا رحنا تغدينا
وجبنا امي وأم عادل ويانه
ثالث يوم رحنا للزياره كلنا وبقينا يومين ورجعنا
هاي الايام احلى ايام بحياتي كلها تمنيت ادوم للابد...!!
